Archive for year: 2016

Жуырда облыстық Қазақстан халқы Ассамблеясы қызметкерлері мен «Бітімгер» медиация және құқық орталығының медиаторлары «дөңгелек үстел» отырысында бас қосты.

Қатысушылар жиын барысында медиация саласындағы өзгерістер мен жаңалықтарды ортаға салып, талқылады. Орталық басшысы Лариса Сафонова, алдағы  уақытта кәсіпқой емес медиаторлар ретінде есептеліп келген әлеуметтік медиаторлар Қазақстан халқы Ассамблеясының, сонымен қатар қалалық және аудандық әкімдіктер реестрінде есепте тұратынын және оған қатысты барлық құжаттар өңірлік ассамблеяларда сақталатындығын айта келе, әлеуметтік медиаторлардың жас шамасы қырықтан асуы, жоғары білімі болуы және арнайы оқу курстарын өтуі шарт екендігін ескертті.

«Сонымен қатар, келесі жылдан бастап, барлық мемлекеттік мекемелерде жаңа штаттық бірлік ашылып, кәсіби медиаторлар мектептерде, жоғары оқу орындарында, тағы басқа мекемелерде жұмыс істейтін болады. Ал олардың жас шамасы отыз жасқа дейін төмендетіледі. Бұл елімізде медиацияны дамуытудағы тағы бір қадам болып есептеледі», – деп, сала  жаңалықтарымен бөлісті.

Мұндай жаңалықтар өз кезегінде, медиация саласының дамуына үлкен қадам жасайды.  Себебі, медиация, этносаралық қарым-қатынастардағы шиеленісудің алдын ала  шешілуіне үлкен әсер етеді.

Кездесу соңында қатысушылар болашақта медиацияның мемлекеттік, коммерциялық және қоғамдық институттар жұмыстарына енгізілуі  қоғамымызда  орын алып жатқан келеңсіз жағдайлар мен жанжалдардың алдын ала  шешілуіне зор ықпалын тигізетініне сенім білдірді.

Жамбыл облысы әкімі аппаратының 

«Қоғамдық келісім» КММ баспасөз-қызметі

Өткен жылы Тараз қаласында салтанатты ашылуы болған «Орен ТВ» телеарнасы бүгінде  онлайн-режимде бірнеше кездесу циклдерін өткізді.

 «Мәдениет, салт-дәстүр және отбасы құндылықтары» атты жоба аясындағы кездесуге ҚХА мүшелері, Сантк-Петербург, Челябинск, Астана және Тараз қалаларының «Шиват Цион» еврей этномәдени бірлестігінің, «Машхана» жастар қанатының мүшелері мен қалалық орта мектептерінің педагогтары қатысты.

Россияның «Жақсы орта» сайтының басшысы әрі жүргізушісі Дмитрий Лысак пен Израиль елінің режиссері, сценарист, продюсер, киноакадемия ұстазы, лектор  Семен Винокур жиналғандарға «Еврей ұлтының өркениеті, бірі тіл мәселесі мен дүниежүзілік өркениетке әсері» тақырыбы бойынша қызықты дәріс оқыды.

Дәріс барысында әр әрпі терең ұғымды білдіретін ежелгі иврит тілі туралы және еврей қауымдастықтарының достық қарым-қатынасты берік ұстайтыны туралы айтылды.

Іс-шараға қатысушылар  өз орталарында отбасы мен рухани құндылықтар, отбасындағы сабақтастықтың маңызы мен дәстүрдегі моральдар аясында әңгіме өрбітіп, өткізілген телекөпір туралы ойларымен бөлісті.

Жамбыл облысының көпұлтты халқының арасында дүнгендер – саны ең көп этнос болып есептеледі. Олар өздерінің мәдениетін, салт-дәстүрлерін сақтап және өз тіліне деген құрметін жылдан жылға арттырып келеді. Жастарын еңбекқорлыққа, өзара сыйластыққа, қонақжайлылыққа және патриоттық сезімге тәрбиелейді.

– Нәтижесінде дүнген халқы арасында жастардың  үлкендерден үлгі алып, оларды құрметтеуі, сөздерін екі етпей орындауы қалыптасқан. Жуырда ақсақалдарымыз жастар арасындағы келеңсіз жағдайлардың орын алуы олардың ішімдікке құмарлығынан туындайды деген ой тастады, – деді өз сөзінде Жамбыл облыстық «Вынхуа» дүнген мәдени орталығы  қауымдастығының басшысы Руслан Исмазов. – Осылайша ақсақалдар мен мешіт имамдары кәсіпкерлерге барып,  барлық дүкендерден ішімдік және мүмкіндігіне орай темекі өнімдерін алып тастауды немесе шектеуді сұрады. Қордай және Жамбыл аудандарындағы бірнеше дүкендерден аталған өнімдер тіптен алынып тасталды.

Осындай шараның қолданылуының нәтижесін ауыл тұрғындары тез-ақ сезінді. Себебі, ауылдарда тәртіп бұзушылық едәуір төмендеп, жастар салауатты өмір салтын ұстана бастады.

Ақсақалдарымыздың арқасында басқа да осы іспеттес шаралар жиі қолданылып тұрады. Айталық, жастар некелерін қияр сәтте мешіт имамдары алдында дін және отбасылық қарысм-қатынас этикасы мәселелері бойынша бірнеше сұраққа жауап берулері тиіс. Бұл олардың отбасылық өмірінде үлкен маңызға ие болатыны анық.

Қазақстан халқы Ассамблеясы бүгінде жастарымыздың тәрбиесіне, олардың қоғамда өз орындарын табуларына үлкен мән береді. Бұл орайда қоғамдық келісім кеңестерінің атқаратын рөлі зор, себебі олар өсіп келе жатқан жас ұрпақпен көптеген кездесулер, әңгімелесулер өткізеді. Оларда терроризм мен экстремизмнің қаупі туралы, бейбітшілік пен келісімді нығайта және сақтай отырып, Қазақстанды мекендейтін этностардың мәдениетін, салт-дәстүрін құрметтеу керектігі кеңінен айтылады. Мұндай жұмыстың жақсы нәтиже беретіні анық, сол себепті олар әрі қарай да жалғасын табады.

Жамбыл облысы әкімі аппаратының

«Қоғамдық келісім» КММ баспасөз-қызметі.  

Жамбыл жерінің тарихы терең және бай. Өзіндік ерекшелігі бар жұмбақ өлке. Тауы мен суы, құмы мен шөлейті бар өлке. Кімде кім Жамбыл жерінде болса жүрегінде осы өлке туралы керемет бір естелігін сақтап қалады.

Жуырда Ы.Дүкенұлы атындағы қалалық мәдениет үйінде «Қоғамдық келісім» КММ-нің ұйымдастыруымен «Көне Тараз – достық аумағы» атты облыстық фестивалі өтті. Көрермендерге толы зал облыстағы әртүрлі этномәдени бірлестіктерінің өкілдерін жинады. Фестивальды «Қоғамдық келісім» КММ басшысының орынбасары Камал Нарбатыров ашты. «Тараз – Қазақстанның көне қалаларының бірі. Қаламыз арнасынан аспай, толқымай жәй ғана ағып жатқан өзенге ұқсайды. Тарихы мол бейбіт қала. Бүгінде аймақтық ассамблея этносаралық келісімді нығайту мен сақтау барысында мыңдаған іс-шаралар өткізілуде, олар халықты өз елінің патриоты болуға, этносаралық қарым-қатынас пен мәдениетті нығайтуға тәрбиелейді. Құрметті қонақтар және көне Тараз жерінің тұрғындары, біз сіздерге фестивалімізге қош келдіңіздер дейміз», – деді өз сөзінде ол.

Фестивальды «Ақ кербез» биімен «Бозторғай» ансамблі ашса, «Арт-Мэн» тобы «Құс қанат ғұмыр» әнімен жалғастырып жиналғандардың көзайымына айналды. Сондай-ақ көрермендер Осман Делихасан-оглының орындауындағы күрді әнін, Арипова Эльмираның орындауындағы дүнген халық әнін, Ахметшина Рузаляның орындауындағы «Гармун алыйк» татар әнін, Вятчина Тамараның орындауындағы еврей халқының «Хава нагива» әндерін тыңдады. Ал Меркі ауданынан келген Серова Александра и Шидокова Зухра  «Кавказ» әнін қарашай тілінде орындаса, Жуалы ауданынанан келген әзірбайжан қызы Саядова Милана қазақтың ұлттық аспабы домбырамен «Салкүрең» күйін орындап шықты.

«Арт-Мэн» тобының орындауындағы «Ұлы дала» әнін жиналған көрермендер қосыла шырқады. Фестиваль соңында барлық қатысушыларға арнайы дипломдар мен бағалы сыйлықтар табыс етілді.

Жамбыл облысы әкімі аппаратының «Қоғамдық келісім» КММ баспасөз-қызметі. 

Осы жолғы «Үміт Үзбеу» ҚҚ басты міндеті  – әлеуметтік жағдайы төмен отбасынан шыққан 80 балаға материалдық және моралльдық көмек көрсету болды.

Біз 80 балаға мектепке дайындалуға қолдау көрсеттік, Павлодар қаласынан көп балалы ата-аналар мен қамқоршылар көмек сұрап келді, соның ішінде Ленинский ауылы Май ауданы мен Железинка ауданы. «Павлодар облысы бойынша еңбектеніп жүрген әйелдер ісі жөніндегі комиссияның» Кәсіподақтың аймақтық бірлестігінің жетекшісі Даумова Р.Ж. қолдауымен барлық балаларға мүмкіндік болғанша киім-кешекпен, кеңсе тауарлармен және портфельдермен қамтамасыз етілді. Ата-анасының қамқорлығынсыз қалған 35 жетім балалар үшін «Бурбон» дәмханасында мерекелік дастархан жайылып, сыйлықтар табысталды. Біздің мақсатымыз – аз қамтылған отбасыдан және көп балалы отбасылардың балаларына қандай да бір себеппен мектепке бармауға жол бермеу (біз осы мәселені шешуге көмектестік). «Үміт Үзбеу» ҚҚ директоры – Гаухар Омарова.

Сонымен қатар, мұқтаж балалар үшін күнделікті қолданылатын заттардан  кәдесыйлар жасау бойынша «Өз қолынмен сұлулықты жаса» шеберлік классын өткіздік. Білім күні қарсаңында Жастар бастамаларын дамыту орталығында «Үміт Үзбеу» ҚҚ Анна Шихованың  авторлық студиясымен бірлесіп аса қажеттілікті ететін балалар үшін іс шаралар ұйымдастырдық. Балалар үлкен қызығушылықпен бұл шараға қатысты. Біздің басты міндетіміз саусақтар жұмысын жақсылап дамыту болатын, өйткені кейбір балалардың моторикмен мәселелері бар. Балалардың шығармашылыққа, қоршаған ортаны тануға мүмкіндіктері болды. Шеберлік классы аяқталған соң, ыстық құмның үстінде батуттарда серуендеу үшін балаларды қалалық жағажайға апардық. Оларға қатты ұнады, олар сондай бақытты көрінді. Барлық іс шаралардан кейін «Крендель»  дәмханасында түскі ас ұйымдастырылды. «Біз балалардың барлығы сыйлықтармен қайтуды жоспарладық» – деп  «Үміт Үзбеу» ҚҚ  жетекшісі  Гаухар Омарова атап өтті. – осындай шеберлік класстарды әрі қарай өткіземіз, бірақ ол үшін материалдарды сатып алу керек, бәріне белгілі ондай қаражат бізде жоқ.

Кезекті біздің шарамыз, Абышева Тахминаның емделуіне арналған  «Жүректен жүрекке» қайырымдылық концерті.

Біздің жоспарлағанымыз ойымыздан шықанымызға өте қуаныштымыз. Меніңше, осындай жағдайда Алланың құдіреті біздің жанымызда. Осы күні жанымызда болған жандарға жылы сөздер айтқым келеді. Мейірімді жандардың қатары  жылдан жылға ұлғайып келетініне сондай қуанамын Қосылындар «Балалар игілігі үшін мейірімділік жасаңыздар».

«Үміт Үзбеу» ҚҚ  директоры  Гаухар Омарова