Қордай ауданында «Үлкен Ел-Үлкен Отбасы» форумы өтті

/0 Comments/in /by

ҚОРДАЙ АУДАНЫНДА «ҮЛКЕН ЕЛ-ҮЛКЕН ОТБАСЫ» ФОРУМЫ ӨТТІ

 

2015 жылғы 30 қараша күні Жамбыл облысы, Қордай ауданында Қазақстан халқы Ассамблеясының «Үлкен Ел-Үлкен Отбасы» атты форумы өтті.

Форумға ҚХА мүшелері, мемлекеттік мекемелер, этномәдени бірлестіктер мен БАҚ өкілдері, бөлім, мекеме басшылары, аудандық мәслихаттың депутаттары, үкіметтік емес ұйым басшылары, жастар қауымы қатысты.

Форумның мақсаты – «Мәңгілік Ел» жалпы ұлттық идеясы азаматтық принциптерге негізделе отырып Қазақстандықтардың бірегейлікті алға жылжыту және кеңінен тарату.

Форум барысында аудан әкімі жиналған қауымға өзінің құттықтау сөзін арнады. Сондай-ақ жергілікті халықты славян, қазақ, дүнген этномәдени бірлестіктерінің жетекшілері құттықтады.

Форум аясында аудан бойынша «Ұлтаралық татулық-үйлесім мен тыныштықтың кепілі» атты жалғыз бастыларға арналған қайырымдылық түскі ас, «Әртүрлі болсақ та, біз теңбіз» атты кәсіпкерлердің нашар отбасыларына қайырымдылық көмек көрсетуі, «Біздің таңдауымыз бірлік» атты денсаулығында кемістігі бар жандарға концерттік бағдарлама, «Қол ұшын бер» атты тұрмысы нашар отбасыларға киім кешек тарату қайырымдылық акциясы, «Басты байлық – ұлттар достығы» атты жаппай жүгіруден жарыс т.б. көптеген қайырымдылық іс-шаралары ұйымдастырылды.

Аталмыш іс-шараларға  белсенділік танытқан азаматтары аудан әкімінің алғыс хаттары және бағалы сыйлықтармен марапатталды.

Форум аудандық мәдениет үйіндегі этномәдени бірлестіктер шығармашылық ұжымдарының қатысуымен өткен концерттік бағдарламамен жалғасты.

Таразда қолөнер шеберлер кеңесінің кеңейтілген отырысы өтті

/0 Comments/in /by

ТАРАЗДА ҚОЛӨНЕР ШЕБЕРЛЕР КЕҢЕСІНІҢ КЕҢЕЙТІЛГЕН ОТЫРЫСЫ ӨТТІ

 

Қолөнер шеберлері кеңесінің кеңейтілген отырысының мақсаты мен міндеті қазақстандық қоғамда азаматтық бірдейлікті қалыптастыру, рухани бірлікті, қоғамдағы тұрақтылық пен келісімді нығайту; Жамбыл облысы этностарының этностық мәдениетінің, дәстүрлерінің дамуына жағдай жасау; өңірдегі этномәдени бірлестіктердің белсенділігін арттыру, көркемөнер мұрасын сақтау және дамыту; сондай-ақ халықтық көркемөнер кәсібінің қалануына ықпал жасап, дәстүрлі халықтық қолөнерін дәріптеу болып табылды.

Кеңейтілген отырысқа облыстың этномәдени бірлестіктерінен 16 қолөнер шебері қатысты. Олардың арасында танымал шеберлер және өнерге енді қадам басқан шеберлер де бар.

Отырысты «Қоғамдық келісім» КММ әдістемешісі В.А.Майкович шебер әйелдерді құттықтау сөзімен ашып, жыл бойына атқарылған іс-шараларға тоқталды. Ассамблея жылы аясында сәндік-қолданбалы өнер семинарлары, көрмелер, байқаулар мен жәрмеңкелер өтті. «Жібектей қадамдар» кестелеу өнерінің байқауы, «Алтынай» этнографиялық қуыршақтар көрмесі, «Шебер» жәрмеңкесі өтті және таяуда ұйымдастырылған Қазақстан Республикасы тұңғыш Президент күніне арналған халықтық сәндік-қолданбалы өнерінің қорытынды көрмесі жылдың ең елеулі мәдени оқиғалары болды.

Шеберлер «Қоғамдық келісім» КММ де ұйымдастырылған семинарлар мен шеберлік сабақтарының үлкен маңыздылығын атап өтті.