Archive for year: 2022

Зан айының басында қарияларға арналған мерекені атап өту жақсы дәстүрге айналды. Жас ұрпақ үшін олар еңбекқорлық пен табандылықтың, батылдық пен парасаттылықтың үлгісі болып қала бермек.

2022 жылғы 30 қыркүйекте Тараз қаласында «Қоғамдық келісім» КММ-нің ұйымдастыруымен Достық үйі ғимаратында Халықаралық қарттар күніне арналған мерекелік іс-шара өтті.

Мерекелік іс-шара мол дастарханымен, түрлі концерттік бағдарлама, сондай-ақ, жылы қауышу, тамаша көңіл-күйімен есте қалды. Дастарханға Жамбыл облысының этномәдени бірлестіктерінің қариялары, жасы үлкендері жиналды. Олардың барлығы – еліміздің өркендеуіне, бейбітшілік пен келісім саясатын қолдауға үлкен үлес қосқан жандар.

Жиынға қатысушыларды мейрамдарымен құттықтап, Жамбыл облысы әкімдігі ІІБ «Қоғамдық келісім» КММ басшысы Мүбарак Қасымқызы Жинақбаева, еврей қауымының ақсақалы Михаил Бунин, Аналар кеңесінің өкілдері және ұйғыр, өзбек, тәжік, қытай, поляк, еврей этномәдени бірлестіктерінің төрайымдары мен төрағалары жылы лебіздерін білдірді.

«Біз Қазақстанға барамыз», «Анама рахмет» және «Туған жер» әндерін талантты орындаумен «Поющие сердца» және «Juwell» вокалдық топтары, сондай-ақ, «Шабыт» триосы көрермендердің көзайымына айналды. Жеке вокалдық нөмірлермен Илья Филипов («Ягода малинка» әні), Вячеслав Лапшин («Отан Ана» әні), Ирада Ишанқұлова («Менің отбасым» әні), Камила Дүйсен («Сен мықтысың») және тағы басқалар өнерлерін ортаға салды. Жиылған жұртты «Бәйшешек» және «Қарлығаш» хореографиялық ансамбльдері қазақ және неміс билерін орындаумен қуантты. Сонымен қатар, №40-мектеп-гимназия оқушыларының орындауында поэтикалық композиция орындалды.

Мереке барысындағы ең әсерлі сәт сыйлықтар мен фотосессия болды.

«Қоғамдық келісім» КММ

Баспасөз қызметі орталығы

1-қазан Халықаралық қарттар күні қарсаңында Жамбыл облысы әкімдігі ІСБ «Қоғамдық келісім» КММ қаламыздағы  №2 әлеуметтік қызмет көрсету орталығының қарттарына арнап концерттік бағдарламасын ұсынды.

Қарттар күнін атап өтудегі басты мақсат – аз қамтамасыз етілген қарт адамдарға, жалғызбасты қарт зейнеткерлер мен қарт мүгедектерге ерекше көңіл бөлу, олардың қоғамдағы орнының тәрбиелік мәнін жастарға түсіндіру. Мерекелік кешке   «Қоғамдық келісім» КММ этномәдени бірлестік өкілдері қатысты. Концерттік бағдарламаға неміс этномәдени бірлестігінің «Поющиие сердца» және «Juwell» вокалдық ансамбльдері, «Шабыт» триосы сондай-ақ, Филипова Илья, Лапшин Вячеслав, Ишанкулова Ирада, Дүйсен Камила, Розанна Абишевалар әннен шашу шашса, «Бәйшешек», «Қарлығаш» би топтары түрлі этностардың билерін тарту етті. Аталған кешке №40 мектеп гимназияның бүлдіршіндері де өз үлестерін қосты.

Кеш соңында әлеуметтік қызмет көрсету орталығының әкімшілігі мерекелік кешті ұйымдастырушыларға алғыс хат табыс етіп, дәстүрлі кешті өткізушілерге өз ризашылықтарын білдірді.

Қамкөңіл қарттар кеш соңында өздерінің ыстық лебіздерін білдіріп, естелік суреттерге түсті.

Баспасөз қызметі орталығы

Халықтың аз қорғалған топтары әлеуметтік-экономикалық тұрақсыздық пен дағдарыс құбылыстарында қатты зардап шегеді. Бұл бірінші кезекте балалар үйі түлектеріне, көп балалы және толық емес отбасыларға, көшіп-қонушыларға қатысты. Жетім балаларға келетін болсақ, біздің елімізде олар толық мемлекеттік қамсыздандыруда. Мемлекет жастарды ұстауды, тәрбиелеу мен оқытуды толық қамтамасыз етеді. Дегенмен, олардың кәмелетке толмағандары өмірде болатын кейбір проблемаларды шешуге дайын емес.

Әлеуметтік бейімсіздік, тұрғын үйдің болмауы, тұрақты жұмыс, кәсіби дайындықтың жеткіліксіздігі… Оларды жеңе алмаған соң, олардың кейбіреулері қылмысқа қатысады, ал басқалары өз-өзіне қол жұмсайды. Халықтың осал топтарын қолдау үшін Жамбыл облысының «Мирэкл» балалар үйлері мен жетім балаларды әлеуметтік бейімдеу орталығы» ҚБ қоғамдық қабылдау бөлмесі жұмыс істейді. Сондай-ақ, Гүлсара Түктамышева және Рауф пен Тамара Сәбитовтар секілді ҚХА медиаторлары мәселені шешуге толыққанды атсалысады. Олар тұрғын үй, тұрғылықты жерді тіркеу, құжаттарды қалпына келтіру, сондай-ақ жеке, еңбек, отбасылық және басқа да дауларды шешуге байланысты мәселелерді қарастырады.

Қоғамдық қабылдау бөлмесінде өтініш білдіргендер міндетті түрде құқықтық кеңес, ал кейбір жағдайларда практикалық көмек алады. Мұндай мәселелерге консулдықтан азаматтықтың жоқтығы туралы анықтама, жеке басын куәландыратын құжаттарды алу, балаларды мектепке орналастыру мәселелері жатады. Қоғамдық қабылдау проблемалық мәселелерді мемлекеттік органдармен, ҮЕҰ-мен және тікелей байланыс орнатылған көршілес мемлекеттер: Қырғызстан, Өзбекстан және Тәжікстан консулдықтарымен ынтымақтастықта шешеді.

«Қоғамдық келісім» КММ Баспасөз орталығы

2022 жылдың қыркүйегінде Шымкент қаласында Өзбек халқының этносы, тілі мен дәстүрлері күніне орай ауқымды іс-шара ұйымдастырылды. Сонымен бірге,  аталған іс-шараның шеңберінде Өзбекстан мен Қазақстан арасындағы дипломатиялық қатынастардың орнағанына 30 жыл толуына қатысты халықаралық конференция өтті.

Ұйымдастырушылардың қатарында ҚХА, Өзбекстан Республикасы Министрлер Кабинеті жанындағы шет елдермен ұлтаралық қатынастар және достық байланыстар комитеті, «Дустлик» Қазақстан Республикасы өзбектерінің этномәдени бірлестіктерінің қауымдастығы» заңды тұлғалар бірлестігі бар. Белсенді қатысушылар арасында Жамбыл облысының Өзбек этномәдени бірлестігінің президенті, ҚХА мүшесі, ҚР «Құраш» Федерациясының Президенті Бахром Муминов бар.   – Іс-шараның мақсаты – Қазақстан мен Өзбекстан арасындағы тарихи, достық қарым-қатынастарды одан ары нығайту, – дейді Бахром Муминов. – Шараға Орталық Азияның бес мемлекеті-Түркменстан, Қырғызстан, Тәжікстан, Өзбекстан және Қазақстан  қатысты. Қазақстанды жоғары деңгейде танытқандардың арасында Қазақстан халқы Ассамблеясы төрағасының орынбасары Марат Әзілханов та болды. Өзбекстан атынан өкілдік ететіндердің арасында Өзбекстан Республикасының Министрлер  Кабинеті жанындағы шет елдермен ұлтаралық қатынастар және достық байланыстар жөніндегі комитет төрағасының бірінші орынбасары Азамат Тошев, сондай-ақ, Өзбекстан Республикасының Қазақстандағы бас консулы Аброр Фатхуллаев болды. Шараны өткізу барысында біз, кең ауқымды мәселелер бойынша пікір алмастық. Қазақстан мен Өзбекстан арасындағы халықтық дипломатия, одақтық, стратегиялық әріптестік және мәңгілік достық туралы 30 жылдық келісім мәселелерін талқылады, – деп атап өтті Б.Муминов.

Қатысушының айтуының қарағанда, бауырлас халықтар арасындағы байланыстарды қалпына келтіру, ұлттық мектептер ашу жөнінде пікірлер де ортаға салынды. Бұған қоса, Шанхай ынтымақтастық ұйымына мүше мемлекеттер басшыларының 22-саммиті, Әлемдік және дәстүрлі діндер Көшбасшыларының VII-съезі туралы айтылды. Сонымен қатар, Қазақстан азаматтарының Өзбекстанға тоқтағанда 30 күн тіркеусіз жүре алуын ұсыну туралы акт жасалды. Іс-шарада Шымкент қаласында Өзбекстаннан келген көптеген әртістердің қатысуымен ауқымды қызықты мәдени бағдарлама да орын алды.   Бұдан өзге, барлық қатысушылар арнайы дайындалған 160 кг-дық өзбек  «палауынан» дәм татты.  Іс-шараға қатысушылар келесі кездесуді Самарқанд қаласында өткізуді ұсынды.

«Қоғамдық келісім» КММ

 Баспасөз қызметі орталығы

Ағымдағы жылдың 21 қыркүйегінде Тараздағы Заманауи гуманитарлық-техникалық колледжінде ел Президенті Қасым-Жомарт Тоқаевтың жолдауын білімгерлерге түсіндірме жұмыстары өтті.

Дөңгелек үстелге М.Қашқари атындағы ұйғырлар этномәдени бірлестігінің төрайымы Мухабат Тұрдыева, Тәжік этномәдени бірлестігінің төрағасы Макхам Орифов және Қытай этномәдени бірлестігінің төрайымы  Галина Воробьева қатысты.

Сондай-ақ, колледж директоры Фарида Фаридқызы да өз ойын ортаға салды.  – Қазіргі уақытта мемлекет тарапынан жастарға жан-жақты қолдау көрсетілуде. Әрине барша жасты сапалы білім беру жүйесі, қолжетімді жоғары білім, қолына диплом алған жас мамандарды жұмыспен қамту, жас отбасыларды тұрғын үй мәселесі сияқты сұрақтар толғандырады. Ал Президенттің Жолдауы дәл осы проблемалардың шешіміне айналғандай, – дейді Фарида Нақыш.

Сондай-ақ, Мухабат Тұрдыева мемлекеттік тілдің маңыздылығын атап өтті: – 2025 жылға дейін Қазақстандағы қазақ тілінің үлесі 95 пайызға дейін артады деген үміттемін. Жаһандану кеңістігінде мемлекеттің болмысын, ерекшелігін танытатын ұлт тілі – Қазақ тілі. Олай болса, тіліміздің ертеңі туралы ойлану, оны мәңгілік жобаға айналдыру барлық уақытта алдыңғы орында болу керек, – деп атап өтті Ол.

Іс-шара соңында білімгерлер  өздерін толғандырып жүрген сауалдарын қойып, қанағаттанарлық  жауаптар алды.

Баспасөз қызметі орталығы