ШЕБЕРЛІК САБАҒЫН ӨТКІЗДІ
Бүгінде киіз басу, текемет тоқу өнері кенжелеп бара жатқаны
жасырын емес. Ұмыт болып бара жатқан ұлттық өнерді
насихаттауда ҚХА жанындағы қолөнер шеберлері клубының
арқалаған жүгі ауқымды. «Ұлттық өнер ұмытылмаса» деп жүрген
шебер аналар жас ұрпаққа төл туындыларды таныстырып, шеберлік
сабақтарын жиі ұйымдастырып келеді.
Тап осы мақсатта ағымдағы жылдың 13 ақпанында Достық үйінде
облыстық ҚХА жанындағы қолөнер шеберлер клубының мүшесі
Айғаным Байназарова Ә.Бөкейханов атындағы №1 гимназияның
оқушысы Аиша Ләмзерге текемет басып,
жасаудың қыр-сырын үйретті.
