Баршаңызды еліміздің ең ұлы мейрамы, адам баласы мен табиғат ана қайта жаңғырып, түлейтін – әз-Наурыздың тууымен құттықтаймын!
Күллі шығыс жұртына ортақ Ұлыстың ұлы күні Наурыздың тарихы тым тереңде жатыр. Аспанда күн мен түннің теңесетін, ырысы мол мереке біздің жан – дүниемізді шуаққа бөлейді, ой – ниетімізді таза арнаға бұрады. Бұл кешірім мен мейірімнің, үміт пен сенімнің, ізгілік пен түсіністіктің мерекесі. Бұл күні біз өткен жылы жасаған жұмысымызға есеп беріп, келешекке жоспар құрамыз, тәуелсіз де қажымас еліміздің өркендеп, өсуі жолында жаңа бастамаларға негіз қалаймыз. Қандай қиыншылық болса да біз бірлігіміз барда ештеңеден сескенбейміз. Қазіргі уақытта Наурыз жаңа сипатқа ие болды, ұлтына, діни сеніміне қарамастан Қазақстанды мекендейтін барлық ұлттар мен ұлыстардың ортақ мерекесінде баршаңызды түркі, орыс, неміс демей, халықтар арасындағы достықты бекітуге, бауырластық қарым – қатынастардың нығаюына, әр ұлттың салт – дәстүрінің қайта жаңғыруына осы мейрамда үлкен үлес қосуларыңызды сұраймын. Наурыз мейрамы күллі жұртшылыққа құт – береке әкелсін. Баршаңызға амандық, саулық, дастархандарыңызға молшылық тілеймін!
Жамбыл облыстық Махмұт Қашқари атындағы Ұйғыр этномәдени бірлестігінің төрайымы, ҚХА мүшесі Мухабат Турдыева
