ҚАЙЫРЫМДЫЛЫҚ – ИГІ АМАЛ

/in /by

Наурыз – әр шаңыраққа жаңару, сенім мен үміт, амандық пен береке әкелетін, табиғаттың оянып, рухани жаңғыруының мерекесі. Бұл – сауапты, қайырымды істер жасауға мүмкіндік беретін уақыт.

Осыған орай, «Қазақстан татарлары мен башқұрттарының құрылтайы» Республикалық қоғамдық бірлестігінің Жамбыл облысы бойынша филиалының өкілдері Наурыз мерекесі қарсаңында 2023 жылдың 15 наурызында қайырымдылық акциясын ұйымдастырды.

Осы ұйымның басшысы Фарида Нақыштың айтуынша, мұқтаж жандарға жалпы сомасы 45 000 теңгені құрайтын көмек көрсетілген.

Акция барысында 15 отбасыға азық-түлік пакеттері таратылды. Әр азық-түлік жиынтығы 6 заттан тұрады:макарон, қант, қарақұмық, күріш, шай, өсімдік майы.

Қайырымдылыққа негізделген іс-шаралар алдағы уақытта да жалғасын табады.

«Қоғамдық келісім» КММ

Ақпараттық жұмыс және қоғаммен байланыс бөлімі