Archive for category: Жаңалықтар

Ана тілім – айбыным!

         «21 ақпан – Халықаралық ана тілі» күніне орай 2016 жылғы 18 ақпан күні Тараз қалалық Мәдениет үйінде облыс әкімдігінің тілдерді дамыту басқармасы және Тараз қаласы әкімдігі мәдениет және тілдерді дамыту бөлімінің ұйымдастыруымен Жамбыл облысы әкімі аппаратының «Қоғамдық келісім»КММ және облыстағы этнос өкілдерінің қатысуымен «Ана тілім – айбыным!» атты фестиваль болып өтті.

Фестивальдің мақсаты өңірдегі түрлі этностардың ана тілдерін дамытуына қолдау көрсету. Сондай-ақ еліміздегі татулық пен азаматтық келісімді нығайту, өзге ұлт өкілдерінің мемлекеттік тілді меңгеруге және ана тілдерін білуге деген қызығушылығы мен құрметін арттыруға ықпал ету.

       Ана тілі фестиваліне М.Х.Дулати атындағы Тараз мемлекеттік университетінен әзірбайжан, Жамбыл политехникалық колледжінен қазақ , Тараз мемлекеттік педагогикалық институтынан украин, Жамбыл медициналық колледжінен өзбек, Жамбыл қазақ-түрік есеп-экономикалық колледжінен түрік, Мемлекеттік тілді оқыту орталығының тыңдаушыларынан құрылған кәріс және дүнген ұлттары белсене қатысты. Тіл фестиваліне қатысқан 8 топ (3 адамнан құралған), «Таныстыру», «Әр елдің салты басқа», «Шығармашылық өнер» тақырыптары бойынша мемлекеттік және өз ана тілдерінде өнер көрсетті.

        Қатысушылар ұлттық киімдерін киініп, ұлттық ән-күй аспаптарын ұстанып, мемлекеттік және өз ана тілдерінде: ортақ Отаны – Қазақстанға, оның мемлекеттік тілі – қазақ тіліне деген жылы лебіз, ыстық ықыластарын көркемсөзбен мәнерлеп, Абай мен Мұқағали, Қадыр және өзге де бауырлас ұлттар ақындарының жырларын төгілтті, әсем ән шырқап, мың бұралта би биледі.

         Халықаралық ана тілі мерекесін тамашалауға облыстағы этномәдени бірлестіктердің өкілдері, өңірдегі мемлекеттік тілді жетік меңгерген өзге ұлт азаматтары, жоғары оқу орындарының оқытушылары мен студенттері, тіл жанашырлары және облыстағы БАҚ өкілдері қатысты.

Анна Германның сыңғырлаған жанғырығы.

14 ақпанда миллиондаған адамдардың сүйіктісі Анна Герман 80-жасқа толар еді.Ол әнді айта – айта, тыңдаушылармен бірге өмір сүрді. Оның өмірден өткеніне 30-жыл болсада, сыңғырлаған таңғажайып дауысы әлі күнге дейін эфирлерден үзбей беріліп, Ресей, Германия, Польша, Украина, Беларуссия, Қазақстан басқада Республика халықтарының үйлерінде орындалып, халықтың көңілінен орын алған.
.Өткен аптаның жексенбісі күні қалалық мәдениет үйінде Жамбыл облысы «Радонеж», орыс қауымдастығының, неміс қоғамы және «Полонез» поляк этномәдени бірлестіктері бастамаларымен ұлы әнші Анна Германды еске алу мақсатында үлкен концерт болып өтті. Орыс қауымдастығының төрайымы С.Чаутина коңцерт басталар алдында бұл концертті не үшін біздер өткізіп отырмыз деген сұраққа жауап берді. Әнші Анна Герман орыс халқының және эстрада әндерінің әуесқой тыңдаушысы бола білді, және оны сүйсіне орындады.Оның жазбаларындағы 400-әннің 100-орыс тілінде орындалды. Анна Герман гастролдік сапарларының көбісін Ресейде өткізді, Москвада тұрды, орта Азия Республикаларына гастрөлдік сапарларға шығып отырды. Польша мемлекетіне өтуге рұқсат бергенге дейін 1943-1946 жылдары көптеген жерлестерін тапты, Жамбыл қаласында анасымен тұрды, 1-сыныпта оқыды.1979-жылы біздің қалаға келген сапарында Жамбыл қонақ үйінде аялдап, осы ғимаратта керемет концерттік бағдарламасын берді, осы жерге мемориалдық тақтасы орнатылды.Осы жылдан бастап неміс қоғамы және поляк этномәдени орталығымен бірлесіп Анна Германды еске алу мақсатында ақпан айында концерт беруді дәстүрге айналдырдық деді.
Сахнадан әншінің «Біз бір-бірімізбен жаңғырған әлемде біргеміз» тақырыбында қайталанбас дауыстары естілді.Жергілікті орындаушылар Л.Навичкова, О.Дьяченко, В.Шапиро, Анна Германның «Когда цветут сады», «Ты спеши», «Письмо солдату», «Надежда», «Город любви», «Сумерки» атты белгілі әндерін орындады.№40 гимназия хореографиялық ұжымы және «Парус» қосымша білім беру мекемесі, белгілі композиторлар А.Бабаджанян, А.Пахмутова, В.Шайнский, Е.Птичкин, Анна Германға арнап жазған өлеңдер ырғағына нәзіктілік пен билерін орындады. «Анна Герман. Ұлы әншінің 100-естеліктері» жайлы жақын арада кітап етіп шығарған әншінің арнайы өмір баянын зерттеуші Иван Ильичев Москвадан қала тұрғындарына бейнехатпен шықты. Тумасынан неміс ұлты,Өзбекстанда дүниеге келіп, Қырғызстанда және біздің қаламызда тұрып, саналы ғұмырын Польша елінде өткізген Анна Герман совет эстрадасының жұлдызы болды.Әр түрлі ұлттардың мәдениетін бойына сіңірген мәңгілік Анна Герман өзінің әндерімен адамдарды бір-бірін қалай сүйу керектігін орындаған әндерімен жеткізе білді деп, терең ой толғанысымен Қазақстан халқы ассамблеясының мүшесі №40 гимназия мектеп директоры А.Гиббнер сөз сөйледі, көрермендер ұзақ қол шапалақтап, ризашылықтарын білдірді.

Жамбыл облысы әкімі

аппаратының

«Қоғамдық келісім» КММ

Баспасөз -қызметі

Қазақстан халқы Ассамблеясы жаңғыру жолында

Бұл тақырып 11 ақпанда Жамбыл облысы орталық коммуникациялар қызметінің аймақтық филиалында брифингте журналистер назарында болды. Жамбыл облысы Қазақстан халқы Ассамблеясы төрағасының орынбасары, хатшылық меңгерушісі Лысова Лариса Анатольевна өткен жылдың қазан айында Астана қаласында бастау алған ҚХА-ның «Үлкен ел – үлкен отбасы» ауқымды жобасының алты негізгі бағытының мәні мен мазмұнын БАҚ өкілдеріне айқын түрде баяндап берді. «Бұл жоба қазақстандық азаматтық бірегейлікті, қазақстандықтардың бірлігін нығайту бойынша Қазақстан халқы Ассамблеясының 20 жыл бойы жүргізген жемісті жұмысының қисынды жалғасы болып табылады, деп айрықша баса айтты. – Жоба Елбасының Қазақстан халқы Ассамблеясының «Мәңгілік ел: бір ел, бір тағдыр» ХХІІ сессиясында тапсырған және Ұлт жоспары мен «Біртектілік пен бірлік» 4 институционалдық реформасында белгіленген тапсырмаларды жүзеге асыруға негізделген және біртұтас азаматтық қауымдастықты қалыптастыруға жағдай жасауға мүмкіндік береді».

Әсіресе, брифинг қатысушыларын Л.А.Лысованың «Үлкен ел – үлкен отбасы» жобасының жүзеге асырылуының барысы мен болашағы, оның Жамбыл облысында іске асырылуының ерекшеліктері туралы хабарламасы үлкен қызығушылық туғызды. «Ұлы Жібек Жолының жаңғыруы» аймақтық мәдени-туристтік кластері құрылуда. Облыс орталығында ашық аспан астында «Көне Тараз» мұражайы, тарихи-археологиялық кешені ашылды, ескі туристтік бағыттар жетілдірілуде және жаңалары дамытылуда. Жоба аясында жыл бойы балалар мен жастарға арнап «Өз өлкеңді танып біл» және «ЭКСПО – 2017 еріктілері» облыстың тарихи орындарына саяхаттарды ұйымдастыру және өткізуге қазақ, орыс және ағылшын тілдерін меңгерген еріктілерді дайындау бойынша екі жоба жүзеге асырылатын болады. «Көне Тараз» тарихи-археологиялық кешен аумағында облыстық бейбітшілік пен келісім сарайының құрылысы жүргізіліп жатқан жерде аймақтық этномәдени бірлестіктердің қатысуымен этноауылдарды құру қарастырылған. Облыстық және Меркі аудандық тарихи-өлкетану мұражайларындағы экпозициялардан бөлек, ҚХА тарихы туралы залдарды барлық облыстық мұражайларда ашу ұсынылған. Бұл жұмыс жүргізілуде.

«Үлкен ел – үлкен отбасы» жобасы Қазақстан халқы Ассамблеясының қызметін жетілдіруді қарастырады, -деп хабардар етті Л.А.Лысова. – Біздің қоғамды біріктіруге бағытталған жаңа құрылымдар, соның ішінде қоғамдық келісім кеңестері барлық елді мекендерде және ірі кәсіпорындарда құрылуда. Қазақстан халқы Ассамблеясы республикадағы барлық қайырымдылық акцияларын үйлестіру және қайырымдылық орталығы қызметін атқарады. Осы бағыттағы жұмыс өткен жылы «ҚХА – 20 ізгі іс» эстафетасымен басталды, оның аясында тек біздің облыс бойынша 2860 адамға 1,34 миллиард тенге сомасына қайырымдылық көмек көрсетілді. Бұл республика бойынша ең жақсы көрсеткіштердің бірі. Бүгінгі таңда қайырымдылық іс-шаралары «Қайырымдылық керуені» және «Қоржын» акциясы шеңберінде жалғасын табуда.

Сөз соңында Л.А.Лысова «Үлкен ел – үлкен отбасы» жобасының жүзеге асырылуы Қазақстан Республикасы Тәуелсіздігінің 25-жылдығына арналғандығын атап өтіп, журналистер сұрақтарына жауап берді және журналистерді бұл жоба бойынша іс-шараларды айқындауға белсене ат салысуға шақырды.

Жамбыл облысы әкімі аппаратының

«Қоғамдық келісім» КММ

Баспасөз қызметі

Жамбыл облысы әкімі аппаратының  «Қоғамдық келісім» КММ 2015 жылы атқарған жұмысы жайлы қортынды есебі туралы

АҚПАРАТ

«Қоғамдық келісім» КММ мәжіліс залында мекеме қызметкерлерінің, аймақтық әкімшіліктің басқарма өкілдері, этномәдени бірлестік басшыларының алдында мекеме  басшысы Р.Убайдуллаева 2015 жылы   есепті мерзімде атқарған жұмысы жайлы баяндады. Ол өз сөзінде2014 жылдың қорытындысы бойынша  жасаған баяндамада айтылған сын ескертпелер толығымен орындалғанын,этномәдени бірлестік басшыларына жұмыстарын жандандыру мақсатында  кең көлемде әдістемелік көмек көрсетілгенін, атап айтқанда 6 семинар-тренинг, 20 аса жеке және топтамалық кеңестер берілгендігіне тоқталды.  Ғылыми- сараптамалық  қолдау бөлімінің терең әлеуметтік зерттеу негізінде, оны тұрақты өңделіп  дәлелді қортындылармен  ұсыныстар  мемлекеттік органдарға орындау үшін жіберілді. «Бейбітшілік және жол картасы» мега жобасы шеңберінде аймақтық ассамблея мүшелері, этномәдени бірлестік басшылары  және шығармашылық топтары облыстың алыс аймақтарына шықты,  елді мекен тұрғындарымен аймақта тұратын халықтардың жан-жақты мәдениетін көрсету мақсатында  кездесулер ұйымдастырды, семинарлар өткізді, концерттік бағдарламаларын ұсынды. «Қоғамдық келісім» КММ өзінің жұмыс барысында тұрақты түрде мемлекеттік ұйымдармен, үкіметтік емес мекемелермен және бұқаралық ақпарат құралдарымен тұрақты байланыста жұмыс атқарды.«Қоғамдық келісім» КММ негізінде облыстық  аймақтық ассамблеясы жанынан  бүгінгі таңда ақсақалдар кеңесі, аналар кеңесі, шеберлер клубы, «Ақ желкен» жастар лигасы құрылған.2015 жылы олардың қатысуымен 120 дан аса қоғамдық мәні бар іс-шаралар өткізілді.Аймақтағы халықтық сәндік қолданбалы өнердің дамуына әдістемелік қолдау бөлімі үлкен көңіл бөлді.Тұрақты негізде «шеберлер мектебі» жұмыс істейді, оның құрамына 12 этномәдени бірлестіктерден 50  әр-түрлі шығармашылық бағыттағы қолөнершілер кіреді.Оқу бағдарламалары жасалған, халықтық қол өнер шеберлері үшін шеберлік сыныбы өткізіліп тұрады.Мақсаты этномәдени бірлестіктердің қол өнер дәстүрін көрмелер, жәрмеңкелер, және байқаулар арқылы дамыту болып табылады. «Ақ желкен» жастар лигасы мен  бірлесіп жұмыс істеу мақсатында жастармен жұмыс істеудің әр-түрлі әдістері қолданылады.Облыста тұратын халықтардың ұлттық мемлекеттік біртектілікті қалыптастыру және ұлттық мемлекеттік саясатты насихаттау жұмыстарын жүргізуде есепті мерзім аралығында ғылыми сараптама қолдау бөлімі мәні бар  жоспарлы жұмыстар жүргізді. «Қоғамдық  келісім» КММ  қызметкерлерінің ұйымдастырушылық жұмысы және әдістемелік көмегінің арқасында Жамбыл облысының әр-түрлі жастағы ұлт өкілдері «Қазақ хандығының 550 жылдығы» және Қазақстан халқы ассамблеясының 20 жылдығына арналған 14 Республикалық байқаулар , конурстер және жобаларға белсенді қатыса отырып,  12 жүлделі орындарды жеңіп алды. Есеп беруде талқылаулар  белсенді және жемісті түрде  өтті. «Днипро» этномәдени бірлестігінің төрағасы, ҚХА  мүшесі Ф.Клименко өз сөзінде «Қоғамдық келісім» КММ-нен тұрақты түрде  іс-шаралар өткізуде әдістемелік және практикалық көмекті алатынын айтты.Аймақтық ассамблея және этномәдени бірлестік мүшелерінің елді мекендерге шығып үгіт жоспары негізінде өткізілетін іс-шаралары жоғарғы деңгейде өткенін атап өтіп, сөзінің соңында жаңадан соғылып жатқан Достық үйінен бірнеше  этномәдени бірлестіктердің сұрауы бойынша жұмыс жүргізу үшін бөлмелер бөлуін және көркемөнер ұжымының дайындаған концерттік бағдарламалары сапалы шығу үшін, мекеменің штатына мамандандырылған концертмейстрдің болуын ұсынды.Облыс ассамблеясы жанындағы әйелдер кеңесінің төрайымы М.Миражапова өсіп келе жатқан ұрпақтарға жан-жақты қамқорлық керек екен жайлы ашық әнгімесінен кейін, жиналыс модераторы Л.Лысова осы ұйымның жұмысына этномәдени бірлестіктерде  жастарды, оқушыларды,қыз балаларды тәрбиелеуде этнопедагогика және халықтық дәстүрлер негізінде  тәрбиелеуді енгізуді сұрады.  Аймақтық әкімшіліктің білім бөлімі басшысының орынбасары Д.Өскенбаева айтылған пікірлерге қолдау көрсете отырып, бірлесе жұмыс істеуді ұсынды.Аймақтық ҚХА ның қоғамдық негіздегі төрайымы М.Тұрдыева мемлекеттік тілді оқып үйренуде арнайы топтар құруды,осы бағытта этномәдени бірлестік өкілдері жұмыстарын жандандыру керек екендігін және мекеме тарапынан тұрақты қолдау көрсетуін атап өтті.Жамбыл облысы «Немістер қоғамы» этномәдени бірлестігінің төрағасы Д.Низен жастар мен балалардың бойындағы жоғарғы адамгершіліке қасиеттерді қалыптастыруда «Қоғамдық келісім» КММ бөлімдерінің тәжірибелерін пайдалана отырып бірлесіп жұмыс істеуді ұсынды.Жамбыл облысы әкімі аппаратының басшысы Р.Рахманбердиев қазақ хандығының 550-жылдығына, ҚХА мерекелік жылында ауқымды жұмыстар атқарғаны үшін мекеме ұжымына ризашылығын білдірді.Біздер бүгін мекеменің жыл қортындысы бойынша атқарылған  есебі үшін жиналдық, алдағы бірігіп атқаратын жұмыстарды атқару үшін кеңесуді жөн көріп отырмын.Ол «Қоғамдық келісім» КММ басшысына 2015-жылда кадрлар жасақтаудың себебтеріне қортынды жасап, шара қолдануды тапсырды.Алдымызда «ҚХА ның 2025 жылға дейінгі дамыту тұжырымдамасын» жүзеге асыруда ауқымды жұмыстар тұрғанын оған белсенді қатысып, жаңа ойлар мен пікірлер керектігін айтты.Аймақтық ассамблеяның үгіт-ғылыми әдістемелік іс-қимылы жұмыс бағытын облыс орталығынан аудандарға бағыттау керектігін,этносаралық қатынастар саласында әдістемелік көмек көрсету және мониторинг бөлімі өздерінің қызметінде екінші бөліміне көбірек көңіл аударуына тоқталды.Есеп беру жиналысының  аяқталуына орай Р.Рахманбердиев «Қоғамдық келісім» КММ үздік қызметкерлеріне облыс ҚХА төрағасы, Жамбыл облысы әкімі К.Көкрекбаевтың атынан Алғыс хаттар тапсырды.

Жамбыл облысы әкімі аппаратының «Қоғамдық келісім»КММ

Баспасөз қызметі

Жамбыл облысы ҚХА жанындағы «Ақ желкен» жастар лигасы және этномәдени бірлестік жастарының «Біз болшаққа біргеміз» тақырыбында өткен кеңейтілген отырысы туралы

АҚПАРАТ

Жамбыл облысы ҚХА жанындағы «Ақ желкен» жастар лигасының мүшелері қоғамдық жұмыста ғана емес, өмірдеде өздерінің орындарын тапқан жандар.Олардың біразы бүгінде отбасын құрып, бала тәрбиесімен айналысуда,еліміздің болашағы үшін аянбай еңбек етуде.

Осы жылдың 22-қаңтарында «Ақ желкен» жастар лигасы және этномәдени бірлестік жанындағы жастары бірлесіп «Біз болшаққа біргеміз» тақырыбында кеңейтілген отырысын өткізді. «Қоғамдық келісім» КММ мәжіліс залында өткен кеңейтілген отырыста мекеме басшысы  Р.Убайдуллаева  сөз сөйлеп,  «Ақ желкен» жастар лигасының атына жылы лебізін білдірді.Ол өз сөзінде «Ақ желкен» жастар лигасының құрылғанына жылдан аса уақытта біршама  ауқымды жұмыстар атқарғанын, Қазақстан халқы ассамблеясы жылына,Ұлы отан соғысының 70-жылдығына арналған  және қайырымдылық шараларының 70-пайызына «Ақ желкен» жастар лигасының қатысқанын атап өтті.

2015-жылдың тамыз айында «Ақ желкен» жастар лигасы «Нұр отан» партиясы жастар қанатымен бірлесіп Республикалық «Асар» әлеуметтік бірлестік акциясының бастауын ұйымдастырды.Осы іс-шарада соғыс және еңбек ардагерлеріне қайырымдылық шаралары жасалынды, жастардың бастамасымен  облыстық қан орталығына 20-литр қан тапсырылды. «Қоғамдық келісім» КММ ғылыми –сараптама бөлімінің жетекші сарапшысы П.Мамедова кеңейтілген отырыста «Қазақстанда мемлекеттік этносаясатты жүзеге асыру, ұлт қалыптасуының бір жақты келешегі тақырыбында сөз сөйледі.Облыс Қазақстан халқы ассамблеясы жанындағы ғылыми -сараптамалық топ «Жастар зерттеу» қоғамдық бірлестігімен аты аталған тақырыпта әлеуметтік зерттеу жұмыстарын жүргізді. 2013-жылдың зерттеу қортындысы біздің облысымызда азаматтық принцип негізінде халықтардың сәйкестік деңгейінің басқа жылдармен салыстырғанда төмен деңгейде екенін көрсетті. Сонымен қатар П.Мамедова  Қазақстанда 130-дан аса этнос өкілдерінің тұратынын оның ішінде Жамбыл облысында 87-ұлттар мен ұлыстардың облысымызда ықшам орналасқанын айта келіп, өткен жылдың жүргізілген жұмыс қортындысы бойынша сұрақ салушылардың 88-пайызы «мен Қазақстандықпын» деп жауап бергенін атап өтті. П.Мамедова жастар лигасының мүшелеріне Елбасының өткен жылғы екі  жаңа бағдарламалық құжатқа қол қойғанын назарларына салды.Оның бірі «Қазақстандық сәйкестік пен бірлікті дамыту және нығайту» тұжырымдамасы, екіншісі «Қазақстан халқы ассамблеясының 2025-жылға дейінгі даму» тұжырымдамасы. Осы бағдарламаны жүзеге асыруға жастарды белсенді қатысуға шақырды. Кеңейтілген отырыста Қазақстан халқы ассамблеясы жанындағы аналар кеңесінің төрайымы М.Миражапова қазіргі жастарымыздың алдында үлкен міндеттер тұрғанын, мемлекеттік тілді білу, сапалы білім, кәсіби дайындық(оның ішінде техникалық, жұмысшы мамандықтарын игеруге) өз халқының және басқада халықтардың тарихын, мәдениетін білуге,жастардың денсаулығының мықты болуына, ішкі жан дүниесінің таза болуы жайлы айтты.

«Ақ желкен» жастар лигасының төрағасы З.Махусеев тәуелсіздіктің 25-жылдығына арналған бірлескен жұмыс жоспарына тоқталды. «Ақ желкен» жастар лигасының бөлімшелері мектептерде, колледждерде құрылады және оған көбірек ауыл жастарының тартылатынын айтты.Аймақтық ассамблея жанындағы аналар кеңесі мен ғылыми-сараптама тобы негізгі әріптес ретінде жұмыс барысында қолдау көрсетеді.Жақын арада  барлық қатысушыларға «Көпшілік алдында сөйлеу шеберлігі» курстары ашылады, курс бітірушілерінен Жамбыл облысында тұратын халықтардың дәстүрін, мәдениетін, тарихын насихаттайтын жастар арасынан дәріскерлер тобы жасақталатынын кеңейтілген отырысқа қатысушылар назарына жеткізді.