КӨРІСУ КҮНІ – НАУРЫЗ МЕЙРАМЫНЫҢ БАСТАУЫ

/in /by

2024 жылдың 14 наурызында Ы.Дүкенұлы атындағы Тараз қалалық мәдениет үйінде Амал мерекесіне орай «Көрісу күні» іс шарасы өтті.

Мереке Дулати халықтық студенттік – жастар театрының «Көрісу» күніне арналған театрландырылған қойылымымен басталды. Көріністен кейін ақ жаулықты аналар шашу шашып, көпшілікке бауырсақ таратты.

Шара барысында қатысушыларға Амал мерекесінің тарихы мен дәстүрі туралы айтылды. Концерттік бағдарламаға ұласқан мерекелік іс-шараға Жамбыл облысы ҚХА мүшелері қатысып қайтты.

МЕКТЕП ОҚУШЫЛАРЫНА АРНАЛҒАН АШЫҚ ЕСІК КҮНІ

/in /by

Қазіргі заманда жас ұрпақты мектеп қабырғасынан бастап әлеуметтік және мәдени ерекшеліктерді қабылдауға, тарихи мұралар мен мәдени дәстүрлерге құрметпен және ұқыптылықпен қарауға дайындаудың маңызы зор.

Бұл мәселеде медиация айтарлықтай көмек көрсете алады. Осы орайда, С.Нұрмағамбетов атындағы № 10 мектептің 8-сынып оқушыларына медиация кабинетінде «Ашық есік күні» өтті.

Шара барысында Медиация кабинетінің меңгерушісі Валентина Досыбиева жиналғандарға этномедиация институтының дамуы және медиаторлар мен ҚХА мүшелерінің этносаралық жазықтыққа айналуы мүмкін жанжалды жағдайларды бейтараптандыру бойынша қандай жұмыстар атқарылып жатқаны туралы мағлұмат берді. Келесі кезекте тәрбие сағаты барысында басқа адамды қабылдау және түсіну, жағдайларды реттей білу және жанжалдарға әкелмеу қаншалықты маңызды екендігі туралы айтылды.

ZOOM КОНФЕРЕНЦИЯСЫ ӨТТІ

/in /by

13 наурыз күні Достық үйінде ZOOM платформасында ҚХА Ғылыми-сараптамалық кеңесінің төрағасы, қолданбалы этносаяси зерттеулер инститиуты директорының орынбасары, әлеуметтану ғылымдарының докторы Айгүл Кәкімбекқызы Садвоқасованың қатысуымен республикалық ҚХА Ғылыми-сараптамалық кеңесінің онлайн отырысы өтті.

Онлайн отырыс барысында ҚР-дағы этноәлеуметтік процестерді бақылау және оның келешегіне қатысты мәселелері қызу талқыға түсті.

Сондай-ақ, жиын барысында Қазақстан Республикасы Білім және ғылым министрлігі Философия, саясаттану және дінтану институтының бас ғылыми қызметкері, философия ғылымдарының докторы, доцент Мұхтарбек Шайкемелев өз баяндамасын жасады. Өз сөзінде этносаралық саладағы ғылыми бірқатар мәселелер қозғалды.

Жиын соңы өзара пікір алмасуға ұласты.

МҰНАЙЛЫ ӨЛКЕДЕГІ МАҢЫЗДЫ БАСҚОСУ

/in /by

Маңғыстау облысының ҚХА Ақсақалдар кеңесі ағымдағы жылдың 13-14 наурыз күндері «Ақсақалдардың аталы сөзі» атты Республикалық конференциясын өткізуде.
ҚХА Ақсақалдар кеңесінің жұмысын одан әрі жетілдіру және дамытуды көздеген іс-шараға Жамбыл облысы ҚХА Ақсақалдар кеңесінің төрағасы, Жамбыл облысы ҚХА төрағасының қоғамдық орынбасары Асқарбек Сейлхан Акылшаұлы қатысуда.
Маңғыстау облысының әкімі Нұрлан Асқарұлы Ноғаевтың арнайы шақыртуымен атбасын батысқа бұрған Асқарбек Ақылшаұлы жиында аталы сөзін арнап, баталы тілегін білдірді. Мұнайлы өлкеге Әулиеатаның атынан Ұлы жерлесіміз М. Х. Дулатидың асыл бейнесі тоқылған кілемді сыйға тартты.
Көрісу күніне орай ұйымдастырылып отырған ақсаладардың алқалы бас қосуы ертең «Отпантауда» жалғасын табатын болады.

8 НАУРЫЗ МЕРЕКЕСІ ҚҰРМЕТІНЕ

/in /by

Достық үйінде Жамбыл облысы Немістер қоғамы Халықаралық әйелдер күніне арналған мерекелік концертін өткізді.

Бұл тамаша мереке әйелдер қауымына деген сүйіспеншілікті білдірді. Жиналған әйелдер қауымын Жамбыл облысы Немістер қоғамының төрағасы Александр Гибнер құттықтады.

Сондай-ақ іс-шара барысында қатысушыларға «Елдің атақты әйелдерімен кездесу» атты қызықты, танымдық айдар ұсынылып Қазақстанның әртүрлі салаларда дамуына үлес қосқан этникалық неміс әйелдері туралы айтылды.

Вокалды-хореографиялық қойылымдар мен өлеңдер оқылды. Көрермендер құрметті «Вальс» пен әдемі «Қазақ биін» тамашалады, «Қыздарды жақсы көр», «Алыстағы сұлу» әндері және басқа да тамаша нөмірлер тыңдалды.

ҚАЙЫРЫМДЫЛЫҚ – ҚАЙЫРЛЫ ІСТІҢ ТӨРЕСІ

/in /by

Бүгін аналар мерекесіне орай «Қоғамдық келісім» КММ-де Өзбек этномәдени бірлестіктері әлеуметтік жағдайы аз қамтылған, көпбалалы отбасыларға және І-ІІ топтағы мүмкіндігі шектеулі қолөнер шеберлеріне көмек ретінде азық-түлік салынған 10 себет таратты.
Қайырымды істі жасаудың қайнар көзіне айналған «Қоғамдық келісім» КММ-нің қиналғанда қол ұшын созып демеу беруі дәстүрге айналған игілікті іс.

ҚАЙЫРЫМДЫЛЫҚ – ҚАЙЫРЛЫ ІСТІҢ ТӨРЕСІ

/in /by

Бүгін аналар мерекесіне орай «Қоғамдық келісім» КММ-де Өзбек этномәдени бірлестіктері әлеуметтік жағдайы аз қамтылған, көпбалалы отбасыларға және І-ІІ топтағы мүмкіндігі шектеулі қолөнер шеберлеріне көмек ретінде азық-түлік салынған 10 себет таратты.
Қайырымды істі жасаудың қайнар көзіне айналған «Қоғамдық келісім» КММ-нің қиналғанда қол ұшын созып демеу беруі дәстүрге айналған игілікті іс.

СҰЛУ ӘЙЕЛ – ИДЕАЛ, СҰЛУ ӘЙЕЛ БІР ҚИЯЛ

/in /by

Ш.Уәлиханов атындағы Жамбыл облыстық әмбебап ғылыми кітапханасының ұйымдастыруымен 2024 жылы 6 наурызда 8 наурыз – Халықаралық әйелдер мерекесінің қарсаңында «Сұлу әйел – идеал, Сұлу әйел – бір қиял» тақырыбында әдеби вернисаж өтті.

Нәзік жандыларға деген сүйіспеншілік пен құрмет сезімін арттыру мақсатында ұйымдастырылған кешке көпбалалы және өзге әртүрлі салада қызмет ететін аналарымыз қатысты.

Көктемнің алғашқы мерекесі ананың аялы алақанындай жүректерге жылулық ұялататындығы, адамзаттың нәзік жандарына арналды.

Іс-шараға Жамбыл облысы әкімдігінің ішкі саясат басқармасының «Қоғамдық келісім» КММ басшысы Жинақбаева Мубарак Касымқызы, Тараз қалалық емхананың бас дәрігері Керімбаева Дүйсенкүл Керімқұлқызы, Жамбыл ауданы А.Макаренко атындағы мектептің қазақ тілі және әдебиет пәні мұғалімі, педагогика ғылымдарының магистрі Кусева Салтанат Жұмабекқызы, Жамбыл облысы полициялық департаментінің жергілікті полиция қызмет басқармасының әйелдерді зорлық-зомбылықтан қорғау тобының аға инспекторы, полиция подполковнигі Кинжеханова Диляфруз Абазовна, Жамбыл облысы бойынша Қылмыстық-атқару жүйесінің психологы Дмитриенко Анна Александровна қатысты.

Сондай-ақ, игілікті жиыннан М.Х.Дулати атындағы Тараз өңірлік университетінің, Жамбыл жоғары медициналық колледжі мен Тараз политехникалық колледжінің білімгерлері де сырт қалған жоқ. Ерекше атап өтейік, отырысқа қатысушылардың басты мақсаты да осы студент жастарға нәзік жанды арулардың мерекесі алдында қазақ әйелінің тұлғасы, ананың қоғамдағы ерекше орны, қоғамның қыз балаға деген шексіз құрметі жайлы сыр шертіп, түрлі сауалдарға жауап беріп, өз салалары бойынша өмірлік тәжірибелерінен пайдалы кеңестермен бөлісу еді.

Аудитория жалпы ананың қоғамдағы ерекше орны, анаға, жарға, қарындасқа, әпкеге құрметпен қарау, әйел қандай болуы керек төңірегінде және тағы басқа тақырыптарды кеңінен талқылады.

 

«Ақпараттық жұмыс және қоғаммен байланыс» бөлімі

«АНАНЫҢ ӘНІ» —ӨМІРДІҢ МӘНІ

/in /by

Бүгін Жамбыл облысы әкімдігі ІСБ «Қоғамдық келісім» КММ өңірлік ҚХА Аналар кеңесімен бірлесіп Халықаралық әйелдер күніне орай республикалық «Мәдениетті ана –мәдениетті ұлт» жобасы аясында «Ананың әні» байқауын өткізді. Байқауға облыс көлемінен 18 бен 45 жас аралығындағы үміткерлер қатысты.

Бәсі биік бәсекенің мақсаты қазақ халқының өнері мен мәдениетін, мемлекеттік тілін Қазақстанда тұратын этностық топтар арасында жан-жақты насихаттау және дамыту, мемлекеттік тілді ән арқылы үйрету. Еліміздің бірлігін сақтау және этностар мәдени ерекшеліктерін айқындау, үміткерлердің кәсіби шеберлігін арттыру болып табылады.

Қазақстан халқының бірлігін, достығын және патриотизмін нығайтуды көздеген іс-шарада қатысушылар екі кезең тапсырмалары бойынша бақ сынасты. Бірінші кезеңде қатысушылар қазақтың ұлттық тағамдарын даярлау немесе салт-дәстүрлерге байланысты отбасымен түсірілген бейнероликтерін (алдын ала дайындалған, сапалы) ұсынса, екінші кезеңде қатысушылар ана тақырыбында қазақ тілінде белгілі ақын-композиторлардың әнін орындады.

Байқаудың қазылар алқасының құрамында «Қоғамдық келісім» КММ басшысы Мубарак Қасымқызы Жинақбаева, Жамбыл облыстық «Amanat» партиясының кеңесшісі Рахия Тұрмаханбетова, К.Әзірбаев атындағы Жамбыл филармониясының әртісі, республикалық конкурстардың лауреаты Гүлшат Тинасилова болды.

Сарапшылар үміткерлерді бағалауда орындаушылық шеберлік, сахналық мәдениет, репертурадың байқау ережесіне сай болу сынды критерийлерін басты назарға алды.

Байқау нәтижесі бойынша Мойынқұм ауданының бастауыш пәні мұғалімі, орыс этносы өкілі Ирина Хасанова І орын, облыстық өзбек этномәдени бірлестігінің өкілі Сабира Ирназарова ІІ орын, облыстық Дүнген этномәдени бірлестігінің өкілі Фаргия Багизова ІІІ дәрежелі орынды иеленді. Ал «Үздік видеолар» номинациясы бойынша Жуалы ауданынан Өзбек этносының өкілі Мухаррам Искандирова, Жамбыл ауданынан Түрік этносы өкілі Жамала Кучалиева, Байзақ ауданынан түрік этносы өкілі Белгиза Ахметова марапатталды.

Байқауға қатысушылар қазылар алқасының шешіміне сәйкес дәрежелі дипломдар, алғыс хаттар, қаржылай марапаттар және ынталандыру сыйлықтарын иеленді.

«Ақпарттық жұмыс және қоғаммен байланыс» бөлімі

ӘЙЕЛ- ӘЛЕМНІҢ ТІРЕГІ

/in /by

Бүгін, Достық үйінде Халықаралық әйелдер күніне арналған «Әйел- әлемнің тірегі» тақырыбында ҚХА жанындағы Аналар кеңесі отырысы өтті.

Мерекелік шараға ҚХА Аналар кеңесі, этномәдени бірлестік өкілдері, серіктес мекемелер, қоғам белсенділері т.б қатысты.

Аналар кеңесі отырысы Мубарак Касымқызы Жинақбаеваның алғы сөзімен ашылды. Ары қарай қонаққа келген аналарды облыстық ҚХА төрағасының қоғамдық орынбасары Гулам Мухтарович Умаров құттықтап, сыйлықтар тапсырды.

Жиын барысында облыстық ҚХА Аналар кеңесінің төрайымы, модератор Эльмира Иниятқызы Мырза-Ғали облыстық ҚХА Аналар кеңесінің жаңа жобалары жайында таныстырды. Сондай-ақ, Аналар бас қосқан отырыста аға буынның жастармен өзара іс-қимылының өзекті тәсілдері, Аналар кеңесінің білім беру ұйымдарымен бірлескен іс-қимылдары жайында атқарылып жатқан жұмыстар талқыланды.

Аналар кеңесінің жобаларын бірге жүзеге асырып жатқан серіктес мекемелер-білім,тіл,полиция басқармаларынан өкілдер,мектеп директорлары, этномәдени бірлестіктің жетекші әйелдері жұмыс жасау тәжірибелерін талқылады.

 

«Ақпараттық жұмыс және қоғаммен байланыс» бөлімі

Page 22 of 147
1 … 20 21 22 23 24 … 147