Жамбыл облысы әкімдігінің ішкі саясат басқармасының «Қоғамдық келісім» коммуналдық мемлекеттік мекемесі

Жас ғалымдар бақ сынасқан бәсеке өз мәресіне жетті

20/06/2019/in Жаңалықтар /by Администратор

Ағымдағы жылдың маусым айында Жамбыл облысы Қазақстан халқы ассамблеясы, Жамбыл облысы әкімі аппаратының «Қоғамдық келісім» коммуналдық мемлекеттік мекемесінің ұймдастыруымен жастар жылына орай облыстық жастар startup жобалары байқауы өткізілді.

«2019 – жастардың инновациялық әлеуеті» атауымен өтіп жатқан жобалар байқауына қатысушылардың еңбектерін Жамбыл облысы әкімі аппаратының «Қоғамдық келісім» коммуналдық мемлекеттік мекемесінің ғылыми-сараптамалық қолдау бөлімі бекітілген ереже мен тәртіп-талаптарына сай қабылдап алды.

Байқаудың басты мақсаты бизнес-қоғамдастықтың әлеуметтік стартаптарын сараптамалық және қаржылық қолдау үшін орта құру, қатысушылар арасында өзара тәжірибе мен идеялар алмасатын, сүйемелдейтін коммуникациялық алаң қалыптастыру, әлеуметтік кәсіпкерлік тақырыбын насихаттау және дарынды жастар, студенттер, ауыл жастарының жас мамандарына арналған белгілі бір орта қалыптастыру. Сондай-ақ, өзгермелі әлем жағдайында Қазақстанның этносаясатын жетілдіру бойынша жаңа идеяларды іздеу.

Аталған байқауда 14 жастан 17 жасқа дейінгі оқушылар, 16 жастан 21 жасқа дейінгі орта арнаулы оқу орындарының студенттері, 18 жастан 29 жасқа дейінгі жоғары оқу орындарының студенттері мен жас зерттеушілері және Қазақстан халқы Ассамблеясы этномәдени бірлестіктерінің жастар көшбасшылары бақ сынасты. Оларға жастардың әлеуметтік мәселелерін шешу, энергетика өнеркәсібі, жоғары технологиялар, ғылыми әзірлемелер, басқару және білім беру, өндіріс және технология, IT-сала және инфрақұрылым, өмір сапасын жақсарту, қоғамда табысқа жету, бәсекеге қабілеттілік және білім идеяларын насихаттау, ақпараттық ілгерілету жолымен қоғамдық сананы жаңғырту, Қазақстанның жаңғыруы: жаңа патриотизм сынды түрлі тақырыптарда жоба жасау ұсынылған. Байқауға қатысушылардың еңбектері арнайы құрылған комиссия құрамының қойылған талап тілектеріне сай қарастырылып, талқыланды. Қазылар алқасының жетекшісі М. Х. Дулати атындағы Тараз мемлекеттік университетінің “Философия және саясаттану” кафедрасының меңгерушісі, доценті, Жамбыл облысы Қазақстан халқы ассамблеясының ғылыми-сараптамалық тобының мүшесі, философия ғылымдарының кандидаты Кульбаева Дина Дуйсебайқызы «Байқау өте тартысты өтті. Жас ғалымдардың көптігі, олардың тапқырлығы, дұрыс ойлап, тың дүниелерді ұсынып жатқаны бізді расында қатты қуантты. Шынын айтқанда біз олардың еңбектеріне қарай өз жүлделерін тағайындауда біраз қиындықтар болды. Себебі, бірінен бірі өтіп тұр. Осы тұста әділ әрі шынайы шешім қабылдап жүлделі деп танылған еңбектерді «Жастардың әлеуметтік мәселелерін шешу», «Өмір сүру сапасын жақсарту», «Ғылыми әзірлемелер» сынды үш топқа бөліп марапаттауды жөн көрдік. Сондай-ақ, үзік жобалармен алдағы уақытта жұмыс жасау жоспарда бар. Жастар жылына орай ұйымдастырылған бұл жоба жемісті болсын демекпін»- дейді.

Жас ғалымдардың жүлдесін Жамбыл облысының әкімі аппаратының «Қоғамдық келісім» КММ басшысы Убайдуллаева Рано Махсудқызы табыстады. «Жастардың әлеуметтік мәселелерін шешу» бағыты бойынша бас жүлде Марденова Русланаға бұйырды. Аталған бағыт бойынша Сулейманова Алуа бірінші орынды, Ибрагимов Кемран екінші орынды, Альчикенова Сымбат және Сағындықова Ақдана үшінші орынды иеленді. «Өмір сүру сапасын жақсарту» бағыты бойынша Айтикенова Ромина бас жүлдені қанжығаласа, Уманец Алина және Цой Елена бірініші орынды, Конырова Дарига екінші орынды, Зарамба Владимир үшінші орын тұғырынан көрінді. «Ғылыми әзірлемелер» бағыты бойынша бас жүлде Иманалиев Талғатқа, бірінші орын Шакшабаев Нуржанға, екінші орын Егембердиев Даулетке, үшінші орын Равилов Ренат және Ануарбекова Лунараға бұйырды. Жүлдегерлерге арнайы алғыс хаттар және ақшалай сыйлықтар табыс етілді. Сондай-ақ, байқауға қатысушы басқа үміткерлерге ынталандыру сыйлықтары үлестірілді.

Жамбыл облысы әкімі аппаратының

«Қоғамдық келісім» КММ

баспасөз қызметі

Аймақта ассамблеяның ХХІІ сессиясы өтті

15/06/2019/in Жаңалықтар /by Администратор

«Тұрақтылық пен келісім – әлеуметтік бірлік пен жаңғыру кепілі».Аймақтағы Достық үйінде осындай ататуымен Жамбыл облысы Қазақстан халқы ассамблеясының ХХІI сессиясы өтті.

Кезекті сессияға Жамбыл облысының әкімі әрі ассамблеяның аймақтық төрағасы Мырзахметов Асқар Исабекұлы, облыс ассамблеясының өкілдері мен ардагерлері, қоғамдық келісім кеңестерінің төрағалары мен мүшелері, облыстық мәслихаттың «Бірлік» депутаттық тобы мүшелері, діни бірлестіктер мен үкіметтік емес ұйымдарының басшылары, жоғары оқу орындарының ректорлары, мекеме басшылары, Тараз қаласы мен аудан медиаторлары, қалалық және облыстық БАҚ тілшілері қатысты. Аталған іс-шараға барлығы – 280 адам қамтылды.

Кезекті сессияны өткізудегі басты мақсат ҚХА мемлекеттік органдарымен қоғамдағы этносаралық келісім мен бірлікті одан әрі нығайту, Жамбыл облысы өңіріндегі қоғамдық-саяси тұрақтылықты қатамасыз ету, мемлекеттік және азаматтық қоғам институттарының этносаралық қатынастар саласындағы өзара іс-қимылының тиімділігін арттыру болып табылады.

Биылғы жылы қатарынан 22 – ші рет өткен сессияныңбасы Достық үйінің 2-ші қабатындағы түрлі көрмелерді тамашалаумен басталды. Мұнда – «Қазақтану», «Туған жер» жобалары аясында жасалған қолөнер бұйымдары қойылып, Ұлы дала қазынасы, Ауыл шаруашылығындағы стартаптардың көрмелері ұйымдастырылған. Сонымен қатар, балалар шығармашылығынан, туған жердің пейзаждарын бейнелеуден, «Басқұр» тоқыма қолөнерінен, этномәденибірлестіктер фольклорлық шеберлерінің шеберлік-класының түрлі бұйымдары жиылған жұрттың назарына ұсынылды.

Көрмені тегіс аралап болған қонақтар ары қарай сессия жұмысына кірісті. Сессияны облыстық ассамблея төрағасының орынбасары, хатшылық меңгерушісі,модератор – Қожаева Маржан Төреғұлқызы облыс ассамблеясы төрағасының Қоғамдық орынбасарын тағайындаумен бастады. Аталған лауазымға “Қазақстан халқы Ассамблеясы туралы” ҚР Заңына сәйкес, облыстық Қазақстан халқы ассамблеясы Кеңесінің шешіміменҚазақстан халқы Ассамблеясының мүшесі, “Бірлік” облыстық Қазақстан халқы ассамблеясының депутаттық тобы басшысының орынбасары, меценат Юрий Васильевич Минаков тағайындалды. Хатшылық меңгерушісі бүгінгі күнге дейін Қоғамдық орынбасар міндетін атқарған Руслан Бәкірұлы Исмазовқа облыстық ассамблея мүшелерінің атынанқызметтегі белсенділігі үшін зор алғысын білдірді.Ары қарай сессия қатысушыларын «Тұрақтылық пен келісім – әлеуметтік бірлік пен жаңғырту кепілі»атты баяндамасымен таныстырды.Маржан Төреғұлқызы «Қазақстан халқы Ассамблеясының төрағасы Нұрсұлтан Әбішұлы Назарбаев Ассамблеяның құрылған күннен бастап еліміздегі мызғымас бірліктің ұйытқысы, сарқылмас берекенің бастауы болып келе жатқанын, бүгінгі таңда бұл құрылым көп этносты елімізді біртұтас ұлтқа біріктіріп отырғандығын атап өтіп, Ассамблея әрдайым еліміздегі татулық пен тұрақтылықтың ең басты кепілі болып қала береді деп сенім білдірді.

Бүгінде облысымызда 87 этнос өкілдері тұрады және 75 этномәдени бірлестік жұмыс істейді. Есепті кезеңде 170 мыңнан астам адамды қамтыған 1376 іс-шара өткізілді. 2019 жылдан бастап Ассамблея құрылымына қоғамдық аккредитациядан өткен этномәдени бірлестіктер кіреді.Облыс бойыншааккредиттеу комиссиясында32 этномәдени бірлестіктің өтініші қаралып, мақұлданды. Оның ішінде 25 облыстық, 1 қалалық және 6 аудандық бірлестік бар»- деді өз есебінде. Хатшылық меңгерушісі баяндама барысында атқарыған жұмыстарға оның ішінде әрбір іс-шараға жергілікті бюджеттен бөлінген қаражат пен қамтылған адам санына рет-ретімен тоқталып есеп берді.

Маражан Төреғұлқызы өз баяндамасынан кейін жарыссөз кезегін Жамбыл облысы Қазақстан халқы ассамблеясының Ғылыми – сараптамалық кеңесінің төрағасы, М.Х.Дулати атындағы ТарМУ ректоры Сарыбеков Махметғали Нұрғалиұлына ұсынды.

Кеңес төрағасы «Қоғамдық сананы жаңғырту жағдайындағы Қазақстан халқы Ассамблеясының қызметін ғылыми-сараптамалық сүйемелдеудің рөлі» туралы өз баяндамасын жасап алғашқы жарты жылдық облыстық ғылыми – сараптамалық кеңесінің есебін берді.

Жарыссөз мінберіне келесі болып “Жамбыл облысы аумағында экологиялық гофрленген картон шығару” жобасының авторы Аралбаева Диана Берікқызы шықты. Жоба жетекшісі «Ұсынылып отырған жобада гофрленген картон өндірісі тас қағаз негізінде қарастырылады, ол 70% кальций карбонатынан (әктас) және 30% құпия компоненттерден тұрады. Бүкіл әлемде ұқсас қаптаманы тек Қытайда шығарады. Алайда, ТМД елдеріне бұл елден логистика мен тауардың бағасына байланысты сатып алу тиімді емес. Жамбыл облысында өндірістің орналасуы жоспарлануда, ал бұл логистиканы және сапалы әктас шоғырының үлкен қорын ескере отырып, өте тиімді орналасқан жері. Бұл өнім жаңа ұрпақтың озық технологияларын қолдана отырып, экологиялық таза өндіріс болып табылады. Жобаның әлеуметтік мәні: ағаштарды сақтау, су қорын сақтау және энергия шығындарын қысқарту. Демек, мұндай қағаз өндірісі миллиондаған гектар орманды құтқара алады. Сондай-ақ осы технологияға патенті бар қытай компаниясымен шарт жасалды. Біздің өнімнің қытайлық ерекшелігі жеңіл салмақ пен төмен баға болып табылады (бағаның айтарлықтай төмендеуі үшін біз белгілі бір компоненттерді ауыстырдық). Жылына ТЭН бойынша осы кәсіпорын (техникалық-экономикалық негіздеме) орташа есеппен 2 миллион АҚШ долларын таза пайда әкеледі»-деді, өз баяндамасында.

Сессия барысында Жамбыл облыстық сотының судьясы Нұрлыбаева Динара Ничаевна, “Жамбыл облысының егіс алқаптарында жаңа тыңайтқыштарды пайдалану мүмкіндіктері туралы” стартап жобасының авторы Егембердиев Дәулет Қанатұлы, “Жамбыл облысының Өзбек этномәдени бірлестігі” қоғамдық бірлестігінің мүшесі Умаров Гулам Мұхтарұлы және “Амазонка” онкологиялық науқастарды қолдау қайырымдылық қорының жетекшісі Сарьян Анжелика Грантовналар өз баяндамаларын жасады.

Сессияда арқау болған тағы бір мәселе Жамбыл облысы Қазақстан халқы ассамблеясының құрамын бекіту болатын. Аталған мәселеге орай Қазақстан Республикасының “Қазақстан халқы Ассамблеясы туралы” Заңының 15 бабының 4 және 5 тармақтарына сәйкес, этномәдени бірлестіктердің ұсыныстары негізінде шешім шығарылды. Нәтежиесінде облыстық ассамблеяға мүшелікке 205 адам бекітілді.

Сессия соңы Жамбыл облысы әкімі, облыстық ассамблея төрағасы Мырзахметов Асқар Исабекұлының «Біздегі басты мәселе облыстың эконмикасын арттыруымыз керек. Оның ішінде аудандық және ауылдық округтарды көркейту, жұмыспен қамту, ауылдарға қоныс аударған өзге этнос өкілдерінің қандайда бір айналысатын шаруаларына қолдау көрсетуіміз шарт. Бәрінен бұрын жұмыссыздықпен бел шеше кірісуіміз керек. Қазіргі таңда облыстық әкімшілікте аталған мәселерді қарастыратын арнайы бөлім жұміс істейді.Мәселен жаңа ғана сөйлеген Диана Аралбаева жобасын жүзеге асыруымыз болады.Бұл жобаны жүзеге асыру үшін облысымыздағы бірнеше банкпен жұмыс жасауға болады.Сондай-ақ, аудандар мен Тараз қаласының әкімдеріне, облыс әкімдігінің басқармаларына: Қазақстан халқы Ассамблеясының хатшылығымен бірлесе отырып, әлеуметтік бірлікті нығайту мақсатында медиация институтын пайдалана отырып, туындаған даулы мәселелердің алдын алуды және уақытылы шешуді қамтамасыз ету керек. Жастардың стартап жобалары мен идеяларын анықтау және қолдау бойынша жұмысты жетілдіру қажет. Сондай-ақ, Қоғамдық келісім кеңестерінің өзекті жаңғырту міндеттерін орындауға азаматтық қатысуын кеңейтуді тапсырамын.»-дегенқортынды сөзімен тәмамдалды.

Жамбыл облысы әкімі аппараты

«Қоғамдық келісім» КММ

баспасөз қызметі

Таразда отбасы орталығы ашылды

31/05/2019/in Жаңалықтар /by Администратор

Балаларды қорғау күні қарсаңында, Достық үйі ғимаратында, Қазақстан халқы Ассамблеясы және облыстық соттың ұйымдастыруымен «Отбасы» орталығы ашылды.

Ашылу салтанатының рәсімді облыстық сот алқасының төрағасы Жомарт Рүстембеков пен облыстық ассамблея төрағасының орынбасары, хатшылық меңгерушісі Қожаева Маржан Төреғұлқызы өткізді. Аталған іс-шара отбасылық сот пилоттық жобасын іске асыру шеңберінде өткізілді.

Салтанатты шараға Жамбыл облыстық сотының сот алқасының төрағасы Жомарт Рүстембеков, облыс судьялары, Жамбыл облыстық ҚХА хатшылығының меңгерушісі Маржан Қожаева, облыстық Әділет өкілі Ләззат Әбішева, аналар кеңесінің өкілдері, ақсақалдар, этномәдени бірлестіктердің мүшелері, ҚХА медиаторлары, “Бастау” отбасын ресурстық қолдау жөніндегі жұмыс тобының өкілдері, адвокаттар, заңгерлер, қорғаншылық және қамқоршылық органдарының және басқа да мемлекеттік органдардың қызметкерлері, БАҚ өкілдері қатысты.

Медиация кабинетінде осындай орталықты құрудың басты мақсаты араздасқан отбасыларды татуластыру және отбасылық құндылықтарды сақтау, сондай-ақ отбасылық жанжалдарды реттеу бойынша қызметтер кешенін көрсету орталығына айналадыру.

Шара барысында Жамбыл облысы ҚХА хатшылығының меңгерушісі Қожаева Маржан Төреғұлқызы 2017 жылы Елбасы Нұрсұлтан Назарбаев Тараз қаласына бағытталған сапарында отбасы, неке, жастар мәселелеріне ерекше алаңдайтынын және аталған мәселелер бойынша жұмыс жасалуын тапсырғандығын атап өтті. Сондай-ақ, осы тапсырмаларға сай, бүгінде Аналар кеңесі және медиация кабинеті көптеген жұмыстар атқарып жатқандығын жеткізді.

Жамбыл облыстық сотының сот алқасының төрағасы Жомарт Рүстембеков облыстық Қазақстан халқы ассамблеясына осындай орталықты құруға мүмкіндік беріп, бірге жұдырық жұмылдыра жұмыс істегені үшін алғысын білдірді. Сот алқасының төрағасы: «Бұдан әрі орталықта отбасы-неке даулары бойынша дауларды сотқа дейін және соттан тыс реттеу институтын дамыту шараларының жүргізілетінін атап өтті. Алда мұндай іс-шараларға бітімгер-судьялар, медиаторлар, психологтар мен әлеуметтанушылар қатысады және олардың міндеті жанжал жасаушы ерлі-зайыптыларды татуластыру және ажырасу санын мейлінше азайту болып табылады»- дейді.

Сонымен қатар іс-шара барысында Жамбыл облысы Әділет департаментінің өкілі Ләззат Әбішева «Отбасылық сот» атты жаңа жобамен таныстырып, АХАТ органдарына өтініш білдірген жас жұптарға тегін курс-тренингтерді ұйымдастыру, ерлі-зайыптылардың, ата-аналардың жеке, мүліктік құқықтары мен міндеттеріне, алименттік міндеттемелерге, бала құқықтарына байланысты құқықтық кеңес беру мәселелері туралы айтып өтті.

Медиация кабинеті осындай орталықты құру арқылы енді отбасыларды татуластыру және отбасылық құндылықтарды сақтау, жанжалдарды реттеу бойынша қызметтер кешенін көрсету орталығына айналады.

Жамбыл облысы әкімінің аппаратының

“Қоғамдық келісім” КММ

баспасөз қызметі

Өткенге құрмет – мәңгілік міндет Тараздықтар саяси қуғын-сүргіннің құрбандарын еске алды

31/05/2019/in Жаңалықтар /by Администратор

31 мамыр саяси қуғын-сүргін құрбандарын еске алу күні. Аталған атаулы күнге орай Жамбыл облысы Қазақстан халқы ассамблеясы мен облыс әкімі аппаратының «Қоғамдық келісім» КММ бірлесе отырып «Өткенге құрмет – мәңгілік міндет» атты еске алу кешін өткізді.

Шараға облыстық этномәдени бірлестік басшылары мен өкілдері, зобалаң жылдары ажал құшқан құрбандардың ұрпақтары, Аналар, ақсақалдар кеңестері , «Ақ желкен» жастар лигасы, «Жаңғыру жолы» жастар қозғалысы және БАҚ өкілдері қатысты.

ХХ ғасырдың 1930-1938 аралығындағы жылдар ел тарихында демін ішіне тартып, қылышынан қан тамып тұрған азапты жылдар. Бұл жылдары қазақ даласына әлемнің әр түпкірінен түрлі ұлт өкілдері айдауға келіп, яғни туған жерлерінен жер аударылып жатты. Нәубетті жылдары өзі жарымай отырған қазақтар жер ауып келген этностарды бөтен деместен, бөгде деместен бауырына тартты. Бір үзім нандарын бөліп берді. Қазіргі таңда осы кезеңді еске алса ерекше толғанатын этнос өкілдері қазақтарға шын жүректерінен алғыстарын айтады. Атамекеннен айырылып айдауда жүрген азаматтарға пана болған еліміздің бауырмалдық, қонақжайлық қасиетін этнос өкілдері ерекеше бағалайды. Бүгінде олар бірлігі бекем, тірлігі көркем елдің халқына айналған.

Кеш, бір минуттық үнсіздікпен солақай саясаттың құрбандарын еске алумен басталды. Аталған іс-шарада тарих қойнауындағы осы бір жылдардың көрінісі қайта жаңғырды. Бұған негіз болған кеш барысындағы «Әулие-Ата» қазақ мәдени орталығының» жастарының азапты жылдардан үзінді ретіндегі ұйымдастырылған театрланған қойылымы болды. Сонымен қатар, облыстық ассамблеяның белсенді жастары биге негізделіп ұсынған қуғын-сүргіннің көрінісі және «Болашақ» вокалдық триосының әндері мен этнос өкілдері, этнос жастарының сөйлеген сөздері жиылған жұртты бір сәт өткеніне оралдырды. «Жыл сайын 31 мамырда Қазақстанда саяси қуғын-сүргін құрбандарын еске алу және қайғыру күні атап өтіледі», – деді Жамбыл облысындағы «Қоғамдық келісім» КММ басшысы Убайдуллаева Рано Махсұдқызы. – Өткен ғасырдың 20-30 жылдарындағы ашаршылық құрбандарын ұмытуға болмайды. Қиын кездерге қарамастан, Қазақстан халқы өз ауыртпалықтарына қарамастан, амалсыздықтан қоныс аударған көптеген этникалық топтардың өкілдерін өз туыстарындай қарсы алып, бір нанды бөлісіп жеді. Ендеше, еліміздің біртұтастығы мен бірлігіне тағзым етейік! ».

Өшкені жанып, өткені жаңғырған кеш соңы саяси қуғын-сүргін құрбандарының ұрпақтарына сый-сияпаттар табыс етумен тәмамдалды.

Жамбыл облысы әкімі аппаратының

«Қоғамдық келісім» КММ

баспасөз қызметі

Таразда А.Л.Нахмановичтің 95 жылдығына орай еврейлердің этнос күні өтті

30/05/2019/in Жаңалықтар /by Администратор

2019 жылдың мамыр айында Жамбыл облысының Байзақов ауданы, «Түймекент» ауылында Ғазиз Байтасов атындағы орта мектепте А.Л. Нахмановичтің 95 жылдығына арналған «Шиват-Цион» еврей этномәдени орталығының этнос күні өтті. Іс-шара «Өмірлері қиын жағдайда қалған балалар» орталығының тәрбиеленушілерімен бірлесіп ұйымдастырылды.

Іс-шараның мақсаты – этносаралық қарым-қатынастарды үйлестіру және Жамбыл облысындағы еврейлердің этносының мәдениетін, тарихын, салт-дәстүрін сақтау. Этнос күні Жамбыл облысының Свердлов ауданы, Ұлы Отан соғысының батыры, Социалистік еңбек ері және де Қазақстан Республикасының құрметті азаматы, «Трудовой пахарь» колхозының председателі Александр Нахмановичке арналған еді. «Биылғы жылы біз этнос күнін сәл өзгеше түрде өткізуді ұйғардық», – дей келе, Жамбыл облысы «Шиват Цион» еврей этномәдени орталығының қоғамдық бірлестігінің төрағасы кештен біраз мағлұмат берді. – «Бұл бұрынғыдан өзгерек еске алу кеші болды. Бүгін біз жарқын үлгі болып табылатын, мейірімді және жанашыр жүректі, есімі ел есінде қалған құрметті азамат Александр Нахмановичті еске алудамыз. Біз – біртұтас отбасымыз, біздің ортақ үйіміздің болашағы – Қазақстан. Кез-келген қиындықтарға қарамастан, біз-еврейлер, басқа ұлттар арасында жоғалып кетпедік, тілімізді, мәдениетіміз бен салт-дәстүрлеріміз, әдет-ғұрыптарымызды сақтай алдық. Мұның бәрі – Мемлекет басшысының, Қазақстан үкіметінің дана саясатының және қазақтардың мейірімділігінің арқасы. Қазір этносаралық қарым-қатынастарда бірлік пен үйлесімділікті дамытуға үлес қосудамыз».

Сөз соңында Л.Корнилина жиналған жұртшылықты этнос күнімен құттықтап, еңбек жолдарына сәттілік, бейбітшілік пен келісім, тұрақтылық пен достық тіледі.

Іс-шара барысында жастарды тәрбиелеу, ата-бабаларымыздың рухына ғибадат етуге байланысты дәстүрлерді сақтау және басқа да этникалық сипаттамаларды дәріптеу мәселелеріне көп көңіл бөлінді. Қоғамдық бірлестік басшысы атқарылған жұмыстарды саралап, баяндамашылар еврейлердің Қазақстан экономикасына қосқан үлестері туралы, халық шаруашылығының түрлі салаларын дамыту туралы ой өрбітті. Жиналғандар мониторлық экраннан еврей этносының тарихынан мағлұмат алып, орталықтың атқарған іс-шараларының суреттерін тамашалады.

Кеш соңы концертке жалғасты. Әртүрлі этникалық топтардың балалары мемлекеттік тілде өздерінің патриоттық әндерін орындап, алғыс хаттар мен мақтау қағаздарымен марапатталды.

Шараның құрметті қонағы, А.Нахмановичтің досы, замандасы, «Түймекент» ауылы ардагерлер кеңесінің төрағасы – Бозай Оразалы Төлендіұлы: «Мен депортацияланған халықтардың қайғысы туралы жақсы білемін, өйткені еврейлер туған жерінен мәжбүрлі түрде қазақ жерлеріне қоныстанды», – деді ол. – Соғыстан кейін Жамбыл облысына оралған Александр Львович «Джамбульский» қант совхозында есепші және бөлім меңгерушісі болып жұмыс істей бастады, кейін ол «Трудовой пахарь» колхозының председателі болып тағайындалды. Нәтижесінде ол арнайы бригадалық топтарын ұйымдастырып, колхоздың еңбек ету деңгейін жоғары дәрежеге жеткізді. КСРО Жоғарғы Кеңесі Президиумының 1965 жылғы 31 желтоқсандағы қаулысымен «Ленин ордені» және «Серп и Молот» алтын медальдарымен наградтталып, оған Социалистік Еңбек Ері атағы берілді. Биыл тірі болса 95 жаста болар еді».

Іс-шараның екінші жартысында «Шиват Цион» еврей мәдени орталығының қоғамдық бірлестігінің ұйымдастыруымен Ғазиз Байтасов атындағы мектептің асханасында №1 Балалар үйінің тәрбиеленушілеріне арнап қайырымдылық түскі ас берілді.

Жамбыл облысы әкімі аппараты«Қоғамдық келісім» КММбаспасөз қызметі

Жамбылда халықаралық ғылыми-тәжірибелік конференция өтті

29/05/2019/in Жаңалықтар /by Администратор

31 мамыр саяси қуғын – сүргін құрбандарын еске алу күні. Солақай саясаттың зардабын тартқан құрбандарды еске алып Жамбыл облысы Қазақстан халқы ассамблеясы және Жамбыл облысы әкімі аппаратының «Қоғамдық келісім» коммуналдық мемлекеттік мекемесі халықаралық ғылыми-тәжірибелік конференциясын өткізді.

«Қазақстан халқының жады мен бірлігі – қоғамдық келісімді нығайтудың негізі: департациялаудың тарихи сабақтары» атты конференцияға Жамбыл облысы Қазақстан халқы ассамблеясының этномәдени бірлестіктері, қуғын – сүргін құрбандарының ұрпақтары, Аналар, ақсақалдар кеңестер, «Ақ желкен» жастар лигасы, өңірлік тарихшы-ғалымдар және БАҚ өкілдері қатысты.

Ғылыми-тәжірибелік конференцияның мақсаты: Қазақстанға 30-40 жылдары этнос және этникалық топтардың депортациялау мәселелерін талдау және негіздеу. Жер аударылған халықтардың тарихын зерделеудегі жаңа тәсілдерді қарастыру, бұл осы проблеманы жан-жақты, объективті түрде насихаттауға мүмкіндік берді. Бұл мәселе зерттеушілерге оның көптеген аспектілерін: саяси, әлеуметтік, экономикалық, құқықтық, философиялық, адамгершілік және т.б. ерекшеліктерін айқындауға пәнаралық байланыс тұрғысынан қарастыруға мүмкіндік береді.

Сондай-ақ, жалпыұлттық тарихи сананы қалыптастыру, жалпы тарих пен жалпыұлттық идея негізінде қазақстандық бірегейлікті нығайту, болашақ ұрпақтар үшін тарихи зердені сақтауда азаматтық қоғамды біріктіру.

Бағдарламаға сай конференцияМ.Х.Дулати атындағы Тараз мемлекеттік университетінің доценті, тарих ғылымдарының кандидаты, Жамбыл облысы Қазақстан халқы ассамблеясы жанындағы ғылыми-сараптамалық тобының мүшесі – Бақторазов Сейдахан Уәлиұлының модераторлығымен өтті.

Конференция барысында М.Х. Дулати атындағы Тараз мемлекеттік университетінің «Философия және саясаттану» кафедрасының аға оқытушысы, Жамбыл облысы Қазақстан халқы ассамблеясы жанындағы ғылыми-сараптамалық тобының мүшесі – БАЯРИСОВ РЕЖЕП ОРАЗБАЙҰЛЫ«Қазақстанда 1932-1933 жылдары орын алғанашаршылық: себептері мен салдарлары» тақытыбында баяндама жасады. Сондай-ақ, аталған конференция аясында енбек ардагері, өлкетанушы, қуғын сүргін құрбандарының ұрпағы – Нуридинов Кенесбек «Арманда кеткен әкелерге ескерткіш болсын» атты баяндамасымен таныстырды. Оқылған әр баяндама саяси қуғын-сүргіннің құрбанына айналған түрлі ұлттың ауыр тағдырларынан сыр шертті. Олардың арасында қарашай-балқарлар туралы да айтылды. Аталған халықтың тағдыр таразысына түскен нәубетті жылдары туралы қарашай-балқар этномәдени орталығының ақсақалдар кеңесінің мүшесі Хаджимуратов Исмайл «Қарашай-балқар халқының қуғын-сүргінге ұшырауы және Қазақстанға жер аударылуы» атты баяндамасында кеңінен тоқталды. Бірлестік мүшесі зобалаң жылдардағы қарашай ұлтының қызы анасының көрген қасіретті жылдары туралы «Мен қуғын-сүргінді,зобалаңды көрген жоқпын. Менің анам Шидакова Муслимат Хажымұратқызы қарашай қызы 1943 жылы 2-3 қараша түні қарашай елінің қалай жер аударғаны жайлы бала кезімнен құлаққа құйып өсірді. Анам жер аударғанда 19-жастағы естияр жаста еді, өмірінің соңына дейін қазақ халқының жақсылығын айтып өтті.Шырт ұйқыда жатқан Учкулан ауылын түнгі 3-4 шамасында гүрілдеген машина дауысы оятып, үйден жүгіре шыққан адамдарды әр үйге бөлінген екі офицермен автомат асынған төрт солдаттар қоршап алған, айтылған талап ең керекті заттарды алыңдар деп, бір сағатта машинаға тиеп, сол кездегі Батталпаша станциясына, (қазіргі Черкесск қаласы) жеткізіп, мал тиейтін вагондарға орналастырып белгісіз жаққа ала жөнелді. Ер азаматтар соғысқа кеткен, қарттармен, жас балалар, сәбилер жолды көтере алмай өліп жатты, төрт тәулік есікті ашпай жүріп келіп Волга өзенінің көпіріне келгенде есікті ашқанда вагондағы бірталай адам лап ете кірген таза ауадан есінен танып құлап түсті. Қайтыс болғандарды бұрышқа бірінің үстіне бірін жинап қойған еді, соларды түсіріп алды, өзіміз жерлейміз деп. Есіктер жабылған сәтте поезд жүрмей жатып әскерлер мүрделерді аяқ-қолынан ұстап Волга суына лақтырды. Шулап жылаған халық жақындарынан осылай айрылып кете барды. Неткен қасірет…»деп баяндады.

Демін ішіне тартып тұрған қасіретті жылдардың қайңылы естеліктері залдағы көрермендердің көңілінде босатты. Бәлкім тарихпен бетпе бет келу деген осы болар.

Конференция соңы көңілі түрлі естеліктерді еске алып жабырған көрермендердің арасында отырған саяси-қуғын сүргіннің бүгінгі күнге аман-сау жетіп, ата – баба аманатын арақалаған түрлі ұлты өкілдерінің ұрпақтарына естелік сыйлықтар табыс етумен тәмамдалды.

Қоғамдық келісім ” КММ баспасөз қызметі»

Жамбыл облысы әкімі аппаратының

«МӘМІЛЕ» КЛУБЫНЫҢ ОТЫРЫСЫ ӨТТІ

21/05/2019/in Жаңалықтар /by Администратор

2019 жылдың 17 мамыр күні сағат 15.00-де Жамбыл облысы әкімдігінің тілдерді дамыту басқармасы Тілдерді оқыту орталығының облыстық Қазақстан халқы ассамблеясымен бірлескен «Мәміле» клубының отырысы өтті. Бұл клуб – тілді үйренгісі келетіндер мен оған көмек көрсететін, сондай-ақ тілді меңгерген еріктілерге арналған диалог алаңы болып табылады.
Қатысушылар диалог алаңында «Мінез – характер, Ырымшыл – суеверный, Білімді – знающий, Сегіз қырлы – многосторонний» тақырыптарында әңгіме өрбітіп, спикерлер – ТарМПУ-дың қазақ филологиясы кафедрасының меңгерушісі п.ғ.д. профессор – ТҰРСЫНАЙ ӘБДІҚАДЫРОВА, «Айқын» газетінің облыстағы меншікті тілшісі – ЕРМАН АБДИЕВ этнос жастарына өз ойларымен бөлісті.

Таразда сайлау алды кездесу өтті

20/05/2019/in Жаңалықтар /by Администратор

Елімізде сайлауалды үгіт-насихат жұмыстары қарқын ала бастағаны баршаға мәлім. Осыған орай өңіріміздегі Достық үйінде “Нұр Отан” облыстық Штабының мүшелері мен этномәдени бірлестік өкілдерінің кездесуі өтті.

Кездесуді Жамбыл облысы Қазақстан халқы ассамблеясының хатшылығы мен еліміздің бас партиясы «Нұр Отанның» облыстық филиалы ұйымдастырды.

Сайлауалды кездесуге Жамбыл облысы ҚХА этномәдени бірлестігінің жетекшілері мен мүшелері, Аналар мен ақсақалдар кеңесінің жетекшілері мен өкілдері және БАҚ мүшелерімен қоса барлығы 70 адам қатысты.

Күн тәртібіне сай кездесу барысында қаралған бірінші мәселе «Нұр Отан» партиясының атынан президенттікке ұсынылған үміткер Қасым-Жомарт Кемелұлы Тоқаевты қолдау болатын.

Кездесуде облыстық “Нұр Отан” партиясы Штабының мүшелері, сенімді тұлғалары Савченко Александр Гоергиевич пен Тілеуов Қырғызғали Тілеуұлы өз баяндамаларын жасап ел президенттігіне арналған кезектен тыс сайлауда дұрыс және әділ шешім қабылдауға шақырды. Сондай-ақ, Қасым-Жомарт Кемелұлы Тоқаевты қолдай отыра оның саясат сахнасындағы шеберлігін, ел басқару ісіндегі ептілігін және тұлғаның іскерлік бейнесін жиылғандарға терең түсіндірді. Баяндамашылар бұдан өзге сайлауалды бағдарламаның әр тармағына тоқталып, Қасым-Жомарт Тоқаевтың сайлауалды бағдарламасының сабақтастық, әділдік, өрлеу атты үш бөлімімен таныстырды.

Қазақстан президенті сайлауының әділ, заңды және шешімнің дұрыс қабылдануы өңірлік этнос өкілдерін де бей-жай қалдырмақ емес. Осы тұрста ел президенттігінің кезектен тыс сайлауға қатысты «Жамбыл облысы Махмұт Қашқари атындағы ұйғыр этномәдени бірлестігі» қоғамдық бірлестігінің жетекшісі Тұрдыева Мухабат Абдрахманқызы мен «Вайнах» Жамбыл шешен-инғұш мәдени орталығы» қоғамдық бірлестігінің төрағасы Магомадов Рамзан Сапиевич жиында өз баяндамаларын жасап, пікірлерін ортаға салды.

Ұйғыр этносы қоғамдық бірлестігінің жетекшісі М.Тұрдыева «Ел билігі, Отанымыздың саясатының дұрыс жүруі біздің әрқайсымыз үшін де аса маңызды. Әрине, мемлекет басқару, басшыны саяси тұрғыдан тану және оны тағайындау, бұл өте маңызды әрі аса жоғары жауапкершілікпен қарайтын шаруа. Бұған атүсті қарай салуға еш уақытта болмайды. Бүгін облысымызға ел президенттігіне үміткер Қасым-Жомарт Тоқаевтың саясаткерлігі мен іскерлігін дәріптеп, сайлауалды бағдарламасымен таныстыруға «Nur Otan» штабынан арнайы өкілдер келіпті. Бұл, халықты Қазақстанымыздың ертеңі үшін дұрыс шешім қабылдауға және дұрыс таңдау жасауға зор ықпалын тигізеді деген сенімдемін. Елдің басшысы болу, ол халықтың мүддесін қорғай алатын, оның проблемаларын жіті түсіне алатын, халықтың әл-ауқаты мен ішкі-сыртқы саясатын бес саусағындай білетін саясаткер болуы тиіс деп ойлаймын»- деді.

Сондай-ақ, президент сайлауына қатысты шешен-инғұш этносы қоғамдық бірлестігінің жетекшісі Р.Магомадов мерзімінен бұрын өткелі тұрған сайлауға қатысты өз ойын білдірді. Бірлестік жетекшісі «Президент сайлау ел тарихындағы маңызды оқиға. Оған немқұрайлы қарауға болмайды. Себебі, бұның артында халықтың тағдыры тұр. Өсіп келе жатқан жастарымыздың болашағы тұр. Осыған орай 2019 жылдың 9 маусымы күні өтетін ел президентін анықтайтын сайлауда дұрыс және әділ шешім қабылдауымыз керек. Ал, бүгін «Nur Otan» штабынан келген қоғам қайраткерлері бізге дұрыс бағыт- бағдар беріп отыр. Оған толыққанды сенімдімін. Сондай-ақ, сайлауалдында мұндай үгіт-насихат жұмысының жүруі өте орынды. Себебі, президенттікке үміткер саясаткерлердің біз білмейтін іскерлік қабілетін тани түсеміз. Бұл оларға дауыс беруге деген сенімімізді арттырады. Мен өз таңдауымды жасарда саясаткерлігі өте жоғары тұлғаны таңдаймын. Себебі, Қазақстан дамудың даңғыл жолында. Оған еш тоқтамай алға бастайтын және халықтың қамын бәрінен биік қоятын саясаткер қажет» – деді өз баяндамасында.

Жиын соңы Штаб мүшелері мен этнос өкілдері арасында өзара пікір, сұрақ-жауаппен аяқталды.

Жамбыл облысы әкімі аппаратының

«Қоғамдық келісім» КММ

баспасөз қызметі

Медиация мектеп қабырғасынан басталады

17/05/2019/in Жаңалықтар /by Администратор

Жамбыл облысы әкімі аппаратының “Қоғамдық келісім” КММ-нің өскелең ұрпақ арасында Шексіз ортаны дамыту мақсатында өңірдің мектептері мен колледждерінде бірқатар іс-шаралар ұйымдастырылды. Даулар мен жанжалдарды шешуге медиативтік тәсілді қолдану туралы құқықтық түсіндіру жұмысын ҚХА медиаторлары және Аналар кеңестерінің өкілдерімен жүргізді.

Жамбыл облысының кәмелетке толмағандардың істері жөніндегі мамандандырылған ауданаралық сотымен ынтымақтастық туралы меморандумын іс жүзінде жүзеге асыру мақсатында медиация кабинеті судьялармен бірге №10 С. Нұрмағанбетов атындағы орта мектепте бірлесіп тәлімдік іс-шара ұйымдастырды. Тараз қаласы, онда даулар барысында туындаған әлеуметтік-психологиялық мәселелерді шешу алгоритмі таңдалды.

“Мектеп медиациясы” кабинетінде 11 сынып оқушыларына арналған “Медиация негіздері” атты алғашқы кеңестік – әдістемелік сабақ өтті.

Дәрісте медиация кабинетінің меңгерушісі-Досыбиева В. Н. қатысушыларды медиация процедурасымен, оның қағидаттарымен, құралдарымен және қолдану саласымен таныстырды. Өз сөзінде ол оқушылардың мектеп аумағында қатарластарымен және аға буын өкілдерімен өзара іс-қимыл жасауды қалай үйренетініне, мектеп аумағынан шығып, одан да ересек жаста оны қалай жасай алатынына байланысты екенін атап өтті. Жанжал, даулы жағдайлар әр адамның өмірінде болатындықтан, оның, біздің өміріміз жанжалдардың шексіз санын шешуден тұрады, оларды болдырмау мүмкін емес. Біздің міндетіміз, қалыптасқан шиеленіс жағдайынан шығуды лайықты табуға үйрету және осы оң тәжірибені одан әрі оңтайлы пайдалану.

Л. В. Сафонова – ҚХА медиаторлар кеңесінің төрағасы қатысушыларды медиацияны өмірде қолданудың практикасы негізінде өз тәжірибесінен мысал келтіре отырып таныстырды. Дәріс интерактивті тренинг түрінде өткізілді. Оқыту барысында шағын-дәрістер, практикалық жаттығулар, рөлдік ойындар, миға шабуыл, дискуссиялар, жеке байланысы бар имитациялық медиация қолданылды.

11 сынып оқушыларына даулы жағдайлар және оны шешу кезінде медиацияны қолдану тәсілдері ұсынылды. Оқушылар ұсынылған жағдайды делдалдық және келіссөздер арқылы сәтті шешті.

Мектеп оқушыларына арналған оқу сабақтары ұдайы жалғастырылмақ, өйткені олар медиация институтын мектеп қабырғасынан бастап мақсатты түрде дамытып, өскелең ұрпақты дауды немесе жанжалды шешуге медиативтік көзқараспен қарауға үйретеді.

Ешкім де, ештеңе де ұмытылмайды!

09/05/2019/in Жаңалықтар /by Администратор

Ағымдағы жылдың алтыншы мамырында облыстық «Жаңғыру жолы» жастар қозғалысы және «Aibyn» әскери-патриоттық клубының белсенді жастары жеңіс күні қарсаңында Жамбыл облысы Тараз қаласында тұратын Ұлы Отан соғысы ардагерлерінің үйлеріне барып құттықтап қайтты.

Белсенді жастар бірінші Тараз қаласы, Сатпаев көшесінің тұрғыны Иванов Геннадий Ивановичтің шаңырағына барды. 1926 жылы дүниеге келген ардагер қазір 93 жаста. Жасының қарттығына қарамастан жастарды өзі қарсы алып, батасын беріп, соғыстағы жеңісі туралы әсері әңгімесімен бөлісті.

Жастардың келесі аялдаған ардагері Тараз қаласы, Пушкин көшеснің тұрғыны Жанәлі Мұрат Елубайұлы. Ардагер 1926 жылы туылған. Қазір 93 жаста. Бүгінде бір ғасырға жуық жасты алқымдаған ардагер жалынды жастарды ұрпақтарымен құшақ жая қарсы алып оларға бата, тілектерін айтты.

Жастардыңодан ары бетке алған бағыты қаламыздағы Абай көшесініңбойына қоныстанған, ардагер Нещеретнев Григорий Владимиривичтің шаңырағы болды. Ардагер 1921 жылы туылған. Қазір 98 жаста. Майдангер белсенді жастарды есік алдынан өзі қарсы алып, төрінен орын берді. Оларға өз өмірінің өнегелі жолдарымен таныытырып, соғыс даласы туралы айтып, жастар бойындағы Отанға деген құрметін еселей түсті.

Белсенді жастар ардагерлерге арналған құттықтауын ары қарай жалғастырып Пушкин көшесінде орналасқан ардагер Бужуков Мухан Толыбаевичтің шаңырағына табан тіреді. Майдангер 1926 жылы туылған. Келген жастарға өз ақыл парасатын айтып, майданда жүрген жылдардағы жасаған ерліктерімен бөлісті. Естелік суреттерін көрсетті.

Жастар үйлеріне барған барлық ардагерлерді Ұлы Отан соғының жеңісімен құттықтап сый-сияпаттар табыс етті. «Жаңғыру жолы» жастар қозғалысының өңірлік штабының жетекшісі Хамида Турдыеваның айтуынша бұл облыстық ассамблея жастарының дәстүрге айналған шараларының бірегейі екен.

Сондай-ақ, жастар жетекшісі «Қарты бар елдің қазынасы бар деген. Жалпы жастар қайырымдылық жұмыстарына, қоғамдық жұмыстарға белсене ат салысуға қашанда дайын. Біз тек осындай мейрам, мерекелерде ғана емес қарапайым күндеріде қолдан келгекөмектерімізді аямаймыз. Ал бүгінгі шара жылдан-жылға жалғасын тауып келе жатқан игі істеріміздің бірі. Алдағы уақытта мұндай шаралар өте көп болатын болады. Мереке құтты болсын!» – дейді.

Жеңіс күніне арналған ардагерлерді құттықтау шарасының соңы майдангерлермен естелік суреттерге түсумен аяқталды.