Этникалық стильдегі көрме

/in /by

Үстіміздегі жылдың 18 ақпанында “Қоғамдық келісім” КММ-де 1 наурыз – Алғыс айту күніне орай көрме өтті.

Іс-шараны Жамбыл облысы Қазақстан халқы Ассамблеясы, Жамбыл облысы әкімдігі ішкі саясат басқармасының “Қоғамдық келісім” КММ, «Айнуры» “татар-башқұрт мәдени орталығы” ҚБ ұйымдастырды.

Экспозицияға 8 этномәдени бірлестіктен 21 суретшінің 41 жұмысы қойылған. Бұл көрме этно стильде өтті деп айтуға болады, өйткені ұсынылған жұмыстарда Жамбыл облысындағы барлық этностарының мәдени және көркемдік дәстүрлері көрсетілген. Бұл көрмеде сюжеттік картина, натюрморт, пейзаж, абстракция және кітап иллюстрациясы жанрындағы жұмыстар ұсынылды.

Көрмеге келгендер әдемі әлемге еніп, көптеген эмоцияларға ие болды, ал шығармашылықпен танысамын деген адамдар үшін Достық үйіндегі көрме 2 наурызға дейін жалғасады.

Жамбыл облысы әкімдігі

«Қоғамдық келісім» КММ

Баспасөз қызметі орталығы

«Ана тілім – дана тілім»

/in /by

Ағымдағы жылдың 19 ақпанында «Қоғамдық келісім» КММ-де «М. Қашқари» атындағы ұйғыр этномәдени бірлестігінің ұйымдастыруымен халықаралық ана тілі күніне орай «Ана тілім – дана тілім» атты мерекелік іс-шарасы өтті.

Іс-шараның мақсаты – Қазақстандағы этностардың тұтастығын сақтау, қазақ тілін дамыту, балаларды тек өз халқының ғана емес, сонымен қатар біздің елде тұратын барлық адамдардың мәдениеті мен дәстүрлерін құрметтеуге тәрбиелеу. Мерекенің қонақтары – әртүрлі этностық топтардың жастары, №34 және №2 орта мектептерінің оқушылары, сондай-ақ, № 24 мектеп-гимназиясының белсенді оқушылары.

Шара барысында балалар өз тілдерінде өлеңдерін оқып, әртүрлі ойындар ойнады.

«Мемлекет басшысы Қасым-Жомарт Тоқаевтың пәрменімен «2022 жыл – Балалар жылы» деп аталды. Яғни, барыс жылында ел ертеңі – өскелең ұрпақты қолдауға айрықша көңіл бөлінеді» – дейді ұйғыр этномәдени бірлестігінің төрағасы Мухаббат Турдыева.

Айтуынша, балалар жылы тек ұран түрінде емес, оларға сапалы білім беру мен патриоттық сезімді қалыптастыру алдыңғы қатарда болу керек.

Мерекелік іс-шараның соңында, оқушыларға алғыс хаттар мен сыйлықтар тапсырылды.

Жамбыл облысы әкімдігі

ІСБ «Қоғамдық келісім» КММ

Баспасөз қызметі орталығы

Хычины

/in /by

2022 жылдың 18 ақпанында Жамбыл облысы Қазақстан халқы Ассамблеясының Аналар кеңесі “Анаға тағзым орталығында ұлттық тағамдарды дайындау бойынша шеберлік сыныптарын өткізді. Іс-шараға ҚХА Аналар кеңесінің мүшелері, “Архыз” қарашайлар-балқар Республикалық қоғамдық бірлестігінің Жамбыл облысындағы филиалының мүшелері, “Анаға тағзым” рухани-адамгершілік тәрбие орталығының өкілдері қатысты.

Бұл жолы қатысушылар қарашай-балқар асханасымен танысты. Шеберлік сабағын “Архыз” республикалық қоғамдық бірлестігінің мүшесі Майса Алдабаева өткізді. Ол хычин тағамын қалай дайындау керектігін түсіндірді.

Хычин – бұл қарашай-балқар асханасының ұлттық тағамы, ішінде салмасы бар жұмсақ шелпек. Майса Алдабаеваның айтуынша, бұл тағамның көптеген түрлері бар. Бұл жолы екі түрлі салмамен дайындалды. Біріншісі – ірімшік пен қайнатылған картоп, екіншісі – ет қосылған пен картоп (тартылған ет).

Хычиндар жұрт ұнататын тағамына айналып, оны әр үйде, әр асханада, әр дәмхана пісіреді. Хычиндарды жиі айранға илеп жейді.

Жамбыл облысы әкімдігі

«Қоғамдық келісім» КММ

Баспасөз қызметі орталығы

«Мемлекеттің мәселесін мемлекеттік тілде айтуымыз керек

/in /by

«Мемлекеттің мәселесін мемлекеттік тілде айтуымыз керек. Тіліміз бізден басқа ешкімге керегі жоқ. Сондықтан, ең алдымен, өзіміз ана тілімізге құрмет көрсетуіміз керек деп ойлаймын», – деді Мемлекет басшысы телеарнаға берген сұқбатында. Расымен-ақ, дәл қазіргі сәтте тіл мәселесі қоғамда қызу талқыда жүр.

Қазақстан көпұлтты мемлекет. Ендігі кезекте, барлық мемлекет тұрғындарын қазақ тілде сөйлетуді мәжбүрлі жүзеге асыру қажет деген пікірлер айтылып жатыр. Дегенмен бұл тезистің күмән-күдігі басым. Өйткені, өз кәсібін дөңгелетіп отырған қандай да бір этнос үшін қазақ тілін меңгеру қазіргі уақытта тиімділігін туындатты. Тіпті, тілді үйренем деушілерге мемлекет тарапынан қолдаулар көрсетіледі. Бұның барлығы мемлекеттік тілдің дәрежесі биіктігін көрсетіп тұрғандай.

Қорытындылай келсек, мемлекет тарапынан жасалған қолдауларды дұрыс пайдаланып, тіл мәртебесін – көтеру Республика азаматтарының әрбірінің азаматтық борышы.

Айгүл Кабиева, Жамбыл облыстық «Әулиеата»

Қазақ мәдени орталығының төраға орынбасары

Мемлекет басшысының«Хабар24» телеарнасынан берген сұхбатын көріп отырмын

/in /by

Мемлекет басшысының«Хабар24» телеарнасынан берген сұхбатын көріп отырмын. Президент сұхбат барысында қаңтар оқиғасының себептері мен келешектегі асырылатын саяси мен әлеуметтік өзгерістер, Еліміздің сыртқы саясаттағы стратегиялық  серіктестермен қарым-қатынастарына, қабылдаған шешімдері туралы айтқан.

Қоғаммен, еліміздің тұрғындарымен еркін диалогты жалғастыра отырып, тек қоғамдық институттармен өзара әрекетпен шектелмейді. Барлық түрдегі монополияны жою туралы және бұл әрине оңай жұмыс емес екенін сөзі ерекше әсер етті.

«Лауазым-мәңгілік дүние емес»осы сөздермен толық келісемін.Әрқашанда айтып жүрмін«Байлық пен қызмет бір күндік нәрсе»,сол үшін барлықтарымыз адам қасиеттерін ұмытпай,естеріне қалатын нәтижелі жұмыс атқару керек. Барлық өзекті сұрақтарды назарға алып, жауап беру тәжірибесі мен шұғыл шешім шығару жалғасады деп сенемін.

Отанымыз дамыған мемлекеттердің қатарына кіру үшін әрбір азаматы өз деңгейдегі жұмысты сапалы орындау міндетті.

“Вынхуа” дүнгендер қауымдастығының мүшесі – Динара Нуралиева

Мемлекет басшысының бүгінгі берген сұқбатын көрдім

/in /by

Мемлекет басшысының бүгінгі берген сұқбатын көрдім. Көптеген мәселе талқыланды, көп біткен істер қорытындыланды. «Қайғылы қаңтар» оқиғасы кезінде қабылданған батыл шешімдер тәуелсіздігімізге сызат түсуінен сақтады. Қасым-Жомарт Кемелұлы өз сөзінде айтқандай, бейбіт шеруді қарақшылар өз пайдасына асырмақ болды. Дер кезінде қабылданған шаралардың арқасында еліміз қайта өз қалпына түсіп, бейбіт халықтың қорқынышы сейіле бастағандай.
Қазақстан Республикасының азаматы ретінде қалауым, жастарымыздың қаны төгілмесе екен дейміз. Халқымыз аман болып, тату болса деген тілеуіміз бар.
Абдурахман Зайнутдинов – “Тараз қаласының Өзбек этномәдени орталығы” ҚБ төрағасы

Ағымдағы жылдың 15- ақпанында “Қоғамдық келісім” КММ-де Кеңес әскерінің Ауғанстан жерінен шығарылу күніне орай

/in /by

Ағымдағы жылдың 15- ақпанында “Қоғамдық келісім” КММ-де Кеңес әскерінің Ауғанстан жерінен шығарылу күніне орай, «Естелік қоңырауы» атты әдеби-музыкалық композиция өтті. Композициялық кештің режиссері ҚР Мәдениет саласының үздігі Ольга Ізбасарова болды.

Іс-шараның негізгі мақсаты – “Рухани жаңғыру” мемлекеттік бағдарламасын іске асыру, патриоттық тәрбие беру және Ауған соғысы ардагерлерін ұлықтау.

Әдеби-музыкалық кешке Ауған соғысының ардагерлері генерал-майор Әлімжан Ерниязов, Дүкенбай Ермеков, Ералы Байшуақов және Жанна Жәңгірова, Жамбыл облысы әкімдігінің ІСБ “Қоғамдық келісім” КММ басшысы Парида Мамедова, этномәдени бірлестіктердің өкілдері, оқушылар қатысты.

Достық үйінің сахнасында Жамбыл облыстық орыс театрының актерлері зұлмат заманның зұлым көрінісін бейнелеп, көрермендерді сол қорқынышты жылдардың атмосферасына баурап алып кетті. Бұған қоса, кеш қонақтары “Белый танец”, “Кукушка” әндерін тыңдады.

Іс-шара барысында мектеп оқушылары Ауған соғысының ардагері генерал-майор Әлімжан Ерниязовтың қолынан алғашқы әскери тіркеу куәліктерін алды.

Кеш соңы Жамбыл облысының “Радонеж” орыс қауымдастығының мерекелік концертімен жалғасты. “Калинка” вокалды тобының «То не веточка черешни», «Как за Доном за рекой», «Солдатские сапоги», «Ах, эта война», «Я люблю эту землю» әндері көрермендер жүрегіне жол тауып, кештен жағымды әсер қалдырды. № 13 орта мектептің оқушысы Азалия Адилова “мен бұдан былай соғыс болмағанын қалаймын”әнін орындады.

Бұған қоса, “Белсенді ұзақ өмір сүру” орталығының Чибитко атындағы әдеби клубының отырысы өтті. Клуб мүшелері отандық ақындардың өлеңдерін оқып, естеліктерімен бөлісті.

Жамбыл облысы әкімдігінің ІСБ

«Қоғамдық келісім» КММ

Баспасөз қызметі орталығы

«Жылу» қайырымдылық акциясы

/in /by

Үстіміздегі жылдың 12 ақпанында Жамбыл облысы ҚХА «Ассамблея жастары» өңірлік қоғамдық бірлестігі «Жылу» қайырымдылық акциясын өткізді.

Акция аясында тұрғылықты үйлері өрт құрсауында қалған көпбалалы Табуровтар отбасына қайырымдылық қорын ашып, жиналған суммаға тұрмыстық қажетті заттар, азық-түлік, балаларға тәттілер жеткізді. Бұған қоса, планшет сыйлады. Алдағы күндері уақытша жалдамалы пәтерге көшуге қаржылай көмек беру қарастырылуда.

Айта кетейік, аталмыш отбасы тұратын жалдамалы үй өртке оранған болатын. Азаматша Табурова жұмыссыз, ал жолдасы мезгілдік жұмыстар атқарады. Ендігі жағдайда тілсіз жаудан зардап шеккен үй мен заттарды қалпына келтіру жұмыстары жүргізіліп жатыр.

Жамбыл облысы әкімдігінің ІСБ “Қоғамдық келісім” КММ

Баспасөз қызметі орталығы

Теміржолшылармен кездесу

/in /by

Ағымдағы жылдың 11 ақпанында Қоғамдық келісім кеңесі мүшелері Тараз қаласындағы «ҚТЖ – Жүк тасымалы» АҚ Жамбыл бөлімшесінің жұмысшыларымен кездесуі өткізілді.

Кездесудің басты мақсаты – Қоғамдық келісім кеңестері құрылған кәсіпорындарда қоғамдық бірлік пен келісімді насихаттау.

Отырысқа «Қоғамдық келісім» КММ-нің басшысы Парида Мамедова, Жамбыл облысы ҚХА қоғамдық келісім кеңесі төрағасының орынбасары Абдурахман Зайнутдинов, «Қазақстан темір жолы – Жүк тасымалы» акционерлік қоғамының «Жамбыл жол бөлімшесі ЖТ» ЖШС филиалы директорының міндетін атқарушы Дүйсенбек Сыдықов және кәсіпорын активтері мен жұмысшылар қатысты.

«Қоғамдық келісім» КММ-нің басшысы Парида Мамедова Жамбыл облысы Қазақстан халқы ассамблеясы Қоғамдық келісім кеңесінің атқарып жатқан жұмыстары туралы, ҚХА-ның ұлттар арасында татулық пен бірлікті насихаттаудағы рөлі айтып өтті.

Қоғамдық келісім кеңесі төрағасының орынбасары Абдурахман Зайнутдинов ұжымда қоғамдық бірлік пен келісімді сақтауға шақырды. Сондай-ақ, мекемеде құрылған кеңестің жұмысын жанданыру құрамына белсенді жұмысшыларды, кәсіподақ ұйымын, ардагер теміржолшыларды тарту мәселесін баса айтты.

Ал, Дүйсенбек Сыдықов жалпы кәсіпорынның жұмысы жайында хабарлады. Айтуынша, кәсіпорында жұмысшылардың 91% қазақтар, қалғандары басқада этнос өкілдері. Жалпы облыс бойынша кәсіпорында 7500 тарта адам жұмыс істейді. Мекемеде ұлтаралық сипаттағы келеңсіз жағдайлар тіркелмеген. 2022 жылдан бастап теміржол қызметкерлерінің айлық жалақысы 40 пайызға дейін жоғарылаған. Жалақы негізінен төмен айлық алатын қызметкерлерге көбірек қосылған. ҚР мемлекеттік мерекелерінде ұлтына қарамай барлық жұмысшылар бірдей марапатталады.

Жамбыл облысы әкімдігінің ІСБ “Қоғамдық келісім” КММ

Баспасөз қызметі орталығы

Аудандарда «Қоғамдық қабылдау» басталды

/in /by

Үстіміздегі жылдың қаңтар айында Жамбыл облысы  әкімдігінің жанынан «Қоғамдық қабылдау» кеңесі құрылған болатын. Бұл кеңес өзінің жұмыс бағытын қаңтар төңкерісіне қатысты арнайы комиссия құрудан бастап, жергілікті халықтың және балалары зардап шеккен ата-аналардың мұң-мұқтажын тыңдау,  көмек беру мақсатында «Коғамдық қабылдау» ұйымдастырған болатын. Осыған орай, Тараз қаласында біршама ата-аналардың арыз-өтініштері қабылданып, қарқынды жұмыстар жүргізілуде. Бұл үрдіс аудандарда да жалғасын тапты.  Осының негізінде ағымдағы жылдың 10-ақпанында Т.Рысқұлов ауданы Құлан ауылында  Жамбыл облысы әкімдігінің «Қоғамдық қабылдау» мен аймақтық ҚХА Қоғамдық келісім кеңестерінің мүшелері бірлесе отырып, ауыл тұрғындарымен кездесті. Кездесу барысында тұрғындар арасында «Қаңтар оқиғасына” байланысты адам құқығын қорғау мәселелері талқыға салынды.

«Жаңару» сыбайлас жемқорлыққа қарсы жалпыұлттық қозғалысы» РҚБ облыстық филиалының төрағасы Қасымхан Төлендиевтің жетекшілігімен ауыл тұрғындарын толғандырып жүрген көкейкесті біршама мәселелердің түйіні шешілмек.

Ал облыстық мәслихат депутаты, «Nur Otan» партиясы Жамбыл облыстық филиалы жанындағы «Jas Otan» ЖҚ төрағасы Уалихан Болатбекұлы ата-аналардың ұрпақ тәрбиесіне жіті мән бергенін қалайды. Оның айтуынша, жастар әлеуметтік желіде оқыған ақпаратының көбін сүзгіден өткізе алмайды. Яғни, қайсы ақпарат шын, ал қайсы ақпарат жалған екенін түсіне бермейді, осы себепті де ауыл, қала жастарымен жан-жақты тусіндіру және сараптама жұмыстары  жүргізілу керектігі айтылды. Сонымен бірге,  «Қоғамдық келісім» КММ басшысы Парида Иманжанқызы да көпбалалы аналармен  жүздесіп, оларды ойландырып жүрген түйткілді мәселелері мен  шағымдарына құлақ қойды. Ауыл әйелдерінің өтініш-арыздары тиісті орындарға жолданатындығы сөз болды.

Сондай-ақ, Т.Рысқұлов аудандық Қоғамдық келісім кеңесінің төрағасы С.Өтегенов  те халықтың әлеуметтік мәселелерін шешу мүмкіндігі қоғамдық тыныштық пен келісім жағдайында ғана жүзеге асатындығын айрықша атап өтті.

Жамбыл облысы әкімдігінің ІСБ «Қоғамдық келісім КММ Баспасөз қызметі орталығы

Page 20 of 22
1 … 18 19 20 21 22