Жамбыл облысы әкімдігінің ішкі саясат басқармасының «Қоғамдық келісім» коммуналдық мемлекеттік мекемесі

ОСАЛ ТОПТАҒЫ БАЛАЛАРҒА АРНАЛҒАН ҚУАНЫШТЫ МЕРЕКЕ

01/06/2023/in Жаңалықтар /by Администратор

2023 жылдың 30 мамырында Тараз қаласының «Қарасу» шағын ауданында №25 Психологиялық-педагогикалық түзету кабинетінің осал топтағы оқушыларына 1 маусым – Халықаралық балалар күніне арналған «Балалардың күлкісі – көркі, сәні әлемнің» мерекелік іс-шарасы ұйымдастырылды.

Облысымызға белгілі еріктілер жетекшісі, қайырымдылық іс-қимылдар бойынша өңір белсендісі «Volonter_group_08» қоғамдық бірлестігінің төрағасы Рустам Ташметовпен бірге мерекелік шараны ойдағыдай өткізуге «Жамбыл облысының Тәжік этномәдени бірлестігі» қоғамдық бірлестігінің төрағасы Махкам Жұманазарұлы Орифовтың жетекшілігімен осы бірлестіктің жастар қанатының төрағасы Ділмұрат Муралимов және Тәжік әйелдері кеңесінің белсенді мүшесі Гүлсара Тоқтамышева да аянбай атсалысты.

Психологиялық-педагогикалық түзету кабинетінің қызметкерлері, балалардың ата-аналары, білім беру жүйесінің өкілдері қатысқан іс-шарада «Volonter_group_08» ҚБ төрағасы Рустам Ташметов пен Тәжік этномәдени бірлестігінің басшысы Махкам Орифов қонақтар мен балаларды, олардың тәрбиешілерін атаулы мерекемен құттықтап, жылы лебіздерін білдірді.

Құттықтаудан соң мейрамның қатысушыларын жас таланттар мен олардың тәлімгерлері, ән-би концерттік бағдарламасы, түрлі кейіпкерлерді сомдайтын ұзын қуыршақтар мен сабын көпіршіктері араласқан қызықты шоу күтіп тұрды. Балалар көңілді аниматорлармен, қуыршақтармен көңіл көтеріп, өзара мәз болысты.

Шара соңында демеушілер арнайы әкелінген тәтті балмұздақ, дәмді торттар сияқты мерекелік сыйлықтармен 200 ден астам балақайларды қуантып, көңілдерін шарықтатты.

Ақпараттық жұмыс және қоғаммен байланыс бөлімі

БОЛАШАҚ ҮШІН ЕСТЕЛІК

01/06/2023/in Жаңалықтар /by Администратор

Бүгін, Тараз қаласында 31 мамыр – Саяси қуғын-сүргін және ашаршылық құрбандарын еске алу күніне орай «Қоғамдық келісім» КММ-де «Болашақ үшін естелік» тақырыбында іс-шара өтті.

Оған ҚХА өкілдері, этномәдени бірлестік төрағалары мен өкілдері, өңірлік «Ассамблея жастары» қоғамдық бірлестігі, М.Х.Дулати атындағы Тараз өңірлік университетінің оқытушылары мен студенттері қатысты.

Алғашқы сөз кезегі «Қоғамдық келісім» КММ басшысы Жинақбаева Мүбәрак Қасымқызына берілді.

Іс-шараның модераторы – ҚХА Ғылыми- сараптамалық топ мүшесі, М.Х.Дулати атындағы Тараз өңірлік университетінің профессоры,Ж.Баласағұн атындағы Түркістан өлкесінің тарихын зерттеу орталығының директоры – Сейдахан Бахторазов болды.

Дөңгелек үстел барысында Облыстық тарихи-мәдени ескерткіштерді қорғау және қалпына келтіру дирекциясының директоры, Қуғын-сүргінге ұшырағандардың санаттары бойынша Жамбыл облысы өңірлік комиссиясының жұмыс тобының мүшесі – Қуаныш Дәурембеков «Саяси қуғын-сүргін кезіндегі түрлі зорлық-зомбылық, саяси науқандар мен аштық кезіндегі Қазақстаннан кетуге мәжбүр болған босқындарды, дәстүрлі дін өкілдерін зерттеу жөніндегі жұмыс тобының 2023 жылға іс-сапар кестесі» тақырыбында баяндама жасады.

Сондай-ақ «Қарашайлар мен балқарлардың – Бірлік» Архыз республикалық қоғамдық бірлестігінің Жамбыл филиалының жетекшісі – Леля Узденова «Депортация карачево-балкарского народа 1943-1944 гг» тақырыбында сөз сөйледі.

Жамбыл облыстық «Коре» Корейлер қауымдастығының атқарушы хатшысы- Светлана Ким «Казахстан- земля и крыша репрессированного корейского народа» тақырыбында баяндады.

Облыстық Немістер қоғамдық бірлестігінің этномәдени жұмыстарын үйлестірушісі- Евгения Кобер «Репрессия немецкого народа в Казахстан» тақырыбын қорғады.

Сонымен бірге, М.Х.Дулати атындағы Тараз өңірлік университетінің «Тарих және география » кафедрасының аға оқытушысы – Дана Мадибаева «Аштық тауқыметі» тақырыбында баяндамасын ұсынды.

Іс-шараға қатысқан студенттер атаулы күнге байланысты поэтикалық шығармалар оқыды.

Шара соңында өңірлік этномәдени бірлестіктер өкілдерінің арасынан баяндамашыларға сыйлықтар табыс етілді.

Ақпараттық жұмыс және қоғаммен байланыс бөлімі

ТАРАЗДА ӨҢІРЛІК ҚХА ЖӘНЕ ЭТНОМӘДЕНИ БІРЛЕСТІК ӨКІЛДЕРІ САЯСИ ҚУҒЫН-СҮРГІН ҚҰРБАНДАРЫН ЕСКЕ АЛДЫ

31/05/2023/in Жаңалықтар /by Администратор

31 мамыр – Саяси қуғын-сүргін құрбандарын еске алу күні. Бұл күн Қазақстан үшін айрықша мағынаға ие. Нәубетті жылдардағы қасірет халықтың көзінен кетсе де, көңілінен кетпеді.

Дәл осы күні жамбылдықтар репрессиядан жапа шеккендерге қойылған ескерткішке гүл шоқтарын қойып,ел егемендігі үшін күрескен ұлт зиялыларын еске алады.

Осыған орай, Ы.Сүлейменов көшесінің бойында орналасқан саяси қуғын-сүргін және ашаршылық құрбандарына арналған ескерткішке және «Қазақ халқына мың алғыс» монументіне гүл шоқтарын қою рәсімі өткізілді.

Еске алу шарасына облыс әкімі Нұржан Нұржігітов арнайы қатысып,тағзым етті. Сондай-ақ, Қазақстан халқы ассамблеясының өкілдері, этномәдени бірлестіктер төрағалары мен өкілдері, қуғын-сүргін құрбандарының ұрпақтары, өңірлік «Ассамблея жастары» қоғамдық бірлестігі мен БАҚ өкілдері және «Қоғамдық келісім» КММ басшысы Жинақбаева Мүбарак Қасымқызы да қатысып, гүл шоқтарын қойды.

Мұндай іс-шаралардың мақсаты – Қазақстанға 30-40 жылдары жер аударылған этнос және этникалық топтардың ұрпақтарын дәріптеу, тағдыр тәлкегімен Қазақстанға ауып келген халықтардың тарихын сыйлау, жалпыұлттық тарихи сананы қалыптастыру, жалпы тарих пен жалпыұлттық идея негізінде қазақстандық бірегейлікті нығайту, болашақ ұрпақтар үшін тарихи зердені сақтауда азаматтық қоғамды біріктіру, қасіретті жылдардың қайғылы естеліктерін құрметтеу. Жазықсыз жазаға ұшырап, қаза тапқан, азапты сынақтар мен қуғын-сүргіндерден өткен ондаған, жүздеген мың ата-бабамыздың естелігі алдындағы қасиетті борышымыз қашан да маңызды болып қала бермек.

Ақпараттық жұмыс және қоғаммен байланыс бөлімі

Қуантсаң – баланы қуант, сауапты!

29/05/2023/in Жаңалықтар /by Администратор

«Қуантқың келсе – баланы қуант, берсең балаға бер! Олар бергеніңді шарықтаған шаттықпен, шынайы ниетпен қабылдап, аз нәрсеге қанағатпен қарап, нағыз риясыз қуана алатын жандар – солар» деп естуші едік үлкендерден.. Расымен де баланың қуанышынан артық жақсылық жоқ шығар?!

Ағымдағы жылдың 26 мамыры күні 1 маусым Халықаралық балалар күні мейрамы қарсаңында Жамбыл облыстық «Полонез» поляк тілі мен мәдениеті» Поляктар орталығының өкілдері жылда көрсететін өздерінің дәстүрлі іс-қимылдарына сәйкес өмірлік қиын жағдайда қалған балалар орталығына барып, тәрбиеленушілерді мерекемен құттықтап, оларға деген сый-құрметтерін көрсетті.

Аталған этнобірлестік оларға көңілді, қызықты ойындар ұйымдастырып, концерттік бағдарлама да жүргізді.

Бұған қоса кәмпит, балмұздақ, мармелад сияқты түрлі тәттілер мен дәмді тоқаштар, пирогтар және мамыр айында ең жақсы көріп жейтін жемістері – құлпынай мен шие таратылды.

Жандары жабырқау тартып, ата-ана мейірімі мен қамқорлығына зәру нәумез балалар бір сәт көңілдері көншіп, жүздері қуаныштан жайнап, Поляк мәдени орталығынан келген ұмытылмас тосынсыйға бар ризашылықтарын білдірді.

Көңілдің базарын сыйлап, мейірбандықпен назарын салған этнобірлестікке Балалар орталығының басшылығы мен тәрбиешілері де зор алғыстарын айтты.

«Ақпараттық жұмыс және қоғаммен байланыс» бөлімі

#АссамблеянародаКазахстана

#балалықшақәлеміқандайғажап

#өзінөзібасқару

#балалардықорғаукүні

КӨҢІЛГЕ НҰР, ЖҮРЕККЕ ЖЫЛУ СЫЙЛАҒАН МЕРЕКЕ!

29/05/2023/in Жаңалықтар /by Администратор

1 маусым – Халықаралық балаларды қорғау күні мерекесіне орай 2023 жылдың 25 мамырында Жалпақтөбе ауылындағы Ш.Қалдаяқов атындағы ауылдық клубында Жамбыл облыстық «Дүнген республикалық этномәдени орталығы» РҚБ және осы бірлестіктің Аналар кеңесінің, ауылдық Аналар кеңесінің ұйымдастыруымен мерекелік іс-шара өткізілді.

Іс-шараға 60-қа жуық әлеуметтік осал топтың балалары, ата-аналары ,ауыл тұрғындары қатысты.Мерекеге орайластырылған іс-шара түрлі өнерпаздардың шығармашылық нөмірлерінен құралған концерттік бағдарламасымен басталды. Сондай-ақ іс-шараға қатысушы жасөспірімдердің атынан «Алға ,Қазақстан!» атты патриоттық флешмоб көпшілік назарына ұсынылды.

Мерекелік шараның екінші бөлігінде балалар арасында «Біз әлемді суреттейміз» тақырыбында арт-байқау ұйымдастырылды. Жас суретшілер асфальтқа салған суреттері арқылы өздерінің қиялдарындағы бейнелерді көрсете алды. Олармен бірге Аналар кеңесінің өкілдері де сурет салуға атсалысты. Нәтижесінде түрлі-түске боялып, ерекше бейнелерді суреттеген көріністер көздің жауын алды. Байқау соңында балаларға арнайы тәттілер таратылды.

Балалардың айтулы мерекесіне ақ аюдың костюмін киген аниматор арнайы шақырылды. Оның бүлдіршіндермен бірге «Ламбада» биін билеген көрінісі баршаға қуаныш пен шаттық сыйлай білді.

Жүздеріне шаттық,жүректеріне мейірім, көңілдеріне қуаныш орнатқан іс-шарадан ата-аналар да ерекше әсер алып, барша ұйымдастырушыларға алғыстарын жеткізді.

«Ақпараттық жұмыс және қоғаммен байланыс» бөлімі

#АссамблеянародаКазахстана

#балалықшақәлеміқандайғажап

#өзінөзібасқару

#балалардықорғаукүні

Еліміздің Астанасында жалпыұлттық бірлікті және қоғамдық келісімді нығайтуға қатысты жиналыс өтті

29/05/2023/in Жаңалықтар /by Администратор

2023 жылғы 26 мамыр күні Астана қаласының Достық үйінде Қазақстан халқы Ассамблеясы Төрағасының орынбасары – Хатшылық меңгерушісі Марат Әзілхановтың төрағалығымен жалпыұлттық бірлікті және қоғамдық келісімді нығайту саласындағы ақпараттық-түсіндіру жұмысын ұйымдастыру сұрақтары бойынша жиналыс өтті.

Осыған орай, басқа өңірлердегідей Тараз қаласының Достық үйінде Жамбыл облыстық ҚХА мен этномәдени бірлестіктер, Жамбыл облысының ішкі саясат басқармасы және «Қоғамдық келісім» КММ өкілдерінен 30-ға жуық адам жиналып, аталмыш жиынға ZOOM байланысы арқылы қатысты.

Жиында бірқатар тармақтардан тұратын ҚХА-ның қызметіне қатысты әдістемелік ұсынымдар туралы сөз болды.

Мемлекет басшысы Қасым-Жомарт Тоқаевтың ҚХА-ның ХХХІІ сессиясында атап көрсеткен жаңғырту жұмыстарына жататын – ассамблеяның атқаратын қызметі мен этносаралық қатынастарға байланысты мемлекеттік саясат негіздерінен бастап, интеркультурализм мүмкіндіктері, мемлекеттік тілдің мәртебесін көтеру сынды маңызды мәселелерге дейін сөз болды.

Бұл жиналыс республикалық, аймақтық ҚХА өкілдерін қоса алғанда 500-дей адамның басын біріктіріп, оларды Ассамблеяның алда атқарылатын мақсат-міндеттері мен қызметінің тың бағыттары жөнінде хабардар етті.

«Ақпараттық жұмыс және қоғаммен байланыс» бөлімі

КӨҢІЛГЕ НҰР, ЖҮРЕККЕ ЖЫЛУ СЫЙЛАҒАН МЕРЕКЕ!

26/05/2023/in Жаңалықтар /by Администратор

Іс-шараға 60-қа жуық көпбалалы отбасының балалары, ата-аналары ,ауыл тұрғындары қатысты. Мерекеге орайластырылған іс-шара түрлі өнерпаздардың шығармашылық нөмірлерінен құралған концерттік бағдарламасымен басталды. Сондай-ақ іс-шараға қатысушы жасөспірімдердің атынан «Алға ,Қазақстан!» атты патриоттық флешмоб көпшілік назарына ұсынылды.

«Ақпараттық жұмыс және қоғаммен байланыс» бөлімі

#АссамблеянародаКазахстана

#балалықшақәлеміқандайғажап

#өзінөзібасқару

СЛАВЯН ЖАЗУЫ МЕН МӘДЕНИЕТІ КҮНІ МЕРЕКЕСІ АТАП ӨТІЛДІ

24/05/2023/in Жаңалықтар /by Администратор

Славян жазуы мен мәдениеті күніне арналған іс-шара өткізу дәстүрге айналуда.

Осыған орай, 2023 жылдың 23 мамырында Тараз қаласындағы «Баласағұн» ОКЗ-да Славян жазуы мен мәдениеті күні мерекесіне арналған мерекелік іс-шара өтті.

Бұл күн – славян халқының алғашқы ұстаздары – қасиетті тең апостолды ағайындылар Кирилл мен Мефодийдің құрметіне арналған.

Айтулы мерекеге орай Жамбыл облыстық «Радонеж» Орыстар қауымдастығы ұйымдастыруымен «В начале было слово» атты дәстүрлі тақырыптық кеш өтті. Іс-шараға өңірлік ҚХА, Жамбыл облысы әкімдігінің мәдениет басқармасы, Тараз қаласының білім бөлімі қолдау білдірді.

Тақырыптық кешке келген мерекемен құттықтағандардың арасында аталмыш бірлестік төрағасы Владимир Сорокин де бар.

Мерекелік шараға өңіріміздегі әтүрлі этностардың, этномәдени бірлестіктердің өкілдері қатысты. «Радонеж» Орыстар қауымдастығының, «Днепро» Украин мәдени орталығының , облыстық Қытай мәдени орталығының үздік шығармашылық ұжымдары мен солистері әдеби шығармаларды, музыкалық композицияларды орындады. Сонымен қатар, «Калинка» вокалдық тобы«Ночка луговая», «Ромашка белая», «Как за Доном за рекой», «Роза белая» сынды әндерді шырқады. Сондай-ақ, «Маричка» халықтық ансамблі «Неси Галя воду» атты украин әнін орындады. Жамбыл облыстық «Радонеж» Орыстар қауымдастығының төрағасының орынбасары, музыка мұғалімі Оксана Дьяченконың жетекшілігімен №13 орта мектебінің «Веснушки» орыс халық аспаптар ансамблінің жас әртістері музыкалық шығармаларды орындап шықты.

Осы бірлестіктің өкілі Антонина Беляеваның орындауындағы «Казачка вольная» әні, облыстық «Днепро»Украин мәдени орталығының өкілі Анатолий Трашенконың орындауындағы «Смереко» әні көптің көңілін көтеріп, зор қошеметіне ие болды.

Қытай мәдени орталығының төрағасы Галина Воробьеваның «Там за туманами» лирикалық әні жүректерге жетіп, ерекше әсер қалдырды.

Облыстық «Радонеж» Орыстар қауымдастығының өкілі Полина Воротникова Анна Ахматованың “Мужество” шығармасын жүрекпен сезініп оқып берді.

Концерттік бағдарламада қалалық мектептердің және «Оқушылар сарайының» шығармашылық топтары өнер көрсетті.

Іс-шара тек концерттік бағдарламаны өткізумен шектелмеді. Қатысушылар мен көрермендер қолөнершілердің бұйымдарымен де танысты.

«Ақпараттық жұмыс және қоғаммен байланыс» бөлімі

: ????????????????????????????????????

: ????????????????????????????????????

: ????????????????????????????????????

: ????????????????????????????????????

: ????????????????????????????????????

: ????????????????????????????????????

: ????????????????????????????????????

: ????????????????????????????????????

: ????????????????????????????????????

КӘСІПКЕРЛІК ҚЫЗМЕТТІҢ НЕГІЗДЕРІ ТАНЫСТЫРЫЛДЫ

24/05/2023/in Жаңалықтар /by Администратор

Тәжікстаннан келген мигранттар кәсіпкерлік қызметтің негіздерімен танысты. Осы санат негізінде 2023 жылдың 22 мамырында Тараз қаласында «Қоғамдық келісім» КММ-де кеңес-тренинг өткізілді.

Тараз-АИТВ-ға қарсы қоғамдық бірлестігінің төрағасы Рамиль Перзадаев, Жамбыл облысы Тәжіктер этномәдени бірлестігінің төрағасы Махкам Орифов іс-шараға қатысушыларға, оның ішінде көшіп-қонушылар, курсанттар мен жоба еріктілеріне құттықтау сөз сөйледі.

Жамбыл облысының кәсіпкерлер палатасының мамандары Гүлмира Метерова мен Ирина Нелыбина қатысушыларды «Қазақстан Республикасының әйелдер кәсіпкерлігін дамыту орталығындағы әйелдерге арналған мүмкіндіктер» және «Қазақстан Республикасындағы кәсіпкерлік негіздері» тақырыбындағы презентацияларымен таныстырды.

«Азаматтық құқықтарды қорғау комитетінің» басшысы Ирина Федорова жиналғандардың назарын Қазақстан Республикасында шетелден келген азаматтарға қатысты құқықтар мен міндеттер жөніндегі заңнамаға аударды.

“Ақпараттық жұмыс және қоғаммен байланыс” бөлімі

МЕДИАЦИЯНЫҢ БІЛІМ САЛАСЫНДАҒЫ МАҢЫЗЫ ТАЛҚЫЛАНДЫ

23/05/2023/in Жаңалықтар /by Администратор

Балаларды қорғау күні мерекесі қарсаңында 2023 жылдың 22 мамырында «Білім саласындағы медиациялық қызметті жетілдірудің жолдары» тақырыбындағы облыстық «Formatted» семинарына спикер ретінде Жамбыл облысы әкімдігі ІІБ «Қоғамдық келісім» КММ медиация кабинетінің меңгерушісі Валентина Досыбиева қатысты. Іс-шараның негізгі ұйымдастырушысы Жамбыл облысы әкімдігі білім басқармасының білім беру ұйымдары медиаторлар кеңесі.

Аталған семинардың мақсаты-халық бірлігін нығайту мен қоғамдық келісімді сақтау. Медиация қағидаттарының негізінде жанжалды жағдайға қатысушыларды әлеуметтік оңалтуға және жанжалдардың алдын алуға ықпал ету; өскелең жас ұрпақты отансүйгіштікке, білім мен өзін – өзі жетілдіруге, Отан тарихына, Тәуелсіз Қазақстанның бүгіні мен болашағына деген жауапкершілікке тәрбиелеу.

Оған мемлекеттік органдар, үкімет емес ұйымдар, жергілікті билік органдары, аудан мен қала білім бөлімдерінің басшыларының орынбасарлары, медиаторлар қауымдастығының мүшелері, БАҚ өкілдері қатысты.

Семинарда сөз сөйлегендердің қатарында сот жүйесінің, білім беру саласының, билер кеңесінің өкілдері, психологтар, заңгерлер, медиаторлар, оқушы-медиаторлар болды. Медиацияның даму тенденциялары, мектеп медиациясының жұмыс жоспары, құқық қорғау қызметі және білім беру саласындағы медиация, отбасы мен мектеп медиация орталығының профилактикалық жұмысы, білім беру саласындағы медиация – уақыт талабы және т. б. мәселелер талқыланды. Сонымен қатар В. Досыбиева «Пути продвижения медиаторской службы в сфере образования» атты баяндамасында этномедиация тақырыбын қозғады.

Бұл семинар білім беру саласындағы дауларды шешу үшін медиацияны қолдану практикасының өзекті мәселелерін талқылау және пікір алмасу үшін диалог алаңына айналды.