Archive for month: April, 2021

Ассамблея – тұрақтылық пен бейбіт өмірдің мызғымас мекені, татулық пен ауызбіршіліктің берік бітімі, достық пен бауырластықтың айнымас болмысы. Ол, саналы ғұмырымыздағы ел бірлігін сақтаған және халықтар достығын ғасырларға жеткізетін бірегей институт.

Қазақстан халқы Ассамблеясының негізгі мақсаты қазақ халқының топтастырушы рөлін арқау ете отырып, қазақстандық патриотизм, халықтардың рухани-мәдени ортақтығы, азаматтық бірегейлікті және бәсекеге қабілетті ұлтты қалыптастыру процесінде  мемлекетіміздегі  этносаралық келісімді қамтамасыз ету болып табылады.

Алда Қазақстан халқы Ассамблеясының 29-шы сессиясы өтеді. Сәйкесінше ел Президенті Қасым-Жомарт Тоқаев  Ассамблеяның  барлық мүшелерін «Бірліктің, татулық пен келісімнің 30 жылы» атты кезекті сессиясына шақырды.  Сессия  – Ассамблея мүшелерінің жиналысы. Ассамблеяның жоғары басқарушы органы болып табылады.  Жыл құсында әр көктемде бір рет қана өтетін жиында Қазақстан халқының ауызбіршілігі, атқарып жатқан жұмыстар, маңызды құжаттары,  рухани-мәдени салалары, діні, тілі т.б. көптеген мәселелері ортаға салынып ортақ шешімдері табылады. Әр сессияда көкейдегі сан-сауалдың шешімі табылатын болғандықтан, биылғы жылғы жиынды да асыға күтіп отырмыз.

Мен, алдағы сессиясында Қазақстан халқы Ассамблеясының жанынан құрылған ғылыми сараптамалық топта қандай өзгерістер болатынын білгім келеді. Сондай-ақ бұл мен үшін және ғылыми салада жүрген менің барлық әріптестерім үшінде аса маңызды деп білемін. Неліктен мен ғылыми сараптамалық топқа ерекше екпін түсіріп отырмын? Себебі,  Қазақстан халқы Ассамблеясындағы жанын құрылған ғылыми сараптамалық топ әлеуметтік-экономикалық және қоғамдық-саяси даму тенденцияларына, этносаралық және конфессияаралық қатынастарға сараптамалық баға беру, қоғамдық келісімді нығайтып, өзара ынтымақтастықты қалыптастыруда рөлі өте зор. Қоғамдық келісім және ұлттық бірлік саласындағы мемлекеттік саясаттың өзекті бағыттары бойынша Қазақстан халқы Ассамблеясының қызметін ғылыми-сараптамалық қолдау,  аймақтағы ұлтаралық, конфессияаралық қатынастар саласындағы ғылыми-зерттеу жұмыстарын жүргізуге көмегі мен атқаратын қызметтері тіклей аталған бөлімге арқау болып келеді. Сонымен қатар, қазақстандық қоғамның тұтастығын нығайтуда, ұлтаралық келісімге қол жеткізуде демократияны дамытудағы азаматтық институт ретіндегі ассамблеяның рөлін арттыруға ғылыми сараптамалық топ ерекше дем беріп келеді.

Жамбыл облысы Қазақстан халқы Ассамблеясының Төрағасына аймақтағы қоғамдық келісімді қамтамасыз ету үшін мемлекеттік саясат саласындағы ахуалға ғылыми-сараптамалық баға берілген ақпарат пен материалдар ұсынып, этносаралық және конфессияаралық қатынастар саласында тәжірибе алмасу және зерделеу үшін халықаралық ұйымдармен және осыған ұқсас шетелдік құрылымдармен ынтымақтастықты жүзеге асыруда ғылыми сараптамалық топтың басты функцияларының біріне жатады.

Сөзімді түйіндей келе бірлікке басымдық берген елде тірліктің де дәрежесі жоғары, жарасымдылығы да өміршең келеді демекпін. Олай болса  ел үміт еткен сессия сенімімізді ақтап,  Ассамблеяның  арқасында ауызбіршілігіміз жандана берсін.

Жамбыл облысы әкімдігінің

 ішкі саясат басқармасы

«Қоғамдық келісім» КММ басшысы

Мамедова Парида Иманжанқызы 

Ағымдағы жылдың сәуір айында Тараз қаласының Достық үйінде  «Қазақстан республикасының Тәуелсіздігінің 30 жылдығына орай ҚХА «Алуан түрлі қазақстандық этностарды рухани – мәдени танымал ету» атты мәдени-ағартушылық жоба аясында  «Вольф Ирина. Халықтық мерекелер» атты көрме өтті.

Көрменің мақсаты – Қазақстан этникалық топтарының мәдениетін халық арасында таныстыру және танымал ету, қазіргі әлемде қазақстандық мәдениетті насихаттау; отансүйгіштік пен азаматтыққа тәрбиелеу, сондай-ақ рухани-адамгершілік құндылықтарды, қазақстандық бірегейлікті қалыптастыру.

Мемлекет басшысы Н.Ә.Назарбаев «Болашаққа бағдар:рухани жаңғыру» бағдарламалық мақаласында біздің алдымызға қоғамдық сананы жаңғырту бойынша жаңа ауқымды міндеттер қойып отыр. Оның негізгі шарттарының бірі – мемлекеттің ұлттық стратегиясының бөлігі ретінде өзінің ұлттық мәдени-генетикалық кодын сақтау, оның іргелі негізін патриотизм құрайды.

Ирина ВольФ жеке көрмесі ҚХА «Алауан түрлі қазақстандық этностарды рухани – мәдени танымал ету» мәдени-ағартушылық жобасына жоспарланған 10 көрменің үшіншісі.

Жоба әдеби, көркем, мәдени аспектілер арқылы қазақстандық алуан түрлілі этностарды рухани-мәдени танымал етуге бағытталған. Сонымен қатар,  қазақ халқының заманауи суретшілері мен Жамбыл облысының этникалық топтарының көркем шығармашылығын зерттеу арқылы қазақ халқының және түрлі этностардың дәстүрлі мәдениетін тануды көздейді.

Ирина Вольф 1971 жылы 28 қарашада дүниеге келген. Ол, Абай атындағы Жамбыл облыстық гумманитарлық колледжінде және «Әулие-Ата» университетінің көркем өнер бөлімін тәмамдаған.

Ирина Валерьевна бүкіл өмірінің өнермен байланысты болғанына қарамастан, ол өз жұмысымен жақында ғана айналыса бастады. Бұл суретшінің алғашқы дебюттік көрмесі деп айта аламыз.

Ол тоқуды жақсы көреді, графикалық техникада, қарындаштар, фломастерлер, шарикті қаламдар арқылы сурет салуды ұнатады. Қазіргі уақытта №40 мектеп-гимназиясында сурет мұғалімі болып жұмыс істейді.

Көрмеге суретшінің 26 туындысы қойылған. Ирина Валериевна – кең ауқымды суретші, графикалық жұмыстарды да, сәндік-қолданбалы өнерді де  тамаша жасайды. Сондай-ақ, оны суық батик пен көп қабатты киізден жасалған картиналар техникасымен және талғампаз графикамен жұміс істеу қызықтырады. Көрменің тақырыбы – «Халықтық мерекелер». Көрмеге батик техникасында жасалған панно, көп қабатты киіз және графикалық парақтар қойылды.

Көрмеге  суретші «Неміс халық ертегілері», «Халық музыкасы» және «Халықтық мерекелер» атты үш үлкен сериясын  ұсынды. Туындылар өте талғампаздық таңдалған түстермен, кейіпкерлердің жарқын және алуан – түсті болмыстарымен сондай-ақ, әдемі әзілді картиналармен ерекшеленді.

Жамбыл облысы әкімдігінің ішкі саясат басқармасының “Қоғамдық келісім” КММ Баспасөз қызметі орталығы.

Үстіміздегі жылдың 10 сәуірінде Тараз қаласындағы Достық үйінде Жамбыл облысы әкімдігінің ішкі саясат басқармасы “Қоғамдық келісім” КММ және “Тараз қалалық өзбек орталығы” қоғамдық бірлестігінің ұйымдастыруымен “Өзбек музыкасының тарихы” атты концерт өтті.

Тәуелсіздіктің 30 жылдығына орай ұйымдастырылып жатқан мәдени іс-шараның негізгі мақсаты – этносаралық қатынастарды нығайту, өзбек этносының дәстүрі мен әдет-ғұрыптарын дүйім жұртқа паш ету, сондай-ақ, аталмыш этностың мәдениетімен таныстыру.

Жиынға Тараз қаласының әкімі Ержан Жылқыбаев, қала тұрғындары мен қонақтары, сонымен қатар, БАҚ өкілдері қатысты. Ал мерекелік концерттің шымылдығын ақсақалдар алқасы ақ батасымен ашты. Сондай-ақ, бірлестік төрағасы Абдурахман Зайнутдинов көрермендерді Ел Тәуелсіздігінің 30 жылдығымен құттықтап өтті.

– Елімізде қанша этнос тұрса да, барлығымыз бір үйдің баласындай тату өмір кешудеміз. Бұл ең бірінші көңілі дархандай кең қазақ халқының арқасы деп білемін. Одан кейін Елбасымыздың ерен еңбегі. Осындай тұлғалардың арқасында әрқашанда бейбітшілік пен келісімнің символы болып жүре бермекпіз, – деді Ол.

Концерт барысында “Томирис” би ансамблі өңір тұрғындарына мың бұралған билерін арнаса, Мирзо-Бобур Тухтамышев, Асрорбек Юсупов, Аширова Лобара, Булатов Фархад т.б. әншілер жиналған қауымға әсем әндерін арнады.

Іс-шара соңында өнер көрсеткен барша өнер майталмандары өз көрермендеріне шексіз алғысын жеткізді.

Жамбыл облысы әкімдігінің ішкі

саясат басқармасының “Қоғамдық келісім”

 КММ Баспасөз қызметі орталығы.

#тәуелсіздікке30жыл

Биыл Қазақстан халқы Ассамблеясының 29 сессиясы өткелі отыр. Ол қызметі мен жасап жатқан жұмысы бір-біріне ұқсамайтын, алайда, қоғамымыз үшін маңызы зор көптеген кеңестер мен орталықтарды, этномәдени бірлестіктерді біріктіріп отыр. Осынау қоғамдық институт құрылғалы бері мыңдаған келелі мәселелердің шешілуіне мұрындық болған істер өте көп. Ассамблея мемлекеттік тілді дамытуға да, медиацияны өркендетуге де, қайырымдылықты жандандыруға да, тіпті, қоғамдағы ірілі-ұсақты мәселелерді шешуге де көшбасшы болып келеді. Ассамблеяға артылған қай міндет болмасын, еліміздің біртұтастығына ықпал етіп отыр деуге болады.

Қазіргі уақытта бүкіл республика көлемінде 2000-ға жуық қоғамдық келісім кеңестері жұмыс істейді. Ассамблеяның негізгі қызметін атқарып отырған Қоғамдық келісім кеңестері бүгінде қоғамда болып жатқан келеңсіз мәселелерді талқыға салып, нақты ұсыныстармен шешілу жолдарын қарастырып келеді.

Қоғамдық келісім кеңестерінің мүшелері де қоғамда беделі бар, айтары нақты, сөзі өтімді тұлғалардан сайланады. Бір сөзбен айтқанда, қоғамдық келісім кеңестері Ассамблея жанынан құрылып, татулық пен тұрақтылықтың сақталуына жергілікті билік өкілдерімен бірге қызмет етуде. Бүгінгі күні жергілікті атқарушы билік өкілдерінің Қоғамдық келісім кеңестерімен санасатынын да байқап отырмыз. Демек, бұл Кеңестердің айтары барын, халық атынан сөйлеуде, салмақты ой айтуда орны бөлек, беделінің артып келе жатқанын аңғартады.

Осы орайда, біз бүгін Ассамблея  жанынан құрылған облыстық және аудандық Қоғамдық келісім кеңестерінің атқарған жұмыстарына  тоқталуды жөн көрдік.

Жамбыл облысында пандемия кезінде қоғамдық келісім кеңестерінің   атқарған жұмысы жайлы айтар болсақ, Жамбыл облысында 1 облыстық, 10 аудандық, 3 қалалық, 154 ауылдық округтер мен 13 ірі мекемелерде барлығы 181 ҚХА Қоғамдық келісім кеңестері құрылып, жұмыс жүргізілуде.

Достық үйінде облыстық Қоғамдық кеңес және ҚХА Қоғамдық келісім кеңесі мен Аналар кеңесі бірлесуімен құрылған 4 топ «Бірыңғай ашық есік күні» аясында тұрғындардың өзекті мәселелері бойынша қабылдаулар жүргізді. Атап айтқанда,  көп балалы отбасыларды тұрғын үймен және ауыз сумен қамтамасыз ету, жолдарды жөндеу, газдандыру, көшелерді жарықтандыру, тұрғын үйлер салу үшін жер беру, аялдамалар салу, көп балалы, жағдайы төмен, жас отбасыларға материалдық, әлеуметтік көмек беру, аймақтарды абаттандыру бойынша, мектептер үшін кітаптар сатып алу,  елді-мекендегі тұрғындардың қауіпсіздігі, жеке меншіктің жиі ұрлануына байланысты мәселелер, тұрғын үй, қайырымдылық жұмыстары бойынша  қарияларға көмек көрсету, өрттен зардап шеккендерге үйді жөндеуге қаржылық көмек көрсету бойынша  мәселелер шешімін тапты.

Қоғамдық келісім мен ұлттық бірлік саласындағы даулардың алдын-алу барысында  бизнесті заңсыз әкімшілік қысым мен қылмыстық қудалау қаупінен қорғау, қалада инфрақұрылым мен коммуналдық қызметтердің тарифтік саясатын жүргізу, ауылдардағы емханалар, кәсіпкерлікті қолдау және заңсыз тексерулерден қорғау бойынша  және жанжал жағдайларының алдын-алу,  дауларды медиация қағидаттарын қолдана отырып шешу бойынша     түйіткілді мәселелер шешімін тапты.

Қазіргі уақытта қоғамдағы тұрақтылыққа аса зор назар аударып отырған Қоғамдық келісім кеңестері Үкімет пен тұрғындар арасындағы әмбебап диалог алаңына айналғаны уақыт ақиқаты. Жасыратыны жоқ, Қордай ауданында орын алған келеңсіз жағдай, бәрімізге – үлкен сабақ болды. Ендігі міндет – осындай жағдайға жол бермеу болып табылады.

Сондықтан да, Қордай оқиғаларынан кейін ауданда бірлескен Қоғамдық келісім кеңесі қайта құрылып, оның құрамына өз ортасында беделді және көпшілікке айтары мол, өмірлік бай тәжірибесі бар қоғамдық пікір жетекшілері енді.   Бұл құрылымның тиімділігі республикалық деңгейде атап өтілді.

Қазіргі таңда, Қордай, Меркі, Шу, Байзақ, Жамбыл, Талас, Сарысу аудандарында 8 бірлескен Қоғамдық келісім кеңестері құрылып, жаңа бағытта жұмыс атқаруды белсенді қолға алды. Бірлескен қоғамдық келісім кеңестерінің мүшелеріне, ардагерлер кеңесі, мектеп директорлары, ауыл ақсақалдары, этномәдени бірлестіктері, зиялы қауым өкілдері, мешіт имамдары енгізілді.

Бұл жұмыс облыстың басқа аудандарында да жүзеге асырылатын болады.

Жамбыл облысының Сарысу, Талас, Байзақ және  Меркі  аудандарында  ҚХА-ның «Қайырымдылық керуені» аясында облыстық қоғамдық келісім кеңесінің   «Жергілікті атқарушы билік органдары мен қоғамдық келісім кеңесінің қоғамдық бірлік пен келісімді нығайтудағы өзара іс-қимылы» тақырыбында көшпелі отырыстары өтіп, онда инфрақұрылымын жақсартуға, мемлекеттік  және ана тілдерін әрі қарай терең меңгеру мақсатында жасы келген кісілерді қамту, жайылымдық жер, ұлттық  кәсіп- қолөнерді  жаңғырту жөнінде  қоғамдық қабылдаулар ұйымдастырылды.

Сонымен бірге, «Бейбітшілік пен келісім» жобасы аясында Жамбыл облысының Меркі, Шу, Байзақ, Жамбыл, Талас, Сарысу аудандарында  тиісті сала мамандары аудан тұрғындарымен кездесіп,  аймақ тұрғындарының мәселелерін нақты шешім табуға бағытталған. Облыс аудандарында халықты толғандыратын мәселелерді анықтауға, өңірдегі этносаралық келісімді нығайтуға бағытталған 55 іс-шара, әлеуметтік сауалнама өткізілді. Нәтижесінде тиісті мемлекеттік органдарға ұсыныстар жіберілді. Кездесу барысында жастар арасындағы жұмыссыздық, спорт және мәдени кешендердің жоқтығы, интернет күшінің төмендігі, азық-түлік бағасының жоғарылығы және этникалық белгісі бойынша қысым көрсету сынды мәселелер талқыланды.

Сондай-ақ, аудандардағы қоғамдық келісім кеңестерінің кеңейтілген отырыстары өтіп, аудандағы ауыл жастарының құқықтық сауатын арттыру, патриоттық сезімдерін ояту, Отан алдындағы әскери борышын өтеуге тарту, діни ұйымдар жұмысын қадағалау, білім алуға этнос балаларының толық қамтылуы, этнос жастарының мемлекеттік тілді меңгеруі сияқты бірқатар мәселелер көтерілді.

Алдағы уақытта да облыс халқы пен жергілікті қоғамдық басқару орындары арасында  дұрыс байланысты қамтамасыз етіп, тұрақтылықты, азаматтық бейбітшілікті, реформалар бағдарламасын орындауда, бірлік пен келісімді нығайтуда қоғамдық келісім кеңесінің рөлі жоғары боларына сеніміміз мол!

Жамбыл облысы әкімдігінің білім

басқармасы оқу-әдістемелік кабинеті

 басшысының орынбасары, облыстық

 ҚХА Бірлескен қоғамдық келісім кеңесінің төрағасы

Тажибаев Бигелді Халилуллаұлы

Біздің Отанымыз өз алдына Мемлекет болып қалыптасқаннан бері оның өсу жолы, жетістігі мен толайым табыстары мен дамуындағы Ассамблеяның рөлін бағаламау мүмкін емес. Өйткені елімізге көз тігіп, басқан қадамымыздан жалтармай қарап отырған елдер жетерлік. Олардың арасында қаншама халықты бір ортаға жинап отыру мүмкін емес, бұл этносаралық ыдырауға әкеліп соғады дегенде болжамдардың болғаны анық. Алайда, бірілігі көркем  елдің тірлігіде бекем болары сөзсіз.  Бұған бірден бір негіз болған нәрсе, жергілікті тұрғындар мен билік басындағылардың бізді өзге деместен өз деместен тең қарап, тілге, дінге, мәдениет пен әдебиетке деген құрмет көрсетуінде болатын. Ассамблеяның атқарған жұмысының арқасында сенімнің, келісім мен өзара түсіністіктің, тұрақтылық пен бейбітшіліктің ерекше аурасы қалыптасты. Әрбір азамат ұлтына немесе діни нанымына қарамай Ата Заңымызда кепілдік берілген құқықтар мен еркіндіктердің бәрін толық пайдаланды.

Қазіргі таңда Қазақстан халқы Ассамблеясы этносаралық келісімді, қоғамдағы толеранттылықты және халық бірлігін одан әрі нығайту үшін қолайлы жағдай жасауға септігін тигізеді. Сонымен қатар ҚХА мемлекеттік органдарға экстремизм мен радикализм көріністеріне қарсы әрекет етуге, азаматтардың демократия нормаларына негізделген саяси-құқықтық мәдениетін қалыптастыруға көмек көрсетеді. Ассамблея этномәдени бірлестіктердің күш біріктіруін қамтамасыз етеді, этномәдени орталықтардың, Қазақстан халқының ұлттық мәдениеттері, тілдері мен дәстүрлерінің өркендеуін, сақталуын және дамуын қамтамасыз етеді.

Бүгінде біздің экономикамыздан болсын, басқа да әлеуетінен болсын әлде қайда алдыға шарықтап кеткен елдер қаншама. Бірақ, мәселе сол елдердің дамып кеткендіктерінде емес. Мәселе біздің елімізбен салытырғанда кейбір елдердің өзара қырқысы олардың әлемдік деңгейдегі абыройына нұқсан келтіріп тұр.  Бірлік болмаса тірліктің бәрінің бекер болуы осының дәлелі. Осы тұста Елбасымыз Нұрсұлтан Әбішұлының сындарлы саясатының арқасында еліміздің өзге елдерден тұрақтылық пен бейбітшілік жағынан оқ бойы озық тұрғанын мақтанышпен айтқым келеді.

Исмазов Руслан Бакирович

Жамбыл облыстық “Вынхуа” дүнген

этномәдени бірлестігнің мүшесі