Archive for month: February, 2025

Ағымдағы жылдың 13 ақпаны күні Шу ауданы әкімдігінің ұйымдастыруымен

Жаңа жол ауылының тұрғындарымен Бауыржан Момышұлы атындағы орта

мектепте Филология ғылымының докторы, профессор, Қазақстанның еңбек

сіңірген қайраткері, «Парасат орденінің» және «Тіл жанашыры» құрмет

белгісінің иегері Асылы Осман Әлиқызымен кездесу өткізді.

Іс-шараға Шу ауданы әкімінің орынбасары Найман Сұлтанбаев, «Қоғамдық

келісім» мекемесінің басшысы Мубарак Жинақбаева, «Хазар» Әзірбайжан

этномәдени бірлестігінің төрағасы Асабали Пойлиев және ауыл тұрғындары

қатысты.

Кездесу барысында ауыл тұрғындарына Асылы Әлиқызы өзінің қиындыққа

толы бала күнгі естелігімен бөлісіп, кездесуге қатысушылармен мемлекеттік

тілді құрметтеуге, ұстаз бен шәкірт арасындағы қарым-қатынастың ізгі

жолын көрсетіп, адамдар арасындағы сыйластық пен ынтымақтың мығым

болуы керектігі туралы айтты. Бұдан өзге «Білім ғаламдық, тәрбие ұлттық

болу керек»-деген тұжырымды ойымен бөлісе отырып, баланың тәрбиесімен

тек қана ұстаздар қауымы айналыспай, ата- ана да баланың тәрбиесімен

айналысуға тікелей мән беру керек екенін атап өтті. Сондай-ақ, ұлт ұстазы –

Ахмет Байтұрсынұлының өмірі мен қызметі, қазақ халқының тілі мен

мәдениетіндегі ықпалын дәріптей отырып, Қостанай қаласы, Торғай жеріне

барған іс-сапарындағы қызықты оқиғаларымен бөлісті.

Ахмет Байтұрсынұлына деген құрметі арқылы бүкіл қазақ халқына деген құрметі

мен алғысының шексіз екенін білдірген Асылы Осман нәубетті жылдарда

өзінің қиын жағдайына қарамастан өзге ұлтты бауырына басып, оларға кең

пейіл көрсеткен қазақ халқы жайлы пікірімен тебірене бөлісті.

Тіл жанашырына арнап мектеп оқушылары өз өнерлерін көрсетке, ауыл

тұрғындары түрлі поэзиялардан оқып ризашылықтарын білдірді.

Ал, білім ордасының ұстаздары «Өзінің бітім-болмысы мен ақыл-ойының

тереңдегі арқылы адам жанын баурап алатын осындай қайраткер тұлғамен

кездесу бәріміз үшін пайдалы және рухани азық болды» – дейді.

Кеш соңында қайраткерге салт-дәстүрге сай иығына шапан жабылып, сый-

құрмет көрсетілді. Ал, Асылы Осман батыр Бауыржан Момышұлының атына

берілген білімі ордасына өзі жайлы жазылған кітабын сыйға тартты.

Бүгін, ағымдағы жылдың 14 ақпанында Елордамыз Астанада Қазақстан

халқы Ассамблеясының 30 жылдығына орай «Адал адам – адал еңбек»

жастар форумы өткізілді.

Форум еңбек адамына құрмет көрсету және түрлі салалардағы беделді

мамандармен мотивациялық кездесулер өткізу арқылы еңбекті қастерлеу

қағидаттарын насихаттау мақсатында ұйымдастырылды.

Іс-шараға ҚХА төрағасының орынбасары – ҚХА Хатшылығының

меңгерушісі Марат Әзілханов, ҚР Парламенті Мәжілісінің депутаты Максим

Рожин, ҚР Президенттік орталығының директоры Бақытжан Темірболат,

«Ассамблея жастары» РҚБ төрағасы Тимур Джумурбаев, Қазақстанның

Еңбек Ерлері, аймақтық этномәдени бірлестіктердің, «Ассамблея жастары»

РҚБ өкілдері қатысты.

Өңірімізден аталған маңызды іс-шараға облыстық «Ассамблея жастары» РҚБ

белсенділерінен — Альфия Мейрамбай және Леджeб Мусаров та қатысып,

адал еңбекті қастерлеу, еңбек адамын қадірлеу жөнінде құнды ой-пікір,

ұсыныстармен, тың идеялармен бөлісіп қайтты.

Бүгінде киіз басу, текемет тоқу өнері кенжелеп бара жатқаны

жасырын емес. Ұмыт болып бара жатқан ұлттық өнерді

насихаттауда ҚХА жанындағы қолөнер шеберлері клубының

арқалаған жүгі ауқымды. «Ұлттық өнер ұмытылмаса» деп жүрген

шебер аналар жас ұрпаққа төл туындыларды таныстырып, шеберлік

сабақтарын жиі ұйымдастырып келеді.

Тап осы мақсатта ағымдағы жылдың 13 ақпанында Достық үйінде

облыстық ҚХА жанындағы қолөнер шеберлер клубының мүшесі

Айғаным Байназарова Ә.Бөкейханов атындағы №1 гимназияның

оқушысы Аиша Ләмзерге текемет басып,

жасаудың қыр-сырын үйретті.

Ағымдағы жылдың ақпан айында Жуалы аудандық Аналар кеңесі «Әжемнің

ертегісі» жобасын ілгерілету мақсатында балабақшаларға барып,

бүлдіршіндерге ертегі оқып берді.

Шақпақ ата ауылдық округіндегі Шақпақата бөбекжай балабақшасында

ауылдық аналар алқасының төрайымы К.Бегайдарова, кітапхана меңгерушісі

Қ.Жуаспаеваның ұйымдастыруымен, бастауыш ардагерлер кеңесінің

төрағасы Б.Көшербаев және ауыл әжелері балабақшаға барып

бүлдіршіндерге қызықты ертегілер айтып, куантып кайтты.