Аса Құрметті Нұрсұлтан Әбішұлы Назарбаев!

Дүниені дүрбелеңге салған бұл дерттің сізді айналып  өтпегенін естіп  көңіліміз түсті. Жамбыл облыстық ҚХА «Жаңғыру жолы» жастар қозғалысы белсенділері Елбасының денсаулығына қатты алаңдаушылық білдіреді.
Нар тұлғалы азаматтың әлемді жайлаған бұл дертті жеңеріне біз жастар кәміл сенеміз және жастарға артқан үміттеріңіздің ақталар күнінің куәгері болуыңызға тілекшіміз!
Қазіргі таңда Елбасының жағдайының бірқалыпты екенін естіп шын жүректен қуанып отырмыз. Тек Қазақстан емес, әлем елдері күш салып күресіп жатқанын ескерсек, індеттің емі міндетті түрде табылары анық.
Жарқын болашаққа деген сенімімізді жоғалтпай, тәуелсіз елдің тұғырын қалаған Елбасымен бірге бұл күндерді артта қалдырайық!
Біз Қазақстанның Тұңғыш Президентіне күш-қуат, денсаулық және ұзақ жылдар қызмет етуін тілейміз! Жастардың сүйіспеншілігі мен мейірімі сізге күш пен батылдық береді, ауруды жеңуге көмектеседі деп шын жүректен үміттенеміз!