Archive for year: 2020

Егеменді еліміздің аясында бірқатар этнос өкілдері тату-тәтті тұрып жатқаны-біздің мемлекеттің мерейі. Тәуелсіздік алғанға дейінгі қиын-қыстау кезеңдерде де қазақ халқы өзге ұлт өкілдерін жатсынбай, бір үзім нанды бөліп жегені тарихтан белгілі. 2020 жыл басталғалы Қазақстан Халқы Ассамблеясына 25 жыл толды деп, осы елеулі дата аясында еңселі тірліктер атқарылды. Біздің облысымыздың өзінде-ақ «Бейбітшілік және келісім» жобасы жүзеге асып, көз қуантар тірліктер тындырылды.

Жақында ғана Қазақстан Халқы ассамблеясы кеңесінің отырысы өткен болатын. Мемлекеттік хатшы Қырымбек Көшербаев: «Бүгін біз жаңа VII шақырылымдағы Парламент Мәжілісінің депутаттығына кандидаттар ұсынып отырмыз. Мемлекет басшысы Ассамблеяның XXVIII сессиясын шақыру туралы өкімге қол қойды, онда 9 депутат сайланады. Бұл сайлау алдағы жылдардағы этносаралық қатынастар саласында саясаттың тиімділігін қайта арттыруы тиіс»,-деді өз сөзінде. Сондай-ақ, жақын уақытта жүзеге асуға тиіс 5 міндетті нақтылап соның аясында еңбек етуге шақырды.

Ең алдымен, бірінші міндет-«Рухани жаңғыру» бағдарламасы ұлттық жаңғырудың өзегіне айналуы тиіс екендігін баса айтты. Елбасымыз «Болашаққа бағдар: рухани жаңғыру» мақаласында «Жаңғыру атаулы бұрынғыдай тарихи тәжірибе мен ұлттық дәстүрлерге шекеден қарамауға тиіс. Керісінше замана сынынан сүрінбей өткен озық дәстүрлерді табысты жаңғыртудың маңызды алғышарттарына айналдыра білу қажет» деп атап көрсетті. Бағзы замандардан үзілмей бүгінге жеткен салт-дәстүрлеріміз, жөн-жоралғыларымыз, әдет-ғұрпымызды заман ағымына сай жаңартып, жаңғыртып отырмасақ, ел болып ұйысып, ұлы мақсаттарға ұмтылып, алға жылжымасымыз анық. Рухани бұлақтың бітеліп қалуына жол бермей, сол бұлақтың суынан қанып ішіп, нәрі бойымызға қуат берсін. Тәрбиемізбен берілген біліміміз келешекте біздің бәсі биік бәйгеде оза шабуымызға зор үлесін қосатыны ақиқат.

Ал, екінші бағытта «Ұлттық жаңғырудың басында мемлекеттік тіл мәселесі тұру қажет» деп қадап айтты. Мемлекет басшысы Қ.Тоқаев «Қазақ тілінің мемлекеттік тіл ретіндегі рөлі күшейіп, ұлтаралық қатынас тіліне айналатын кезеңі келеді деп есептеймін. Бірақ мұндай дәрежеге жету үшін бәріміз даңғаза жасамай, жұмыла жұмыс жүргізуіміз керек» деген болатын. «Ұлттың сақталуына да, жоғалуына да себеп болатын нәрсенің ең қуаттысы-тіл» деген Ахмет Байтұрсыновтың қанатты сөзіне сүйенсек, қазақ тілін мәртебесін асқақтатуды әр азамат абыройлы міндетім деп ұғынғаны абзал деп есептеймін.

Міне, кеңес отырысында қаралған 5 міндеттің ішіндегі алдыңғы екі бағыт менің көңілімнен шықты. «Бірлігі мықты ел озар» деген қағиданы ұстанатын көшбасшымыз «Бір жағадан бас, бір жеңнен қол шығарудың» үлгісін көрсетіп келеді. Қиын сәттерде халықтың жанынан табыла білу, мұң-мұқтажын ескеріп, колдау көрсету-нағыз жанашырлықтың үлгісі. Адамның бойындағы бұл қасиет-тәрбиенің тамыры тереңге жайылғанын аңғартады. Ал, әділетті басшыға артынан ерген халқы қашан да қошемет көрсетіп,

қандай бастама болмасын білек сыбана кірісетіні сөзсіз. Рухани азығы мол ел ғана ұзаққа құлаш сермей алады.

Шу ауданы әкімдігінің ішкі

саясат бөлімінің басшысы

Рахымбаева Айнұр Қамшыбайқызы

Биылғы жылдың 11 желтоқсан күні Қазақстан халқы Ассамблеясының 25 жылдығына орай Елбасы құрған бірегей институт айтулы дата аясында Н.Ə.Назарбаевтың бейбітшілік пен келісім саясатының мəні мен мақсатын ашып көрсете отырып, Қазақстан халқын біріктірге басымдық берді. Жалпыұлттық бірлік пен қоғамдық келісімнің, ішкі тұрақтылық пен этносаралық қатынастардың мәдениет аралық диалог пен толеранттық көзқарастардың ілгерлеуіне ықпал етті. Тағдыр табыстырған , тарих тоғыстырған түрлі этнос өкілдері азаттықтың арайлы таңында ортақ Отанымыздың іргесін бірге қаласты. Ынтымақты ырысқа , алуандықты байлыққа балаған біз бірліктің қазақстандық бірегей үлгісін қалыптастырдық. Тәуелсіздік кезеңіндегі табыстарға береке- бірліктің арқасында ғана қол жеткіздік. Бұл -егемен еліміздің баға жетпес байлығы. Осы уақытқа дейін елді біртұтастыққа шақырудан жаңылған емес, əрі қарай да осы бағытта өз міндетін лайықты жалғастыра беретініне сенемін және қолдаймын.

Қазақ этномәдени бірлестігінің жетекшісі

Айгүл Сейсенбекқызы

Заң бойынша мәслихат депутаттарын президент пен сенат депутаттарымен бір уақытта сайлауға болмайды.

Осы жолы мәслихат депутаттарының кезекті сайлауын 2021 жылы 10 қаңтарда өткізу ұсынылды. Ал мәжіліс пен мәслихат депутаттарының сайлауын бірге өткізу заңға қайшы емес.

Менің ойымша қазіргі жағдайда осы екі саяси шараны бір уақытта өткізудің арқасында бюджет қаржысын да үнемдеуге болады. Оған қоса, мәжіліс мен мәслихат депутаттарын сайлау жүйесі партиялық тізімдерді тіркеу мерзімі жағынан ұқсас, үгіт-насихатты бір уақытта бастауға да мүмкіндік береді.

Жамбыл облысы Жамбыл ауданы

Қазақстан халқы Ассамблеясы

Қоғамдық келісім кеңесінің мүшесі

Нәсіпбекұлы Береке

Сайлауда дауыс беру менің Қазақстан Республикасының азаматшасы ретінде міндетім деп санаймын.

Мемлекет басшысы Қасым-Жомарт Тоқаевтың сайлау жайлы үндеуінде барлық деңгейдегі мәжіліс және мәслихат депутаттарының сайлауы тағайындалғаны да айтылған.

«Алдағы сайлау конституциялық мерзімге сәйкес, 2021 жылдың 10 қаңтарында өтеді. Барлық саяси партиялардың бұл сайлау науқанына қатысуға дайындалуына, сайлау алдындағы платформасын әзірлеуіне, партиялық инфрақұрылымдарды жетілдіруіне уақыты жеткілікті болды» делінген сайлау туралы жарлықта. Менін ойымша әрбір Қазақстан Республикасының азаматы ретінде алдағы уақытта өтетін сайлауда дауыс беруі керек және саулаудың әділ өтетініне сенемін.

Жамбыл ауданы әкімдігінің телеарна тілшісі,

ұйғыр ұлтының өкілі

Алеханова Мухаббат Бахытовна

2020 жылғы 11 желтоқсанда Қазақстан Республикасының Мемлекеттік хатшысы Қырымбек Елеуұлы Көшербаевтың қатысуымен Қазақстан халқы Ассамблеясы Кеңесінің отырысы өтті.

Алқалы кеңеске Нұр-Сұлтан, Алматы, Шымкент қалалары және облыстар әкімдері – ҚХА төрағалары, ҚР Парламенті Мәжілісінің депутаттары, орталық мемлекеттік органдардың басшылары, ҚХА Кеңесінің мүшелері қатысты.

Күн тәртібінде Тұңғыш Президент – Елбасы, ҚХА Төрағасы Н.Ә.Назарбаевтың бейбітшілік пен келісім саясатын жүзеге асыру мәселелері, сондай-ақ еліміздің Тәуелсіздігін нығайтудағы Қазақстан халқы Ассамблеясының рөлі қарастырылды.

Өз сөзінде Мемлекеттік хатшы «Бүгін этносаралық қарым-қатынастарды дамытудың жаңа кезеңінің уақыты келді.

11 қарашада өткен Ассамблея Кеңесінде Елбасы этносаралық қарым-қатынас саласында жаңа инклюзивті саясатқа сұраныс барын баса айтты. Ассамблея Төрағасы алдағы уақытта қоғамның бірігу үдерістерін тереңдетуге бағытталған шараларды әзірлеу маңызды екенін тапсырды.

«Қазақстанның этникалық және мәдени алуан түрлілігін –бәсекелестік артықшылыққа және елдің тәуелсіздігі мен дамуын нығайтуға арналған құралға» трансформациялау қажеттілігі белгіленді.

Бірлік пен келісімнің әлеуметтік капиталын нығайту, этностар арасындағы өзара әрекеттестіктің жаңа алаңдарын қалыптастыру, этникалық мәселені саясиландыруға жол бермеу, этникалық негіздегі кез келген жанжалды бейтараптандыру маңызды екенін көріп отырмыз. Бұл – барлық билік институттары мен азаматтық қоғамның мәселесі.

Биыл қысқа мерзімде еліміздегі этносаралық процестерді басқаруға қатысты әдістемелерді ауыстыруға бағытталған ауқымды жұмыс атқарылды. Олар институционалды түрде анықталған сипатқа ие болып отыр.

Ассамблеяның барлығы сенім білдіретін жалпы азаматтық, саясаттан тыс және жалпыхалықтық институт ретінде құрылымдық және сапалық тұрғыдан жұмысын қайта бастап жатқан жайы бар.

Қоғамдық сананы жаңғырту жөніндегі ұлттық комиссияның жақында өткен отырысында біз «Рухани жаңғыру» бағдарламасының 2020 жылы іске асырылуын қорытындылап,

Қоғамдық сананы жаңғырту жөніндегі ұлттық комиссияның жақында өткен отырысында біз «Рухани жаңғыру» бағдарламасының 2020 жылы іске асырылуын қорытындылап, жұмыстың алдағы уақыттағы басымдық берілетін бағыттарын айқындадық.

Жаңа жағдайларды ескере отырып, бірқатар жаңа жобалар енгізілді, оны тәжірибелік тұрғыдан толық қамту және тереңдету бойынша арнайы Жол картасы әзірленді. Оның негізгі мәні – ұлттың бәсекеге қабілеттілікті арттыру» деп атап өтті мемлекеттік хатшы.

Сабри Асанов, Жамбыл ауданы бойынша

«Барбанг» күрді этномәдени бірлестігінің төрағасы