БІР ШАҢЫРАҚ АСТЫНДА ТАТУ-ТӘТТІ ӨМІР СҮРГІН, БАЛАҚАЙ!

/in /by

Өңірлік ҚХА іс-қимылдарының бірі — облыстық «Ассамблея бөбектері» жобасын ілгерілету және этносаралық қатынасты сақтау, этностар арасындағы бірлік пен келісімді, татулық пен сыйластықты жас жеткіншектерге балабақша қабырғасынан этностардың салт-дәстүрлерін құрмет тұтуды саналарына сіңдіре үйретіп, өміршең ету мақсатында биылғы жылдың қараша айында «Шаңырақ» бейнеролигі түсірілді.

Тараз қаласының этнос балалары араласқан «Балдәурен» бөбекжай-балабақшасы бүлдіршіндері және тәрбиешілері, ата-аналарының қатысуымен түсірілген аталмыш әлеуметтік бейнероликтің түсірілуіне өңірлік «Қоғамдық келісім» мекемесі мен облыстық «Радонеж» Орыстар қауымдастығы демеушілік етіп, белсенді атсалысты.

Атап өтейік, бейнебаян республикалық байқауға қатысып, үздік роликтер қатарынан орын алды.

Бейнетүсірілім өңірлік Қазақстан халқы Ассамблеясының шаңырағы — Достық үйінде арнайы түсірілді.

 

«Ақпараттық жұмыс және қоғаммен байланыс»  бөлімі