ЖАСТАР ЕСІРТКІГЕ ҚАРСЫ!

/in /by

Нашақорлық – қоғамдағы індет. Есірткінің адам өмірін жалмап, тағдырын тас-талқан ететін қасірет екенін жас ұрпақтың санасына сіңіріп, оған қарсы күрес жүргізу – баршамыздың міндетіміз. Осы орайда, халықаралық нашақорлыққа қарсы күрес күні қарсаңында ақпарат және қоғамдық даму басқармасы «Қоғамдық келісім» мекемесінде «Ассамблея жастары» Республикалық қоғамдық бірлестігі Төрағасының орынбасары, өңірлік жастар ұйымының жетекшісі Хамида Тұрдыеваның бастамасымен дөңгелек үстел өтті.

Жиынға облыстық «Ассамблея жастары» РҚБ мүшелері қатысып, тақырып туралы ойларын ортаға салып, пікір алмасты. «Есірткісіз болашақққа» деген ұранмен бастау алған кездесуде жастар ғаламды жайлаған зиянды әдеттен жастарды барынша ада болуға шақырды.

–Жаңа дәуірге қадам басқан жастарды жаман әдеттен арылту сіз бен біз болып жұмыла атқаратын жұмыс. Есірткіге есі кетіп, еліткен жас буын өзінің болашағына балта шапқанмен бірдей. Егемен еліміздің ертеңі жастарды жаман әдеттен аулақ болуға үндеп, салауатты өмір салтын ұстануға шақырайық, – дейді облыстық «Ассамблея жастары» РҚБ мүшесі Азиза Исманова.

Шара соңында өзге де жастар салауатты өмірге кері ықпалын тигізетін әдеттен арылту үшін нашақорлыққа қарсы әлеуметтік иммунитет қалыптастыру керек екенін атап өтті.

МӘМІЛЕДЕ ҰЛТТЫҚ ДОМБЫРА ҰЛЫҚТАЛДЫ

/in /by

Бүгін ақпарат және қоғамдық даму басқармасы «Қоғамдық келісім» мекемесінің ұйымдастыруымен «Мәміле» қазақ тілді пікірталас клубы жобасынының  үшінші отырысы Кенен Әзірбаев атындағы Жамбыл облыстық филармониясында өтті.

Қазақ халқының тарихи және мәдени мұрасын, салт-дәстүрлерін, менталитетін және өмірлік құндылықтар жүйесін зерделеу арқылы мемлекеттік тілді үйренуді көздеген клубтың кезекті жиынына этномәдени бірлестік өкілдері, өңірлік «Ассамблея жастары» РҚБ мүшелері, мемлекеттік тілді меңгерген этнос жастары мен тіл үйренушілер қатысты.

Клубтың бүгінгі жиыны Ұлттық домбыра күніне бағытталды. Кезекті басқосу барысында «Қоғамдық келісім» КММ-нің жобаларды іске асыру және ҚХА құрылымдарымен жұмыс жөніндегі бөлімінің  жетекші сарапшысы Рахат Ерхан  клуб мүшелеріне  мәдени мекеменің бірінші қабатында Жамбыл Жабаев, Сүйінбай Аронұлы, Құрманғазы  Сағырбайұлы, Қоқыт ата т.б. аты  аңызға айналған тұлғалардың өмірімен таныстырып, өнері мен шеберліктерінен  сыр шертті.

Ары қарай жиынға қатысушылар филармония оркестрінің концерт алдындағы дайындығын тамашалады.

К.Әзірбаев атындағы Жамбыл облыстық филармониясы директорының орынбасары  Жандос Омаров клуб мүшелерін қарсы алып, өнер әлеміндегі өзгеше өмірдің қызықшылығы мен қиыншылығына тоқталып, филармония оркестрімен таныстырды.

Ал, филармониядағы Қазақ ұлт аспаптар оркестрінің көркемдік жетекшісі әрі дирижері, ҚР мәдениет саласының үздігі Дулат Байзілдаев клуб мүшелеріне әрбір аспаптың құндылығын мемлекеттік тілде жеке-жеке түсіндіріп, олардың оркестрдағы өзіндік рөлдері туралы айтты.

Клуб мүшелері оркестрдің концерт барысындағы дайындығына да куә болып, филармония әншілерінің жанды дауыста шырқаған әсем әндерін тыңдап, аспаптарда орындау шеберліктеріне тәнті болды.

Жиын соңында «Қоғамдық келісім» КММ-нің жобаларды іске асыру және ҚХА құрылымдарымен жұмыс жөніндегі бөлімінің басшысы Аққу Қаратаева көпшілікке «Мәміле» клубының жұмысын таныстырып, өнер  ұжымына алғыс айтты. Клуб мүшелері мемлекеттік тілдің құндылығын ұлттық аспаптар атауы және ән арқылы бойына сіңіріп қайтты.

 

Жамбыл облысы аумағындағы қызылша індеті туралы

/in /by

2023 жылы мен 2024 жылғы 02 шілде айына  облыста қызылша бойынша күдікті 7724 жағдай тіркелді, оның ішінде 4747 жағдайда диагнозы расталды (61,4%), 100 мың тұрғынға шаққандағы көрсеткіш – 390,3.

Қызылша індеттінің республика бойынша көрсеткіші: күдікті 114 217 жағдай тіркелді, оның ішінде 56 582 жағдайда диагнозы расталды (49,8%), көрсеткіші – 282,4.

Қызылша диагнозы расталған 4747 жағдайдың ішінде, 379-сі – қызылша пневмония, отит, энцефалит, т б асқынулармен  ауыр деңгейінде (7,9%), орташа денгейдегі – 3072 (64,7%), 1296 жеңіл денгейдегі (27,3%) тіркелді. Өлім жағдайы тіркелген жоқ.

2024 жылдың 01 шілде айына қызылша диагнозымен стационарлық  ем   қабылдап жатқан 4 науқас бала бар. Амбулаториялық ем қабылдап жатқан  науқастар жоқ. Ауыр жағдай асқынуымен тіркелмеді.

Жалпы төсек жүктемесі –1,2% (325 төсектің ішінен 4 төсек бос емес,321- бос), балалар төсек жүктемесі –1,5% (260 төсектің 4 төсек бос емес, 256 төсек бос).

Қызылшаның тіркелуі барлық аумағында байқалады.

1 өңірде сырқаттанушылықтың деңгейі өте жоғары «қызыл аумақ»: Тараз қ. – 2836 жағд. (100 мың тұрғынға шаққандағы көрсеткіш – 635,9).

Сонымен қатар, сырқаттанушылық жоғары деңгейде «сары аумақта »:   Байзақ ауд. – 413 жағд. (392,0), Шу ауд. – 370 жағд. (348,4), Сарысу ауд. – 129 жағд. (292,2),  Меркі ауд. – 268 жағд. (302,9)

«Жасыл аумақ» 6 өңірде 12-316 жағд аралығында: Жамбыл ауд. – 185 жағд. (239,3), Қордай ауд. – 316 жағд. (211,5),  Жуалы ауд. – 83/152,2,    Талас ауд. – 77/157,4,  Т.Рысқұлов ауд. – 58/86,1, Мойынқұм ауд. – 12/41,9.

Соңғы екі аптаны салыстырғанда аурушандық көрсеткіштері жалпы облыс бойынша бір деңгейде (1 жағ/ 0,08 және 1 жағ/0,08), оның ішінде:Тараз қаласы  бойынша  – бір деңгейде  (1 жағ/0,22 және 1 жағ/ 0,22)

Байзақ ауданы бойынша-  тіркелген жоқ (0 жағ/ 0 және 0 жағ/0)

Жамбыл ауданы бойынша – тіркелген жоқ (0 жағ/0 және 0 жағ/0)

Жуалы ауданы бойынша – тіркелген жоқ (0 жағ/0 және 0 жағ/0)

Қордай ауданы бойынша– тіркелген жоқ   (0 жағ/0 және 0 жағ/0)

Т Рысқұлов ауданы бойынша– тіркелген жоқ (0жағ/0 және 0 жағ/0)

Меркі ауданы бойынша – тіркелген жоқ    (0 жағ/0 және 0 жағ/0)

Мойынқұм ауданы бойынша – тіркелген жоқ (0 жағ/ 0 және 0 жағ/0)

Сарысу ауданы бойынша– тіркелген жоқ   (0 жағ/ 0 және 0 жағ/0)

Талас ауданы бойынша– тіркелген жоқ  (0 жағ/0 және 0 жағ/0)

Шу ауданы бойынша– тіркелген жоқ   (0 жағ/0 және 0 жағ/0)

Жас құрамы бойынша қызылша індеті 83,0% – 14 жасқа дейінгі балалар арасында тіркелді (3938 ж), оның ішінде 22,6% – 1 жасқа дейінгі балалар (892ж) және 1-4 жастағы балалардың саңы-2291/ 58,1%;  15-17 жаста – 2,0% (96ж.), 18 жастан жоғары – 15,0% (713ж.). Яғни, көбінесе қызылшамен ауыратындар, ол 0-5 жасқа дейінгі балалар.

Кәсіби құрамы бойынша сырқаттанушылықтың деңгейі жоғары: 51,3% – ұйымдастырылмаған балалар арасында (2433ж), 20,1% – мектепке дейінгі бала бақшадағы балалар (954ж), 13,2% – оқушылар (628ж) және жұмыссыздар 8,0% (378ж), жеке кәсіпкерлер мен жәй жұмысшылар – 3,7% (175ж). Медицина қызметкерлердің қызылшамен ауырған саңы – 29 (0,6%).

Қызылша індетімен ауырғандардың екпе статусы

Қызылша індетімен ауырғандардың ішіндегі 86,5 пайызы екпе алмағандар (4107 жағд.). Оның ішінде, екпеден бас тартып, екпеге сенімсіз білдіргендер 1307 жағдай (31,8%), медицина көрсетіліммен екпені алмағандар 993 жағдай (24,2%) және екпе алу жасы келмегендер 860 жағдай (20,9%).   

 

екпе статусы барлығы пайызы
Екпе туралы мәліметі жоқ 715 15,1
Екпеден бас тартқандар 1307 27,5
Екпе алу жасы келмеген 860 18,1
Екпе туралы мәліметі жоғалған 232 4,9
Уақытша  медициналық қарсы көрсетілім 922 19,4
Тұрақты медициналық қарсы көрсетілім 71 1,5
Екпенің толық курсын алмағандар 640 13,6
Барлығы 4747 100

 

          Ошақтағы алдын алу іс-шаралар

Жыл басынан бастап барлығы 44910 қарым қатынаста болған тұлға анықталған, оның ішінен 693 науқас анықталып, сәйкесінше науқастар қатарына есепке алынды (1,5 %) .

Бүгінгі күнге 117  науқаспен  қарым қатынаста болған тұлғалар, 1 орта мектеп, 2 бала бақша 21 күндік медициналық бақылауында

Эпидемиялық көрсеткіштер бойынша 72 сағатта науқаспен қарым қатынаста болған 4175 тұлға екпемен қамтылды .

Қызылшаға қарсы  иммундау жұмысы

2023 жылдың 12 айында Жамбыл облысы бойынша жоспарлы түрде жалпы егілгені – 52 586 бала, оның ішінде:

– барлығы қызылша-1 екпені алғаны 25 858 бала, оның ішінде 1 жастағы 23342 бала 1-ші вакцинациясын алды (100,8%, жоспар – 23159 бала)

– барлығы қызылша-2 екпені алғаны 26 728 бала, оның ішінде 6 жастағы 24 308 бала 2-ші екпесін алды – ревакцинацияланды (98,7%,  жоспар – 24635 бала).

(12 айға қамтудың нормативтік деңгейі – 95,0- 98,0%).

Жоспарлы екпемен қамтамассыз етілмеген 1820 балалардың себебі, ол 50 – екпеге келісім бермегендер (2,7%), 44 – көшіп кеткендер басқа аумаққа (2,4%), 883 – уақытша облыста жоқтары (48,5%), 843 – медициналық көрсетілімі бар балалар (46,3%), оның ішінде тұрақты медициналық көрсетілімі бар 22 бала

2024 жылдың 5 айында Жамбыл облысы бойынша

Қызылша, қызамық, эпидпаротитке қарсы (ККП-1) екпесімен қамту көрсеткіштері жоспарлы түрде жалпы егілгені – 18285 бала, оның ішінде:

– барлығы қызылша -1 екпені алғаны- 8636 бала, оның ішінде 1 жастағы 8511 бала 1-ші вакцинациясын алды (36,8%)

– барлығы қызылша -2 екпені алғаны- 9649 бала, оның ішінде 6 жастағы 9461 бала 2-ші екпесін алды – ревакцинацияланды (36,8%).

 (4 айға қамтудың нормативтік деңгейі – 39,4- 41,5%).

Епенің төмен көрсеткіштерінің ең бір себебі– қызылшаға қарсы қосымша екпе алған 6-11 ай аралығындағы және 6 жасқа дейіндегі балалардың ата аналары жоспарлы екпесің алуға уақытша бас тартуда.

Жоспарлы екпемен қамтамассыз етілмеген 1111 балалардың себебі, ол 109 – екпеге келісім бермегендер (9,8%), 8 – көшіп кеткендер басқа аумаққа (0,7%), 211 – уақытша облыста жоқтары (19,0%), 783 – медициналық көрсетілімі бар балалар (70,5%), оның ішінде тұрақты медициналық көрсетілімі бар 0 бала

Қызылшаға қарсы қосымша жаппай иммундау жұмысы

ҚР ДСМ Бас мемлекеттік санитариялық дәрігерінің 01.11.2023ж. «Қызылшаға қарсы санитариялық-эпидемиялық және санитарлық-профилактикалық іс-шаралар» №7 Қаулысына сәйкес Республикада қызылшаға қарсы халықтың тиісті топтарын қосымша жаппай иммундау жұмысы жүргізілуде.

Қосымша жаппай иммундаумен қарашаның 6-ші күнінен бастап,  шілденің 02-ші  күніне  жалпы қамтылғаны – 96 058 тұлға / жоспар – 95 850 /100,2% 

(ҚЖИ республиқалық көрсеткіштері:   жоспар – 1 500 000 адам, оның ішінде егілгені – 1 463 078 , қамтылған пайызы- 97,5%).

Оның ішінде:

– 6 айдан 10 ай 29 күнге дейінгі 9 051 бала (97,3%, жоспар – 9 300 бала қамтылады);

– 2-3-4 жастағы 57 148 бала (91,5%, жоспар – 62 390 бала қамтылады);

– 5 878 медицина қызметкерлер (104,1%, жоспар – 5 640 қамтылады);

– 23 981 екпесі жоқ 18 жасқа дейінгі тұлға (129,5, жоспар – 18 520)

Қосымша иммундау жұмысы орындалуы бойынша:

–  Тараз қаласы (94,0%) бойынша  орындау пайызы, «қызыл аумақта»;         –   қалған 10 аумақтар – «жасыл аумақта».

ҚҚП вакцинаның қоры

02.07.2024 жыл мерзімге облыс бойынша 27 602 доза қызылша, қызамық және паротитке қарсы вакцинасының қалдығы бар, қолдау мерзімі 2026 жылдың наурыз айына дейін.

 

 

Аймақтар Жоспар Егілген саңы Қамтылған пайызы
Тараз қ 36122 33 953 94,0
Байзақ а 8885 9244 104,0
Жамбыл а 6702 7030 104,9
Жуалы а 3692 3 874 104,9
Қордай а 11811 12 201 103,3
Мерке а 6465 6 744 104,3
Мойынқұм а 2074 2084 100,5
Сарысу а 3344 3 530 105,6
Т Рысқұлов а 5288 5 388 101,9
Талас а 3642 3 740 102,7
Шу а 7825 8270 105,7
Облыс бойынша 95850 96 058 100,2
Республика бойынша 1 500 000 1 463 078 97,5

Қосымша екпе жұмысы 281 екпе пункттарында, 30 жылжымалы екпе бригадамен, 15 семинарларда арнайы дайындалған 1800 медициналық қызметкерлермен өткізілуде.

Облыстағы қызылша бойынша эпидемиологиялық жағдай қатан бақылауда.

 

Жамбыл облысы аумағындағы көкжөтел (коклюш) індеті туралы

/in /by

2024 жылдың 1 қантарынаң бастап 02 шілде айына облыста көкжөтел (коклюш) бойынша күдікті 108 жағдай тіркелді, оның ішінде 65 жағдайда диагнозы расталды (60,1%), 100 мың тұрғынға шаққандағы көрсеткіш – 5,1.

Көкжөтел індеттінің республика бойынша көрсеткіші: күдікті 3015 жағдай тіркелді, оның ішінде 1342 жағдайда диагнозы расталды (44,5%), көрсеткіші – 7,0.

Көкжөтел диагнозы расталған 65 жағдайы орташа ауыр денгейде (100,0%) тіркелді. Өлім жағдайы тіркелген жоқ.

2024 жылдың 02 шілде айына 7 науқас көкжөтел диагнозымен стационарлық ем қабылдауда, оның ішінде 0 жүкті әйел  (0 %), 7 балалар (100,0%).

Көкжөтелдің  тіркелуі келесі аумақтарда байқалды

«Сары аумақта:  Тараз қаласы. – 41 жағдай, 100 мың тұрғынға шаққандағы көрсеткіші – 9,2, облыстық көрсеткіштен  (5,1 ) – 1,8 есеге жоғары болып тұр.

Байзақ а – 2 жағд (1,94), Жамбыл а-6 жағд (7,8),  Меркі ауд. – 2 жағд. (2,2) , Мойынкум ауд -6 жағд. (21,0) ,  Шу ауд. – 3 жағд. (2,8),Жуалы- 4 жағд (7,3), Сарысу -1 жағд  (2,3).

Жас құрамы бойынша көкжөтел індеті 100,0% – 14 жасқа дейінгі балалар арасында тіркелді (65 жағд), оның ішінде 27,6% – 0-6 ай жастағы балалар (18 ж) және 7-11 ай жастағы балалардың саңы- 18/ 27,6%, 1-3 жастағы балалардың саңы- 23/ 35,4%, 4-5 жастағы балалардың саңы- 4/6,1%, 9 -14 жас-2 /3,1%.

Яғни,  көкжөтелмен ауырғандар, ол  6 жасқа дейінгі балалар болып тұр.

Кәсіби құрамы бойынша сырқаттанушылықтың деңгейі жоғары: ол 92,3% – ұйымдастырылмаған балалар арасында (60ж), 4,8%/3 жағд – бала бақшадағы балалар және 2/ 3,2% оқушылар. Барлығы жергілікті жағдайлар.

Көкжөтел індетімен ауырғандардың екпе статусы

Көкжөтел індетімен ауырғандардың ішіндегі 84,6 пайызы екпе алмағандар (55 жағд.). Оның ішінде, медицина көрсетіліммен екпені алмағандар 20 жағдай (36,4%), екпе алу жасы келмегендер 6 жағдай (10,9%),екпеден бас тартқандар 29 жағдай (52,7%).

 

екпе статусы барлығы пайызы
Екпе туралы мәліметі жоқ 0 0
Екпеден бас тартқандар 29 44,6
Екпе алу жасы келмеген 6 9,2
Екпе туралы мәліметі жоғалған 0 0
Уақытша  медициналық қарсы көрсетілім 12 18,5
Тұрақты медициналық қарсы көрсетілім 8 12,3
Екпенің толық курсын алмағандар 10 15,3
Барлығы 65 100

 

          Ошақтағы алдын алу іс-шаралар

Жыл басынан бастап барлығы 21 үй ошақта 92 қарым қатынаста болған тұлға анықталған, 14 күндік медициналық бақылауға алынды

       Көкжөтелге қарсы  иммундау жұмыстары:

2023 жылдың 12 айында Жамбыл облысы бойынша жоспарлы түрде жалпы егілгені – 25843 бала, оның ішінде:

Күл, көкжөтел, сіреспе ауруларына және гемофильдік індетіне қарсы

– АКДС 1 – НIВ-1 екпемен қамту көрсеткіші төмен– 93,9%, алғашқы екпе курсымен барлығы 21179 бала қамтылды, оның ішінде 1 жасқа дейінгі 20877 бала.

– АКДС 2 – НIВ-2 екпемен қамту көрсеткіші төмен – 92,0%,  алғашқы екпе курсымен барлығы  20626 бала қамтылды, оның ішінде 1 жасқа дейінгі 20455 бала.

– АКДС 3 – НIВ-3 екпемен қамту көрсеткіші – 96,3%, алғашқы екпе курсымен барлығы 21658 бала қамтылды, оның ішінде 1 жасқа дейінгі 21405 бала.

-АКДС 4 екпемен қамту көрсеткіші төмен– 94,6%, алғашқы екпе курсымен барлығы 22000 бала қамтылды, оның ішінде 1 жасқа дейінгі 21911 бала.

– АбКДС-5 екпесімен қамту көрсеткіші – 99,3%. Аталған екпемен барлығы 25843 бала, оның ішінде 6 жастағы  балалардын 24470 егілді;

 (12 айға қамтудың нормативтік деңгейі – 95,0- 98,0%).

Жалпы 05.01.2024ж. мерзімге облыста 1529 екпеден бас тарту жағдайлары тіркеліп отыр. Жас шамасы бойынша: 1 жасқа дейінгі балалар арасынан 739 тұлға (48,3%), 1 және 2 жасқа дейінгілер арасынан – 319 тұлға (20,8 пайыз), 3-5 жас арасынан – 359 тұлға (23,4%), 6-15 жас – 100 тұлға (6,5%), 16 жастан жоғары тұлғалар арасында 12 тұлға (0,8).

Бас тарту себептеріне талдау жасау барысында анықталғаны: жеке бас ұғымдары бойынша – 62,7% (959 жағдай), вакциналарға сенімсіздік білдіру бойынша – 26,3% (403 жағдай) және бұқаралық ақапарат құралдары арқылы алынған жағымсыз ақпараттар бойынша – 10,9% (167 жағдай).

2024 жылдың 5 айында Жамбыл облысы бойынша жоспарлы түрде жалпы күл, көкжөтел, сіреспе ауруларына және гемофильдік індетіне қарсы

Толық екпемен қамтамассыз еткені –10646 бала, оның ішінде:

Күл, көкжөтел, сіреспе ауруларына және гемофильдік індетіне қарсы

– АКДС 1 – НIВ-1 екпемен қамту көрсеткіші төмен– 45,8%, алғашқы екпе курсымен барлығы 1005 бала қамтылды, оның ішінде 1 жасқа дейінгі 9810 бала.

– АКДС 2 – НIВ-2 екпемен қамту көрсеткіші төмен – 44,3%,  алғашқы екпе курсымен барлығы  9649 бала қамтылды, оның ішінде 1 жасқа дейінгі 9483 бала.

– АКДС 3 – НIВ-3 екпемен қамту көрсеткіші – 43,1%, алғашқы екпе курсымен барлығы 9470 бала қамтылды, оның ішінде 1 жасқа дейінгі 9230 бала.

 –АКДС 4 екпемен қамту көрсеткіші төмен– 39,1%, алғашқы екпе курсымен барлығы 9142 бала қамтылды, оның ішінде 1 жасқа дейінгі 9035 бала.

– АбКДС-5 екпесімен қамту көрсеткіші – 42,8%. Аталған екпемен барлығы 11119 бала, оның ішінде 6 жастағы  балалардын 11044 егілді;

 (нормативті көрсеткіштер 39,4– 41,5%).

 Көкжөтелге қарсы қуып жету (наверстывающая иммунизация )  иммундау жұмысы  атқарылуда , барлығы – 4279 толық екпесі жоқ немесе егілмеген балалар екпемен қамтылды, оның ішінде:

АКбДС+ИПВ+ХИБ: жоспар-8116, егілгені – 1812, орынд- 22,3%;   АКбДС+ВГВ+ИПВ+ХИБ:  жоспар – 8116, егілді –1701, орынд- 21,0%;

АбКДС:  жоспар 1126, егілді  -871, орынд -77,4%.

Екпе жұмысы 322 екпе пункттарында, 30 жылжымалы екпе бригадамен, 2 облыстық, 19 аумақтық семинарларда арнайы дайындалған 2 мынңан астам медициналық қызметкерлермен өткізілуде.

Жамбыл облысы аумағындағы көкжөтел індеті бойынша, эпидемиологиялық жағдайды тұрақтандыру үшін профилактиқалық иммундау,  басқа іс-шараларды жүргізу бойынша өзекті мәселелерді облыстық, аумақтық денсаулық сақтау мекемелер мен  органдарының  отырыстарында қаралды.

Халықтың арасында денсаулық сақтау, Атамекен, білім, дін, санитариялық-эпидемиологиялық қызметкерлері мен мамандары бірігіп қарқынды үгіт насихат жұмыстары ата аналармен, әсіресе екпеден бас тарткан тұлғалармен жүргізілүде,  дөңгелек стөлдер (отырыстар) мен  жиналыстар білім  мекемелерінде,  мешіттерде өткізілді, халықтың арасында  парақшалар таратылуда.

Республикалык, облыстык телеарнасында 7 телебағдармалар, брифингтер өткізілді және  сұхбат берілді, облыстағы барлық мекемелерде видеороликтер көрсетілуде, 15 ден астам мақалалар  жергілікті басылымдарда жарияланды.

 

 

ДАЛАМЫЗДЫҢ ҮНІСІҢ СЕН, ДОМБЫРА!

/in /by

Шілде айының алғашқы жексенбісі ұлттық домбыра күні. Руханиятымызға серпін берген мереке қарсаңында облыстық ақпарат және қоғамдық даму басқармасы «Қоғамдық келісім» мекемесінде аймақтағы этномәдени бірлестік өкілдері арасында  байқау ұйымдастырылды.

«Дархан даланың тарихынан  сыр  шерткен  –  қасиетті домбыра» деп аталған домбыра сайысына 14 үміткер қатысып, ұлттық өнерді ұлықтады.

Қара домбыра шанағында күй  күмбірлеткен сайыскерлер  жұмысына «Бақытты болашақ» оқушылар сарайының «Өрлеу» қазақ ұлт аспаптар бөлімінің меңгерушісі Ақерке Қырықбаева, К.Әзірбаев атындағы Жамбыл облыстық  филармониясының қазақ ұлт аспаптар оркестрінің домбырашылары  Нұрберген Киргизбаев пен Нұрлатбек Азимбаев бағасын беріп, байқауға қазылық етті.

Мерекелік шара басында «Республикалық және облыстық «Вынхуа» дүнгендер этномәдени бірлестігінің»  Аналар кеңесінің төрайымы Сара Даузова бастаған облыстық ҚХА жанындағы Аналар кеңесінің өкілдері ұлттық мерекенің құндылығын жеткізіп, қатысушыларға сәттілік тіледі. Сөз алған кеңес мүшелеріне «Қоғамдық келісім» мекемесі басшысының орынбасары Дәурен Тайлеев мекеме атынан  киелі аспап – ұлттық домбыраны табыстады.

Айта кетейік, кеңес мүшелері облыстық перинеталдық орталықтағы домбыра күні дүние есігін ашқан сәбилердің аналарына бірқатар домбыраны сыйлайтын болады.

Екі кезең бойынша сынға түскен жас домбырашылар алғашқы айналымда абыз күйші Әбдімомын Желдібаевтың кеңінен танымал «Ерке сылқым» күйін орындаса,  екінші кезеңде өздері таңдаған  шығарманы домбыра шанағында сарнатты.

Мәдени құндылықты дәріптеген байқауда Жамбыл ауданының үмітін арқалап келген Сәбит Рамазанның бағы жанып, І орынға ие болды.  Ал облыстық «Вынхуа» дүнгендер этномәдени бірлестігінің үміті Байрам Курбанов пен «Әулие Ата» Қазақ  мәдени орталығы» қоғамдық бірлестігінің өкілі Ұлан Батырбеков жүлделі ІІ орынға лайық деп табылды.

Сондай-ақ, «Бақытты болашақ» оқушылар сарайының жас қатысушысы Нұрбұлан Бейсеналы мен «Қарашай және балқар-Бірлік» респбликалық қоғамдық бірлестігінің Архыз  Жамбыл филиалының  үміткері Рахман Адельге  ІІІ орын бұйырды. Талабы мен шеберлігі ұштасқан өзге де қатысушыларға ынталандыру сыйлықтары табыс етілді.

Байқау соңында барлық қатысушылар  «Ерке сылқым» күйін бірге орындап, көпшілікті тәнті етті.

«БІР ШАҢЫРАҚ АСТЫНДА» ОБЛЫСТЫҚ БАҚ БАЙҚАУЫ ӨЗ МӘРЕСІНЕ ЖЕТТІ

/in /by

Бүгінде киелі Әулиеата топырағы 87 этнос өкілдерін береке мен бірлікке бекемдеген қасиетті өлке. Осынау өңірде түрі басқа болса да, тілегі бір этнос өкілдерінің татулығы тұрғысында қалам сермеп, аймақтағы этносаралық тұрақтылықты насихаттауда БАҚ өкілдерінің еңбегі айрықша.

Осыған орай, облыстық Қазақстан халқы Ассамблеясы 28 маусым -«Байланыс және ақпарат қызметкерлері күні» мерекесіне орай БАҚ өкілдері арасында «Бір шаңырақ астында» байқауын дәстүрлі түрде ұйымдастырып келеді. Бірлік пен тұрақтылықты нығайтуды көздеген биылғы байқаудың қатысушылары бүгін Достық үйінде марапатталды.

Аймақтағы саяси тұрақтылықтың орнықты болуын насихаттаудан еш танбаған қалам иелеріне облыстық ақпарат және қоғамдық даму басқармасы «Қоғамдық келісім» КММ басшысы Мубарак Жинақбаева мерекелік лебізін білдірді. Айта кетейік, биылғы байқауға 30 журналистен өтінім түскен болатын. Баспаөз, телеарна, телерадио, ақпараттық сайт салалары бойынша сынға түскен журналистердің шығармасына облыстық «Арай» газетінің бас редакторы Тұрсынбек Сұлтанбек, «Jambyl» телеарнасының директоры Гүлбаршын Құланбаева және облыстық «Aq jol» газетінің тілшісі Есет Досалы әділ бағасын берді.

Қазылар құрамының шешімімен облыстық «Aq jol» газетінің тілшісі Марат Құлибаев пен «Хабар 24» телеарнасының меншікті тілшісі Мерей Бает І орынға ие болды. Сайыстың ІІ орыны облыстық «Арай» газетінің тілшісі Ақтоты Жаңабай мен «Jambyl» телеарнасының редакторы Гүлзат Сапароваға бұйырды.

Сондай-ақ, Мойынқұм аудандық «Мойынқұм таңы» газетінің тілшісі Алуа Үмбетқұлова, «Арай» газетінің тілшісі Эльмира Байназарова, «Qazaqstan» ұлттық арнасының меншікті тілшісі Данияр Әлімқұл, қалалық «Jambyl-Taraz» газеті бас редакторының орынбасары Мұратхан Әлімхан, Қордай аудандық «Қордай шамшырағы» газетінің тілшісі Сәуле Сұлтанбек, «Jambyl» телеарнасының редакторы Аягөз Құлманбет, «Jambyl» радиосының редакторы Гүлмира Садықова, «Знамя труда» газетінің фототілшісі Юрий Ким ІІІ орынға ие болды. Этносаралық қарым-қатынасты нығайтуға қосқан үлесі үшін «Знамя труда» газетінің тілшісі Дионисий Пляшешникке «Қоғамдық келісім» мекемесінің арнайы жүлдесі табысталды.

Ал байқауға қатысқан өзге де журналистер арнайы Алғыс хатпен марапатталып, сый-сияпатқа ие болды.

Сонымен қатар, атаулы күн қарсаңында мекеме басшысы Мубарак Қасымқызы «Ақпараттық жұмыс және қоғаммен байланыс» бөлімінің бас сарапшысы Бибігүл Шахзаданы және жетекші-сарапшылары Назерке Оңғар, Толғанай Атабай, Ольга Макарова, Элизат Қонысбайды да марапаттап, төл мерекелерімен құттықтады.

 

 

ТАРАЗДА «НАШАҚОРЛЫҚСЫЗ БОЛАШАҚ» АТТЫ ЖАСТАР АКЦИЯСЫ ӨТТІ

/in /by

26 маусым – халықаралық нашақорлыққа қарсы күрес күні. Атаулы күнге орай қаладағы Қ.Рысқұлбеков атындағы саябақта «Нашакқорлықсыз болашақ» тақырыбында жастар акциясы өтті.

Шараға аймақтық ҚХА мүшелері, этномәдени бірлестіктер мен өңірлік «Ассамблея жастары» РҚБ мүшелері қатысты.

Жасөспірімдердің денсаулығын сақтауға бағытталған акция сонымен қатар зиянды әдеттен аулақ болып, салауатты өмір салтын ұстануға үндеді.

МЕДИАЦИЯ – ТАТУЛЫҚ ТІРЕГІ

/in /by

Этносаралық шиеленісті болдырмауда медиация қызметінің маңызы мол. Осы орайда, бүгін «ҚХА медиациясы. Қазіргі мақсат-міндеттері. Этномедиация орталығын ашу» тақырыбында зум платформасында онлайн отырыс өтті.

Мемлекет басшысы Қасым-Жомарт Тоқаевтың тапсырмасын іске асыруға бағытталған жиында ҚР Президент аппараты Қазақстан халқы Ассамблеясы хатшылығының өкілі Инара Раһимзаде және ҚР Мәдениет және ақпарат министрлігінің өкілі Нариман Абдрахманов еліміздегі медиация институтының маңыздылығы туралы мәлімдеді.

Сондай-ақ, этномедиация орталықтарының жұмысы, ҚХА медиаторларының пулын қалыптастыру секілді өзге де тақырыптар қамтылды.

Онлайн өткен шараға облыс әкімдігі ақпарат және қоғамдық даму басқармасы «Қоғамдық келісім» мекемесінің «Медиация» кабинетінің меңгерушісі Валентина Досыбиева және заңгер Дина Амиреева қатысып, өз пікірлерін ортаға салды.

АССАМБЛЕЯ ЖАСТАРЫ АСТАНАДА БАС ҚОСТЫ

/in /by

Күні кеше Астана қаласында ҚР Президентінің ішкі саясат және коммуникация бойынша көмекішісі Руслан Желдібай «Ассамблея жастары» ұйымы төралқасының мүшелерімен кездесті.

Іс-шараға Қазақстан халқы Ассамблеясы Төрағасының орынбасары – Президент Әкімшілігі ҚХА Хатшылығының меңгерушісі Марат Әзілханов, Мәдениет және ақпарат вице-министрі Айзада Құрманова, Мәдениет және ақпарат министрлігінің Этносаралық қатынастарды дамыту комитетінің төрағасы Ғалым Шойкин, сондай-ақ еліміздің барлық өңірлерінен келген «Ассамблея жастары» басшылығы мен белсенділері қатысты.

Кездесуде қатысушалр ҚХА-ның XXXIII сессиясында Мемлекет басшысының тапсырмаларын іске асыру бойынша идеялар мен тәсілдерді талқылап, ортаға салды.

Сондай-ақ, Президенттің көмекшісі Ассамблея жастарын Ұлттық құрылтайдың үшінші отырысында Мемлекет басшысы белгілеген құндылықтарды ілгерілету үшін креативті тәсілдер мен құралдарды белсенді пайдалануға шақырды.

Берері мол басқосуда жастар атынан сөз алған «Ассамблея жастары» РҚБ төрағасы Тимур Джумурбаев, Қазақстанның ұйғыр жастар одағының төрағасы Рустам Қайрыев Ассамблея жастарының жұмыстары туралы айтып, этносаралық келісім мен қоғам бірлігі саласындағы жаңа жобаларды таныстырды.

Айта кетейік, бас қаладағы басқосуға барған белсенділер қатарында «Ассамблея жастары» Республикалық қоғамдық бірлестігі Төрағасының орынбасары, өңірлік жастар ұйымының жетекшісі Хамида Тұрдыева да бар.

Page 14 of 147
1 … 12 13 14 15 16 … 147