Жамбыл облысында ҚХА-ның XXXII сессиясы бойынша ақпараттық-түсіндіру жұмыстары жүргізілуде

/in /by

Жамбыл облысында ҚХА-ның XXXII сессиясы бойынша ақпараттық-түсіндіру жұмыстары жүргізілуде.

Осы орайда, бүгін, 2023 жылдың 4 мамырында Тараз қаласының Теміржол колледжінде сессия делегатының бірі – облыстық “Днепро” Украин этномәдени орталығының төрағасы Федор Клименко студенттермен кездесу өткізді.

Іс-шара барысында Федор Леонтьевич Ассамблеяның кезекті сессиясында талқыланған өзекті мәселелер мен ҚХА қызметінің негізгі жаңа бағыттары жөнінде толық мағлұмат беріп, сондай-ақ, Мемлекет басшысы Қ. Тоқаев айтқан 5 басымдыққа тоқталды.

Сонымен бірге, Астанамыздың төрінде орналасқан ҚР Парламенті мәжілісі ғимаратында депутат жерлестерімізбен өткен кездесуді де тілге тиек етті.

Бұған қоса, Федор Клименко іс-шара қатысушылары – аталмыш колледж оқытушылар құрамы мен студенттерін алдағы 7-мамыр Отан қорғау және 9-мамыр Жеңіс күндері мерекелерімен құттықтап, бірлік пен келісім, ел дамыту жолындағы ауызбіршілігімізге қатысты ізгі тілегін білдірді.

“Қоғамдық келісім”КММ «Ақпараттық жұмыс және қоғамдық байланыс» бөлімі