ШЕБЕРЛІК САБАҒЫН ӨТКІЗДІ

/in /by
Бүгінде киіз басу, текемет тоқу өнері кенжелеп бара жатқаны
жасырын емес. Ұмыт болып бара жатқан ұлттық өнерді
насихаттауда ҚХА жанындағы қолөнер шеберлері клубының
арқалаған жүгі ауқымды. «Ұлттық өнер ұмытылмаса» деп жүрген
шебер аналар жас ұрпаққа төл туындыларды таныстырып, шеберлік
сабақтарын жиі ұйымдастырып келеді.
Тап осы мақсатта ағымдағы жылдың 13 ақпанында Достық үйінде
облыстық ҚХА жанындағы қолөнер шеберлер клубының мүшесі
Айғаным Байназарова Ә.Бөкейханов атындағы №1 гимназияның
оқушысы Аиша Ләмзерге текемет басып,
жасаудың қыр-сырын үйретті.

ҚХА РЕСПУБЛИКАЛЫҚ АНАЛАР КЕҢЕСІ МАҢЫЗДЫ ЖИЫН ӨТКІЗДІ

/in /by
Ағымдағы жылдың 12 ақпанында Алматы қаласы республикалық Достық
үйінде ҚХА республикалық Аналар кеңесі және «Ариана» ауған орталығы
ҚБ Аналар кеңесінің ұйымдастыруымен «Қазақстан халқы Ассамблеясының
30 жылдығы: Ана мен бала бақыты – қоғамдық тұрақтылықтың негізі»
тақырыбындағы дөңгелек үстел өтті.
Ауқымды жиынға Жамбыл облыстық ақпарат және қоғамдық даму
басқармасы «Қоғамдық келісім» мекемесінің «Жобаларды іске асыру және
ҚХА құрылымдарымен жұмыс» бөлімінің бас сарапшысы Аққу Қаратаева
және өңірлік ҚХА Аналар кеңесі төрағасының орынбасары Сара Даузова
онлайн түрде қатысты.
Қазақстан халқы Ассамблеясы республикалық Аналар кеңесінің төрағасы
Назипа Шанаи өзінің сөзінде ҚХА-ның 30 жылдығы аясында еліміз бойынша
өткізілетін негізгі іс-шараларға тоқталып, Аналар кеңесі қызметінің негізгі
міндеттеріне, «Мәдениетті ана – мәдениетті ұлт», «Салауатты сана»
жобаларына тоқталды. Бұл жобалар нашақорлық, лудомания, тұрмыстық
зорлық-зомбылық, вандализм және ысырапшылдықпен күрестің алдын алуға
бағытталған жұмыстарды қамтиды.
Іс-шара барысында отбасының қоғамдағы рөлі, өмірлік қағидаттарды
қалыптастырудың маңыздылығы, ұрпақтар сабақтастығы, ұлттық дәстүр мен
рухани құндылықтар мәселелері талқыланды.
Сонымен қатар, дөңгелек үстелге қатысушылар арасында «Ақ орамал»
акциясы өтті.

ЖУАЛЫ АУДАНЫНДА «ӘЖЕМНІҢ ЕРТЕГІСІ» ЖОБАСЫ ҚАРҚЫНДЫ ДАМУДА

/in /by
Ағымдағы жылдың ақпан айында Жуалы аудандық Аналар кеңесі «Әжемнің
ертегісі» жобасын ілгерілету мақсатында балабақшаларға барып,
бүлдіршіндерге ертегі оқып берді.
Шақпақ ата ауылдық округіндегі Шақпақата бөбекжай балабақшасында
ауылдық аналар алқасының төрайымы К.Бегайдарова, кітапхана меңгерушісі
Қ.Жуаспаеваның ұйымдастыруымен, бастауыш ардагерлер кеңесінің
төрағасы Б.Көшербаев және ауыл әжелері балабақшаға барып
бүлдіршіндерге қызықты ертегілер айтып, куантып кайтты.

АНАЛАР КЕҢЕСІ ШЕКАРА САРБАЗДАРЫМЕН КЕЗДЕСТІ

/in /by
Республикалық «Салауатты сана» жобасы қоғамды қауіпті бес кеселден
сақтап, қашық жүруге бағыттаған маңызды бастама. Өткен жылы қолға
алынған жобаның жемісті жүзеге асып, ілгерілеуіне облыстық Ассамблеяның
Аналар кеңесі белсенді атсалысуда. Бүгінде өздеріне жүктелген міндетті
табандылықпен атқарып келе жатқан аймақтық Аналар кеңесінің мүшелері
бірқатар мекемелерге барып, нашақорлық, лудомания, тұрмыстық зорлық-
зомбылық, вандализм және ысырапшылдық сияқты әлеуметтік кеселдермен
күресуге барша қауымды шақыруда.
Аталған игілікті істердің бірінде аймақтық ҚХА Аналар кеңесінің белсенді
мүшелері Аракси Плетнева және Пайза Куненова облыстық шекара
бөлімшесінің сарбаздарымен кездесті.
Онда нәтижелі жобаның мән-маңызы түсіндіріліп, бірқатар қоғамдағы өзекті
мәселелер айтылды.
Кеңес аналары шекара қызметкерлеріне отбасы құндылығы, барыңды бағалау
секілді салиқалы әңгімелер өрбітіп, жауынгерлік рухтың қоғам үшін маңызы
зор екендігін атап өтті.
Жиын соңында «Анаға тағзым» орталығының психолог маманы Айда
Назымбекова қатысушыларға арнап тренинг ұйымдастырды.

АСТАНА ҚАЛАСЫНЫҢ ДОСТЫҚ ҮЙІНДЕ МАҢЫЗДЫ ЖИЫН ӨТТІ

/in /by
Ағымдағы жылдың 5 ақпанында Астана қаласының Достық үйінде Қазақстан
халқы Ассамблеясының 30 жылдығына арналған іс-шараларды іске асыру
бойынша ҚХА қоғамдық құрылымдары мен этномәдени бірлестіктердің,
басшыларымен онлайн және офлайн режимде жиын өтті.
Жиналысқа Қазақстан халқы Ассамблеясы Төрағасының орынбасары –
Қазақстан халқы Ассамблеясы Хатшылығының меңгерушісі Марат
Әзілханов, Қазақстан халқы Ассамблеясы Төрағасының қоғамдық
орынбасарлары Лугмар Буларов пен Юрий Шин, Парламенті Сенатының
депутаттары, ҚР Мәдениет және ақпарат министрлігінің басшылығы,
өңірлердің ішкі саясат/қоғамдық даму басқармаларының, «Қоғамдық
келісім» КММ, ҚХА қоғамдық құрылымдарының және республикалық
этномәдени бірлестіктердің басшылары, сарапшылар қатысты.
Ауқымды жиынға Жамбыл облыстық ақпарат және қоғамдық даму
басқармасы «Қоғамдық келісім» мекемесінің қызметкерлері және этномәдени
бірлестік өкілдері, ҚХА құрылымдары онлайн түрде қатысты.
Кездесуде әр өңірге мерейтойлық жылдың негізгі жобалары, іс шаралары,
акциялары және түрлі ұсыныстар мен нақты тапсырмалар берілді.
Жиын соңында Қазақстан халқы Ассамблеясы Төрағасының орынбасары –
Қазақстан халқы Ассамблеясы Хатшылығының меңгерушісі Марат
Алмасұлы өңірлердің жұмысына сәттілік тіледі.

АСТАНА ҚАЛАСЫНЫҢ ДОСТЫҚ ҮЙІНДЕ МАҢЫЗДЫ ЖИЫН ӨТТІ

/in /by
Ағымдағы жылдың 5 ақпанында Астана қаласының Достық үйінде Қазақстан
халқы Ассамблеясының 30 жылдығына арналған іс-шараларды іске асыру
бойынша ҚХА қоғамдық құрылымдары мен этномәдени бірлестіктердің,
басшыларымен онлайн және офлайн режимде жиын өтті.
Жиналысқа Қазақстан халқы Ассамблеясы Төрағасының орынбасары –
Қазақстан халқы Ассамблеясы Хатшылығының меңгерушісі Марат
Әзілханов, Қазақстан халқы Ассамблеясы Төрағасының қоғамдық
орынбасарлары Лугмар Буларов пен Юрий Шин, Парламенті Сенатының
депутаттары, ҚР Мәдениет және ақпарат министрлігінің басшылығы,
өңірлердің ішкі саясат/қоғамдық даму басқармаларының, «Қоғамдық
келісім» КММ, ҚХА қоғамдық құрылымдарының және республикалық
этномәдени бірлестіктердің басшылары, сарапшылар қатысты.
Ауқымды жиынға Жамбыл облыстық ақпарат және қоғамдық даму
басқармасы «Қоғамдық келісім» мекемесінің қызметкерлері және этномәдени
бірлестік өкілдері, ҚХА құрылымдары онлайн түрде қатысты.
Кездесуде әр өңірге мерейтойлық жылдың негізгі жобалары, іс шаралары,
акциялары және түрлі ұсыныстар мен нақты тапсырмалар берілді.
Жиын соңында Қазақстан халқы Ассамблеясы Төрағасының орынбасары –
Қазақстан халқы Ассамблеясы Хатшылығының меңгерушісі Марат
Алмасұлы өңірлердің жұмысына сәттілік тіледі.

«ӘЖЕМНІҢ ЕРТЕГІСІ» ЖОБАСЫ ЖАЛҒАСУДА

/in /by
Жуалы аудандық Аналар кеңесі «Әжемнің ертегісі» жобасын ілгерілету
мақсатында балабақшаларға барып, бүлдіршіндерге ертегі оқып беруде.
Аталмыш жоба барысында Көкбастау ауылдық округінің Аналар алқасы №16
Сәкен Сейфуллин атындағы орта мектебінің даярлық тобына барып «Екі
дос» ертегісін айтып берді.
Бірлестік төрайымы Қаламқас Жұмабекованың бастамасымен балабақшада
белсенді аналар ертегіні балалармен бірге талқылап, тәрбиелік мәнін
түсіндірді.
*********************

ЕРТЕГІЛЕР – ХАЛЫҚ ДАНАЛЫҒЫНЫҢ АЙНАСЫ

Ертегі тыңдап өскен баланың ертеңі жарқын. Бүгінде қоғамда ертегі оқып,
естияр кеңес етер әжелер қарасы қалыңдап келеді. Бұл бағытта «Әжемнің
ертегісі» жобасының да атқаратын рөлі ауқымды.
Аталмыш жемісті жобаны Жамбыл облысында ілгерілетіп, кеңінен дәріптеу
мақсатында аудандық Аналар кеңесі жүйелі жұмыстар жасауда.
Күні кеше Жуалы аудандық Қарасыз ауылының Аналар кеңесі «Қарасаз»
бөбекжай бақшасының ересектер тобына барып, «Қарлығаш пен дәуіт»,
«Алтын сақа», «Дүниеде не күшті» секілді ертегілерді оқып берді.
Тағылымы мол танымдық сабаққа Аналар алқасының төрайымы А. Омарова,
кеңес мүшесі А.Сеңгірбаева, Қарасаз ауылдық кітапханашылары
А. Темірбаева, Б. Алпысбаева қатысып, балаларға тәттілер үлестірді.

ІСКЕРЛІК ЖӘНЕ МӘДЕНИ БАЙЛАНЫСТАР НЫҒАЙТЫЛУДА

/in /by
Татарстан Республикасының ҚР өкілетті өкілі Денис Валеевпен маңызды
кездесулер өтті.
Жақында Жамбыл облысының әкімі, өңірлік ҚХА төрағасы Ербол
Қарашөкеев Татарстан Республикасының ҚР өкілетті өкілі Денис Валеевті
қабылдады.
Тараптар екі өңірдің өнеркәсіптік және инвестициялық әлеуетінің негізгі
аспектілерін талқылады. Өзара тиімді ынтымақтастыққа геологиялық барлау,
минералды ресурстарды өңдеу, ақпараттық технологиялар, ауыл
шаруашылығы кіреді.
Іс-шара барысында өңір басшысы Ербол Қарашөкеев іскерлік делегациямен
Татарстан Республикасына жұмыстың перспективалық бағыттарын жан-
жақты зерделеп, қарым-қатынас орнату үшін арнайы шақыру алды.
Өз кезегінде Е.Қарашөкеев те Татарстан Республикасының делегациясын
биылғы жылы бүкіл Еуразиялық континенттің қолөнершілері мен
аграрларын жыл сайынғы сауда іс-шарасы — «Достастық жәрмеңкесіне»
қатысуға үндеді.
Сондай-ақ, Татарстан Республикасының Қазақстандағы өкілі Денис Валеев
«Қазақстандық Татар және башқұрт конгресі» РҚБ активі және «Айнұры»
Татар-башқұрт мәдени орталығының төрағасы Амир Халиковпен де кездесті.
Кездесуде татар тілін үйрену және Татарстандық өнерпаз әртістердің
«Сабантуй» ұлттық мерекесіне келуі мәселелері де көтерілді.

ӘЖЕЛЕР – ТӘРБИЕНІҢ БАСТАУ БҰЛАҒЫ

/in /by
Бір әулеттің ұйытқысы ғана емес, қоғамдағы тәрбиенің бастау бұлағы болған
әжелердің айтқан ақылы, салған сара жолы талайға үлгі.
Өскелең ұрпақты ұлттық құндылықтармен сусындатып, тәрбие беру ісінде
аудандық Аналар кеңесі «Тәрбие – тұнған қазына» жобасы аясында ізгілікті
істерге ұйытқы болуда. Жуырда Жамбыл ауданы Аса ауылындағы
Ю.Гагарин атындағы орта мектебінде аудандық Аналар алқасының
ұйымдастыруымен «Әжелер асыл жандар» тақырыбында танымдық кеш өтті.
Әже мен немере арасындағы қарым-қатынасты дамытуды көздеген кеште ару
қыздар әжелеріне арнап концерттік бағдарлама әзірледі. Өз кезегінде аяулы
аналар «Қызға қырық үйден тыйым» тақырыбы төңірегінде оқушылармен
парасатты әңгіме өрбітті.

«БІЗ БІРГЕМІЗ» БАҒДАРЛАМАСЫНДА – «АХЫСКА» ТҮРІКТЕР ЭТНОМӘДЕНИ БІРЛЕСТІГІ

/in /by
Жамбыл жері – көне дәстүрлерді көркемдетіп, тарихтан тамыр тартқан,
бірлік пен бейбітшіліктің алтын бесігі.
Бүгінде осынау киелі өлкенің құшағында 80-нен астам этнос өкілдері
берекелі бірлік пен ымыралы ынтымақта күн кешуде.
Түрлі тағдырмен елімізді мекен еткен этнос өкілдерін бір арнаға тоғыстырған
іргелі институт Қазақстан халқы Ассамблеясының биыл 30 жылдық
мерейтойы.
Айтулы дата қарсаңында облыстық ақпарат және қоғамдық даму басқармасы
«Қоғамдық келісім» КММ және «JAMBYL» телеарнасы бірлесе «Біз
біргеміз» бағдарламасын жарыққа шығарған болатын.
Аталмыш телеөнімнің екінші түсірілімі барысында облыстық «Ахыска»
Түрік этномәдени бірлестігі «Қыз ұзату» рәсімін жасап, салт-дәстүрлерін
дәріптеді.
Page 4 of 6
1 2 3 4 5 6