Өңірлік қоғамдық келісім кеңесі іс жүзінде

/in /by

7

Бұдан былай Жамбыл облысының қалалары мен ауылдарында жаңа қоғамдық күш жұмыс атқаруда. Бұл жөнінде, облыс әкімі аппаратының «Қоғамдық келісім» КММ-нің конференц-залында өткен, Қазақстан халқы Ассамблеясы жанындағы қоғамдық келісім кеңесінің кезекті отырысында атап өтілді.

– Қазіргі уақытта облысымызда 166 қоғамдық келісім кеңестері моноқалаларда, аудан орталықтарында, ауылдық округтерде және ірі кәсіпорындарда үйлесімді жұмыс атқаруда. Бүгінде Қазақстан халқы Ассамблеясының әрі қарай дамуы жолында қоғамдық келісім кеңестерін өткізіп, оған саяси партия, мемлекеттік органдар, қоғамдық және үкіметтік емес ұйымдар мен этномәдени бірлестіктерің мыңдаған өкілдері қатысуда. Осындай Кеңестер мемлекет пен халық арасындағы әмбебап, тиімді диалогтық алаң ретінде көрсетілуде, -деп атап өтті Жамбыл облысы Қазақстан халқы ассамблеясы төрағасының орынбасары, хатшылық меңгерушісі Маржан Қожаева.

Күн тәртібіндегі негізгі мәселе: «Қоғамдық келісім мен жалпыұлттық бірлік саласында мемлекеттік саясатты іске асыру және насихаттаудағы қоғамдық келісім кеңестерінің рөлі» атты тақырыпта облыс әкімі аппараты «Қоғамдық келісім» КММ-нің ғылыми-сараптама тобының бас сарапшысы Лариса Лысова баяндама жасады. Сонымен қатар Л.Лысова қоғамдық келісім кеңестерінің өкілеттіктері мен функцияларына жіті тоқтап, билік пен басқару органдары және  азаматтық қоғамдастық институттары арасындағы үйлестіру жұмыстарына тоқталып өтті.

Кеңес отырысы барысында жасалған баяндамалар мен қойылған сұрақтарды талқылау белсенді түрде өтті. Сонымен қатар қоғамдық келісім кеңесінің ағымдағы жылдың екінші жарты жылдығында атқарылатын жұмыстары туралы жоспарлары талқыланды.

Кеңес құрамында қоғамдық келісім шешімдерінің орындалуына бақылау жасау саласындағы,  қоғамдық проблемаларға мониторинг жасау, ақпараттық-түсіндіру жұмыстарын жүргізу және БАҚ-пен байланыс, қоғамдық қабылдау комиссиялары мен жұмыс топтары құрылып олардың басшылары сайланды.

Жамбыл облысы әкімі аппаратының

«Қоғамдық келісім» КММ баспасөз-қызметі

«Ұлы дала аңыздары»

/in /by

6

Облысымызда Жамбыл облысы Қазақстан халқы ассамблеясы хатшылығы мен облыс әкімі аппараты «Қоғамдық келісім» КММ-нің ұйытқы болуымен ұйымдастырылған «Ұлы Дала аңыздары» атты этноэкспедиция жолға шықты. Аталған жоба Қазақстан Республикасы Тәуелсіздігінің 25-жылдығына орай ұйымдастырылып отыр.

Құрамында «Қоғамдық келісім» КММ-нің қоғамдық көпшілік іс-шараларды ұйымдастыру бөлімінің басшысы Камал Нарбатыров, сәндік-қолданбалы өнер шебері, аталған мекеменің әдіскері Вера Майкович пен жастармен жұмыс жасау бөлімінің әдіскері Дарья Бурмакина бар делегация мүшелері облысымыздың Талас, Сарысу, Байзақ, Жамбыл, Т.Рысқұлов және Меркі аудандарында болып қайтты.

Әр аудандағы этноэкспедиция жұмысы пресс-конференция отырысынан басталып, оған аудандағы этномәдени бірлестіктердің өкілдері, сәндік-қолданбалы өнер шеберлері көптеп қатысып отырды.

Аталған жоба аясында этноэкспедиция мүшелері балаларға арналған сауықтыру лагерьлерінде болып, онда «Біз қазақстандықтар – Ұлы Дала елінің балаларымыз» атты тақырыпта толеранттық сабақтар ұйымдастырды. Балалар өзіміздің жас республикамыздың даму тарихы мен ұлттық өнерлеріне байланысты қойылған сұрақтарға жауап берді. Іс-шараға қатысушылар өткенге саяхат жасап қана қоймай, өздерінің шығармашылық әлеуетін одан әрі нығайта түсті. Соңында әдіскер Дарья Бурмакина балалармен «Ұлы Жібек жолы – біздің мәдени мұрамыз» атты мәдени-танымдық ойын ұйымдастырып, балалар қағаздан жасалған ұшақтарды аспанға ұшырды.

– Біздің қасиетті жерімізді ежелде Ұлы Дала деп атаса, біздерді – Ұлы Даланың балалары деп атап келеді. Оған ұлы ақындарымыз талай өлең жолдарын арнай отырып, халықтың туған жеріне деген сүйіспеншілігін оятты, – деп атап өтті Камал Нарбатыров. – Менің ойымша, біздер, ата-бабаларымыздан қалған мұра, ұлттық өнерімізді, жоғары деңгейде ұстап бағалай білуіміз керек. Сонымен қатар сіздерді облыс орталығында жаңадан салынып жатқан «Бейбітшілік пен келісім» сарайының мұражайына аудан тұрғындарының қолында бар ежелгі экспонаттар мен отбасылық ескерткіштерді  сыйлық ретінде тарту етуге шақырамын».

Сонымен қатар, сәндік-қолданбалы өнер шебері Вера Майкович аудандардағы қолөнер шеберлеріне арналған шеберлік сабақтарын өткізіп, қазіргі уақытта мұражайда бар экспонаттармен таныстырды.

Камал Нарбатыровтың айтуынша бұл іс-шараның басты мақсаты Ұлы Жібек жолы тарихи –мәдени мұраны насихаттау, қазақстандықтарды азаматтық бірегейлікке тәрбиелеу және облыстық «Бейбітшілік пен келісім» сарайының мұражайына экспонаттар жинау.

Жамбыл облысы әкімі аппаратының

«Қоғамдық келісім» КММ баспасөз-қызметі.

Мәжіліс депутаты тараздық химиктермен кездесті

/in /by

8

Жақында Қазақстан халқы Ассамблеясынан ҚР Мәжілісіне депутат Шакир Хахазов жұмыс сапарымен Жамбыл облысында болды.

Тараздағы сапарын халық қалаулысы облыс орталығының тарихи орындары «Қарахан» мавзолейі, «Көне Тараз» ашық аспан астындағы археологиялық парк пен жаңадан құрылысы жүріп жатқан «Бейбітшілік пен келісім» үйімен танысудан бастады.  Ш.Хахазов «Салтанат» мөлтек ауданындағы «Нұрлы жол» бағдарламасымен салынып жатқан, жаңа құрылыс нысандары, 1000 орындық №30 орта мектеп пен 280 орындық бала бақша нысандарында да болып қайтты. Сондай ақ, Мәжіліс депутаты қаланың инфрақұрылымдық жұмыстарының күз-қыс айларына дайындық мәселелеріне тоқталып өтті. Оған мысал ретінде «Нұрлы жол» бағдарламасы бойынша Б.Момышұлы мен Сейфуллин атындағы көшелерінің жылу магистральдарының қайта жөндеуден өтіп жатқандығы көрсетілді.

Жұмыс сапарының басты бір тармағы болып Тараз қаласынан 12 шақырым жерде орналасқан ірі кәсіпорын «Жаңажамбыл фосфор зауыты «Казфосфат» ЖШС-н аралауы болды. Мәжіліс депутаты Шакир Хахазовпен бірге бұл сапарда Жамбыл облысы Қазақстан халқы ассамблеясы хатшылығының меңгерушісі Маржан Қожаева  мен «Нұр Отан» партиясы облыстық филиалының төрағасы   Кенжебек Олжабай еріп жүрді.

Бірінші кезекте Мәжіліс депутаты сары фосфор  шығаратын №5 цехта болып, рудотермиялық пешті пультпен басқаратын бөлмеде болып зауыт басшыларымен және жұмысшылармен кездесті.

Одан кейінгі кездесу зауыттың конференц-залында өтті. Мәжіліс депутаты Ш.Хахазов және басқалар қайта құрылған қоғамдық келісім Кеңесінің төртінші отырысына қатысып отыр, оған Қазақстан Республикасының Еңбек Ері, «Казфосфат» ЖШС бас директоры Мұқан Ескендіров төрағалық етті. Мәжіліс депутаты аталған кеңес отырысында жаттанды баяндамалардан қашық болып, өздерін мазалап жүрген ойларымен ашық әңгіме кезінде бөлісуіне ниет білдірді. Отырыста қоғамдық келісім кеңесінің мүшелері «Нұр Отан» партиясы бастауыш партия ұйымының хатшысы Арман Қарағалиев, зауыттың кәсіподақ комитетінің төрағасы Шахтыбай Байғанов, қоғамдық келісім кеңесі төрағасының орынбасары, «Казфосфат» ЖШС-нің қаржы және ұйымдастыру жұмысы жөніндегі басқарма төрағасының орынбасары Нүрзия Лесбекова және басқалалар шығып біраз мәселелерді қозғады.

Ш.Хахазов жамбылдықтар көтерген мәселелердің барлығы дерлік ҚР Парламенті Мәжілісінің депутаттарына жеткізілетінін және оның шешілуі жеке бақылауында болатынын айтты. Іссапар барысында Қазақстан халқы Ассамблеясы атынан сайланған мәжіліс депутаты Жамбыл ауданындағы Жалпақ төбе ауылының, дүнген этносы көптеп мекендеген Қордай ауданының бірнеше ауылдарындағы сайлаушыларымен кездесті.

Жамбыл облысы әкімі аппаратының

«Қоғамдық келісім» КММ баспасөз-қызметі.

Тараз – Худжанд жаңа рейсі

/in /by

9

Енді міне, Тәжікстан  да Таразға жақындай түсті. Сенбі күні «Әулиеата» халықаралық аэропортына біздің қалалар мен халқымызды берік әуе көпірімен жалғайтын Худжандтан жаңа борт ұшып келді. Бұл – қазақстандық ірі әуе компаниялардың бірі «SКАТ» жүзеге асырған рейс.

Бірінші рейсті қала тұрғындары салтанатты түрде қарсы алды. «Sкат» авикомпаниясының «Boeing»-737-300 ұшағы өрт сөндіруші автокөліктер атқылаған су бұрқағынан жасалған кемпірқосақ сәулелерінің астынан жүріп өтті.

Лайнер жолаушылары мен экипаж мүшелерін траптан ұлттық аспаптар оркестрының  әдем үні мен шығыстың шырайлы жеміс-жидектерін ұстап шыққан қазақ, тәжік және өзбек ұлттық киімдерін киген қыздар күтіп алды. Мұндай салтанатты қарсы алуды, сірә, ешкім күтпеген сыңайлы, себебі барлық жолаушылар таңқалысын жасырмай, көздеріне жас алғандары да кездесті. Әртүрлі жеке және қызмет бабымен Тәжікстанға кеткен жерлестері мен қонақтарды Жамбыл облысы әкіміның орынбасары Бекболат Орынбеков, Тараз қаласы әкімінің міндетін атқарушы Мақсат Ахаев, облыстық Қазақстан халқы ассамблеясы хатшылығының меңгерушісі Маржан Қожаева, облыс әкімі аппаратының «Қоғамдық келісім» КММ басшысының міндетін атқарушы Лариса Лысова және облыстық тәжік этномәдени бірлестігінің президенті Алижон Мулладжанов қарсы алды.

Біз бүгін облыс, қала және «Sкат» авиакомпаниясының басшылығына тарихи отанымызбен байланыстырып тұратын тікелей әуе жолының ашылуына ықпал жасағаны үшін үлкен алғысымызды білдіреміз, – деп атап өтті баспасөз конференциясы барысында Алижон Шукурұлы. – Худжанд (бұрынғы Ленинабад) үлкендігі жағынан Тәжікстанның екінші қаласы болып саналады және тарихи жерлері көп, әлемдегі ең көне қалалардың бірі. Екі ел арасындағы әуе көпір – бұл көне Таразымыз үшін мәдениет пен туризм саласы бойынша жедел әрі әртүрлі байланыс көзін нығайту болып табылады.

Аптасына екі мәрте ұшатын Тараз-Худжант-Тараз жаңа әуе рейсі арқасында, Тәжікстан жолаушылары Алматы, Астана, Москва, Сібір қалаларына бағытталған тіке рейстермен ұша алады.

Жамбыл облысы әкімі аппаратының

«Қоғамдық келісім» КММ баспасөз-қызметі

Этномәдени бірлестіктер спартакиадасы

/in /by

12

«Тараз – Арена» спорт сарайында этномәдени бірлестіктер арасында кезекті облыстық Қазақстан халқы ойындарының спартакиадасы болып өтті.

Биылғы жылы спартакиада спорттың төрт түрінен: стол теннисі, шахмат, арқан тарту және халық ойындары түрлерінен эстафетадан тұрды.  Оған әртүрлі ұлт өкілдерінен жасақталған алты команда қатысты.

– Біздің команда осындай этнобірлестіктер арасындағы спартакиадаға бірінші жылы қатысып отырған жоқ, – деп атап өтті ұйғыр этномәдени бірлестігінің «Ынтымақ» командасының жетекшісі Мухабат Турдыева. – Бір айта кететін нәрсе, осындай ойындар қатысушы командаларға тек оң сипатты шабыт әкеледі. Мысалы, тек дайындықтың өзі не тұрады. Жастарымыздың ауызбіршілігі ұлғая түседі, себебі оларда тек бір ғана мақсат – жеңіс болғандықтан, олар аянбай жаттығады.  Бұл жастарымыздың денсаулығы мен өзара қарым-қатынасына да оң әсерін тигізеді.

– Мен үшін спорт – өмірімнің бір бөлігі десе де болады, – деп атап өтті еврей этномәдени бірлестігінің белді өкілі Тамара Вятчина. – Осындай спартакиадаға қуана-қуана қатысамын. Және де осындай ойындардың жыл сайын ұйымдастырылатыны құба-құп, себебі бұл әртүрлі  этномәдени бірлестіктер өкілдерінің бір бірімен жақын араласып, өзге ұлттардың салт дәстүрлерімен танысуына, сонымен қатар этнос өкілдері арасында достық қарым- қатынастың ұлғаюына себеп болады.

Спартакиада қорытындысы бойынша бірінші орынды «Байзақ» құрама командасы, екінші орынды үйғыр этномәдени бірлестігінің «Ынтымақ» командасы және үшінші орынды неміс этномәдени бірлестігінің «Ювель» командасы иеленді. Барлық қатысушылар мен командаларға дипломдар мен бағалы сыйлықтар табыс етілді.

12-2

12-3

Жамбыл облысы әкімі аппаратының

«Қоғамдық келісім» КММ баспасөз – қызметі.

Өнердің сиқырлы күші

/in /by

11

Жамбыл облысы әкімі аппаратының «Қоғамдық келісім» КММ-дегі этномәдени бірлестіктер жастарымен жұмыс жасау бойынша әдіскер Дарья Бурмакина мен «Ақ желкен» жастар лигасы, облыстық орыс драма театрында алғаш рет көрсетілген «Клетка» атты спектакльды бірге тамашалап, одан кейін оның қоюшы-режиссері Ольга Избасарова мен театрдың жас труппасын кездесуге шақырды.  Осы кездесу барысында скайп байланыс арқылы Москва қаласында тұратын, аталған пьесаның авторы, зиянды әдеттерден арылту маманы, Халықаралық психоаналитика академиясының  белді мүшесі, Халықаралық салауатты өмір салты академиясының доценті Владимир Коняевпен жүздесуге мүмкіндік алынды.

Кездесудің жүргізушісі Д.Бурмакина спектакльды қоюдағы ойымен бөлісу үшін  қоюшы–режиссер Ольга Избасароваға сөз берді. Ол: «Бұл тақырыптың қаншалықты қиын екені айтпаса да түсінікті. Себебі қазіргі уақытта жастардың физикалық және адамгершілік тәрбиесі туралы айтып қана қоймай, олардың отбасындағы ата-ана мен баланың тәрбиесі мен қарым-қатынасы туралы да айтылады. Ата-ананың балаларына көңіл бөлмеуінен олардың арасы алшақтай түседі. Кейін осындай олқылықтардың орнын нашақорлық пен ішімдік толтырады. Пьесаны оқи бастағаннан-ақ бірден тартады, бар ойыңмен оқиға ішіне кіріп кеткендей боласың.

Аталған қойылымға қатысушылардың көбісі – театрымыздың жастары. Екі ай ұйқысыз, күлкісіз дайындықпен өткіздік десек те болады. Осы үшін автордың идеясы мен маған, өздерінің күшіне сенген жастарымызға алғысым шексіз. Сондықтан да біз осындай жеңіске жеттік. Оны  біз көрермендердің ыстық ілтипатынан байқадық. Ішімдік, нашақаорлық, темекіге әуестік, онымен қоймай ата-ананың ықыласы мен мейіріміне бөленбеу қандай да бір жаман нәрсеге әкеліп соқтыратынын көрдік.

Әңгімеге театр актерлары Анастасия Скрепкова (қойылымда өзіне өзі қол салған нашақор Игла есімді қызды орындаушы),  Виктор Майнашев (мас болып тасүккішке түсіп кеткен Бекас рөлін сомдаушы), Тимур Романюк (кейіпкерлерді сахнаға шығарушы Дауыс) және тағы басқалары араласып, өз ойларымен бөлісе отырды.

Кездесу соңында пьеса авторы Владимир Коняев: «Осы қойылымның жақсы өткеніне және резонанстың әлі көп жылдар бойы сақталатынына менің сенімім зор. Бұл үшін де театр ұжымына алғысым шексіз. «Клетка» атауын тура мағынада түсінбеу керек. Себебі қандай да болмасын жаман әдет бізді осындай торға («Клеткаға»)  қамағандай болады. Оған біз өзіміз айдап саламыз. Бірақ осы тордан шығуға болады және одан шығудың жолы өзіміздің қолымызда. Бұл тұрғыда жамбылдық театр үлкен жетістікке ие болды. Осындай қойылымды мүмкіндігінше көпшілікке көрсете берген жөн. Себебі ол біздің нашақорлық пен ішімдіктің зияны туралы түкке тұрғысыз мылжың жиналыстарымыздан әлдеқайда тиімдірек», – деп қатысушыларға алғысын білдірді.

11-2

11-3

Жамбыл облысы әкімі аппаратының

 «Қоғамдық келісім» КММ баспасөз қызметі.

Тараздың он екі жұлдызы

/in /by

10

Облыстық Қазақстан халқы ассамблеясы қала тұрғындары мен қонақтарын жан-жақты, мазмұнды және әсерлі іс-шаралармен қуантып келеді. Бүгінгі болып өткен үлкен айтулы іс-шара, Қазақстан Тәуелсіздігінің 25 жылдығына орай ұйымдастырылған «Ассамблея аруы-2016» байқауы да көптің көңілінен шықты.

Байқаудың ұйымдастырушылары: ассамблея жанындағы Аналар кеңесі мен «Қоғамдық келісім»  КММ байқаудың әрбір сәтіне, сахнаның көркемделуіне, әділ қазылар алқасының құрамына аса зор жауапкершілікпен қарады. Ережеге сәйкес байқауға қатысуға облысымыздың этномәдени бірлестіктерінен әртүрлі мамандық иесі, отбасын құрған 20 және 55 жас аралығындағы 12 өкіл өтініш білдірді.     Бас демеуші «Бейсенбекова А.Ж.» баспасханасы қатысушылардың суреттері бейнелеген көркем буклеттерді дайындады.

Тараз қалалық мәдениет үйінде өтіп жатқан сұлулық пен таланттардың шоғырланған мерекесіне көптеген көрермен жиналды, олардың ішінде жанкүйерлер мен байқауға қатысушылардың отбасы мүшелері де бар. Сахнада байқаудың эмблемасы бейнеленген үлкен панноға жарық түсіріліп, салтанатты фанфарлардың үніне, көрермендердің ду қол шапалақтауына іле сахнаға шыққан байқаудың жүргізушілері қобалжығандарын көрсеткісі келмей, әдемі ұлттық киімдерді киген қатысушыларды төрге шақырды.

Облыстық Қазақстан халқы ассамблеясы хатшылығының меңгерушісі Маржан Қожаева жиналғандар мен байқауға қатысушыларға сәттілік тіледі. Байқаудың бас демеушісі, «Батэль Қазақстан» компаниясының директоры Андрей Ли: «Біз «Мисс Батэль» байқауын еліміздің түкпір түкпірінде өткізіп келеміз. Ал Қазақстан халқы Ассамблеясының аясында бұл – бірінші рет өткізіліп жатқан байқау. Бұл облысымыздың ассамблеясы мен аналар кеңесінің қаншалықты жан-жақты жұмыс атқарып жатқандығын көрсетеді. Сондықтан да осындай байқауға бас демеуші болуға біз қуана-қуана келісе кеттік».

Бірінші «Өзін өзі таныстыру» турында байқауға қатысушыларымыз прозада немесе өзі жазған өлең түрінде өзі, мамандығы, отбасы мен этносы туралы айтып қана қоймай, киген ұлттық киімін де сипаттап берді. Ендігі кезекте байқаудың жүргізушілері «Мен – эрудитпін!» атты турды жүргізу үшін сұрақтар жазылған конверттерді алып шықты. Жиналған көрермен қатысушылардың ҚХА тарихы туралы жауаптарын бар ықыласпен тыңдады, ал «егер сен көрінбейтін адам болып кетсең не істер едің?» деген қалжың сұрақтарға қатысушылардың әзіл-оспақпен жауап бергендеріне күліп отырды. «Мен – талантпын!» атты үшінші тур көрермендерді ыстық ықыласқа бөледі. Этномәдени бірлестіктердің өкілдері бірі өлең оқыса, екіншісі биледі, немесе ән айтты.

Өз ісінің майталмандары – бас демеуші басқарып отырған тәуелсіз әділ-қазылар алқасы байқаудың қорытындысын шығарды. Әділ қойылған бағаларға ешкімнің де дауы болмады. Марапаттау рәсімі «Батэль Қазақстан» компаниясының директоры, бас демеуші Андрей Ли мен облыс ҚХА жанындағы Аналар кеңесі төрайымының орынбасары Сара Даузоваға жүктелді. Байқауға қатысушы Любовь Клименко (украин ЭМБ), Розахон Казыкенова (тәжік ЭМБ), Хамида Турдыева (М. Қашқари атындағы ұйғұр ЭМБ), Эмина Мамедова («Азери» әзербайжан ЭМБ ), Сабина Магомадова («Архыз» қарашай-балқар ЭМБ), Надежда Волкова («Радонеж» орыс ЭМБ), Виктория Майковичтарға («Полонез» поляк ЭМБ) дипломдар мен сыйлықтар табыс етілді.  Үшінші орынды «Вице –ҚХА аруы – 2016» қытай этномәдени бірлестігінің төрайымы Галина Воробьева, екінші орынды «Вице – ҚХА аруы-2016»  неміс қоғамдастығының өкіл Дарья Барсукова, бірінші орынды «Вице – ҚХА аруы -2016» «Әулие ата» қазақ этномәдени бірлестігінің өкілі Азиза Жүсіпова  иеленді. Ал диадема мен  жеңімпаздың гран – приіне  облыстық өзбек этномәдени бірлестігінің өкілі Лобара Аширова ие болды.

10-2

10-3

10-4

10-5

Жамбыл облысы әкімі аппаратының

«Қоғамдық келісім» КММ баспасөз – қызметі.