Пандемияға байланысты биылғы сайлау барлық санитарлық талаптарға сәйкес өтіп жатыр. Қиындықтарға қарамастан, сайлау таза және ашық түрде ұйымдастырылды. Барлық партиялар жоғары саяси белсенділік танытып, кездесулерді онлайн режимінде де, оффлайн режимінде де өткізгенін атап өткен жөн. Бұл да қазіргі сайлаудың ерекшелігі шығар, сайлауға қатысу біздің азаматтық парызымыз деп санаймын. Біздің таңдауымыз бар. Ал бүкіл елдің болашағы біздің бүгінгі және ертеңгі шешімімізге байланысты болады. Сондықтан сайлауға барлық жауапкершілікпен қарау керек. Біз, Жамбыл облысы Қазақстан Халқы ассамблеясының мүшелері, сайлау науқанының барысын мұқият бақылап отырдық, өйткені саяси және азаматтық белсенділік өте маңызды деп санаймыз.
Жалпы, бүгінгі сайлау Президентіміздің әлеуметтік-экономикалық бастамаларын табысты жүзеге асыруға және Қазақстанның өсіп-өркендеуіне тың серпін береді деп сенеміз. Ол үшін азаматтарымыз дауыс беруде белсенділік танытуы қажет. Мен де бүгін сайлау учаскесіне барып, өз таңдауымды жасадым.
Дауыс беру – әрқайсымыздың азаматтық құқығымыз және борышымыз. Бұл – әр азамат үшін мемлекеттің дамуына ықпал ететін мүмкіндік. Сол себепті, еліміздегі барша сайлаушыларды осы мүмкіндікті жібермей, саяси науқаннан қалыс қалмауға шақырамын.

Зайнутдинов Абдурахман
Тараз қаласы өзбек этномәдени бірлестігінің төрағасы,
ҚХА мүшесі