Меркі ауданында «Жергілікті атқарушы органдар және қоғамдық-саяси ахуал мен әлеуметтік тұрақтылық» тақырыбында Қазақстан халқы ассамблеясының ғылыми-сараптамалық тобының кеңейтілген отырысы өтті. Аталмыш іс-шараға Жамбыл облысы Қазақстан халқы ассамблеясы ғылыми-сараптамалық топ мүшелері, Меркі ауданы әкімшілігінің қызметкерлері, қоғамдық келісім кеңесінің өкілдері, аудандық этномәдени бірлестік мүшелері және Жамбыл облысы әкімі аппаратының «Қоғамдық келісім» КММ ұжымы қатысты. Жиынның модераторы М.Х. Дулати атындағы ТарМУ «Қазақстан халқы Ассамблеясы» кафедрасының меңгерушісі, Жамбыл облысы ҚХА ғылыми-сараптамалық тобының төрағасының орынбасары, философия ғылымдарының кандидаты Парида Мамедова болды.
Басқосуда Парида Мамедова өзінің «Отчет комплексного социологического исследования по итогам мониторинга межэтнической ситуации в Меркенском районе за 1 квартал 2017 года» атты баяндамасында ауыл тұрғындарының жұмыстарындағы жақсы әрі әлсіз тұстарын айтып, мәселелерді шешу барысындағы бірнеше әдістерге тоқталып өтті. Сонымен қатар, жиында «Моделирование взаимодействия акимата и общественных организаций по предотвращению розни населения на религиозной почве» атты баяндамасымен ТИГУ доценті, тарих ғылымдарының кандидаты Нышан Кахаров, «Модернизация общественного сознания – путь нации в будущее» тақырыбында ТарГПИ доценті, философия ғылымдарының кандидаты, «Философия және толеранттылық» кафедрасының меңгерушісі, ҒСТ мүшесі Гульгина Гизатуллина сөз сөйледі.
Жиынды қортындылай келе модератор Парида Мамедова қатысушылардың қойған сұрақтарына жауап беріп, жұмысты қорытындылап, жоспар бойынша болашақта облысымыздың өзге де аудандарында өңірлік Қазақстан халқы ассамблеясының ғылыми-сараптамалық топ мүшелері осы іспеттес іс-шараларды көптеп ұйымдастырылатынын атап өтті.
Жамбыл облысы әкімі аппаратының
«Қоғамдық келісім» КММ
баспасөз қызметі
