Archive for month: May, 2021

9 мамыр – Ұлы Жеңістің жалауы желбіреп, ел басынан қара бұлттың сейілген есімізде мәңгі қалатын ерекше күн. Бұл күндер – бейбіт елдің тыныштығын әуеде, құрлықта, теңізде қорғап, өз тағдырын ел тағдырымен байланыстырып жүрген әрбір азамат үшін айтулы мерекелер.
Қазақстан бар ұлысқа шаңырақ, бар ұлтқа ыстық ұя, Ұлы мекен. Мен үшін елімнің , жерімнің амандығы бірінші орында тұрады. 140-тан астам ұлт пен ұлысты бауырына басып, шаңырағынан орын берген еліміздің қай саласына да енжар қарай алмаймын. «Отан отбасынан басталады» қазақ халқының аталы сөзі бар. Менің шағын мемлекетімде Отанға деген  құрмет ерекше. Себебі, бас сауға іздеген нәубетті уақыттарда пана болған қазақ елінің жақсылығын қалай ұмытайық. Мұндай  көзсіз ерлікті келер ұрпақ естіп, біліп, жадында сақтауы керек. Болашақ ұрпақтың елді, жерді көздің қарашығындай сақтап, аманатты аялау негізгі міндеті.

Елдің тыныш ұйқысын күзетіп жүрген ер азаматтар еңбектеріңіздің  жемісін көріңіздер. Сіздерге, халық үшін атқарып жатқан қалтқысыз қызметтеріңізге, ел үшін жасаған ерен еңбектеріңізге табыс тілейміз. Бұл мереке Тәуелсіз еліміздің өзіндік қорғаныс қабілеті бар екенін білдіретін мереке.  Армиямыздың айбынын асқақтататын сардарлар мен сарбаздарымызға қандай құрмет көрсетсек те жарасады. Ендеше егеменді еліміздің отын сөндірмей, қорғаныс жүйемізді бекем ұстап келе жатқан барлық Қазақстан азаматтарын төл мерекелерімен құттықтаймыз! Біздің тәуелсіздігіміз бен тұтастығымызды, тыныштығымыз бен бейбіт тірлігімізді қас қақпай күзетіп тұрған, халқымызға қорған болған ұлттық әскеріміздің айбыны арта берсін!

Эсмира Мамедова

«Мехрибан» әзірбайжан этномәдени

 орталығының төрайымы

#7мамыротанқорғаушыларкүні

#9мамыржеңіскүні

7 және 9 мамыр мерекелерін Қазақстан халқы Отанға деген патриоттық сезіммен, зор мақтанышпен қарсы алады. Айтулы мерекелер күні таяғанда кеудені шаттық пен қуаныш билейді. Мамыр дегеннен Отан үшін от кешкен намысты, жігерлі, рухты, бабалар мен бүгінгі солардың ұрпағының ел үшін аянбай еңбек етіп жатқаны елестейді.

Еліміздің басына орнаған бүгінгі бейбіт күн, ашық аспан, тұрақтылық пен береке, ырыс пен несібе Отан қорғаған батырлардың, қаһармандардың арқасында келген. 140-тан астам ұлт пен ұлыстың бүгінгідей қой үстіне бозторғай ұялаған мамыражай өмір сүруі ер азаматтарымыздың Ұлы Даланы, Мәңгілік елді кірпік қақпай күзеткендерінің нәтижесі.

Тәуелсіздік пен бейбітшілік – мемлекеттің дамуы мен өрлеудің кілті. Әскер осы екі маңызды фактордың сақталуын қамтамасыз етеді. Бүгінгі таңда Қазақстан Республикасының Қарулы Күштері жауынгерлік даярлықтың жоғары деңгейімен, сапалы жұмылдыру резервімен, ұлттық әскери мектептер желісімен және қажетті материалдық-техникалық қамтамасыз етумен ерекшеленеді.

«Барбанг» күрділер ассоциациясының атынан барша қазақстандық және жамбылдық – еліміздің ержүрек азаматтарын 7 мамыр – Отан қорғаушылар күні және 9 мамыр – Ұлы Отанымыздың жеңістің туын желбіреткен мерейлі мерекелерімен шын жүректен құттықтаймын!

Аға ұрпақ пен жас буынның Отанымызды қорғап, қызметте айтулы үлес қосқанын біз әрқашанда мақтан тұтамыз.

Еліміздің өркендеуі жолында атқарып жатқан игі қызметтеріңізге табыс, отбасыларыңызға амандық, дендеріңізге саулық, мол бақыт және бейбіт ғұмыр тілейміз.

Біздің тәуелсіздігіміз бен тұтастығымызды, тыныштығымыз бен бейбіт тірлігімізді қас қақпай күзетіп тұрған, халқымызға қорған болған ұлттық әскеріміздің айбыны арта берсін!

Сартиф Алиев

Республикалық «Барбанг» күрділер қауымдастығы

филиалының төрағасы

#7мамыротанқорғаушыларкүні

#9мамыржеңіскүні

Қазір Қазақстанның әскері құрлықта қуатты, әуеде әлеуетті, теңізде тегеуірінді. Ширек ғасырдан астам уақыттың аралығында айбынды армия құрылды. Қару-жарақ пен әскери техникалар жаңартылып, сала серпін алды. Егемен болып, етек жең жиғалы бұл саладағы қиындықтарды да еңсеріп, құзырлы органдарда еңсе тіктеді.

Қазіргі таңда еліміз  шетелдік сарапшылардың айтуына қарағанда Қазақстан қарулы күштері посткеңестік елдер арасында ең қуатты үштікке енген. Бұл Ұлы Даланың әр перзентінің көкейіне қуаныш ұялатары анық.

Қарулы күштің қаруы сайлы болғаны ләзім.  Себебі, Қазақстан көпұлтты, бейбітшілігі мен тұрақтылығы саяси салтанат құрған бірегей мемлекет.

Сіздерді тәуелсіз мемлекетіміздің айбынды мерекесі Отан қорғаушылар күнімен және Ұлы жеңіс күні мерекесімен шын жүректен құттықтаймын!

Қос мерекенің Қазақстан халқы үшін алар орны ерекше. Қуаныш пен қайғысы қатар жүретін Ұлы Жеңіс мерекесі баршамыз үшін өте қастерлі, әрі аса қымбат. Уақыт өткен Жеңістің маңызы артып келеді және олардың көрсеткен ерліктері бүгінгі ұрпаққа өнеге.Бүгінгі ұрпақ аға буын-ардагерлер танытқан қаһармандық пен қайсарлықтан үлгі алып, бой түзейді. Осынау ерлікке толы Күн тарихымыздың мәңгілік ұмытылмас парағы болып қала бермек.

Асабали Пойлиев

Жамбыл облыстық «Хазар» әзірбайжан

этномәдени бірлестігінің төрағасы

#7мамыротанқорғаушыларкүні

#9мамыржеңіскүні