Archive for category: Жаңалықтар

2023 жылдың 9 қаңтарында «ҮЕҰ және ҚХА:қазақстандықтар үшін өзара іс қимылдың пайдалы тәжірибесі» жобасы аясында ҮЕҰ және ҚХА құрылымдарының өкілдеріне арналған пікірсайыс турнирі өтті.

Пікірсайыстың мақсаты – этносаралық келісімді нығайту және мемлекеттік тілді ілгерілету, Қазақстан халқының бірлігін сақтау үшін азаматтық қоғам институттары (ҮЕҰ) мен Қазақстан халқы Ассамблеясы құрылымдарының өзара іс-қимылын дамыту.

Пікірсайыс ұйымдастырушылары – «ТРИНТА» ЖҚ және аймақтағы серіктес ұйымдар.

Британдық парламенттік формат бойынша өткен пікірталас екі ойыннан тұрды. Үкімет және оппозиция ретінде құралған бұл палата қазақстандық құндылықтарды , мемлекеттік тіліміздің маңызы туралы

айтылды.

Нәтижесінде ой ұшқырлығы, тапқырлығы және ұтымды сөзімен көзге түскен үздіктер алға шығып, жеңімпаздар анықталды.

Атап айтқанда, «Үздік спикер» номинациясымен Вадим Белозеров, Салтанат Қадырова, Русалина Ибрагимова, Мархаббат Көпбосынова марапатталып, ақшалай сыйлыққа ие болды.

Сонымен қатар, пікірсайыста жеңіске жеткені үшін «Қоғамдық келісім» мекемесінің «Жобаларды қолдау және ҚХА құрылымдарымен жұмыс» бөлімінің сарапшы маманы Әсем Жолдасова және ғылыми-сараптамалық тобының жетекші сарапшысы Рианна Жалпанова дипломдармен және ҮЕҰ өкілдері алғыс хаттармен марапатталды.

«Ақпараттық жұмыс және қоғаммен байланыс» бөлімі

2023 жылдың 7 қарашасында Тараз қаласында, Жамбыл облысы әкімдігінің «Қоғамдық келісім» мекемесінде Медиаторлар кеңесінің отырысы өтті.

Іс-шара Жамбыл облысында қоғамдық келісімді бұзудың алдын алу, этносаралық қатынастарды үйлестіру және өңірдегі бірлікті сақтау бойынша медиация институтының қызметін арттыру, Медиация институтын әлеуметтік мәселелердің алдын алу, шешу тетігі ретінде дамыту мақсатында өткізілді.

Мақсаты — Жамбыл облысының сот, прокуратурасымен, полиция, білім департаменттерімен, адвокаттар алқасымен, нотариаттық палатасымен, этномәдени бірлестіктерімен және медиаторларымен Қазақстан халқы Ассамблеясы Медиация кабинетінің жұмысын проблемаларды баңдарлау және оларды тұрақты негізде шешу жолдарын табу үшін ұсыныстар әзірлеуде бірлескен іс-шаралар өткізу арқылы жандандыру.

Ұйымдастырушы — Жамбыл облысы әкімдігінің ішкі саясат басқармасының «Қоғамдық келісім» коммуналдық мемлекеттік мекемесі.

Жиынға медиаторлар, облыстағы этномәдени бірлестіктер өкілдері және облыстық ҚХА құрылымдық бөлімшелерінің, құқық қорғау органдарының өкілдері қатысты тілдерді дамыту бөлімі, білім басқармасы, адам құқықтары жөніндегі уәкіл, саяси партиялардың өкілдері, дағдарыс орталығы, үкіметтік емес ұйымдар БАҚ өкілдері қатысты.

Модератор ретінде Жамбыл облысы әкімдігі “Қоғамдық келісім” КММ басшысы Мүбарак Қасымқызы Жинақбаева аталмыш отырысты өзі жүргізді.

Бұдан ары баяндама жасаушылар – Тараз қалалық сотының судьясы Ж.Абаева, Жамбыл облыстық прокуратурасының қоғамдық мүдделерді қорғау департаментінің аға прокуроры А.Жұмабеков, ОКҚДБ бастығының орынбасары спикерлердің айқын көзқарасты сөздері тыңдалды.

Жамбыл облысы бойынша полиция полковнигі И.Абдуллаев, «Жаңару» РҚБ Жамбыл облыстық филиалының директоры Қ.Төлендиев, Медиаторлар кеңесінің төрағасы И.Федорова, мәдениет және даму басқармасының бастығы М.Ахметова, Байзақ ауданы бойынша ҚХА медиаторы Г.Көшекбаева, «Қоғамдық келісім» КММ медиация кабинетінің меңгерушісі В.Досыбиева өз пікірлерін ортаға салды.

Азаматтардың тең құқықтарын қамтамасыз ету, ксенофобия мен этникалық және тілдік белгілері бойынша кемсітушілікке және этносаралық шиеленістерге әкелетін кез келген құқық бұзушылықтарға жол бермеу, сот ісін жүргізуде медиация институтын насихаттау, үкіметтік емес ұйымдардың этносаралық жанжалдардың алдын алу және дамыту жөніндегі өзекті мәселелер және аймақтағы этномедиация мәселелері талқыланды.

Қатысушылар медиаторлар жұмысының қыр-сырына, медиация келісіміне, әлеуметтік желілерде шиеленіс тудырғаны үшін айыппұлдарға және т.б. мәселелерге қатысты сұрақтар қойды. Барлық сауалдарға сауатты жауаптар берілді.

Айта кетейік, кездесуге қатысушылар өңірдегі медиацияның дамуына кедергі келтіретін мәселелерді де талқыға салды.

Аталмыш іс-шараны өткізу нәтижесінде Медиация институтының қызметін нығайту және жандандыру бойынша нақты, сараланған ұсыныстар әзірленді.

«Ақпараттық жұмыс және қоғаммен байланыс»  бөлімі

Биылғы жылдың 31қазанында Жамбыл облысының «Анаға тағзым» орталығында Ұйғыр этномәдени бірлестігі өз дәстүрлерін дәріптеді.

Атап айтқанда, Жамбыл облыстық М.Қашқари атындағы Ұйғыр этномәдени бірлестігі «Отбасының салт-дәстүрі» ұрпақтар сабақтастығы бағдарламасын жүзеге асырды.

Шақырылған қонақтар қатары Ассамблея жастарымен толықты.

Ұйғыр ұлты- әдет ғұрыптарға бай, сол дәстүрлердің бірі анағұрлым айқын көрініс табатын үйлену тойы жайлы айқын көрсетіліп және қалыңдықтың ерекше киім үлгісімен, музыкамен, билермен және дәстүрлі халық әндерімен қамтылып, жиын ерекше форматта өтті.

Іс-шара аясында бірлестіктің атынан шашу шашылып, ыстық бауырсақтар үлестіріліп, қатысушылар көтеріңкі көңіл-күйде тарқасты.

«Ақпараттық жұмыс және қоғаммен байланыс» бөлімі

Республика күніне орай Достық үйінде биылғы жылдың 30-қазанында Жамбыл облыстық «Манас Ата» атындағы қырғыз этномәдени бірлестігінің өкілдері кездесу өткізді.

Этносаралық қатынастарды нығайту, бейбітшілік пен келісімді сақтау мақсатында өткен іс шарада жиналған қауымға Қазақстан- Қырғыздар қауымдастығы заңды тұлғалар бірлестігінің құрылуы таныстырылды.

Шарада президентіміз Қ. Тоқаевтың бастамасымен қайта аталып өтіп жатқан 25 қазан Республика күні ұлттық мерекеміздің маңызы жайлы сөз қозғалды. Сонымен қатар өңірімізде тұтастықты, ауызбіршілікті, достықты және татулықты нығайтуға, қазақ тілін жетілдіруге бағытталған пікірлер айтылды.

Жиын соңында Қырғыз этномәдени бірлестігінің төрағасы Абзалбек Ахметұлы барша қазақстандықтарға зор денсаулық, отбасылық бақыт, амандық, қуаныш, достық және бейбітшілік тілеп, этнос өкілдерін татулыққа шақырды.

«Ақпараттық жұмыс және қоғаммен байланыс» бөлімі

Сіздерді ҚХА мүшелері, этномәдени бірлестік өкілдері және «Қоғамдық келісім» мекемесі басшылығы мен ұжымы атынан баршаңызды бүгінгі ұлттық мереке – Республика күнімен шын жүректен ҚҰТТЫҚТАЙМЫЗ!!!

Бүгінгі Қазақстан -тыныштық пен тұрақтылықтың ордасы. Еліміз бірліктің бесігіне,татулықтың тірегіне айналды.

Ел тарихындағы жасампаз жылдар тұғырлы болды. Көк байрағы желбіреген бүгінгідей абыройлы да айбынды,беделді де берекелі,ынтымағы мен бірлігі жарасқан Еліміздің тәуелсіздігі баянды болғай!

Өркениет пен әділеттілік көшіне ілескен халқымыздың гүлденуі мен көркеюіне тілектестігіміз шексіз!

Елімізге бірлік пен тыныштық, бақ пен береке, азаматтық жауапкершіліктің көтерілуін, қоғамдық тұрақтылықтың, бейбітшілік пен келісімнің ғасырлар бойы сақталуын тілейміз!!

«Ақпараттық жұмыс және қоғаммен байланыс» бөлімі