Archive for year: 2023

Жамбыл облысы Қазақстан халқы ассамблеясының «Достық керуені» жобасы аясында өңірлік «Ассамблея жастары» Жуалы жастарымен кездесу өткізді.

«Достық керуені» жобасын ілгерілетудегі мақсат — өңірлік ҚХА этномәдени бірлестік мүшелерінің халықпен кездесулер өткізуі, коммуникациялар қалыптастыру, этносаралық келеңсіздіктердің алдын алу үшін жастарды мәдени және басқа да құрылымдар нысанындағы диалог алаңдарының жұмысына қатыстыру.

Қатысқандар: «Ассамблея жастары» қоғамдық бірлестігі аудан және ауыл этнос жастары, колледж білімгерлері.

Кездесу Жуалы ауданының Ақбастау колледжінде өтті.

«Ақпараттық жұмыс және қоғаммен байланыс» бөлімі

Халық саны соңғы санақтың қорытындылары негізінде есептеліп бүгінде 20 миллионға жетті.

Сарапшылардың пайымдауынша Қазақстанның демографиялық жағдайына қатысты өзекті мәселелер мен оң үрдістер, елдің демографиялық дамуының міндеттері, өңірлердің отбасылық-демографиялық дамуын болжау мен ерекшеліктері талқылану барысында осы мерзімді уақыт — 2023 жылдың соңында 20 миллионға жету керек деп көзделген санақ осы атаулы санды бүгін иеленіп отыр.

Мәдениет және ақпарат Министрлігінің биылғы жылдың 20 қазанда өткен «Отбасы — Қазақстанның демографиялық тұрақты дамуының негізі» атты халықаралық конференциясында Қазақстан Республикасының Президенті жанындағы Әйелдер істері және отбасылық-демографиялық саясат жөніндегі Ұлттық комиссияның төрағасы, Мәдениет және ақпарат министрі Аида Балаева:— «2021 жылы біз соңғы 34 жылдың ішіндегі ең жоғары туу көрсеткішіне жеттік. Жалпы туу коэффициенті 3,3-і құрайды, бұл қарапайым халықтың көбею деңгейінен асып түседі.

Соңғы 10 жылда халық саны шамамен 3 миллион адамға өсті. 2023 жылдың соңына қарай Қазақстан халқының саны 20 миллионға жетеді деп күтілуде.

Осыған байланысты, Мемлекет басшысы біздің алдымызға: қазіргі демографиялық үрдістерді – бәсекелестік артықшылықтарға айналдыру міндетін қойып отыр.

Соңғы жылдары біз бақылап отырған жоғары туу коэффициенті – адами капиталдың сапасына әсер етпеуі керек. Отбасы институтының қолайлы дамуы үшін жағдай жасау, лайықты өмір мен жұмысқа орналасуды қамтамасыз ету – біздің күш-жігер жұмсайтын негізгі аспектілеріміз»,- деп атап өткен болатын.

Айта кетейік, Қазақстанда халықтың өмір сүру жасының ұзақтығы артып келеді. 2022 жылғы көрсеткіш бойынша бұл – 74,4 жасты құрады. Бұл ретте халық құрылымында жастар үлесінің өсуі байқалады. Ел азаматтарының орташа жасы – 32. Жастардың үлесі шамамен 30% құрайды. Бұл үрдіс одан әрі арта түспек.

«Ақпараттық жұмыс және қоғаммен байланыс» бөлімі

Бүгін  Жамбыл облысы әкімідігі ІСБ «Қоғамдық келісім» мекемесінің ұйымдастыруымен Достық үйінде этносаралық қақтығыстарды реттеу кезіндегі медиативті тәсілдерді оқыту семинар-тренингі басталды.

Семинар-тренингті «Парасат» медиация және құқық орталығы» ЖМ кәсіби медиаторы, тренер-сарапшы Мұхтар Адаев  және осы орталықтың тренер-сарапшысы, кәсіби медиатор, конфликтолог Бахыт Амангельды облысымыздың қала мен аудандарынан келген тыңдаушыларға аталған тақырып аясында толыққанды ақпаратты әртүрлі тәсілдермен жеткізді.

Семинардың алғашқы күні этносаралық қақтығыстардың дамуының негізгі кезеңдері, әлеуметтік-тұрмыстық жанжалдардың этносаралық  қақтығыстардан айырмашылығы, ұрыстың шиеленісуіне ықпал ететін факторларды сондай-ақ,  оны реттеу кезінде жергілікті билік органдарының, этнос өкілдерінің рөлі сынды т.б  дәрістер оқылды.  Қатысушылар көтерілген мәселелер мен ұсыныстары, ой пікірлері жан-жақты талдап, сараптап өзара пікір алмасты.

Дәстүрлі  семинар-тренинг үш күнге жоспарланған.

«Ақпараттық жұмыс және қоғаммен байланыс» бөлімі

2023 жылдың 9 қаңтарында «ҮЕҰ және ҚХА:қазақстандықтар үшін өзара іс қимылдың пайдалы тәжірибесі» жобасы аясында ҮЕҰ және ҚХА құрылымдарының өкілдеріне арналған пікірсайыс турнирі өтті.

Пікірсайыстың мақсаты – этносаралық келісімді нығайту және мемлекеттік тілді ілгерілету, Қазақстан халқының бірлігін сақтау үшін азаматтық қоғам институттары (ҮЕҰ) мен Қазақстан халқы Ассамблеясы құрылымдарының өзара іс-қимылын дамыту.

Пікірсайыс ұйымдастырушылары – «ТРИНТА» ЖҚ және аймақтағы серіктес ұйымдар.

Британдық парламенттік формат бойынша өткен пікірталас екі ойыннан тұрды. Үкімет және оппозиция ретінде құралған бұл палата қазақстандық құндылықтарды , мемлекеттік тіліміздің маңызы туралы

айтылды.

Нәтижесінде ой ұшқырлығы, тапқырлығы және ұтымды сөзімен көзге түскен үздіктер алға шығып, жеңімпаздар анықталды.

Атап айтқанда, «Үздік спикер» номинациясымен Вадим Белозеров, Салтанат Қадырова, Русалина Ибрагимова, Мархаббат Көпбосынова марапатталып, ақшалай сыйлыққа ие болды.

Сонымен қатар, пікірсайыста жеңіске жеткені үшін «Қоғамдық келісім» мекемесінің «Жобаларды қолдау және ҚХА құрылымдарымен жұмыс» бөлімінің сарапшы маманы Әсем Жолдасова және ғылыми-сараптамалық тобының жетекші сарапшысы Рианна Жалпанова дипломдармен және ҮЕҰ өкілдері алғыс хаттармен марапатталды.

«Ақпараттық жұмыс және қоғаммен байланыс» бөлімі

2023 жылдың 7 қарашасында Тараз қаласында, Жамбыл облысы әкімдігінің «Қоғамдық келісім» мекемесінде Медиаторлар кеңесінің отырысы өтті.

Іс-шара Жамбыл облысында қоғамдық келісімді бұзудың алдын алу, этносаралық қатынастарды үйлестіру және өңірдегі бірлікті сақтау бойынша медиация институтының қызметін арттыру, Медиация институтын әлеуметтік мәселелердің алдын алу, шешу тетігі ретінде дамыту мақсатында өткізілді.

Мақсаты — Жамбыл облысының сот, прокуратурасымен, полиция, білім департаменттерімен, адвокаттар алқасымен, нотариаттық палатасымен, этномәдени бірлестіктерімен және медиаторларымен Қазақстан халқы Ассамблеясы Медиация кабинетінің жұмысын проблемаларды баңдарлау және оларды тұрақты негізде шешу жолдарын табу үшін ұсыныстар әзірлеуде бірлескен іс-шаралар өткізу арқылы жандандыру.

Ұйымдастырушы — Жамбыл облысы әкімдігінің ішкі саясат басқармасының «Қоғамдық келісім» коммуналдық мемлекеттік мекемесі.

Жиынға медиаторлар, облыстағы этномәдени бірлестіктер өкілдері және облыстық ҚХА құрылымдық бөлімшелерінің, құқық қорғау органдарының өкілдері қатысты тілдерді дамыту бөлімі, білім басқармасы, адам құқықтары жөніндегі уәкіл, саяси партиялардың өкілдері, дағдарыс орталығы, үкіметтік емес ұйымдар БАҚ өкілдері қатысты.

Модератор ретінде Жамбыл облысы әкімдігі “Қоғамдық келісім” КММ басшысы Мүбарак Қасымқызы Жинақбаева аталмыш отырысты өзі жүргізді.

Бұдан ары баяндама жасаушылар – Тараз қалалық сотының судьясы Ж.Абаева, Жамбыл облыстық прокуратурасының қоғамдық мүдделерді қорғау департаментінің аға прокуроры А.Жұмабеков, ОКҚДБ бастығының орынбасары спикерлердің айқын көзқарасты сөздері тыңдалды.

Жамбыл облысы бойынша полиция полковнигі И.Абдуллаев, «Жаңару» РҚБ Жамбыл облыстық филиалының директоры Қ.Төлендиев, Медиаторлар кеңесінің төрағасы И.Федорова, мәдениет және даму басқармасының бастығы М.Ахметова, Байзақ ауданы бойынша ҚХА медиаторы Г.Көшекбаева, «Қоғамдық келісім» КММ медиация кабинетінің меңгерушісі В.Досыбиева өз пікірлерін ортаға салды.

Азаматтардың тең құқықтарын қамтамасыз ету, ксенофобия мен этникалық және тілдік белгілері бойынша кемсітушілікке және этносаралық шиеленістерге әкелетін кез келген құқық бұзушылықтарға жол бермеу, сот ісін жүргізуде медиация институтын насихаттау, үкіметтік емес ұйымдардың этносаралық жанжалдардың алдын алу және дамыту жөніндегі өзекті мәселелер және аймақтағы этномедиация мәселелері талқыланды.

Қатысушылар медиаторлар жұмысының қыр-сырына, медиация келісіміне, әлеуметтік желілерде шиеленіс тудырғаны үшін айыппұлдарға және т.б. мәселелерге қатысты сұрақтар қойды. Барлық сауалдарға сауатты жауаптар берілді.

Айта кетейік, кездесуге қатысушылар өңірдегі медиацияның дамуына кедергі келтіретін мәселелерді де талқыға салды.

Аталмыш іс-шараны өткізу нәтижесінде Медиация институтының қызметін нығайту және жандандыру бойынша нақты, сараланған ұсыныстар әзірленді.

«Ақпараттық жұмыс және қоғаммен байланыс»  бөлімі