Таразда «Белсенді ұзақ өмір сүру» орталығы ашылды

/in /by

Ағымдағы жылдың ақпанында  Достық үйінде «Белсенді ұзақ өмір сүру» орталығының ашылу салтанаты өтті.

Орталық Жамбыл облысы  Қазақстан халқы ассамблеясы мен «Нұр Отан» партиясының облыстық филиалымен  бірлесе отырып «Ардагерлерді ардақтайық!» партиялық жобасы аясында құрылды.

Ашылу салтанатына Этномәдени бірлестіктердің басшылары мен мүшелері, Нұр Отан» партиясының облыстық филиалы қызметкерлері,  Ақсақалдар, Аналар, Ардагерлер кеңестері, зейнеткерлер, қала жұртшылығы және БАҚ өкілдері қатысты.

Орталық ашудағы басты мақсат қарт адамдардың өмір сүру ұзақтығын арттыруға және өмір сүру сапасына ықпал ету, қоғамда ҰОС ардагерлері мен мүгедектеріне, тыл еңбеккерлеріне, егде жастағы адамдарға құрметпен қарауды қалыптастыру болып табылады.

Орталықтың басты міндеті жастары егде тартқан адамдардың өмір сүру сапасын арттыруға, жәрдемдесуге бағытталған шараларды іске асыруға жұртшылықты тарту.  Қарт адамдардың бос уақытын тиімді өткізуіне және оларды қоғамдық өмірге тарту жұмыстарын ұйымдастыру. Сонымен қатар, ҰОС соғысының қатысушыларының, тыл еңбеккерлерінің, еңбек ардагерлерінің,  қарт адамдардың еңбекқорлығын насихаттау және тәлімгерлік институтын дамыту.

Аталған жобаларды жүзеге асыру үшін орталық төрт түрлі бағытта жұмыс жасап отыр. Олар: «Қарт адамдардың бос уақытын ұйымдастыруға жәрдемдесу», «Салауатты жас», «Атаулы көмек» және «Ұмытылмас батырлар». Ал, осы бағыттарды іске асыруда мынадай қызмет түрлері көрсетілуде:  қарт адамдарға арналған «Өзіңе өзің көмектес», «Музыкалық қонақ бөлмесі» клубтары, тілдерді оқыту курсы бойынша қазақша, орысша, ағылшынша оқу топтары, хореография және сәндік-қолданбалы шығармашылық  үйірмелері жұмыс істеуде. Дәрістерді Жамбыл облысы әкімі аппаратының “Қоғамдық келісім” КММ, Тараз қаласы әкімдігінің тілдерді дамыту басқармасының “Тілдерді оқыту орталығы” МКҚК қызметкерлері, қарттар мен студенттер қатарынан еріктілер өткізеді. Қазіргі уақытта орталықта 80-ге жуық қарт қамтылған. Олар түрлі сабақтарға қатысып, Жамбыл облысы Қазақстан халқы ассамблеясының жұмыстарына белсене атсалысуда.

Орталықтың ашылу салтанаты «Нұр Отан» партиясының облыстық филиалы төрағасының орынбасары  Шәбден Тілеумұрат пен Жамбыл облысы әкімі аппаратының “Қоғамдық келісім” КММ басшысы Рано Убайдуллаеваның  орталықтың тұсауын кесуден басталды.  Ары қарай «Қазақтану» жобасы аясында жүзеге асқан «Ою қадамдары» курсының сабақтарында жасалған қолөнер бұйымдарымен таныстырылды. Онда сөз сөйлеген қолөнер шеберлері өз бұйымдарының өрнектерінің мән – мағынасы, жасалу жолдарымен бөлісті. Көрмеге моншақтан әртүрлі қуыршақтар, сөмкелер, бесіктер, вазалар т.б  кәдесыйларға арналған бұйымдар, жүннен жасалған орамалдар, құрақ көрпелер, жұмсақ ойыншықтар қойылған. Көрменің бір бөлігінде шахмат курсына қатысушылар шахмат ойнанан бәс сынасты.

Салтантты шараның жалғасы Достық үйінің екінші қабатындағы қызыл залда  жалғасты. Онда «Нұр Отан» партиясының облыстық филиалы төрағасының орынбасары  Шәбден Тоқтасынұлы сөз сөйлеп, ашылып жатқан орталық жұмысына береке тіледі.    

         Шәбден Тоқтасынұлы: «Мұндай орталық өзге қалаларда біраз уақыт бұрын ашылған болатын, осы үрдіс біздің облыстанда жалғасын тауып жатқанына қуаныштымын. Бұл орталық қарттарымыз үшін өте қолайлы, әрі бос уақыттарын тиімді пайдалануға таптырмас орын деп ойлаймын. Себебі, мұнда қарттарымызға керекті жағдай жасалған. Олар енді қарт болсада қоғамнан алшақтамай керісінше қоғаммен тығыз байланыста болады. Қарты бар ел, қазыналы ел. Қарттарды сыйлау, құрметтеу бізге парыз»-деді.

         Салтанатты кеш  «Асыл Ана» вокалдық – фолклорлық ансамблі, «Калинка» ансамблі, «Поющие сердца» квартеті т.б қарттарымыз өз өнерлерін көрсетті. Сонымен қатар, Людмила Ивановна Чекалина, Идрис Месизович Юнусов, Нэлли Борисовна Хачианиди, Куанышбай Есиркегенов, Гульжазира Ануарбековна Кудайбергеновалар осы орталық ішінде өздерінің атқарып жатқан қызметтерімен бөлісті.

Кеш барысында Жамбыл облысы әкімі аппаратының “Қоғамдық келісім” КММ басшысы Рано Убайдуллаева ашылған орталыққа арнап ыстық лебізін білдірді. Сонымен қатар, «Калинка» вокалдық ансамблін 65-жылдық мерейтойымен құттықтады.

Кештің соңы «Шашу» дәстүрінің театрландырылған көрінісімен аяқталды.

 

Жамбыл облысы әкімі аппаратының

«Қоғамдық келісім» КММ баспасөз қызметі

Көп балалы анаға пәтер сыйлады

/in /by

Таразда тағы бір игілікті істің тұсауы кесілді. Тараз қаласы Өзбек этномәдени бірлестігінің өкілі,  жергілікті меценат ағамыздың арқасында Тараз қаласының тұрғыны, көп балалы жалғызбасты анаМырзахметова Гүлмира Асылқызынабаспана тарту етілді. Шаңырақ иесін құттықтай барған Жамбыл облыстық әкім аппараты «Қоғамдық келісім» КММ ұжымы да ассамблея тарапынан атқарылатын бірнеше бағыттың бірі қайырымдылық екендігін ескере отырып,  игі іске атсалысып, қайырымдылық еткен Тараз қаласының жомартазаматыныңсыйлаған үйіне  ұлттық дәстүрмен шашу шашып бес балалы ананың қуанышына ортақтасты. Қыс ішінде далада қалдырмай отау тарту еткен азаматқа ГүлмираАсылқызы да өз жүрекжарды рахметін айтып, игі тілегін білдірді: «Балаларыммен қанша жыл пәтерден пәтерге көшіп, көп қиындық көріп қиналдым. Енді міне Аллаға шүкір, баспаналы болдық, бұл күнге де жеттік. Барша тілектес болған жандарға және ең бастысы –күннің суығында басымызға жылы баспана сыйлаған ағамызға:  Алла-тағала разы болсын, денсаулығы мықты, өмір-жасы ұзақ боп, бала-шағасының қызығын көрсін!» демекпін.

Тараз қаласының Достық үйі басшысы, Жамбыл облыстық әкім аппараты «Қоғамдық келісім» КММ  жетекшісі Рано Махсұдқызы да бұл кәсіпкердің өз ұжымындағы жұмысшысына үй тарту етуі  елеулі оқиға екендігін атап өтті: «Мұндай ауқымды істің жүзеге асуына бизнестің әлеуметтік жауапкершілігін жете сезініп, үнемі халыққа қажетті қамқорлығын  жасап жүретін бұл азаматтың қайырымдылықты жоғары бағалайтындығын аты-жөнін атамауды, ұлағатты ісін еш жерде жарияламауды өтінгенінен-ақ байқауға болады.  Іскерлік қырымен танылып жүрген кәсіпкердің  қиналып жүрген бір отбасына қолайлы баспана алып беру бастамасы өте құптарлық, өзгелерге үлгі боларлық іс». «Қоғамдық келісім» КММ медиация кабинетінің меңгерушісі Валентина Николайқызы да осынау игі істің көпке үлгі, ал қамқорлық адамзатқа ортақ қасиет екенін атап, пәтерлі болып жатқан Гүлмира Асылқызы құттықтай келе, үй сыйлаған меценатқа жылы лебізін білдірді. «Жақсының жақсысын айт, нұры тасысын!» демекші, елімізде бизнес қанат жая бастаған кезден-ақкәсіпкерлік жолын алғаш қолданысқа енгізіп, өз ісіне тыңғылықтығынан талай жақсы дәрежеге жетіп,  Жамбыл облысы мен қала тұрғындарының шапағатына бөленген жан болатын бұл азамат. Сонымен қатар,баспанаға мұқтаж жандарға пәтер сыйлаудан да бірінші болып өзін көрсете білді. Оның отандық бизнестің ілгері басуы жолында үлгі ететін көптеген істерін де көріп жүрміз. Ал бүгін міне, өз қаражатына тұрғын үй алып беріп, тағы да бір жанашырлық ісімен бізді тәнті етіп отыр. Сондықтан да біз  осындай  кең пейілді азаматты мақтан тұтамыз».

Расында да бірінші кезекте тәуекелділік қасиетін танытатын осындай баспана сыйлауға батыл кіріскен және де есімі мен ісін атамауды қалаған кеңпейіл жан ілуде біреу шығар?!

Көп жылдар бойы жалданбалыәр үйлердің тар бөлмесінде тұрып келген бес балалы Гүлмираға,баспана жайы талай жылдан бергі басты мәселесіне айналып,қиналған ана үшін дәл осы тәулік «ақ түйенің қарны жарылған күн» болды.

Қуанышқа ортақтасып келген Жамбыл өңірінің ассамблея және Аналар кеңесінің мүшелері де  ақ батасын беріп, тілектес боп, үй сыйлаған  жергілікті меценатқа ризашылықтарын білдірді.

Шаңырақ иесінің отбасында құран оқылып,   дəстүрге сай шүкіршілік дастарханы жайылды.

КММ «Қоғамдық келісім»

баспасөз қызметі

Таразда Ауған соғысы ардагерлеріне арналған кеш өтті

/in /by

Ағымдағы жылдың ақпанында Жамбыл облысы Қазақстан халқы ассамблеясы, Жамбыл облысы әкімі аппаратының «Қоғамдық келісім» КММ ұйымдастыруымен «Біз сіздерді есте сақтаймыз!» еске алу кеші өтті.

Аталған шараға, облыстық қорғаныс істері жөніндегі департаментінің басшылары,  Ауған соғысы ардагерлерінің төрағасы, №2025 әскери бөлімі, «Оңтүстік» өңірлік қолбасшылық әскери бөлімі қызметкерлері мен офицерлері, ҚХА мүшелері мен этномәдени бірлестіктер өкілдері, көппрофильді №41 гимназияның әскери – техникалық сыныбы, Жамбыл облысы әкімідігі білім басқармасы «Балалар мен жасөспірімдер арнаулы мектебінің» оқушылары, «Жаңғыру жолы» жастар қозғалысы, «Ақ желкен» жастар лигасының мүшелері және БАҚ өкілдері қатысты.

Мұндағы мақсат  мемлекет басшысының Қазақстан халқына Жолдауын іске асыру бойынша ЖҰЖ-ның 97-тармағын орындау үшін оқушылар мен жастар арасында әскери-патриоттық тәрбиені күшейту, облыстық, қалалық және аудандық Достық Үйлері жанынан “Aibyn”әскери-патриоттық тәрбие клубтарын құру болып табылады.

Осыдан 30 жыл бұрын Кеңес әскері Ауған соғысынның алаңынан шығарылды. Бұл 1989 жыл болатын.  Отан алдындағы борышты өтеуге кеткен Қазақстандық сарбаздар Ауғанның қан майданына аттанған. Небәрі кәмелеттік жастан енді асқан жас сарбаздар соғыс алаңына тап болғандарынан бейхабар болған. Ұшақтардың апаты мен жойқын жарылыстардың арасында  он жылға жуық  жаулармен шайқасты.  Бүгінде бұл уақыт толқынындағы тарих.

Осынау ерліктің ел ертеңі ұрпақ алдында насихаттап, азат аспанының астында ғұмыр кешу оңай олжа болмағандығын өнеге – өсиет ету бізге парыз.

Осыған орай еске алу кешінде  облыс әкімі аппаратының «Қоғамдық келісім» КММ ұйымдастыруымен жасөспірімдер арасында «Айбын» әскери-патриоттық клубы құрылды. Клубқа облыстық этномәдени бірлестіктердің белсенді жастары қабылданды. Кештің барысында Ауған соғысының салдарынан қаза тапқан жауынгерлерін және жақында ғана қаза болған Ауған соғысының ардагері, КСРО Армиясының Бас штабы БББ (Бас Барлау Басқармасы) арнайы барлау жасағының 177 – ші жасағының командирі, халық арасында Қара майор ретінде білетін отставкадағы полковник мусбат Керімбаев Борис Төкенұлын  бір минут үнсіздікпен еске алды. «Жалын» вокалдық триосы, Сергей Ефимов, Власов Андрей, №41 гимназияның әскери – техникалық сыныптары арнайы әскери үлгідегі формамен әскери-патриоттық тақырыпта әндерін орындады.  Отанға оралмаған жауынгерлер  туралы бейне-ролик көрсетілді, өлеңдер оқылды. Сондай-ақ, соғыс аймағынан аман келген ардагерлерді ардақтап естелік сыйлықтар табыстап, құрмет көрсетілді. Достық үйі жанынан құрылған «Айбын» әскери-патриоттық клубының жас жеткіншектеріне ардагерлер өз қолдарымен таңбашалар табыс етті және Айбындық жастар ант қабылдады.  Кеш соңы «Атамекен» әнімен және естелік суреттерге түсумен тәмамдалды.

 

Жамбыл облысы әкімі аппаратының

«Қоғамдық келісім» КММ

баспасөз қызметі

 

Таразда «Өмір сыйла» қайырымдылық акциясы өтті

/in /by

Әлемде қан құюға жыл сайын миллиондаған адамдар мұқтаж болады.   Осыған орай ағымдағы жылдың ақпан  айында жамбылдық этномәдени бірлестіктің белсенді жастары Тараз қаласындағы «Қан орталығына» барын қан тапсырды. Жастар қатарында Жамбыл облыстық «Жаңғыру жолы» Республикалық жастар қозғалысының өңірлік штабының жастары, «Ақ желкен»  жастар  лигасының және этномәдени бірлестіктің белсенді жастары болды. Аталған қайырымдылық шарасы  жыл сайын дәстүрлі түрде өткізіліп келеді. Қан өткізуге, қайырымдылыққа ерікті түрде атсалысатын жастардың биылғы жылғы шаралары «Өмір сыйла» атауымен өткізілді. Қолдарына ҚХА жалауын ұстаған жастар, Тараз қаласының Тұңғыш Президент атындағы саябағынан бастап «Қан орталығы» ғимаратына дейінгі аралықты салтанатты шерумен жүріп өтті. Сырттан көрген әр жанға бұл игілікті іс үлгі болары сөзсіз.

Қан қандай жағдайда керек? Қан күйікке шалдыққандарға, жарақаттанғандарға керек. Күрделі операцияларды өткізу кезінде, ауыр босануларда қан құйылады. Ал гемофилиямен және қаны аздықтың ауруына шалдыққандарға – өмірін сақтап тұру үшін тек қан керек. Сонымен бірге, химиотерапиядан кейін тромбоциттер мен эритроциттердің, ақуыздардың орнын толтыру үшін  онкологиялық ауруларға қажет. Әлемнің әрбір үшінші тұрғыны бір рет донорлық қанды қажетсінеді дейді статистика. Ал «Донор» дегеніміз –өзінің қанын беру арқылы біреуге өмір сыйлайтын адам.

Жамбыл облысы әкімі аппаратының «Қоғамдық келісім» КММ, Тараз    қалалық  Қан  орталығының қолдауымен  өткен  атаулы акцияға еріктілер донорлар ерекше  ынта – ықыластарымен атсалысты. Алдымен тіркеу  бөлімінен өтіп, зертханалық  кабинетте талдама жасалынды,  содан соң барып денсаулығы күмәнсіз қыз-жігіттер  қанға мұқтаж жандарға өз қандарын беріп қайырымды іс қылды.

Орталық  басшысы Умаров Гулам Мухтарұлы  қайырымдылық іске  белсене араласқан жастардың  ізгі ниеттеріне  өз  ризашылығын білдірді. Осынау дәстүрлі шараның жалғасын тапса, қайымдылық жаны құмар мейірімді жастар көбейсе деген тілегінде жасырмады. Мұндай жауапты әрі өте маңызды шараға  жас буынның саналы түрде қатысуы  қуанарлық  жағдай екенін ерекше  атап өтті.

Сонымен қатар, Жамбыл облыстық «Жаңғыру жолы» Республикалық жастар қозғалысының өңірлік штабының жастарының жетекшісі Хамида Турдыева: «Қайырымдылық акциясына барлығы 70 жас  қатысып белсенділік танытты.  Былтырғы жылмен салыстырғанда биылғы жылы ерікті донорлар саны артты. «Өмір сыйла» қайырымдылық акциясы алдағы уақытта да өз жалғасын табады және оған қатысушылар саны да артып келеді»-дейді.

Шара соңында  акцияға қатысушылар мекеме қызметкерлерімен естелік суретке түсті.

 

 

Жамбыл облысы әкімі аппаратының

«Қоғамдық келісім» КММ

баспасөз қызметі

 

Таразда «Мәміле» клубы ашылды

/in /by

Ағымдағы жылдың ақпанында ҚХА мен Тілдерді дамыту басқармасының «Тілдерді оқыту орталығы», МКҚК арасында «Мәміле» жобасының тұжырымдамасы әзірленді. «Мәміле» клубы тілді үйренгісі келетіндер мен оған көмек көрсететін, сондай-ақ тілді меңгерген еріктілерге арналған диалог алаңы болып табылады.

Мемлекет басшысы Н.Ә.Назарбаевтың төрағалығымен өткен Қазақстан халқы Ассамблеясының ХХVІ сессиясында қазақ тілін, мәдениетін, тарихын, философиясын, қазақ елінің құндылықтарын насихаттауға бағытталған «Қазақтану» жобасын жүзеге асыру жөнінде тапсырмасы екендігін атап өтті. «Қазақтану» жобасының басты міндеттері – қазақстандық этностар арасында қазақ халқының гуманитарлық және адамгершілік қағидаттарын қалыптастыру, Қазақстан халқының бірлігі мен достық дәстүрлерін ұрпақтан ұрпаққа беру мен сабақтастық тетігін құру.      «Мәміле» клубындағы барлық азаматтарға қазақ тілі арқылы қазақ халқының тасын түртсе тарихы көрінетін әрбір салт-дәстүр, әдет-ғұрыптары, олардың тереңдігі мен шынайы мағынасы түсіндіріледі. Сондай-ақ, күнделікті өмірде қолданылатын стереотипті тілдік шаблондарды меңгереді.

Клубтың негізгі мақсаты – қазақ халқының тарихи және мәдени мұрасын, салт-дәстүрлерін, менталитетін және өмірлік құндылықтар жүйесін зерделеу арқылы мемлекеттік тілді үйрену, ортақ мақсаттарға бірлесіп қол жеткізуге ынталандыру, ұлттық интеллигенцияның бейресми беделін арттыру, әр түрлі жағдайларда конструктивті диалог дағдыларын қалыптастыру, ұйымшылдық сезімін күшейту, «БІЗ» деген тұрақты сезімді қалыптастыру болып табылады.

Клубтың ашылу салтанатына жиылған жұртшылықтың алдында алғашқы болып сөз сөйлеген Жамбыл облысы әкімдігінің  тілдерді дамыту басқармасының басшысы Құрманбекова Сұлушаш Сәтбекқызы: «Қазақтану» жобасы бойынша халық Ассамблеясы қарқынды жұмыс істеуде. Қазақтағы «ата тегі», «жеті ата», «бата-тілек» т.б.    сияқты жоралғыларды сонау ата-бабамыздан бері мұра ретінде сақтап келеміз. «Қазақтану» оқуларында тіл үйренумен бірге салт-дәстүр, әдет-ғұрыптардың да терең  мағынасы түсіндіріледі. «Мәміле» дегеніміз – келісім, бітім деген мағынаны білдіреді. Ассамблеямыздың жұмыстарының да негізгі мақсаты – қоғамдық келісім болғандықтан, мәміле, келісімдердің біз үшін  маңызы өте зор»,-дей келе, жиылған жұртты «Мәміле» клубының атқаратын бірқатар міндеттері мен мақсаттарымен таныстыра кетті.

Жиын барысында сөз алған Жамбыл облысы Қазақстан халқы ассамблеясы төрағасының орынбасары, хатшылық меңгерушісі Қожаева Маржан Төреғұлқызы да биылғы жылдан бастау алып отырған игі бастаманың мән-жайын көпшілікке ұғынықты етіп түсіндіріп берді: «Сонау шағатай тілінен бері қазақ тіліне дейін тілдік қорымыз бай халықпыз. Қазақ тілі арқылы ұлттық құндылықтар, ұлы мұраларды қайта жаңғыртуға болады. «Мәміле – өз халқының болашағын ойлайтын әрбір азаматтың көкейкесті арманы мен қазақ тілін үйрену арқылы  Қазақстан жеріндегі бүкіл халықтың бірлігі мен берекесін арттыруға негізделген тың дүние. Аталған жоба еліміздің рухани құндылықтарын, ата-бабаларымыздың даналықтарын қазақ тілі арқылы насихаттау болып табылады».

Клубтың ашылуына тілдің кәсіби оқытушылары, креативті және жарқын спикерлер де келіп қатысып, аталған жоба төңірегінде өз ойлары мен ұсыныстарын ортаға салды.

Өте қызықты өткен іс-шараның соңында «Мәміле» клубында өткізілетін қазақ тілінде сөйлеу өрнектері, ұлттық мақал-мәтелдер, фразеологизмдері тақырыптары тұрғысында түрлі мысалдар келтіріліп, сонымен бірге дәріске қатысушылардың сөйлеуге деген ынта-жігерін арттыру, қызықтыру мәселелері талқыланды. Ұйымшылдық, ынтымақтық сезімдерді ояту сабақтарының алғашқы дәрісі ойдағыдай қорытындыланды.

 

 

Жамбыл облысы әкімі аппаратының

«Қоғамдық келісім» КММ

баспасөз қызметі

 

 

Қалай десек те ажал айтып келмейді

/in /by

Қалай десек те ажал айтып келмейді. Әлеуметтік желі болсын, басқа сайттарда болсын бұл оқиға турасында жазуда журналистер мен блогерлер алдарына жан салып жатқан жоқ. Қаралы хабарды естіген жұрттың жұбатуы мен көңіл айту жазбаларының қарасы да қалың. Қайткенде де қуаныш пен қайғыны тең бөлетін бауырмалдығымыз тағы бар. Бұл жағдай бүгінгі қазақ қоғамының ең ауыр қасіреті болды. Естігенде қайғының ауырлығы қабырғаны қайыстырды. Әттең, әлі де көрер жарықтары көп болғанда ертең ел игілігіне жарар азаматтар болар еді-ау, бүгінгі жоқтап отырған халықтың жоғын бүтіндейтін отансүйгіш арулар болар ма еді, бес қыз бес үйдің шырағын жағатын аяулы аналар болар ма еді?! Бәрінен бұрын бұл қасірет ата-ананың жүректерін талқан еткені белгілі. Әрине, бір күнде жүрегін жарып шыққан бес бірдей бүлдіршіннен айырылу деген өте ауыр азап, ауыр қайғы.

Осыған орай, бақилық болған балалардың ата-аналарының қайғыларына ортақтасып көңіл айтып, сабыр тілейміз.

Жамбыл облысы әкімі аппаратының
«Қоғамдық келісім» КММ
Баспасөз қызметі

Парламенті Мәжілісінің депутаты жамбылдық этнос өкілдерімен кездесті

/in /by

Қазақстан Республикасы Парламенті Мәжілісінің депутаты, «Нұр Отан» партиясының депутаттық фракциясының мүшесі Сейдуманов Серік Тұрарұлы жұмыс сапарымен Жамбыл облысына келді. Депутат облыспен танысуды Жамбыл облысы Қазақстан халқы Ассамблеясының мүшелері, этномәдени бірлестіктер төрағаларымен кездесуден бастады. Кездесу Достық үйі ғимаратының күмбезінде орналасқан дөңгелек үстелде өтті.

Жұртшылық тегіс жиналысымен Жамбыл облысы Қазақстан халқы ассамблеясының хатшылық меңгерушісі Маржан Қожаева билік басынан арнайы келген қонақпен таныстырды.

– Тараз, бұл Мен үшін туған қаламдай екенін бірден айтқым келеді, – деп атап өтті мәжіліс депутаты сөз баында. Мәскеу химиялық машина жасау институтын аяқтаған соң, 40 жыл бұрын мені химия-технологиялық процестерді автоматтандыру жөніндегі инженер ретінде Жаңа – Жамбыл фосфор зауытына жіберді. Екі жыл азот-оттегі цехының КИПиА шебері болып жұмыс істедім. Мені жұмыс сапарымен Таразға баратынымды естігенде, барлығы есіме түсті, тіпті көшелердің орналасуына дейін есімде екен. Сондай-ақ, мен мұнда болмаған 38 жыл ішіндегі өзгерістер мені  таң-тамаша етті және осы отырған Достық үйіні ғимараты тек Тараз қаласы үшін емес еліміздің Оңтүстік бөлігінің сәулеті әсем ғимараты десем артық емес.

         Жыл басынан, яғни 31 қаңтар мен 9 ақпан аралығында Парламент Мәжілісінің депутаттары еліміздің барлық өңірлерінде іс-сапарда болады. Біздің сапарымыздың мақсаты бір: біздің еліміз, біздің халқымыз қалай өмір сүріп жатқанын білу. Халық арасында қандай мәселелер бар және оларды қалай шешу керек. Бұл бірінші мәселе.  Сапардың екінші себебі, 30 қаңтарда Президент өткен жылды қорытындылады. Осыған орай біздің жұмысымыз туралы есеп беру.

         Таразға кірер кезде, мен бір жарнамаға назар аудардым: “Таразда алты студенттік жатақхана салу жоспарланған”. Бұл Президент өз Жолдауында айтылған әлеуметтік мәселелерді жүзеге асыру болып табылады. Өткен жылдың екінші жартыжылдығында ғана Қазақстан Парламенті Президент қойған міндеттерді шешуге қатысты 50-ден астам заң мен заңға тәуелді актілер қабылдады. Қазір 70-тен астам заң жобасы Парламент Мәжілісінің қарауында. Негізінен бұл әлеуметтік бағыттағы мәселелер: халықты жұмыспен қамту, зейнетақымен қамтамасыз ету, денсаулық сақтау, медициналық сақтандыру, міндетті тегін медициналық көмек және басқа да әлеуметтік мәселелер. Бізде пайдаланылмаған жерлер көп болғандықтан, экологиялық таза азық-түліктің жетіспеуіне байланысты әлемде сұранысқа ие аграрлық секторды қолдау, шағын және ірі ауыл шаруашылығы бірлестіктерін, ауыл шаруашылығы өнімдерін қайта өңдеу кәсіпорындарын қаржыландыру бағдарламаларын әзірлейміз. Парламент ең төменгі жалақы көрсеткіштерін үнемі қайта қарайды және көтереді. Мемлекеттік сатып алулар бойынша көптеген проблемалық мәселелер туындайды. Бұл бүгінгі күнің ең басты проблемасы. 21 қаңтардан бастап “мемлекеттік сатып алу туралы” ҚР жаңа Заңы енгізілді. Бұл мәселені парламент өз бақылауында ұсмтайтын болады.

Жиын барысында мәжіліс депутаты кездесуге қатысушылардың бірқатар сұрақтарына жауап берді.

ҚР «Барбанг» күрділер ассоциациясының Жамбыл облысындағы республикалық филиалы» төрағасы және кәсіпкер Латиф Айдаров “Мемлекеттік сатып алу туралы Заңға” қатысты өз пірікін білдірді. Сонымен қатар, “Днипро” украин мәдени орталығының төрағасы Федор Клименко депутаттан этномәден бірлестіктердің жыл сайынғы гранттарын бөлу туралы мәселеге  бұрынғыдай тәртіппен қарауды сұрады.

Федор Клименко: «Биылғы жылы бұл жүйе жойылды. Грант ұсынылады, тендерге шығарылады және көбінесе этнобірлестіктер жұмысының ерекшеліктерін білмейтін заңды тұлға ұтады. Осылайша, бірлестіктердің өз іс-шараларын өткізуге қызығушылығы жоғалады, жұмыстың бұрынғы рухы жоқ. Парламент арқылы этномәден бірлестіктердің гранттарын берудің бұрынғы тәсілін заңдастыруды сұраймыз» -деді.

Парламент мәжілісінің депутаты Серік Тұрарұлы: «Мен сіздің сұранысыңызды,  гранттарды бөлуқатысты пікіріңізді толық қолдаймын, себебі елімізде гранттарды бөлу жөніндегі сараптамалық комиссияның төрағасы болып табыламын.  Сондықтан, бұл мәселеге қатысты  заң шығару мен қоғамдық даму министрлігіне осы мәселені шешу үшін тапсырма беремін. Бұл мәселені өз бақылауыма алу үшін ҚХА хатшылығымен де байланысамын. Менің Қазақстан халқы Ассамблеясымен ерекше қатынастарым бар. 1995 жылы мен оны құрудың бастауында тұрған адамдардың бірі болдым.  Сіз әлі күнге дейін пайдаланатын ҚХА эмблемасының авторы болып табыламын. Тараз қаласына барған кезде, алғашқы нысан облыстық ассамблея болады деп нық шешкен едім және сіздердің ұсыныс, пікір,талап-тілектеріңізді естігеніме өте қуаныштымын» – деп аяқтады мәжіліс депутаты өз сөзін.

Жиын соңына дейін қойылған барша сұрақтар мен ұстыстар депутат назарынан тыс қалмады.

Жамбыл облысы әкімі аппаратының

«Қоғамдық келісім» КММ

баспасөз қызметі

 

«SARQYT» қайырымдылық акциясы

/in /by

Қаңтар  айының  27 күні облыстық  «Жаңғыру жолы»  жастар қозғалысының жастары және «Ақ желкен жастар лигасының жастары  бірлесіп  «SARQYT» қайырымдылық акциясын өткізді. Ұлы даланың дәстүрлеріне негізделген Қазақстан халқы ассамблеясының  2019 жылға арналған қайырымдылқық  шараларының күнтізбесіне  сәйкес өткізліген бұл игі іс-шара 2019 жыл жастар жылының  алғашқы  бастамасы.

Жігерлі де, жұмыр жастар бірлесе отырып ортақ қаржы жыйнаған. Құралған  қаражатқа азық түлік және басқада керекті заттарды алып,Тараз қаласындағы   көп балалы  және әлеуметтік жағдайы аз қамтылған, тұрмысы төмен бес отбасыға табыс етті. Әрине, шеттей бала-шаға мен тұрмыстың тақыметін тартқан отбасылар үшін бұл қайырымдылық шарасы айтарлықтай көмек болды.  «SARQYT» қайырымдылық акциясы мақсаты ежелден салт- дәстүрімізден  келе жатқан халқымыздың сарқыт әдет – ғұрпын дәріптеу, келер ұрпаққа  насихаттау арқылы қайырымдылқ жұмыстарын жүргізу көзделген. Акциясы барасында қайырымдылық ісімен қаттар Жамбыл облысы Қазақстан халқы ассамблеясының атқарып жатқан барша істерін, сонымен қатар ассамблея жастарының  ұйытқы болумен жолға қойылған жобалар жайлы түсіндірме жұмыстары жүргізілді. Аталған акция негізінде тек жастар ғана  емес өзге этнос өкілдерінің үлкенді- кішілі буындары да жаңа жыл мерекесінен кейін ата – ана қамқорлығынсыз қалған, арнайы мектептерде тәрбиеленетін бүлдіршіндерге сый жасап, көңілдерін шаттықтан күпті еткен еді. Міне осы игілігі мол іс бүгінде жастарға үлгі болып, оларда  қайырымдылықта қайыр барын түсін. Қолдарынан келген бар жақсылықтарын аямай, жомарттықтарын танытқан «Ақ желкендік» жастар «Қайырымдылық шарасын осы жерден аялдатпай, ары қарайда жалғастыратын боламыз. Халықымызға,  елімізге, жерімізге қолдау көрсетуге, жәрдем беруге қашанда дайынбыз. Отанымыз, Елбасмыз бізді қолдап, алдыңғы толқын ағалар жүйелі жұмыстарымен үлгі болып жатса неге жақсы іс жасамасқа? Осынау сара жолды жалғап, ұлт көшбасшысы Нұрсұлтан Әбішұлының жастарға артқан сенімін ақтаймыз, сарабдал саясатының орындалуы жолында берілген тапсырмаларын орындаймыз. Бұл, біз және біздің болашағымыз үшін аса маңызды екені хақ», – дейді.

Бұл жастардың алғашқы рет жасаған қайырымдылығы емес. Бұған дейін де көптеген ауыз толтырып айтарықтай мейірімі мол істерден төбе көрсеткен. «Ақ желкендік» жастар алдағы уақытта да алған бертерінен қайтпақ емес.

 

Жамбыл облысы әкімі аппаратының

«Қоғамдық келісім» КММ

Баспасөз қызметі

Назерке Оңғар

«Медиация кабинеті жұмысының қорытындылары және 2019 жылға жоспарлары туралы»

/in /by

Ағымдағы жылдың  қаңтарында “Қоғамдық келісім” КММ медиация кабинетінің атқарылған жұмыстарының қорытындылары мен 2019 жылға  жоспарлары  жөнінде медиаторлар кеңесі өтті.  Іс-шараның мақсаты – Медиация институтының қызметін күшейту және жандандыру үшін “Медиация туралы” ҚР Заңын, мемлекеттік органдармен, азаматтық қоғам институттарымен өзара іс-қимылдың негізгі тетіктерін дамыту және қолдану перспективасын талқылады.

Күн тәртібінде 2019 жылға арналған жұмыс, ҚХА “Жаңғыру жолы” республикалық жастар қозғалысының жол картасын іске асыру тұжырымдамасы, медиация институтын дамытудағы жаңа заңнамалық шаралар мен тәсілдер туралы мәселелер қаралды. Сонымен бірге, 2019 жылға арналған жұмыс жоспары, ҚХА “Жаңғыру жолы” республикалық жастар қозғалысының жол картасын іске асыру тұжырымдамасы, медиация институтын дамытудағы жаңа заңнамалық шаралар мен тәсілдер туралы мәселелер қаралды.

Медиация кабинетінің меңгерушісі В. Досыбиева өз сөзінде медиация арқылы мәселелерді шешу үшін азаматтардың өтініштерінің оң динамикасын, сондай-ақ медиация рәсімін халықтың хабардар болуын атап өтті. “Медиация кабинеті бітімгершілік рәсімдерді танымал ету бойынша жүргізіп жатқан нәтижелерін көріп отырғанымыздай, бітімгершілік рәсімдерді қолдана отырып, шешілген дау – дамайдың жалпы саны өткен жылмен салыстырғанда 5,11% – ға артты, бірақ бұл елеусіз нәтижелер. Медиация өңірдегі дауларды шешудің танымал институтына айналуы үшін облыста медиация институтын дамыту бойынша ақпараттық-насихаттау жұмыстарын жүргізуде медиаторлар кеңесінің әлеуетін белсенді пайдалану қажет“, – дейді Валентина Досыбиева.

Медиаторлар кеңесінің төрайымы Л. Сафонова қоғамдағы татуласу процедуралары мен медиацияға оң көзқарас қалыптастыруға назар аударды.

«Жастар арасында қауіпсіз ортаны қалыптастыру, қақтығыс және дағдарыстық жағдайларда жастардың медиативтік көзқарас дағдыларын дамыту қажет. Біздің еліміздің болашағы жастардың белсенділігіне, мәдениетіне және қарым-қатынас жасау қабілетіне байланысты. 2019 жыл Жастар жылы деп жарияланғандықтан, жастардың белсенді азаматтық ұстанымын қалыптастырып, олар үшін медиативтік құзыреттілік негіздерінің тренингтерін өткізу қажет. Жалпы, мен жастарға сенемін! Қазіргі болашақ ұрпаққа дұрыс бағыт берсең еш қателеспейтініміз анық. »,- дей келе, Лариса Сафонова жастарға көп үміт артып отырғандығын білдірді. Аталған іс-шараларды өткізу жастардың белсенді ұстанымдарын қалыптастыруда, қоғамда татуластыру рәсімдері мен медиацияға оң көзқарас қалыптастыруда белгілі бір нәтижелер береді.

Кеңеске қатысушылар өңірлік медиацияны дамытуға кедергі келтіретін мәселелерді талқылап, заңнаманы жетілдіруге және оған бағытталған ұсыныстар мен өзгертулер енгізді.

 

Жамбыл облысының Қордай ауданы Масаншы ауылында облыстық Қазақстан халқы ассамблеясы хатшылығы мен Қоғамдық келісім кеңесінің көшпелі отырысы болды

/in /by

Ағымдағы жылдың 18-қаңтарында Жамбыл облысының Қордай ауданында Жамбыл облысы ҚХА хатшылығы мен «Қоғамдық келісім» КММ және облыстық Қоғамдық келісім кеңесінің ұйымдастыруымен бейбітшілік пен бірлікті,  азаматтық сәйкестік пен этносаралық қарым-қатынастарды  сақтау мақсатында  көшпелі отырыс өтті.

Кеңейтілген отырысқа ҚХА хатшылығы, «Қоғамдық келісім» КММ өкілдері – ғылыми-сараптамалық топ, әдістемелік бөлім, «Вынхуа» дүнгендер ассоциациясының мәдени орталығы»  қоғамдық бірлестігі, Қордай ауданы әкімдігі, аудандық білім бөлімі, ішкі саясат, мәдениет және тілдерді дамыту бөлімдері мен жастар ресурстық орталығы, жергілікті полиция бөлімшесі және облыстық, аудандық БАҚ өкілдері қатысты.

Күн тәртібінде көрсетілгендей аталмыш мәжілісте жоғарыда аталған мекемелердің жалпыұлттық бірлік саласындағы жұмыстарының атқарылуы, Қордай аудандық қоғамдық келісім кеңесі төрағасының ҚХА кезекті ХХҮІ сессиясында берілген жергілікті бюджеттердің тиімді пайдалануын қамтамасыз ету және агроөнеркәсіптік секторда прогресстік технологияларды ілгерілету жөніндегі тапсырмаларының орындалуы және басқа да түрлі мәселелер талқыланды. Сондай-ақ, Облыстық Қазақстан халқы ассамблеясы хатшылығының меңгерушісі мен облыстық Қоғамдық  келісім кеңесі төарағасының қоғамдық қабылдауы болып өтті.

Көшпелі  отырысты Қордай ауданы әкімдігінің ішкі саясат бөлімінің басшысы міндетін атқарушы Самақова Гүлмира Батырәліқызы бастады. – Бүгінгі таңда білім беру мазмұнын жаңарту кезінде «Мәңгілік Ел» идеясының маңыздылығын сабақта және сабақтан тыс уақытта білім беру саласындағы оқу пәндерінің үлгілік оқу жоспарларына кіріктіру арқылы көрсетілуде. Атап айтсақ, барлық мектептерде 7-сыныптарда «Өлкетану» курстары, ал 8-сыныптарда «Туған өлке тарихы» курстары енгізілді. Барлығы, мұражайлар мен мектептен тыс тарихи орындарда 235 сабақ өткізіліп, 5548 оқушының қатысуы қарастырылды. «Мәңгілік ел» – халқымыздың болашаққа бағыт берер шамшырағы. Жалпыұлттық идеяны өміршең ететін – елдің бірлігі. «Ауызбіршілік қашқан, алауыздық тасқан жерде ешқашан да жалпыұлттық идеялар жүзеге асқан емес. Қазақстанның шыққан шыңы мен бағындырған биіктерінің ең басты себебі – бірлігі мен берекесі» деп айтқан Елбасшымыз  Қазақстан халқына,-дей келе Гүлмира Батырәліқызы,  аудандық білім бөліміне қарасты білім беру ұйымдарында «Мәңгілік ел» патриоттық актісі мен «Рухани жаңғыру» бағдарламасы аясында ұлтымыздың барлық салт-дәстүрлерін, мемлекеттік тіліміз бен әдебиетімізді, мәдениетімізді, ұлттық рухымызды жаңғырту және ұлтаралық келісімді нығайту мақсатында мынадай жұмыстардың жүргізіліп жатқандығын көрсете келе, оның ішінде 1326 сынып сағаттар, 35 дөңгелек үстел және әр түрлі форматтағы 41 іс-шара өткізіліп, 29506 оқушы, 2725 педагог-қызметкерлер мен 18230 ата-ананың қамтылғанын атап көрсетті. Аудандық білім басқармасының іс-шараларының бұл көрсеткіші жиналған жұртты қуантпай қоймады.

Семинар кеңеске қатысқан 35 адамның ішіндегі  аудандық «Жастар ресурстық орталығы» КММ директоры Қапархан Елжас Ерболұлы да өзінің  есеп беру баяндамасында бірқатар ірі шаралардың орындалғанын атап өтті. – «Жасыл ел»  бағдарламасын жүзеге асыру мақсатында абаттандыру жұмыстарына 86 белсенді жас жұмысқа тартылды. Жастардың бос уақытын тиімді пайдалану мақсатында ауданымызда 6 аула клубы жұмыс істеуде, соның бірі Масанчи ауылдық округінің мәдениет үйінде орналасқан. Клубта жастар  шахмат, дойбы, үстел теннисі үйірмелеріне қатыса алады. 12ай ішінде 4600 жастың бос уақыттары пайдалы іс-шаралармен қамтылды, – дей отырып, жыл басынан нашақорлыққа және есірткі бизнесіне қарсы күрес саласы бойынша, сыбайлас жемқорлық әрекетімен күресу, жастарды жемқорлыққа бармауға тәрбиелеу мақсатында бірқатар кездесулер, флешмобтар, спорттық жарыстар, дәрістер, акциялар өткізілгендігін тілге тиек етті.

Сонымен бірге отырысқа қатысушылар қылмыстың  алдын  алу, дінтану сияқты жұмыстардың аясында  орындалған  шаралардан  да  хабардар болды.  Қордай аудандық ІІБ ЖПҚБ-нің бастығы, полиция подполковнигі Н.Төлеуішовтың баяндамасы бойынша Қордай ауданында 2018 жылдың 12 айының қорытындысымен,  былтырғы жылмен салыстырғанда қылмысты істердің саны 989 дан 758-ге, ауыр қылмыстардың саны 79-дан 45-ке, аса ауыр қылмыстар 19-дан 15-ке, орта дәрежедегі қылмыстардың саны 634-ттен 404-ке, кіші дәрежедегі қылмыстар 22,5 пайызға, яғни сан жағынан 151-ден 117-ге дейін төмендегені  нақты деректер арқылы көрсетілді. Қордай ауданы аумағында АІІБ ЖПҚ-нің  қызметкерлерімен 2018 жылдың 12 айында қылмыстар мен құқық бұзушылықтың алдын алудың және жол қауіпсіздігін қамтамасыз етуде 3702 тұлғаға айыппұл салынып,  17405507,5 сомманың 10491133 теңге сомасы өндірілді, өндіру пайызы 64,3 пайызды құрайтындығын айшықтап көрсету арқылы қосымша түрде ұрлық, алаяқтық, тонау, қарақшылық, бұзақылық, зорлау, адам өлтіру қылмыстарын да ауданнан бөлек ауылдық округтер бойынша да талдап шықты. Басқа да мекеме өкілдері жыл бойына атқарылған іс-шаралардың жалпы қорытындыларымен таныстырып есеп берді.

Көшпелі  отырыс соңында  Жамбыл облысы ҚХА төрағасының орынбасары, хатшылық меңгерушісі Қожаева Маржан Төреғұлқызы мен Жамбыл облысы ҚХА Қоғамдық келісім Кеңесінің төрағасы Тілеумұрат Шәбденұлы,  достық пен ынтымақты ту етіп, бірлік пен татулықты жыр еткен Қордай ауданының барша тұрғындарына  өздерінің жылы лебіздерін білдірді.

 

 

 

Б.Утепова

Жамбыл облысы әкім аппараты

«Қоғамдық келісім» КММ    

Баспасөз қызметі

 

Page 10 of 11
1 … 8 9 10 11