ҚОРДАЙ АУДАНЫ ТҰРҒЫНДАРЫНА ӘЛЕУМЕТТІК САУАЛНАМА ЖҮРГІЗІЛДІ
Әр өңірдегі «Қоғамдық келісім» мекемесінің Ғылыми-сараптамалық тобының да басты мақсаты — бірлік пен келісімді сақтау екендігі баршаға мәлім. ҚХА құрылымдарының ішіндегі
Ғылыми-сараптамалық топ қазіргі таңда көпмәдениетті қоғамда қаймағы бұзылмаған ұлтаралық келісімге сызат түсірмеу үшін, әрі жарасқан бірлікті көздің қарашығындай сақтау қамындағы мәселелермен айналысып келеді.
Еліміздің саясатына ғылыми-сараптамалық көмек көрсету, яғни сүйемелдеу, Қазақстан көпэтникалық ел болғандықтан бұл мәселе әрдайым күн тәртібінде тұра береді, еліміздің ішкі жағдайын зерделеуде де өзінің ықпалын тигізеді.
Аталған бөлім бірегейлікті қалыптастыру, әрі татулықты, бірлікті сақтау бағытында көптеген істердің басын құрап, этностар көп шоғырланған ауылды аймақтарда саяси ахуалды үйлестіруде.
Осы тұрғыда ағымдағы жылдың 20-қыркүйегінде Жамбыл облысы әкімдігінің Ішкі саясат басқармасының “Қоғамдық келісім” КММ ұйымдастыруымен ілгерілетіліп отырған “Достық керуені” жобасы аясында бөлімнің бас сарапшысы Ербол Қаншымбеков жетекшілігімен Ғылыми-сараптамалық топ бөлім қызметкерлері Рианна Жалпанова, т.б., Қордай ауданының Степной, Ауқатты, Масаншы, Сортөбе, Қарасу ауылдық округтерінде ауыл тұрғындары арасында әлеуметтік сауалнама жүргізді.
Мақсаты – ауыл тұрғындарына сауалнама жүргізу аркылы әлеуметтік және саяси ахуалын зерделеу.
Саяси тұрғыдан сауалнама қорытындысын нәтижелеу барысында араларында қандай да бір тілдік немесе нәсілдік кемсітушілік, алауыздық, “араздық тілі” байқалса, дереу назарға алып, шара қолдану.
Әлеуметтік тұрғыдан да зардап шегіп жүргендер сараланса, құзіретті органдарды қатыстырып, зерделенген мәселелердің тиімді шешімін табу.
«Ақпараттық жұмыс және қоғаммен байланыс» бөлімі
