Ағымдағы жылдың желтоқсанында «Тараз қаласы әкімдігінің Білім бөлімінің мектептен тыс жұмыс және балалар шығармашылығы» орталығы коммуналдық мемлекеттік мекемесінде этномәдени бірлестіктер өкілдерінің балаларына арналған Жаңа жылдық шырша мерекесі өтті

/in /by

Ағымдағы жылдың желтоқсанында «Тараз қаласы әкімдігінің Білім бөлімінің мектептен тыс жұмыс және балалар шығармашылығы» орталығы коммуналдық мемлекеттік мекемесінде этномәдени бірлестіктер өкілдерінің балаларына арналған Жаңа жылдық шырша мерекесі өтті.

Жамбыл облыстық Қазақстан халқы ассамблеясы  Ұйымдастырушылар жаңа жылдық қайырымдылық шырша барысында аз қамтылған және көпбалалы отбасылардан шыққан, мүмкіндігі шектеулі балаларға көмек көрсетіп, оларға мерекелік көңіл-күй сыйлады. «Мектептен тыс жұмыс және балалар шығармашылығы» орталығында

Облыс әкімі аймақтық ассамблеяның бірқатар белсенділерін марапаттады

/in /by

Жамбыл облысының  әкімі, облыстық  Қазақстан халқы ассамблеясының төрағасы Мырзахметов Асқар Исабекұлы аймақтағы этномәдени бірлестік төрағаларымен кездесіп, қоғамдағы белсенділіктері үшін түрлі марапаттармен  марапаттады.

Кездесу барысында бірінші болып Жамбыл облысы Қазақстан халқы ассамблеясы төрағасының қоғамдық орынбасары Минаков Юрий Васильевичтің облыстық ҚХА мүшелері мен этномәдени бірлестіктерінің қызметі туралы есебі тыңдалды.

Юрий Васильевич биылғы жылы атқарылған жұмыстардың есебіне тоқталып, қайырымдылық жасаған жандардың қайырлы істерін ерекше атап өте келе: «Біздің облыста 87 этнос пен этностық топтардың өкілдері тұрады. Биылғы жылы «Рождество», «Масленица», «Алғыс айту күні», «Наурыз», «Бірлік» мерекесі сияқты 1000-нан астам іс-шаралар өткізілді.

   Өңірде 75 этномәдени бірлестік жұмыс істейді. Биылғы жылы 34 этномәдени бірлестік аккредиттеуден өтті және Қазақстан халқы Ассамблеясының тізіміне енгізілді.     Сонымен қатар үстіміздегі жылы этномәдени бірлестіктердің жетекшілері мен белсенділері қайырымдылық бойынша үлкен жұмыстар атқарды. Олардың арқасында 6 мыңнан астам адам қажетті көмек алды. Түрік, күрд, дүнген, өзбек, ұйғыр, орыс, шешен, поляк және грек этномәдени бірлестіктері Арыс қаласының зардап шеккен тұрғындарына көмек қолын созды. Сонымен қатар этномәдени бірлестіктердің меценаттары аз қамтылған және көп балалы отбасыларды тұрғын үймен қамтамасыз етті. Олар-Ким Никон Маркович – «Компания Марк» ЖШС директоры Айсауле Ибадуллаевнаға (7 бала) көп балалы отбасына үй сыйлады, Лоу Әбдікәрім Абдуллаұлы-«Вынхуа» Жамбыл облысы дүнген мәдени орталықтарының этномәдени бірлестігінің мүшесі Батыр және Сортөбе ауылдарында  аз қамтылған жеті отбасы үшін үй құрылысын қаржыландырды, Шаюнусов Шамухтар Қарабайұлы –«ТаразКожОбувь» ЖШС директорының орынбасары аз қамтылған отбасылар үшін 4 пәтер сатып алды»-деді, қоғамдық орынбасар өз сөзінде.

Кездесу барысында аймақтағы ассамблеяның Аналар кеңесінің атқарған жұмыстарының есебі туралы Облыстық ҚХА Аналар кеңесінің төрайымы Миражапова Мухаббат Сайдуллаевна өз баяндамасын жасады.

Мухаббат Сайдуллаевна «Жамбыл облысы ҚХА жанындағы Аналар кеңесі 10 мыңнан астам адамның қатысуымен 169 іс-шара ұйымдастырды.  Облыстық полиция департаментімен бірлесіп оқу орындарында балалардың беймезгіл уақытта жүруін анықтау бойынша ағымдағы жылы 18 рейд өткізіп, 11 мектепте 14 панасыз баланы анықтап, одан әрі тиісті құжаттарды рәсімдеу әрекеттерін жүргізді. Аналар кеңесінің мүшелері Қазақстан Республикасы Жоғарғы Сотының «Отбасылық сот» пилоттық жобасының құрамына кірді. Облыс әкімі жанындағы Әйелдер істері және отбасылық-демографиялық саясаты жөніндегі комиссиямен бірлесіп «Бастау» жұмыс тобының 18-ші отырысына қатысты. Аналар кеңесі 28 отбасылық сот отырысына қатысып, нәтижесінде 19 некенің сақталуына мүмкіндік жасап отыр. Сонымен қатар аталған кеңес оқу орындарында «Төзімділік», «Ұлттық тәрбие және ұрпақтар сабақтастығы», «Мектептегі зорлық-зомбылық» тақырыптарында дәрістер өткізеді»-деді өз есебінде. Кеңес төрайымы алдағы жылы да отбасы және ана мен балаға қатысты мәселелерді шешуде көптеген тың идеялардың жүзеге асуын қамтамасыз ететіндерін тілге тиек етті.

Жиын барысында бұдан өзге «Әулие ата» қазақ мәдени орталығы» қоғамдық бірлестігінің және облыстық Қазақстан халқы ассамблеясының ғылыми-сараптамалық тобының төрағасы Сарыбеков Махметғали Нұрғалиұлы, Облыстық ҚХА «Жаңғыру жолы» жастар қозғалысының мүшесі Трегубова Виктория Вячеславовна және «Айнуры» татар – башқұрт этномәдени бірлестігі» қоғамдық бірлестігінің төрағасы Халиков Амир Шавкатович  аймақ басшысы алдында атқарылған жұмыстарына есеп беріп, өз ұсыныстары мен тілектерін білдірді.

Баяндамашылардың есеп беруі аяқталғаннан кейін кезек марапаттау салтанатына да келіп жетті.

Қазақстан халқы Ассамблеясының «Бірлік» алтын медалі» қоғамдық медалімен Жамбыл облыстық Қазақстан халқы ассамблеясы Аналар кеңесі төрағасының орынбасары – Дауызова Сара Манкизқызы және «Жамбыл облыстық өзбек этномәдени бірлестігі» қоғамдық бірлестігі төрағасының орынбасары Умаров Гулам Мухтарұлы марапатталды.

Қазақстан халқы Ассамблеясының «Жомарт жан» төсбелгісімен Жамбыл облысы «Немістер қоғамы» қоғамдық бірлестігінің мүшесі – Соколовская Ирина Самуилқызы және «Жамбыл облыстық өзбек этномәдени бірлестігі» қоғамдық бірлестігінің төрағасы – Муминов Бахром Тохтасынович  марапатталды.

Қазақстан халқы Ассамблеясының Құрмет грамотасына Қазақстан  халқы Ассамблеясының «Жаңғыру жолы» жастар қозғалысының жетекшісі – Турдыева Хамида Кахарджанқызы мен «Еңбекші» республикалық салалық кәсіподақ газетінің тілшісі – Перфильева Наталья Николайқызы ие болды.

Қазақстан халқы Ассамблеясының Алғыс хаты Жамбыл облыстық «Шиват Цион» этномәдени бірлестігі» қоғамдық бірлестігінің мүшесі – Бунин Михаил Вениаминұлы мен «Вайнах» Жамбыл шешен-ингуш мәдени орталығы» қоғамдық бірлестігінің төрағасы – Магомадов Рамзан Сапиұлына бұйырды.

Облыс әкімінің «Облысқа сіңірген еңбегі үшін» белгісімен Қазақстан Республикасы «Барбанг» күрділер ассоциациясының қоғамдық бірлестігі төрағасының орынбасары – Айдаров Латиф Амзеұлы, «Жамбыл облысының немістер қоғамы» қоғамдық бірлестігінің президенті – Гибнер Александр Абрамұлы, «Хазар» әзербайджан этномәдени бірлестігі» қоғамдық бірлестігінің төрағасы – ПойлиевАсабали Ахметұлы, Тараз қаласы өзбек этномәдени бірлестігінің төрағасы – Зайнутдинов Абдурахман Юлдашұлы және Жамбыл облысы Қазақстан халқы ассамблеясы жанындағы Ардагерлер кеңесінің төрағасы – Джанабаев Рахмеджан Ергешұлы марапатталды.

Қоғамда белсенділік танытып ел ынтымағына ерекше үлес қосып келе жатқан этнос жетекшілерін марапаттау  салтанатының соңы пікір алмасып естелік суреттерге түсумен аяқталды.

Жамбыл облысы әкімі аппаратының

«Қоғамдық келісім» КММ

Баспасөз қызметі орталығы

Ауыл әкімі болғым келеді!

/in /by

Ағымдағы жылы  Достық үйінде Жамбыл облысы әкімі аппаратының «Қоғамдық келісім»   КММ  ұйымдастыруымен Елбасы Н.Назарбаевтың 2018 жылғы     5 қазандағы «Қазақстандықтардың әл-ауқатының өсуі: табыс пен тұрмыс сапасын арттыру» атты Қазақстан халқына Жолдауын жүзеге асырудыңЖедел жоспарының «Жаңғырған ауыл» және «Ауылым – ел бесігі»тармақтарындағы тапсырмаларға  және Жастар жылы аясындағы облыстық Жол картасына сәйкес«Ауыл әкімі болғым келеді!»  әлеуметтік жастар жобасыныңбайқауы өтті.

Байқаудың мақсаты  жастарды өз идеялары мен бизнес-жобаларын белсенді түрде жүзеге асыруға ынталандыру, стартап-жобалары бар және кәсіпкерлік негіздерін игерген ауыл жастарымен қарым-қатынасты нығайту және қолдау. Сондай-ақ, ауылдың әл-ауқаты, тұрмысын жақсартып, ауылдағы жұмыссыздықты азайтуға бағытталған.

Байқау екі кезеңнен тұрды. Бірінші кезеңде  аудандардағы ауыл жастарыныңауылды көркейтуге арналған инновациялық жобалары таңдалды, олардың өндірістегі жетекшілері бекітілді.Бақ сынасып байқауға қатысқан25 жобаның ішінен  екінші кезеңге, яғни облыстық турда тек ауданнан жолдама алған 9 жоба бәсекелесті. Жобасын жүзеге асырсам деген жастарға әділқазылық еткен қазылар құрамында «Атамекен» кәсіпкерлер палатасының кәсіпкерлері және аймақтағы ЖОО оқытушылары болды.

Жобалар байқауының нәтижесі бойынша бірінші орынға Құлан ауылшаруашылығы колледжінің Ветеринария мамандығының студенті – Гордеев Денис Геннадьевичтің «Баламалы энергия көзі негізіндегі агрономия мамандығының тәжірибелік алаңы» атты бүгінгі таңда өндірістік сынақтан өтіп жатқан  өндірістік жобасы лайық деп табылды. Екінші дәрежелі орынды  Қызылорда, Жамбыл облыстарының шөлейт жерлерін құнарландыруға бағытталғанЖамбыл облысы әкімдігінің жастар саясаты мәселесінің басқармасының қызметкері – Олжабаев Асхаттың «Жоңышқа – табиғи тыңайтқыш» атты бірнеше жас ізденушілердің республикалық жобасы иеленді. Кезекті үшінші орынның тұғырынан М.Х. Дулати атындағы ТарМУ студенті – Талғат Жарқын Мұхтарұлының жаңа стандарттағы  «Құсфабрикасы» жобасы көрінді.

Сайып келгенде, «Ауыл әкімі болғым келеді» байқауына ұсынылған жұмыстардың тақырыбы  мүмкіндігі шектеулі жандарға көмек, жұмыссыз жастарды демеу сияқты әлеуметтік саланы, ауылда мал шаруашылығын дамыту, өндірістер ашу, инфрақұрылымды дамыту сияқты сан-салалы мәселелерді қамтыды.

Жобалар бақ сынасқан бәсеке мәресіне  жеткеннен кейін жеңімпаздар мен қатысушыларға бағалы сыйлықтар мен алғыс хаттар табыс етілді.

Жастар жылының қорытынды жобасына дүнген этномәдени бірлестігі,  ҚХА-ның «Ақ желкен» жастар лигасының жетекшісі, жас кәсіпкер Зайнуддин Махусеев, «Ахыска» түрік этномәдени бірлестігінің жастар қанаты жетекшісі Зульфия Фарманова демеушілік етті.

 

Жамбыл облысы әкімі аппаратының

«Қоғамдық келісім» КММ

Баспасөз орталығы

Достық үйінде Журналистер клубының отырысы өтті

/in /by

Ағымдағы жылдың желтоқсан айында Жамбыл облысы әкімі аппаратының «Қоғамдық келісім» КММ-нің Баспасөз бөлімі Журналистер клубының кезекті екінші отырысын өткізді.

Жыл бойына өткізіліп отыратын  клубтың бірінші отырысы облыстық «Бір шаңырақ астында» байқауының алдында, үстіміздегі жылдың  мамыр  айында өткізілген болатын. Жиында байқауға қатысущы БАҚ өкілдерінің өткізген материалдары сарапталып, жеңімпаздар анықталған болатын.

Клубтың кезекті екінші отырысында  Жамбыл облысы Қазақстан халқы ассамблеясы хатшылығындағы облыс әкімінің бас инспекторы Жақсылық Жасөркен Берікұлы модератор болды.

Күн тәртібінде белгіленген мәселелер қатары  бойыншаоблыс әкімі аппаратының «Қоғамдық келісім» КММ Баспасөз орталығының баспасөз хатшысы Бибігүл Утеповаоблыстық ассамблеяның журналистер клубының  жыл бойы атқарған  жұмыстары туралы баяндады.

Жиында ұсынылған күн тәртібі бойынша, облыстық, қалалық және аудандық БАҚ өкілдерінің жұмыс барысында туындаған мәселелері мен ұсыныстары талқыланды. Сонымен бірге, облыстық Қазақстан халқы ассамблеясы Журналистер клубының жетекшісі қайта тағайындалып,  клуб мүшелерінің құрамын жаңарту мәселелері қаралды. Күн тәртібіндегі екінші мәселе турасында клубтың жұмысын жандандыру мақсатында жұмыс барысында туындаған мәселелер мен ұсыныстарды талқылау жөніндеорталықтың БАҚ-пен жұмыс істейтін менеджері Оңғар Назерке«Қоғамдық келісім» КММ Баспасөз орталығының ұсыныстарымен бөлісті.

Мәжіліс барысындаЖамбыл облысы Қазақстан халқы ассамблеясы хатшылығындағы облыс әкімінің бас инспекторы Жақсылық Жасөркен Берікұлы: – Құрметті клуб мүшелері, облысымызда қоғамдық келісім мен жалпыұлттық бірлікті қамтамасыз ету мақсатында атқарылып жатқан жұмыстарды республикалық, облыстық және аудандық БАҚ-та кеңінен жариялап отыруымыз қажет. Алдағы уақыттабірігіп атқаратын жұмысымыз көп. Және де атқарылатын жұмыстарға үлкен жауапкершілікпен қарап, баршаңызды біркісідей атсалысуға шақырамын!» – дей келе,Қазақстан Республикасының 2008 жылғы 20 қазандағы «Қазақстан халқы Ассамблеясы туралы» Заңына сәйкес, Жамбыл облысы Қазақстан халқы ассамблеясының Журналистер клубының облыс әкімі аппаратының «Қоғамдық келісім» КММ Баспасөз орталығының баспасөз хатшысы Б.Утепованың есебінің назарға алынуы, мемлекеттік этносаясаттың маңыздылығын жүзеге асырып, ҚХА ақпараттарын кеңінен жариялап отырған  «Ұлы шаңырақ» газетіне жазылушылар санын көбейту тәрізді мәселелерді қорытындылады. Сондай-ақ, өткізілген ассамблея іс-шаралары маңыздылығын көпшілікке жеткізуде республикалық, облыстық, қалалық, аудандық БАҚ-та және әлеуметтік желілерде материалдар мен хабарламалардыңдер кезінде жариялануын қамтамасыз ету, облыстық ассамблея құрылымдарының жұмысы туралы материалдарды БАҚ-та кеңінен жариялануын қадағалау, атқарылған жұмыстар туралы тоқсан сайын мониторинг жүргізіліп және келер жылға облыстық ҚХА-ға қатысты БАҚ өкілдерінің медиа-жоспарлары жөнінде облыстық ассамблеяның Баспасөз орталығына ақпарат беру, облыстық  «Магнолия» газетінің тілшісі Михаил Буниннің облыстық байқауға қатысты айтылған ұсыныстары қарастырылуы сияқты бірқатар келелі мәселелер жөнінде шешімді атап өтті.

Жиын соңы үш жылға жуық облыстық ассамблеяның Журналистер клубын жауапкершілікпен атқарғаны үшін және Қазақстан халқы ассамблеясы жұмыстарын жарықтандыруда аянбай еткен ерен еңбегі үшін   облыстық тілші Бунин Михаил Вениаминовичті марапаттаумен аяқталды.

Жамбыл облысы әкімі аппараты

«Қоғамдық келісім» КММ

Баспасөз орталығы

Жастар арасындағы медиация

/in /by

Мемлекет басшысының «Қазақстандықтардың әл-ауқатын арттыру: табыстар мен өмір сапасын арттыру»  атты Қазақстан халқына Жолдауын іске асыру жөніндегі жалпыұлттық іс-шаралар жоспарын орындау мақсатында «Медиация бірлік негізі ретінде» әлеуметтік жобасы әзірленді.  Ол қоғамның, оның ішінде жастар ортасының толыққанды дамуы мен әлеуметтенуі үшін қолайлы жағдай жасауға бағытталған. Айта кетерлігі, жастар жылы жастарды қолдау және дамыту жөніндегі жаңа жобаларды жүзеге асыру және олардың қоғамдық өмірге белсенді қатысуға деген қызығушылығын арттыру үшін жаңа мүмкіндіктер ашты. Осыған орай, Тараз қаласының Достық үйінде  Медиация кабинетінде үстіміздегі жылдың желтоқсан айында «Жастар арасындағы медиация» тақырыбында оқу семинар-тренингі өткізілді.

Жамбыл облысы әкімі аппаратының «Қоғамдық келісім» КММ-нің алға қойған мақсаттарына қол жеткізу үшін мұндай бірқатар – «Мектеп медиациясы», «Жастар арасындағы Медиация», «Отбасылық медиация», «Медиация. Базалық курс» сияқты оқу тренингтерінен қаншама жастар игілікті дәріс алды.  Алғашқы оқу сабақтарының бірі – «Мектеп медиациясы» ҚХА «Жаңғыру жолы» жастар қозғалысының жас өкілдері, «Айбын» әскери-патриоттық клубы және облыс мектептерінің оқушылары үшін өткізілген болатын. Мектеп ортасындағы шиеленіс сипатқа ие болатын күрделі жағдайлардың саны жыл сайын артып келе жатқанына байланысты, тренингтің мақсаты оқушыларды дауларды конструктивті шешуге және олардан шығуға көмектесетін әдістермен және тәсілдермен таныстыру болды.

Сабақ барысында оқушылар медиативтік процедуралар тәжірибесінен мысалдар оқып, ойын түрінде өздерін медиатор ретінде көрсетіп, оны сәтті орындап шықты.

«Жастар арасындағы Медиация» семинар-тренингі стресстік және даулы жағдайларда дауларды шешу дағдыларын қолдану ұстанымдарына негізделді.  Алынған тәжірибе жастарға өз құрбыларымен және ересектермен қарым-қатынасын сауатты құруға көмектеседі. Оқу сабағының қатысушылары ҚХА «Жаңғыру жолы» жастар қозғалысының белсенді өкілдері, колледж және мектеп студенттері болды.  Оларға дау-жанжалды жағдайлар  мен  медиацияны шешу кезінде қолдану тәсілдері ұсынылып, олар алынған дағдылардың көмегімен табысты шешілді. Тренингте жастарды оқыту күнделікті өмірдегі келеңсіз жағдайларды азайтуда айтарлықтай нәтиже береді.

«Медиация бірлік негізі ретінде» жобасын жүзеге асыру міндеттеріне сондай-ақ, Жамбыл облысы ҚХА-ның тәжірибеші медиаторларының кәсіби біліктілігін үнемі қолдау және біліктілігін үнемі арттыру қажеттілігі де жатады.  Оған орай, әлеуметтік жоба аясында «Отбасылық медиация» атты семинар-тренинг те өткен болатын.

Ресми мәліметтер бойынша, елімізде әрбір үшінші отбасы ыдырап жатыр, бұл негізінен жас жұптар. Қазақстан халқы Ассамблеясының міндеті – этностардың менталитетін, мәдениетін ескере отырып, осындай проблемаларды шешуге жәрдемдесу, оларды ескерту. Аналар кеңесінің, этномәдени бірлестіктердің өкілдері, ҚХА-ның ақсақалдары мен медиаторлары отбасылық қарым-қатынас саласындағы жанжалдар түрлері мен Медиация ерекшеліктерімен танысты.

Оқыту интерактивті тренинг форматында өткізілді. Онда мини-дәрістер, практикалық жаттығулар, рөлдік ойындар және отбасылық даулар мен қақтығыстар бойынша пікірталастар қолданылды. Бұл дағдылар оларды отбасылық құндылықтарды сақтау және әртүрлі даму кезеңдерін бастан кешірген ата-аналар мен отбасыларға қажетті көмек көрсету үшін медиация кабинетінде құрылған «Отбасы орталығында» бұрышында пайдалануға көмектеседі.

Медиаторлар желісін дамыту және ҚХА медиаторлары пулын қалыптастыру және кәсіби емес медиаторлар үшін базалық курстан  аудандық би кеңесінің, этномәдени бірлестіктердің, жеке ұйымдардың өкілдері, жалпы білім беретін мектептердің психологтары мен әлеуметтанушылары базалық білім алды.  Қатысушылар оларды адамдар арасында туындаған даулы қарым-қатынастарды реттеу үшін пайдаланатын болады. Тренингте алынған бұл дағдылар қоғамдағы әлеуметтік, саяси шиеленісті төмендетуге көмектеседі.

Сабақты тәжірибелі сертификатталған медиатор-жаттықтырушы Сафонова Лариса Владимирқызы өткізді. Әр семинар-тренингтен кейін қатысушыларға сертификаттар мен әдістемелік ұсыныстар берілді. Жобаны бастапқы іске асыру 2019 жылға көзделген, бірақ медиация мен қалпына келтіру тәсіліне оқыту бір реттік бола алмайды, ол келесі жылы да жалғасатын болады.

Біз Жамбыл облысы әкімі аппаратының «Қоғамдық келісім» Жамбыл коммуналдық мемлекеттік мекемесінде Медиация мектебі базасында медиативтік өзара іс-қимыл саласында дайындықтан өткен тыңдаушылар Қоғамдық келісім мен жалпыұлттық бірлік саласындағы жанжалдар мен дауларды шешуде бірегей тәжірибе мен практикалық дағдыларды алды деп есептейміз.

Жамбыл облысы әкімі аппаратының

«Қоғамдық келісім» КММ

Баспасөз орталығының басшысы

Бибігүл Шахзада

Медиацияның қоғамдық келісімді қамтамасыз етудегі рөлі

/in /by

Үстіміздегі жылдың желтоқсан айында Тараз қаласындағы Достық үйінің Медиация кабинетінде «Қоғамдық келісімді қамтамасыз етудегі медиацияның рөлі» тақырыбында медиаторлар кеңесінің кеңейтілген отырысы өтті.

Іс-шараға облыстық, қалалық соттардың судьялары, кәмелетке толмағандардың істері жөніндегі мамандандырылған  ауданаралық сотының судьялары, прокуратура, облыстық ІІД өкілдері, этномәдени бірлестіктердің мүшелері, ҚХА медиаторлары және БАҚ өкілдері қатысты.

Кездесу барысында «Медиация туралы» заңды дамыту және қолдану перспективалары, өңірдегі медиация институтының қызметін күшейту және жандандыру үшін мемлекеттік органдармен, азаматтық қоғам институттарымен өзара іс-қимылдың негізгі тетіктері туралы мәселелер қаралды.

Мәжілістің  модераторы боп Медиация кабинетінің меңгерушісі-Досыбиева Валентина Николайқызы саналды. Алғы сөз «Қоғамдық келісім» КММ басшысы Убайдуллаева Рано Махсұдқызында болды.

Отырыста Жамбыл облыстық сотының қылмыстық істер жөніндегі сот алқасының төрағасы Н. М. Абидов, бітімгершілік процедуралар жөніндегі үйлестіруші Д. Н. Нұрлыбаева, «Отбасылық медиация» облыстық сотының судьясы  Ғ.А.Асылбек және басқалар сөз сөйледі.

«ҚХА – ның Жамбыл облысындағы 2019 жылғы медиация кабинетінің қызметі туралы» баяндамасымен Валентина Николайқызы өз ойын білдірді: – 2019 жылдың 10 айында ҚХА медиаторларына 803 азамат жүгінді, оның ішінде 697 жанжал мен даулы жағдайлар шешілді. Шешілген мәселелердің негізгі түрлері: еңбек – 33, азаматтық – 400, отбасылық – 123, қылмыстық даулар – 141. Медиация кабинетінің бітімгершілік рәсімдерді насихаттау бойынша жүргізген жұмыстарының нәтижелерін біз қазірдің өзінде көріп отырмыз. Ағымдағы кезеңде медиация кабинеттеріне 2018 жылдың ұқсас кезеңіне қарағанда 24,5% – ға артық өтініш білдірді, өткен жылмен салыстырғанда қақтығыстар мен даулы жағдайлар шешілді, жалпы саннан 38.7% – ға өсті. Медиация өңірдегі дауларды шешудің танымал институтына айналуда.  Сондай-ақ, спикерлер өз сөздерінде, медиация құқықтық дауларды шешуде өзінің тиімділігін дәлелдегенін атап өтті. Отырысқа қатысушыларға 2019 жылғы медиация кабинетінің жұмысы туралы В.Досыбиеваның дайындауымен бейнеролик көрсетілді.

Сонымен қатар, бітімгершілік процедуралар жөніндегі үйлестіруші Д. Н. Нұрлыбаева атап өткендей: – Жамбыл облыстық соты мемлекеттік қызмет істері агенттігі мен «Атамекен» ҰКП департаментінің қызметкерлерімен кездесу ұйымдастырып өткізді, онда жария-құқықтық қатынастардан туындайтын даулар бойынша мәселелер талқыланды,-дей келе, талқылау нәтижесі бойынша облыстық сот «Жария-құқықтық қатынастардан туындайтын дауларды алдын алу» жобасын іске асыру шеңберінде заңнаманы және құқық қолдану практикасын жетілдіру бойынша мемлекеттік органдардың қызметін үйлестіретін жұмыс тобын құруды ұсынды.

Кездесу соңында кеңейтілген отырысқа қатысушылар Жамбыл облысындағы медиация институтын дамыту жөнінде нақты ұсыныстар беріп, пікір алмасты.  Облыстық сотпен, облыстық прокуратурамен, облыстық ішкі істер департаментімен, сондай-ақ, «Нұр Отан» партиясының ЖОФ-мен, медиация орталықтарымен, этномәдени бірлестіктермен және қоғамдық медиаторлармен өңірдегі медиация институтын дамыту үшін тұрақты негізде өзара іс-қимыл жасау жұмысын жалғастыру ұсынылды.

Оған қоса, халық арасында бітімгерлік рәсімдерді насихаттауды және Жамбыл облысы ҚХА кәсіби емес медиаторларының біліктілігін арттыру үшін оқыту курстарын өткізуді жалғастыру.

Қоғамдық келісім «КММ баспасөз орталығы»

Жамбыл облысы әкімі аппаратының

Баспасөз қызметі орталығы

Қайырымдылық қадірлі іс!

/in /by

Біздің барлығымыздың ортақ тілегіміз – еліміздің амандығы және Қазақстанымыздың дамуы мен гүлденуі. Осы арқылы біздің әрқайсымыз бақытты өмірге сенімдіміз. Әр отбасының тыныштығы, әл-ауқатының өсіп, тұрмыс сапасының артуы бәрімізге маңызды. Тараз қаласы Шу ауданында үйі өрт құшқан еврей халқының азаматшасына Қазақстанмен қатар  алып мұхиттық арғы жағындағы қандастарынан да көмек қолы келіп жетті. Жаны жомарт жандар  зардап шеккен отбасыға барынша көмек көрсетті.

Жамбыл облыстық «Шиват Цион»  этномәдени бірлестігі» қоғамдық бірлестігі төрайымы  Корнилина Людмила  Григорьевна Шу ауданында  үйі өртенген Ивашкина Татьяна Абрамовна және  оның мүмкіндігі шектеулі әрі   іс-әрекетке қабілетсіз ұлына көмек көрсетті.  Қарт әйелдің қайғысына  Шымкент қаласының еврей қауымы да  ортақтасып  175 000 мың теңге ақшалай жәрдем жасады. Аталған көмекті зардап шеккен отбасының есебіне еврей қауымының мүшесі, үйлестіруші Белла Атран жіберді. Сондай-ақ, қауымдастықтың кеңсесіне қайырымды жандардың көмегі ретінде тұрмыстық қажетті заттар, төсек-орын жабдықтары,  ыдыс-аяқ,  азық-түлік және ақша түрінде    көмек көрсетілген.

Қайырымды іс жасаудан Америкадағы еврей этносының өкілдері де шет қалмады.  «Джойнт» атты америкалық еврей үйлестіруші  комитетінен  200 000 теңге  бөлінсе,  Тараздағы еврей этносы 40 000 теңге жинап берді. Демеушілердің көмегімен жиналған ақшаға сатып алынған құрылыс материалдары мен басқа да қажетті заттар Людмила Григорьевна мен Тараз қаласындағы еврей этносының үйлестірушісі Наталья Перфильева арқылы  Тараз қаласынан Шу ауданына зардап шеккен отбасыға жеткізілді.

Зардап шегуші отбасыға барлығы 415 000 теңгеге қайырымдылық көрсетілді.

Назерке Оңғар

Жамбыл облысы әкімі аппараты

«Қоғамдық келісім» КММ

Баспасөз орталығы

Біз достықпен мықтымыз!

/in /by

Тараз қаласының Достық үйінде “Жамбыл облысы этностарының дәстүрлері мен мәдениеті” жобасы аясында “Біз достықпен мықтымыз!” атты этномәдени бірлестіктердің фестивалі өтті.

Іс-шараның мақсаты облыстың этномәдени бірлестіктерінің дәстүрлері мен мәдениетін сақтау және дамыту, олардың шығармашылық әлеуетін ашу, “Рухани жаңғыру”бағдарламасын жүзеге асыру және насихаттау болып табылады.

Шараға облыстың этномәдени бірлестіктерінің өкілдері мен жастары қатысты.

Этнофестиваль театрландырылған қойылым түрінде өтті,онда баланың туған кезінен бастап ересек жасқа дейінгі өмірі көрсетілді. Әр түрлі этностар өз дәстүрлерін өмірлерінде маңызды орын алатын сәттерін салт-дәстүр түрінде көрсетті. Сахнаға алғашқылардың бірі болып  «Әулие-ата» қазақ мәдени бірлестігінің өкілдері бала дүниеге келгенде  қазақы салт-дәстүрмен «Сүйінші сұрау» атты жоралғыны театрланған көрініспен қойды.

Сүйінші – қуанышты хабар әкелушіге берілетін сыйлық. Дүниеге жас нәресте келуін, келін түскенді, алыстағы сағынған адамның келгендігін, жоғары атақ, үлкен сыйлық берілуін, т.б. қуанышты сәттерді алғаш хабарлаушы сүйінші сұрайды. Сүйіншіге бағалы зат немесе ақша береді. Қуанышты хабар жеткізуші адам «сүйінші-сүйінші» деп келеді. Мұндайда қуанышты үй иесі «қалағаныңды ал» дейді. Немесе оған риза болатындай сыйлық ұсынады. Бұл қуанудың, ризалықтың белгісі. Сүйінші сұраудың да, оның сүйіншісін алудың да ешқандай сөкеттігі жоқ.

Қазақ мәдени бірлестігі көрерменге тек «Сүйінші сұрау» салтымен ғана шектелмей бесікке салу рәсімінде көрсетті. Ежелден дүниеге ұл бала келсе де, қыз бала келсе де қазақтар үлкендердің ақ батасын алып баланы бесікке бөлеп әлдилейтін  болған.  Бұл үрдіс күні бүгінге дейін жалғасын тауып келеді.  Қазақ халқы  баласын ағаш бесікке салып асырайды. Қазақтар ертеде өшпелі халық болғасын ағаш бесік көшпелі өмірге өте қолайлы, иіп кептірілген талдан жасалған. Екі басын қайың ағаштан да шауып жасайды, астына тақтай салып, дәрет жүретін жерін тесіп ойып қояды. Оған киізден түбек жасап кигізеді. Баланы орайтын кеудеше, аяқ жақты қымтайтын көрпеше жастықтар салады. Бесіктегі сәбидің дене бітімі түзу, қол-аяғы түзу, ширақ болады. Бесік баланы кездейсоқ құлаған заттан, суық пен ыстықтан қорғайды.

Одан әрі Жамбыл облыстық «Радонеж» орыстар қоғамы» қоғамдық  бірлестігі «Әженің ботқасы» атты дәстүрлерін ұсынды. Орыс халқында баланы шомылдыру рәсімін өткізінен кейін яғни шоқындыру рәсімінен соң үйге келген сәби мен қонақтарға әжесі ботқа жасап таратады. Сол сәтте балаға арнап тілек айтқан адамға ерекеше көп ботқа берілетін болады. Ботқаның құрамында денсаулыққа пайдалы дәмдеуіштер болады және ол ерекеше дәмге ие тағам түрлеріне жатады.

«Ахыска» түрік этномәдени бірлестігінің Жамбыл облыстық филиалы қоғамдық бірлестігі баланың алғашқы қадамдарын басқан сәтте тұсауын кесу рәсімін жасады.  Ақ матада бала ортасына дейін өтіп, монеталар салынған қапшықты қолына алады. Шақырылған қонақтар мен туыстар өз қалауы бойынша өз үлесін қосып, қапшыққа тиындар салады.

Өзбек этномәдени бірлестігі музыканттардың сүйемелдеуімен ұлттық әуендеріне билеп шықты. Әжелер, халық әнін шырқап, 6-10 жас аралығындағы немерелеріне шашу шашып, соңында әрбір әже немересінің басына тақиялы кигізіп, ұзақ өмір сүруді тілей отырып, батасын берді.

Одан әрі тәжік этномәдени бірлестігі 13 жастағы қыз әкесімен “Әдемі әрі бойжеткен қыз өсірген егін алқабын қалай өсті”-деп, әңгімелеседі.  Басқа қыздармен бірге хореографиялық композицияда бидай өрісі бейнеленген кілем тігіледі. Тәжік халқы үшін кілем құнды зат болып табылады. Тоқылған кілемнің  астында күйеу жігіт қалыңдығын ертіп үйіне алып барады.

Қыздың өміріндегі маңызды кезеңді әзірбайжан этномәдени бірлестігі ұсынған құдалық рәсімінен көруге болады.Күйеу жігіттің жағы қалыңдыққа сақина берді, ал ол өз кезегінде бұл сақинаны құрбыларына үлгі етеді. Өлшемі сәйкес келген қалыңдық сәтті үйленуге келісімін береді.

Үйлену той үрдісін көрерменге украин этномәдени бірлестігі көрсетті. Мұнда қатысушылар күйеу жігіт пен қалыңдыққа нан (тұз қосылған нан) тарту етеді. Содан кейін қалыңдықтың анасы қызының басына үш түрлі-түсті лента байлайды, олар анасының, әкесінің және туған жерінің батасын білдіреді.

Әйел өміріндегі керемет сәт-ол ана болуға дайын кезде. Кәріс этномәдени бірлестігі дәстүрлі тағамдардың әйел затының философиясымен байланыстырды.Мысалы, күрішті жақсы  көрсе, толғатып жатқан ана  ол дені сау бала туады, ал етті жақсы көрсе, жүктілік қуанышты болады, өткір кимчиды жеу оның жүктілігіндегі жеріктігі ең ауыр кезең, ал босануы жеңіл болады.

Қарашай-балқар этномәдени бірлестігі ұлын әскерге шығарып салу рәсімін көрсетті. Қарашай балқарларда әскерге кетіп бара жатқан ұл анасының табанының астынан топырақ алып, оны өзімен бірге ала кететін болған. Бұл оған сыртта жүргенде қорған болады деп есептеген. Міне, осы бір рәсім арқылы қарашай-бақар халқы ана деген құрметтің зор екендігін  тағы бір мәрте көрсетті,

Қойылым соңында түрлі этностардың аналары өз ана тілінде өлеңдер мен тілектер оқыды. Жер Ана символы ретінде шыққан ана айналаның бәрін біріктіріп, татулықтарын арттыруға шақырды.Фестиваль аяқталар тұста қатысушыларға ұлттық кәдесыйлар мен тәттілер таратылды.

Жамбыл облысы әкімі аппаратының

«Қоғамдық келісім» КММ

Баспасөз орталығы

Назерке Оңғар

Қоғамдық келісім кеңесінің форумы өтті

/in /by

Тараз қаласының Достық үйінде  Жамбыл облысы Қазақстан халқы ассамблеясы мен облыс әкімі аппаратының «Қоғамдық келісім» КММ бірлесе ұйымдастыруымен аймақтық ассамблея жанынан құрылған қоғамдық келісім кеңесінің «Тұрғындардың сапалық өмір сүруін жақсартудағы қоғамдық келісім кеңестерінің рөлі» тақырыбында облыс ҚХА қоғамдық келісім кеңесінің форумы өтті.

Форумға Жамбыл облысы әкімдігі еңбекпен қамтыуды үйлестіру және әлеуметтік бағдарламалар басқармасының, еңбек, әлеуметтік қорғау және көші –қону комитеті Жамбыл облысы бойынша департаментінің, Жамбыл облысы әкімдігі қаржы басқармасының, «Казпочта»АҚ Жамбыл филиалының басшылары, Еңбек, әлеуметтік қорғау және көші –қону комитеті Жамбыл облысы бойынша департаментінің басшысының дәрігерлік-әлеуметтік сараптама мәселелері жөніндегі орынбасары, Жамбыл облысының прокурорының бірінші орынбасары, Тараз қаласы әкімдігінің ішкі саясат бөлімінің бас маманы, «Гуд Жем» ЖШС менеджері, ауыл, аудан, мекемелердегі ҚКК барлық деңгейдегі мүшелері қатысты.

Форум мақсаты – тұрғындар мен азаматтық қоғам институттарының жергілікті атқарушы органдармен, өкілетті билікпен байланысын қамтамасыз ету, қоғамдық келісім мен ұлттар бірлігін нығайту бойынша ұсынымдар әзірлеу және талқылау, қоғамдық маңызды бастамалар, жобалар мен ұсыныстарды қолдау және ынталандыру, келеңсіз үрдістердің алдын алу мен ескертуге қатысу, алауыздық пен егестерді реттеудің практикалық шараларын жүзеге асыру, жан-жалды жағдайға жеткізбеу, әлеуметтік шиеленіс ошақтарын тоқтату болып табылады.

Кеңес форумы Облыс қоғамдық келісім кеңестерінің жұмысы жайлы көрмені тамашалаумен басталды. Көрмеге «Good Look Сауда үйі» ЖШС жем шығару өндіріс орны және Талас, Сарысу, Жуалы, Байзақ, Мойынқұм, Жамбыл, Т.Рысқұлов ауданыдарының қоғамдық келісім кеңесінің атқарған жұмыстарына қатысты ақпараттар мен көрнекіліктері қойылып, өзара сынға түсті. Жамбыл облысы Қазақстан халқы ассамблеясының хатшылық меңгерушісі Қожаева Маржан Төреғұлқызы аудандардың артық кем тұстарын айтып, түрлі тапсырмалар берді.  Мәселен Талас ауданындағы Қасқабұлақ ауылында тек күрді халқы ғана мекен етеді. Оларға арнап салынған мектептің ішінен қазақ сыныбын ашу әлі күнге қолға алынбаған. Маржан Төреғұлқызы осы мәселені таластықтарға шегелеп тапсырды. Ал, Жамбыл ауданында атқарылған ауықымды істер мен жүзеге асырылып жатқан шаруаның қарасы қалың екен. Шайқорық ауылына қарасты Қоңыртөбе елді мекенінде жастардың есірткіге әуестігін тию мақсатында Қоғамдық келісім кеңесінің өкілдері ауыл тұрғындарына арнап  салып жатқан мешітке қолдау танытып жатыр. Сондай-ақ, ауылдағы арақ мәселесімен арпалысуда айтарлықтай жүзеге асып жатқан көрінеді. «Биылғы жылы Жамбыл ауданы Жамбыл ауылдық округындағы дүкен сөрелерінен талайдың тағдырына кесірі тиген  арақ атаулының төбесі көрінбейтін болады.», – дейді аудан әкімдігі ішкі саясат бөлімінің Қазақстан халқы ассамблеясына жауапты  маманы Әбдірахман Мадияр Мұхтарұлы.Бұдан өзге аудандар мен мамандарға арнайы тапсырмалар мен міндеттер жүктелді. Өз аудандары туралы жақсы жаңалықтары мен игі істері туралы толыққанды таныстырған мамандарға дәрежелі орындармен сый-сияпаттар табыс етілді. Атқарған жұмысы мен айрықша нәтежиелерінің арқасында Жамбыл ауданы жүлделі бірінші  орыннан көрінді.

Көрме көрсетілімінен кейін форум басталды. Жиын тізгіні облыс ҚХА қоғамдық келісім кеңесі төрағасының орынбасары – Тажибаев Бигелді Халилуллаұлында болды.

Мінбеге алғаш болып шыққан Жамбыл ауданы қоғамдық келісім кеңесінің төрағасы – Сырлыбаев Бахыт Уалиұлы бастады. ҚХА әлеуметтік жобаларын жүзеге асыру, қайырымдылық, азаматтарды қабылдау, тұрғындардың өзекті мәселелерін шешуде Жамбыл ауданы қоғамдық келісім кеңесінің іс-тәжірибесі туралы баяндаған Бахыт Уалиұлы аудандағы кеңестің кең көлемде атқарған істері туралы есебіменде таныстырды. Жамбыл ауданы қоғамдық келісім кеңеснің төрағасының айтуы бойынша аталған ауданда биылғы жылы тоқсанына бір рет кеңестің отырысы өткізіліп, аудан халықтарының әлеуметтік мәселелерін шешуде кеңес мүшелері белсенділік танытқан. Кеңес жұмысы барысында 17 ауылдық округ бойынша кеңес мүшелеріне 110-ға жуық ұсыныс түсіп, оның 80-ге жуығы қанағаттандырылған. Сонымен қатар, биылғы жылы  Қоғамдық келісім кеңесінің мүшелері әлеуметтік жағдайы аз қамтылған, көп балалы аналарға және мүмкіндігі шектеулі отбасыларға барлығы 40 млн. теңге  көлемінде қайырымдылық шараларын жасаған.   Сонымен қатар, ауданда 11 медиатор жұмыс істеп жыл бойында 80 жуық мәселенің 60-ның шешімін тапқан.

Сонымен қатар, жиын барысында облыс қоғамдық келісім кеңестерінің ҚХА «Кедергіге жол жоқ» әлеуметтік жобасын жүзеге асыру,  «Жамбыл облысы Азаматтық альянс» заңды тұлғалар қоғамының  президенті,  облыстық «Кедергіге жол жоқ» мониторинг тобының жетекшісі – Юлдашев Заитжан Рахимұлы сөз сөйледі. «Мен осы іс-шара мүгедектер мен олардың отбасыларының проблемаларына, олардың қадір-қасиетін, құқықтары мен амандылығын қорғауға назар аударатынына, мүмкіндігі шектеулі жандардың құқықтары мен олардың проблемаларының өзгеруі үшін негіз болатындығына шын жүректен сенемін. Қазіргі заманғы қоғам арқылы мүмкіндігі шектеулі адамдардың интеграциясы мен әлеуметтік бейімделуі саласында да тез арада шешуді талап ететін ең өткір мәселелер бар.2019 жылдың сәуір айындағы ақпарат бойынша біздің облыста 45098 адам мүгедектер тұрады, оның ішінде 1-ші топтағы мүгедектер – 4125 адам, 2-ші топтағы мүгедектер – 18586 адам, 3-ші топтағы мүгедектер – 16171 адам, 18 жасқа дейінгі балалар -6196» – дейді,Заитжан Рахимұлы.

Кеңес отырысы барысында Тараз қаласындағы «Гуд Жем» ЖШС өндіріске прогрессивтік технологияны енгізудегі жұмыстары  туралы “GOOD LOOK Сауда үйі» ЖШС дайын өнімдерді сату  менеджері- Усенбаев Мухамед Еділбайұлы және ауылдарды дамытуда ҚХА «Жаңғырған ауыл» әлеуметтік жобасын жүзеге асыру және агроөнеркәсіптік секторға жаңа технологияны енгізудегі жұмыстары  туралы «Ақ желкен» жастар лигасының төрағасы, кәсіпкер – Махусеев Зайнуддин Абдулбахтиярұлы өз баяндамаларын жасады.

Жамбыл облысы ҚХА қоғамдық келісім кеңесінің форумының соңы концерттік бағдарламамен және жыл бойы белсенді жұмыс істеген кеңес мүшелеріне алғыс хаттар табыс етумен тәмамдалды.

Жамбыл облысы әкімі аппаратының

«Қоғамдық келісім» КММ

Баспасөз қызметі орталығы

Таразда аймақтық ассамблеяның Аналар кеңесінің кеңейтілген отырысы өтті

/in /by

ҚР Президентінің «Бірге» сайлауалды бағдарламасы мен Қазақстан халқына жолдауындағы тапсырмаларын ілгерілету және облыс ассамблеясының Аналар кеңесінің жыл бойы атқарған жұмысын қорытындылау негізінде аталған  кеңестің Таразда  кеңейтілген отырысы өтті.

Жамбыл облысы Қазақстан халқы ассамблеясы мен облыс әкімі аппаратының «Қоғамдық келісім» КММ бірлесе ұйымдастыруымен өткен шараға облыстық этномәдени бірлестіктің Аналар кеңесі, облыстық жұмыспен қамтужәне әлеуметтік қамсыздандыру бөлімі, облыстық дағдарыс орталығының мамандары,  оқу орындарындағы қыздар үйірмелерінің жетекшілері, жастар, отбасы мен қоғамдық жұмыстарды тең алып жүрген азаматшалар қатысты.

Шараның мақсаты – көп балалы отбасылар мен жастарды қолдау бойынша мемлекеттің жаңа шараларын түсіндіру, әрбір нақты аймақта отбасылық негізде шағын және орта бизнесті жүргізу үшін мемлекет ұсынатын мүмкіндіктерді қалай пайдалануға болатынын жеткізу, көп балалы және жас отбасыларды қолдау бойынша өңірде қолданылатын шаралармен таныстыру, аудандардағы аналар кеңесінің іс тәжірибесімен таныстыру, сонымен бірге  аналарға өз балаларының бейбіт және қауіпсіз болашағының негізі ретінде елдегі әлеуметтік әл-ауқат, тұрақтылық, бейбітшілік және келісім саясатын қолдауға шақыру болатын.

Кеңестің кеңейтілген отырысы аудандардағы Аналар кеңесінің қызметі туралы көрмені тамашалаумен басталды. Көрмеге түрлі қолөнер бұйымдары мен тағамдар қойылып, олар өзара бақсынасты.

Көрмеден кейін  кеңес төрайымы Миражапова Мухаббат Сайдуллаевнаның модераторлық етуімен  «Қазақстандықтардың жаңа буынын қалыптастырудағы Қазақстан халқы Ассамблеясы Аналар кеңесінің рөлі»  атты аталмыш кеңестің пленарлық отырысы өтті. Отырысқа «Асыл арман»ұлттық дәстүр мен өнерді қолдау» қоғамдық бірлестігінің басшысы – Нұрақбаев Ринат Даниярұлы, «Тараз қаласы әкімдігінің жұмыспен қамту және әлеуметтік бағдарламалар бөлімі» КММ басшысы – Олжабаева  Гаухар Елубайқызы, «Жұмыспен қамтуды үйлестіру және әлеуметтік бағдарламалар басқармасының «Жамбыл облыстық зорлық-зомбылық  салдарынан өмірлік қиын жағдайға тап болған әйелдерге арналған дағдарыс орталығы»КММ басшысы – Калыбекова  Жамал Дүйсебайқызы, Жамбыл облыстық денсаулық сақтау басқармасының №7 Тараз қалалық емханасы бас дәрігерінің орынбасары – Оспанбаева Аяжан Мелдешқызы, «Ника» коммуникативтік дамыту орталығының жаттықтырушысы, ҚР президенті жанындағы мемлекеттік басқару академиясының лекторы – Сарытай Гүлмира және аудандық Аналар кеңесінің төрайымдары қатысып, сөз сөйледі. Жиында   облыстық ҚХА жанындағы налар кеңесінің есебі, аудандағы аналар кеңестерінің тәжірибесі тыңдалды. Кеңестің кәмелетке толмағандары арасында құқықбұзушылықтың алдын алу бойынша полиция департаментімен бірлесе атқарған жұмыстары, жас отбасылардың ажырасуының алдын алу бойынша медиация мен облыс әкімі жанынан құрылған «Бастау» пилоттық жобасы аясындағы, қайырымдылық жұмыстары сараланады. Сонымен қатар, қаладағы жоғары және арнаулы оқу орындарының  қыздар үйірмелерінің жетекшілері мен белсенді мүшелері өз пікірлері мен жастар проблемаларын ортаға салып, ой қозғады.

Жиын соңына қарай жыл бойы атқарған жұмыстары мен еңбектері үшін қызмет пен тұрмысты қатар алып жүріп қана қоймай қоғамда белсенділік танытып жүрген  аналар мен қыз-келіншектерге алғыс хаттар мен бағалы сыйлықтар тарту етілді.

Марапаттау салтанатынан кейін Жамбыл облысы әкімі аппаратының «Қоғамдық келісім» КММ ғылыми-сараптамалық қолдау бөлімінің  «Жамбыл облысы этностарының мәдениеті мен сал-дәстүрлері» атты жобасының  аясында «Біздің күшіміз – бірлікте!» атты этнофестивалі өтті. Фестивальде өңірлік этномәдени бірлестіктерінің өкілдері өз салт-дәстүрлерін көрсетіп, мәдениеттерімен таныстырды.

Жамбыл облысы әкімі аппаратының

«Қоғамдық келісім» КММ

Баспасөз қызметі орталығы