Archive for category: Жаңалықтар

Жамбыл облысы ІСБ әкімдігі «Қоғамдық келісім» КММ ұйымдастыруымен Байзақ ауданы жастарымен кездесу өтті.

Жиында медиация кабинетінің меңгерушісі Валентина Досыбиева Қазақстандық қоғамда достық пен бірліктің дәстүрлі құндылықтарын насихаттау, этномедиация институтын этносаралық ортадағы жанжалды көріністерден бас тартуға бағытталған әлеуметтік көзқарастар туралы сөз қозғады.

Жастармен кездесу кезінде ерекше атап өтілуі тиіс тағы бір жайт құқық бұзушылықтар үшін заңды жауапкершілік мәселесі. Аталған жағдай орын алмау үшін қолданыстағы құқықтық нормалар түсіндіріліп, жас буынға Заң мен тәртіпті сақтау керектігі тапсырылды.

Сондай-ақ, жиында «Ассамблея Жастары» РҚБ арқылы этникалық жастармен жұмысты жандандыру, мемлекеттік тілдің этносаралық коммуникация тілі ретіндегі қоғамдық маңыздылығы, Кұрылтайда көтерілген діни радикализмге жол бермеу сынды мәселелер де басты назарда болды. Аталған ауқымды тақырыптар аясында облыстық ҚХА Ақсақалдар кеңесінің төрағасы Асқарбек Сейілханов және «Қоғамдық келісім» мекемесінің қызметкері Рахат Ерханұлы кеңінен тоқталды.

Жиында этносаралық шиеленісті талдау және олардың алдын алу шараларын әзірлеу үшін респонденттерден мазмұнды ақпарат алу мақсатында облыстық ҚХА ҒСТ жастар арасында сараптамалық сауалнама жүргізді.

Қордай ауданында Жамбыл облысы ҚХА ғылыми-сараптамалық тобының «Өңіріміздегі қоғамда этностардың тұтастығын сақтау және нығайту»  тақырыбындағы кеңейтілген отырысы өтті.

«Қоғамдық Келісім» КММ ғылыми-сараптамалық қамтамасыз ету бөлімінің бас сарапшысы, облыстық ҚХА ҒСТ мүшесі, Ербол Қаншымбеков модераторлық еткен отырыста  өңірлік топтың мүшелері баяндамалар жасады.

Жиын барысында М.Х.Дулати атындағы Тараз өңірлік университетінің әлеуметтік психология кафедрасының профессоры Рысты Керімбаева қатысушыларға қазақ халқының этностардың бірлігін сақтаудағы топтастырушы әлеуетінің маңыздылығы туралы егжей-тегжейлі айтып берді.

Сондай-ақ, жиында сөз сөйлеген Тараз қаласындағы өзбек орталығының төрағасы, Жамбыл облысы ҚХА Ақсақалдар кеңесі төрағасының орынбасары Абдурахман Зайнутдинов түрлі этностар мәдениетінің қыр-сырына, ел тарихына, этностардың қоныстануына тоқталды.

Ал, жиналғандар алдында сөз алған Қордай ауданы ҚХА Қордай аудандық ҚХА Ақсақалдар кеңесінің төрағасы Әбдібек Сейілханов  «Этностар бірлігін сақтауда қазақ халқының топтастырушылық әлеуетінің маңызы» жайлы және құрылтай туралы өзекті ой қозғады. Баяндамашы түрлі этнос өкілдері ежелден тату-тәтті өмір сүріп келе жатқанын және бұл үрдісті алдағы уақытта да сақтау маңызды екенін атап өтті.

Жиынға  Бетқайнар ауылынан келген,  округтің ақсақалдар кеңесінің мүшесі Латиф Абылкасымов  жастар туралы ойын және Ұлттық құрылтайда білім мен ғылым саласына қатысты мәселелердің шешіміне қатысты пікірін білдірді.

Жиын соңы білім-ғылым саласы бойынша өзара пікір алмасулармен тәмамдалды.

Бүгін, «Наурызнама» жобасы аясында Жамбыл облыстық Ш.Уалиханов атындагы әмбебап ғылыми кітапханасы ұйымдастыруы және өңірлік ҚХА мүшелері, этномәдени бірлестік өкілдерінің демеушілігімен «Армысың, әз-Наурыз»  әдеби-қоғамдық этноауыл іс-шарасы іске асырылды.

Атаулы шараға ұйғыр, өзбек, тәжік, қырғыз бірлестіктерінің басшылары Мұхабат Тұрдыева, Абдырахман Зайнутдинов, Махкам Орифов, Абзалбек Меңдібаев бастаған этнос өкілдері және кітапхана қызметкерлері қатысты.

Жобаны өткізудегі мақсат — этносаралық қатынас, бейбітшілік пен келісім, жалпықазақстандық бірегейлікті нығайту.

Атырау өңірінде өткен ІІІ-Құрылтайда ҚР Президенті айшықтап берген тапсырма — «Бірлігіміз – әралуандылықта» жобасын еңсеру мақсатында этноауыл іс-шарасы ілгерілетілді.

Бүгін «Адамның рухани байлығы – имандылық» атты қаламыздағы №10 С.Нұрмағамбетов атындағы орта мектебінде Өзбек этномәдени бірлестігінің төрағасы Абдурахман Зайнутдинов және «Қоғамдық келiсiм» КММ қызметкері Рахат Ерханұлының қатысуымен іс шара өтті.

Сыныптан тыс өткен жиында адамның рухани байлығы, ҚХА жұмысы және оның мақсат-міндеттері, бірлік пен келісімді нығайтудың қаншалықты маңызды екендігі туралы айтылды. Абдурахман Юлдашұлы өскелең ұрпаққа ел болашағы өздерінің қолында екенін жіті түсіндірді.

Аға буын мен оқушылар арасындағы диалог қызықты әрі пікірталасқа толы болды. Оқушылар кездесу қонақтарына сұрақ қойып тұщымды жауап алды.

Шара соңында қатысушылар өлеңдер оқып, ән шырқады.

Биылғы жылдың 14 наурыз күні Тараз қаласындағы Достық үйінде Астана қаласындағы Конфессияаралық жəне өркениетаралық диалогты дамыту жөніндегі Н.Назарбаев орталығы мамандары этнос өкілдері және «Қоғамдық келісім» КММ қызметкерлерімен эксперттік және тереңдетілген сұқбаттар өткізді.

Сұқбат барысында қоғам өміріндегі діни-этникалық фактор, өзара ықпалдастық, проблемалық аспектілер және даму үрдістері, Қазақстандағы діни білім беру түрлері, үлгілері, әдістері, мақсатты аудиториялары, діни және дінтанулық терминдердің қазақша-орысша-ағылшынша сөздігін әзірлеу сынды мәселелер төңірегіндегі сұрақтар қойылды.

Мамандарға Республикалық Дүнгендер этномәдени бірлестігінінің төрағасы Зайнуддин Махусеев және облыстық «Радонеж» Орыстар қоғамдық бірлестігінің төрағасы Владимир Сорокинмен және «Қоғамдық келісім» КММ қызметкерлері сұқбат берді.