Archive for year: 2022

Президент Қасым-Жомарт Тоқаев өзінің Жолдауын «қаңтар оқиғасында» зардап шеккендер мен қаза болғандарға көңіл айтудан бастады. Ел басшысы Қазақстан халқына арнаған Жолдауында бірқатар маңызды міндеттер қойды, олардың орындалу тетіктері 18 наурызда өтетін ҚР Үкіметінің кезектен тыс отырысының басты тақырыбы болмақ. Ел басшысының осы Жолдауы барша қазақстандықтардың жүрегінен ерекше орын алды десем қателеспеймін. Көпұлтты Қазақстанымыздың алдағы уақытта атқарар мақсат-міндеттерін айшықтап берген көшбасшымыздың  ел алдындағы Жолдауында айтқан ұсынымдары мен ұстанымдары  мемлекет басшысының халық алдындағы беделін одан ары арттыра түсті.

Сонымен бірге,  Мемлекет басшысы сенаттың жұмысы мен құрылымын қайта қарау қажет екенін айта келе, сенаттағы президенттік квота санын 15-тен 10 депутатқа қысқартуды ұсынды. Сондай-ақ, Қаңтар оқиғасына биліктің әділ баға беруіне қатысты құқық қорғау органдарына жүргізіліп жатқан жұмыс нәтижесін үнемі жариялап отыруларын талап етті. Осыған қоса, халыққа жолдауында супер-президенттік басқару формасынан Парламенті қуатты президенттік республикаға көшу жөнінде де былай деп мәлімдеді: «Біз еліміздің саяси моделін қайта құру мақсатында батыл қадамдарға баруымыз қажет. Мұндай жүйе билік институттарының тепе-теңдігі мен еліміздің тұрақты дамуына ықпал етеді»,-деді Президент.

Тағы бір ерекше тоқталғым кеп отырған жайт, бүкіл қазақ халқын қуанышқа жетелей жөнелген жаңалық – үш облыстың құрылуы. Өзім Шығыс Қазақстанның қызы болғандықтан, Әулиеата өңірінде өсіп-өніп жатсам да, Семей қаласын Абай облысының орталығына айналдыруы айтылғанда кеудемді керемет қуаныш кернеді. Ұлы, дана  Абай атамыздың есімі ескеріліп облысқа беріліп жатса Қазақ еліне бұдан артық қандай несібе, ырыздық бар?! -«Жаңадан құрылатын облыстардың Абай, Ұлытау, Жетісу деп аталуында ерекше мән бар. Біз ұланғайыр жеріміздің байырғы атауларын, ұлы тұлғаларымыздың есімін ұрпақ санасында жаңғырта береміз» дегенінен Президентіміздің Қазақстанның геосаяси қауіпсіздік жағдайын да ескеріп отырғандығын аңғарамыз.. Бұл тұста да мықты саясаткердің аса қырағылығын көрсетті. Осыған қоса, Қапшағай қаласын халқымыздың біртуар перзенті Дінмұхаммед Қонаевтың есімімен өзгертетіні де халықтың пікірімен сараланып, іске асатындығы сөз болды. Сонау көнеден келе жатқан Ұлытау атауымен облыс құрылып, оның орталығы Жезқазған болатындығы да қазақ елінің төбесін көкке көтертті. Жер жәннаты – Жетісудың да өзіне лайықты мәртебесіне ие болып облыс аталуы және оның  орталығы болып бекітілген, енді ғана орнын тапқан сулу да таза қала Талдықорғанның  бағы ашылмақ. Елімізді қуантар осындай елеулі өзгерістер алдағы уақытта да жалғасын табарына нық сенімдімін! Бастысы – халықтың ниеті түзу, сенімі бекем болсын!

Қасым-Жомарт Тоқаевтың Жолдауының соңында жар салған «Қызметіме түрлі адамдардың бағасынан гөрі, мемлекетімізді қорғап қалу аса маңызды. Біз өзіміздің басты игілігіміз – Тәуелсіздігімізді сақтап қалуға, ұлттық бірегейлік негіздерін нығайтуға, елімізді трансформациялауға көңіл бөлуге тиіспіз. Бұл біздің болашақ ұрпақ алдындағы қасиетті парызымыз, маған елімнің амандығы мен жерімнің тұтастығынан асқан ешбір құндылық жоқ. Мені ең алдымен, халқымның болашағы қалай болатыны толғандырады» деген сөздері жолдауды құлақ түріп тыңдаған,  зер салып көрген барша жұртшылықтың жылы жүрегіне бірден адаспай жол тапты.  Расында да, еліміздің егемендігін соншалықты  қандай күшпен, рухпен алып едік кезіндегі Желтоқсан оқиғасында, ендеше, соған сай жолымызда қанша кедергілер кездессе де, «ақпараттық соғыс» арқылы түрлі арандатулар болса да, өткендегі «қайғылы қаңтар оқиғасы» орын алса да, Ел Президенті тығырықтан шығатын жол тауып, өз халқының беделін де, қауіпсіздігін де жоғары деңгейде қорғап шықты.

Тобықтай түйін: Осындай жеті жұрттың тілін біліп, мықты, көрегенді дипломат ретінде бұрыннан елімізге танымал ірі тұлға, алпауыт елдер мен дамыған елдердің ортасында алтын көпір болып отырған,  сабырлы да салмақты, өжет мінезді жан, сындарлы саясаты бар ел перзенті – Президентімізді қалай қолдамассың?!

Қайырлы Қазақ елі, Жаңа Қазақстанды дамыту жолында ел дегенде еміреніп, жұрт дегенде жүгініп қызмет ететін кез келді. Іске сәт!

Айгүл Кабиева,

М.Х.Дулати атындағы Тараз өңірлік Университетінің

«Мәдениет және өнер» кафедрасының

меңгерушісі,  профессор,

ҚР Мәдениет қайраткері, ҚХА мүшесі   

Бүгін Мемлекет басшысы Қасым-Жомарт Тоқаев Қазақстан халқына Жолдауын жариялады. Елбасы өз сөзінде   Қазақстан халқына Жолдауында саяси жүйені жаңғырту, ел қызметінің барлық салаларында реформаларды әзірлеу және қабылдау бойынша басымдықтар, бірінші кезекте, өңірлер мен елдің әлеуметтік – экономикалық дамуы бойынша өзекті мәселелер қозғалды. Жолдауда атап өтілгендей: билік пен азаматтық қоғамның міндеті – елдегі келісім мен тұрақтылыққа қол жеткізу үшін Өңірлерді дамыту шеңберінде әлеуметтік жобаларды, жоспарларды, бағдарламаларды іске асыруда тетік болу.

Азаматтық қоғам мен биліктің дамуының өзектілігі күн сайын артып келеді, өйткені прогрессивті азаматтық қоғамды қалыптастырудың тактикасы мен стратегиясы және әлеуметтік -экономикалық, индустриалды жетістіктер мен өзгерістерге дайын елдегі күшті билік теорияны немесе тұжырымдаманы таңдауға байланысты. Жолдауда сондай-ақ, билік пен қоғамның өзара іс-қимылы дамушы қоғамдастықтың және тұтастай мемлекеттің перспективаларын айқындайтыны атап өтілді. Біз демократиялық, қоғамға ұмтыламыз, онда әркім өзінің жеке үлесі мен жеке кәсіби қасиеттері бойынша бағалануы керек. Осыған байланысты әлемде болып жатқан жағдайды байыпты қайта қарастыру – бұл жалпы қоғам, саяси партиялар мен қозғалыстар, Қоғамдық ұйымдар және білім беру жүйелерін жүзеге асыратын зор дүниетанымдық, идеологиялық жұмыстың бөлігі.

Қазақстан Республикасының Президенті Қасым-Жомарт Тоқаев Қазақстан халқына үндеу жасап, жалпыұлттық бірлікке, тұрақтылыққа, жасампаздыққа, қоғамдық келісімге шақырды. Мемлекет басшысы жаңа Қазақстанның құрылысы бойынша институционалдық реформалардың іс-қимыл жоспарларының жобаларын ұсынды. Біз ел президенті Қасым-Жомарт Тоқаевқа елдің әлеуметтік – экономикалық өсуін тұрақтандыруға, дамытуға бағытталған мемлекеттік саясатты ілгерілетуде қолдау көрсетеміз. Ел үшін қиын уақытта-халықаралық пандемия, геосаяси халықаралық келіспеушіліктер кезеңінде мемлекеттің тұрақты дамуы үшін қажетті жағдайлар және бірінші кезекте-отандық бизнесті қолдауға арналған басымдықтар жасалуда; ел азаматтарына әлеуметтік қызметтерге қолжетімділік, оның ішінде атаулы әлеуметтік қолдау, проблемаларды жергілікті жерлерде жедел шешу ұсынылады. Біз еліміздің Президенті әлемге әйгілі адам – Қасым-Жомарт Тоқаевқа қолдау көрсетеміз және біздің әрқайсымыз реформаны ілгерілетуге және ауданымыздың, облысымыздың, республикамыздың гүлденуіне өз үлесімізді қосып, сүйікті Республикамызды жаңа жетістіктер мен табыстарға жетелеуіміз керек. Ол біздің Отанымызда бейбітшілікті, жалпыұлттық топтасуды, тұрақтылықты нығайту, қоғамдық келісімді, бұзылмайтын бірлікті сақтау және құрметтеуді – өзінің қасиетті парызы деп санайды. Сонымен қатар, Қасым-Жомарт Тоқаев билік институттарының оңтайлы теңгерімін қамтамасыз ететін саяси саланы жаңғырту шараларын да оңтайлы ұсынды. Мемлекет басшысы Президенттің ең жақын туыстарының саяси лауазымдарды, сондай-ақ мемлекеттік қызметшілер мен квазимемлекеттік сектордағы басшыларды атқаруына заңнамалық тыйым салуды енгізуді ұсынды. Бұл лоббистік мүдделердің тәуекелдері төмендейтін мемлекеттік сектордың тиімдірек жұмыс істеу перспективасына жасалған қадам. Керемет, өте мықты шешімдер!!

Турдыева Мухабат Абдрахмановна,

Махмұт Қашқари атындағы

Ұйғыр этномәдени бірлестігінің  төрайымы, ҚХА мүшесі

Ақпараттық соғыс кейде қарулы соғыстан да қауіпті болады. Арандату мен жүгенсіз ақпараттардың торына түскен адамдар саналарын үрей мен күдік жайлап, әлеуметтік желілерде түрлі жағымсыз пікірлер қалдырып жатады.  Полиэтносты, поликонфессиялы  Қазақстанымызда мұндай пікірлерге орын қалмау керек. Күні кеше ғана орыс ұлтынан Мыскина Александра атты қарапайым қыз өз парақшасынан «Қазақстан – менің Жерұйығым» флешмобын жариялап, «Қазақстанның көпұлтты әлемін құртуға жол бермейтіндігінен» хабардар етті. Және де қазақ тілін де еш қиындықсыз үйренуге болатындығы және оған қатысты қаншама тіл үйренуге мүмкіндіктер мен жағдай жасалғандығынан еш қиындық болмайтындығы  жөнінде де сөз еткен. Осыған орай, орыс қарындасымыз бен қандасымызды мен де өз тарапымнан және Жуалы аудандық шешен-ингуштар атынан толық қолдаймын! Расында да, қай тілді меңгеремін десе де, барлық ұлт өкілдеріне ақысыз оқуға барлық жағдай жасалған, соны кейінге қалдыра бермей іске асыру маңызды. Алып-қашпа дәлелсіз ақпараттардан – қарусыз соғыстан да бойымыз бен сана-сезімімізді аулақ ұстайық.

Біз барлығымыз біртұтас – бір Елміз! Барша қазақстандықтардың тілегі де бір – бейбіт өмірде тату-тәтті өмір сүру. Құқығымыз да бір. Әлемде аякасты сұрапыл соғыс болды деп елестетіңіздерші бір сәт, жағдайымыз не болады ал?! Әрине, адамзат күнін көре алмай кетер еді, басымен қайғы боп..мұны ойлаудың өзі жан түшіктіреді. Сондықтан да, бар бейбітшілігімізге қанағат етіп, бір-бірімізге теріс пікірлер айтып, санамызды зақымдамай, бос дүрбелең, жағымсыз ойлар мен ақылсыз айлаларға бармай дұрыс, жағымды пікірде болайық. Еліміз аман, жұртымыз тыныш болсын!

Жамбыл облысы, Жуалы аудандық «Вайнах»

шешен-ингуш этномәдени бірлестігінің төрағасы Лечи Оздамиров

2022 жылдың 5 наурызында «Қоғамдық келісім» КММ-де 8 наурыз -Халықаралық әйелдер күніне арналған мерекелік концерт өтті. Ұйымдастырушылар – Жамбыл облысының Немістер қоғамы болды. Бағдарламада адамзаттың әдемі жаратылысы – әйелдер қауымына арналған түрлі көңіл көтерер ізгі құттықтаулар мен әзіл-оспақтар көп болды.

Концерттік бағдарлама вокалдық және хореографиялық нөмірлерден тұрды. “Инфинити” хореографиялық тобы “Қара жорға”, “Масалар”билерін орындады. “Эремурс” хореографиялық тобының орындауындағы “Түнгі Верона патшалары” биі  көрермендерді  ерекше тамсандырды.

Сондай-ақ, вокалдық нөмірлер де жиналған қауымның жүрегіне жол тауып жатты. Мәселен, “Juwel” тобының орындауында “Анама 8-наурызға”, “Federkleid”, “Danke”, “Мені сүй” әндері, “Singende Herzen” тобы көрермендерді “Уақыты келеді”, “Es zogen auf sonnlge wegen”, “Wo die Nordseewellen”, “Тум балалайка” әндері және Илья Филипповтың орындауында “«Ягода-малинка» әні тамаша шырқалып, шараның шырайын кіргізді.

Жамбыл облысы әкімдігінің ІСБ

«Қоғамдық келісім» КММ Баспасөз қызметі орталығы