ҚХА «ЖОМАРТ ЖАН» ОРТАЛЫҒЫНЫҢ ОТЫРЫСЫ ӨТТІ

/in /by
Ағымдағы жылдың 14 ақпанында Достық үйінде Жамбыл облыстық ҚХА
жанындағы «Жомарт жан» орталығының отырысы өтті.
Аталмыш жиынға Жамбыл облысы әкімдігінің ақпарат және қоғамдық даму
басқармасы басшысының орынбасары Қуаныш Мамашев пен «Қоғамдық
келісім» мекемесінің басшысы Мубарак Жинақбаева қатысты.
Бұдан өзге жиында «Жомарт жан» орталығының төрағасы Жалил Аббосов
бастаған аталмыш орталықтың мүшелері де болды.
Отырыс барысында аталған орталықтың 2025 жылға арналған жұмыс
жоспары талқыланып, орталық мүшелерінің жаңа құрамы бекітілді.
Сондай-ақ, 1 – наурыз Алғыс айту күні, ҚХА-ның 30-жылдығына орай
«Қайырымдылық керуені» акциясын ұйымдастыру және өткізу мәселелері
қаралды.
Жиын соңы өзара пікір алмасуға ұласты.