Archive for year: 2023

Бала – әрбір отбасының өмірін шынайы қуаныш пен жылулыққа, махаббат пен мейірімге толтыратын ғажайып. Ел болашағының жарқын болуы да өскелең ұрпақтың қолында. Сондықтан да балалардың құқығын қорғап, өмірлерін сақтап, бақытты ғұмыр сыйлап, ертеңгі күнге жетелеу әр ата-ана мен мемлекетіміздің жауапкершілігінде. Жыл сайын балғын бүлдіршіндер үшін ең қуанышты мерекенің бірі 1 маусым – Халықаралық балаларды қорғау күні мерекесі тойланады . Алғашқы халықаралық балаларды қорғау күні 1950 жылы атап өтілді. БҰҰ бастаманы дер кезінде қолдап, балалардың өмірін, құқығын, денсаулығын қорғауды өз қызметінің басты бағыттарының біріне айналдырды.

Атаулы мерекені ерекше атап өту мақсатында әр өңірлердегі Қазақстан халқы Ассамблеясында декада өткізу жоспарланды.

Осыған орай, декаданы Жамбыл облыстық «М.Қашқари атындағы Ұйғырлар этномәдени бірлестігі» қоғамдық бірлестігінің ұйымдастыруымен «Балалар біздің болашағымыз» тақырыбында таңғажайып «BALA FEST» фестивалімен бастады.

Іс-шараға Тараз қаласының №34 орта мектебінің оқушылары, аталмыш бірлестіктің өкілдерінің және әртүрлі этностың балалары қатысты.

Фестиваль «Қоғамдық келісім» КММ-де, өңірлік «Ассамблея жастары» өкілдерінің, жас өнерпаздардың атсалысуымен жоғары деңгейде өтті.

Бүлдіршіндердің жүздеріне күлкі,көңілдеріне шаттық сыйлаған іс-шара ерекше қарқынмен бастау алды. Алдымен ертегі кейіпкерлерінен құралған аниматорлар мекемеге кіреберісте түрлі-түсті шарлармен балаларды жылы қарсы алып, көтеріңкі көңіл-күй сыйлады.

Күмбезді ғимараттың екінші қабатында «Балалар біздің болашағымыз» тақырыбында өнерпаздардың мерекелік концерттік бағдарламасы ұсынылды.

Мерекелік концерт барысында құттықтау сөз Жамбыл облысы әкімдігі ішкі саясат басқармасының «Қоғамдық келісім» КММ басшысы Жинақбаева Мүбәрак Қасымқызына және «М.Қашғари атындағы Жамбыл облыстық ұйғыр этномәдени бірлестігі» қоғамдық бірлестігінің төрайымы Тұрдыева Мухабат Абдырахманқызына берілді.

Өз сөзінде М.Тұрдыева:

«Жалпыұлттық біртұтастық бәрінен де маңызды. Қанша этнос өкілдері болса да бір шаңырақ астында тату-тәтті өмір сүріп келеді.

Осында отырған әртүрлі этнос өкілдерінің де балаларына 1 маусым — Балаларды қорғау мерекесі ортақ . Мерекенің «Достық» үйінде тойлануы да бекер емес. Бұл ғимарат барша этностардың басын біріктіретін шаңырақ.Ендеше, мереке құтты болсын!» – деп қоғамдық келісім мен бейбітшіліктің, этносаралық қатынастың тұрақты болуы ел үшін маңызды екенін білдірді.

Сонымен бірге, М.Қасымқызы да кішкентай бүлдіршіндерге ақжарма тілегін жолдады.

Концерттік бағдарламада №34 орта мектеп жанындағы «Айналайын» шағын орталығының мың бұралған бишілері мен жезтаңдай әншілері және «Қоғамдық келісім» КММ шығармашылық тобының өнерлері паш етілді.

Таңғажайыпқа толы фестиваль мен зор қошеметке ие болған өнерпаздар қатысқан мерекелік концерт өз кезегінде жақсы атмосферада, жоғары деңгейде өтті.Шамамен 300-ден аса бүлдіршіндер көңілді іс-шараның куәсі болды.

Фестиваль соңында бүлдіршіндерге арнайы тәттілер мен балмұздақ таратылып, тағы да бір көңілдерін көтеріп тастады.

Әрбір баланың жүзіне күлкі үйіріп, жүрегіне жылу мен мейірім ұялату- баршамыздың басты міндетіміз!

«Ақпараттық жұмыс және қоғаммен байланыс“ бөлімі

#АссамблеянародаКазахстана

#балалықшақәлеміқандайғажап

#өзінөзібасқару

Ш.Уәлиханов атындағы Жамбыл облыстық әмбебап ғылыми кітапханасында 21 мамыр – Мәдениет және өнер қызметкерлері күніне орай ҚР мәдениет қайраткері, ҚР Білім саласының үздігі, М.Х.Дулати атындағы Тараз өңірлік университетінің «Мәдениет және өнер» кафедрасының меңгерушісі, облыстық «Әулие Ата» Қазақ мәдени орталығының төраға орынбасары Айгүл Кәбиқызына арналған «Өмірін өнермен өрнектеген» тақырыбы аясында «Мәдениет – ұлт өмірінің айнасы» атты шығармашылық бенефис кеші өтті.

Кешке келген қонақтар қатарында – зиялы қауым өкілдері мен өнер жолында жүрген бас кейіпкердің қаламдас әріптестері бар.Бенефис кештің шымылдығы кітапхана директоры ҚР мәдениет саласының үздігі, қалалық мәслихат депутаты Абдинова Эльмира Елеусізқызы құттықтау сөзімен ашылды. Арнайы шақырылған зиялы қауым өкілдері Айгүл Кәбиқызының еңбек жолы,шығармашылығы мен ұстаздығы,тағылымды ғұмыры жайлы сыр шертті. Сондай-ақ, кітапхана қызметкерлері мен өнерімен болашаққа қанат қаққан шәкірттері ән мен күйден тарту тартып кеш қонақтарына жақсы леп сыйлады.

Сонымен қатар, кеш барысында Айгүл Кәбиқызының құрметіне арнайы құрастырылған «Өмірін өнегемен өрнектеген» атты кітаптың тұсауы кесілді.

Кітаптың тұсау кесер рәсіміне «Қоғамдық келісім» КММ басшысы Мүбәрак Жинақбаева мен Қазақстан Жазушылар Одағының мүшесі, Қазақстан Журналистер Одағы сыйлығының лауреаты, ақын,журналист Ғайни Әлімбекқызы атсалысты.

Сәні мен салтанаты жарасқан бенефис кештің соңында Айгүл Кәбиқызы ұйымдастырушыларға, еңбек жолында қатар жүрген замандастарына,ізін басқан жастарға, кітапсүйер оқырманға зор алғысын жеткізді.

«Ақпараттық жұмыс және қоғаммен байланыс»  бөлімі

2023 жылдың 12 мамырында Тараз қаласында «Қоғамдық келісім»  КММ-де «Отбасы мен отбасылық құндылықтарды нығайтудағы медиация қызметі» тақырыбында диалог алаңы құрылды.

Іс-шараның мақсаты-отбасы институтын бекіту және отбасылық құндылықтарды сақтау, медиация институтын отбасылық дауларда қолдану, ажырасу процестерін, отбасылық қатынастардан шығатын дауларды азайту.

Жиынға Жамбыл облысының Ақсақалдар мен Аналар кеңесінің, өңірлік “Ассамблея жастары” өкілдері қатысты.

Ашық диалогқа қатысқандар отбасында кездесетін мәселелер, құндылықтар жайлы сөз қозғап, бірқатар жайттарды талқылады.

Атап айтқанда, отбасылық мәселелерді шешудегі медиация мен Аналар кеңесінің қызметінің жұмысына тоқталды.

Мәселен, Тараз қаласы Өзбек мәдени орталығының төрағасы Абдурахман Зайнутдинов және облыстық ҚХА Ақсақалдар кеңесінің мүшесі Ыдырыс Юнусов отбасының қоғамдағы рөлі мен отбасындағы әкенің рөлі жайлы әңгіме қозғады.

Жамбыл облысы ҚХА Аналар кеңесінің өкілі Роза Изятова өз сөзінде ананың отбасындағы рөліне баса назар аударды. Сондай-ақ Жамбыл облысы ҚХА Аналар кеңесінің жұмысы туралы айтты. Бұл кеңестің өкілі Паиза Куненова отбасылық бақыттың негізгі құрамдас бөлігі махаббат екенін атап өтті.

Жамбыл облысы әкімдігінің ІІБ “Қоғамдық келісім” КММ Медиацияны кабинетінің жетекшісі Валентина Досыбиева отбасылық жанжалдарды шешу нысаны ретіндегі медиацияның рөлін айтып берді.

Әрбір отбасында туындайтын мәселелерді шешуде арнайы белгіленген қағида жоқ. Дегенмен,оны бейбіт жолмен шешу үшін мәселенің туындау себебін анықтап, оның алдын алу шараларын жасауға болатынын алға тартты.

Сонымен қатар, іс-шара барысында өңірлік «Ассамблея жастары « қоғамдық бірлестігінің жетекшісі Хамида Тұрдыева тақырыпқа байланысты өз ойымен, бастан өткен оқиғаларымен бөлісті. Өкінішке орай, бақытты отбасы болу үшін арнайы ережелер бекітілмеген. Отбасын сақтап қалу үшін оның әрбір мүшелері де атсалысуы қажет. Өзара түсіністік- бақытты отбасының негізі.

«Ақпараттық жұмыс және қоғамдық байланыс бөлімі»

Мемлекет басшысының тапсырмасымен 2020 жылы бастау алған «Бейбітшілік пен келісім» жобасы биыл да жалғасын тапты.

Жоба аясында арнайы құрылған жұмыс тобының өкілдері 10-12 мамыр күндері Қордай ауданында болып, түрлі форматтағы шаралар ұйымдастырылды. Жұмыс тобының құрамындағы әртүрлі сала мамандары тұрғындармен кездесіп, кәсіби кеңестер беріп, заң аясында қолдау көрсетті.

Айта кетейік, жұмысшы топтың құрамында облыс аумағындағы құқық қорғау органдарының, ішкі саясат, мәдениет, білім, спорт, дін, тілдерді дамыту, жастар, жұмыспен қамту, ветеринария, энергетика және тұрғын үй-коммуналдық шаруашылық, табиғи ресурстар басқармаларының өкілдері қабылдаулар жүргізді.

Жоба аясындағы алғашқы шара «AMANAT» партиясының Қордай аудандық филиалында бастау алып, аудандағы этномәдени бірлестік жетекшілерімен кездесу өтті.

Сондай-ақ, аудандық филиалдың ғимаратында дінге сенушілердің жекелеген санаттары тарапынан құқыққа қарсы іс-әрекеттер жасау тәуекелдерінің деңгейін төмендету мақсатында Қордай аудандық пробация қызметінің есебінде тіркеуде тұрған сотталғандармен кездесу ұйымдастырылды.

Жиын барысында Жамбыл облысы әкімдігінің «Дін проблемаларын зерттеу орталығының» инспекторы Әбілхайыр Сабырұлы кездесуге қатысушыларға терроризм туралы терең түсінік беріп, террорлық лаңкестік және діни экстремистік бағытта арандатуға жол бермеу, бейбітшіліктің маңызын және мейірімділік пен ізгіліктің, адамға жақсылық жасай білудің өмірдегі басты ұстанымы екендігін ұғыну, ұлттық құндылықтарды ұстану жайында ойымен бөлісті.

Бұл күні №20 Сортөбе ауылдық кітапханасында аудандағы этностардың бірлігін нығайту мақсатында «Татулық пен келісім-елдікке бастар жол» атты әдеби карнавал өтіп, оған Сортөбе ауылы әкімінің орынбасары мен ауыл ақсақалдары қатысты.

Шарада ақсақалдар дүнгендердің Қазақстанға қоныс аудару тарихына тоқталып, түрлі этностардың қазақтармен қарым-қатынасы туралы айтты. Соңында жиналғандар қазақ халқына қолдау көрсеткені үшін ризашылықтарын білдіріп, бейбітшілік пен береке тіледі.

Сонымен қатар, Сортөбе және Ауқатты ауылдық округтерінде «Бейбітшілік пен келісім» жобасы аясында жергілікті тұрғындармен, қоғамдық пікір көшбасшыларының, этномәдени бірлестіктердің өкілдерімен ұлтаралық келісімді нығайту бойынша ашық диалог алаңы өтті.

Шараға Жамбыл облысы әкімдігінің ішкі саясат басқармасының бөлім басшысы Қ.Ырысдәулет, Қордай ауданы әкімдігінің ішкі саясат бөлімі басшысының м.а Ғ.Алимжанов арнайы қатысты.

Жиын барысында аудандағы қоғамдық келісімді, бірлік пен татулықты нығайту мақсатында атқарылып жатқан және жоспарланған жұмыстар кеңінен талқыланды.

«Бейбітшілік пен келісім» жобасы аясында құрылған «Этнос және конфессияаралық келісім» тобы «Қордай» гуманитарлық-экономикалық колледжінің студенттерімен кездесті. Жастармен жарқын жүздесуде Жамбыл облысы әкімдігінің ішкі саясат басқармасының «Қоғамдық келісім» КММ ғылыми-сараптамалық қолдау бөлімінің бас сарапшысы Е.Қаншымбеков өңірдегі этносаралық ахуалдың негізгі аспектілерін анықтау мақсатында фокус-топтық зерттеулер өткізді.

Сондай-ақ, «Қоғамдық келісім» коммуналдық мемлекеттік мекемесінің этносаралық қатынастар саласында әдістемелік көмек көрсету және мониторинг жүргізу бөлімінің әдіскері Р.Ерханұлы жастар арасындағы толеранттық деңгейін анықтау және қарым-қатынас этикасын қалыптастыру мақсатында студенттерге арналған тимбилдингпен, мотивациялық іс-шаралар өткізді.

Жоба аясында өзге де елді мекендерде бірқатар іс-шаралар ұйымдастырылып, өңірдегі бейбітшілік пен келісімді нығайту жөніндегі жұмыстардың тиімділігін арттыру мәселелері, отбасы құндылықтарын нығайту, діни тұрақтылықты сақтау мәселелері талқыланды.

Үш күнге созылған іс-шаралар легі жұма күні қорытыланды.

Ақпараттық жұмыс және қоғаммен байланыс бөлімі

Отбасы- қоғамның негізгі бөлшегі ретінде адами құндылықтардың,мәдениет пен ұрпақтардың тарихи сабақтастығының сақтаушысы, тұрақтылық пен дамудың факторы. Жыл сайын 15 мамырда Халықаралық отбасы күні аталып өтіледі. Дәстүр бойынша мереке қарсаңында түрлі іс-шаралар ұйымдастырылады. Атап айтқанда, отбасы институтының мәселелері талқыланып, олардың шешу жолдары да қарастырылады.

2023 жылдың 11 мамырында Тараз қаласында «Қоғамдық келісім» КММ-де «Менің тату отбасым» тақырыбында дөңгелек үстел өтті.

Мақсаты – көпшіліктің назарын отбасы проблемаларына аудару, отбасы институтын нығайту, некенің ұлттық құндылықтарын насихаттау, ата-аналардың бала тәрбиесіндегі жауапкершілігін арттыру, өскелең ұрпақты рухани-адамгершілік тәрбиелеу, тұрмыстық зорлық-зомбылықтың алдын алу.

Іс-шара модераторы- аға инспектор, әйелдерді зорлық-зомбылықтан қорғау бөлімшесі полиция подполковнигі Диляфруз Кинжеханова болды.

Дөңгелек үстелге құқық қорғау жүйесінің, мемлекеттік органдардың, қоғамдық ұйымдардың, діни қызметкерлердің өкілдері қатысты. Белсенді қатысушылар арасында Жамбыл облысының этномәдени бірлестіктерінің басшылары мен өкілдері де бар.

Жиын барысында қатысушылар Отбасы және отбасылық құндылықтар, отбасындағы мәселелер және оларды шешу жолдары, дені сау және бақытты отбасын тәрбиелеу сияқты мәселелерді талқылады. Тақырыптар бойынша Жамбыл облысы ҚХА Аналар кеңесінің өкілі Роза Изятова, Жамбыл облысы Ардагерлері облыстық кеңесі жанындағы Аналар кеңесінің төрайымы Хадиша Оспанова, «Қамқор жүрек» қоғамдық қорының басшысы Виктория Шарбону, Жамбыл облыстық тұрмыстық зорлық-зомбылық құрбандарына әлеуметтік көмек көрсету орталығының директоры Жамал Қалыбекова, Орыс Православие шіркеуінің протоиерейі Юрий Власенко, имам Ар- Рахман Рахим мешітінің бас имамы Амангелді Ембершенов, «Жанұя» педиатриялық қызметінің жетекшісі Карима Сабденова, «LIDER.KZ волонтерлік қозғалыс» қоғамдық бірлестігінің өкілі Николай Чагай, Жамбыл облысы әкімдігі білім басқармасының бөлім басшысы Гүлзира Дәрібаева, Жамбыл облысы «Оттегі SOS» еріктілер тобының төрағасы Қанат Нұрекеев баяндама оқыды.

Жамбыл облысы әкімдігі ІІБ “Қоғамдық келісім” КММ медиация кабинетінің меңгерушісі Валентина Досыбиева «Отбасылық құндылықтарды сақтаудағы медиацияның рөлі» тақырыбында қызықты баяндама жасады. Ол ҚХА медиаторларының осы бағыттағы жұмысы туралы айтып, отбасылық Медиацияны дамыту жөніндегі медиаторлардың белсенділігі олардың тұрақтылық пен қоғамдық келісімнің негізі ретінде отбасылық құндылықтарды сақтау мен арттырудағы маңызды рөлін көрсететінін атап өтті. В. Досыбиева өз сөзінде отбасылық даулардағы медиацияға және профилактикалық жұмыс жайлы кеңінен айтып берді.

Дөңгелек үстел барысында талқыланған тақырыптардан қатысушылар өздеріне рухани азық алды.

«Ақпараттық жұмыс және қоғаммен байланыс» бөлімі