Бүгін Тараз қаласының Достық үйінде «Жамбыл облысы неміс қоғамы» қоғамдық бірлестігі Пасха мейрамын атап өтті.

/in /by

Іс-шараның басты мақсаты – неміс этносының  салт-дәстүрі мен мәдениетін дәріптеу. Сондай-ақ, шараға облыстық неміс этномәдени бірлестігінің белсенді мүшелері және өзге де этномәдени бірлестік өкілдері қатысты.

Мерекеге орай жиылғандарды  Жамбыл облысы әкімдігінің ішкі саясат басқармасы «Қоғамдық келісім» КММ басшысы Парида Иманжанқызы құттықтады.  Сонымен қатар, «Жамбыл облысы неміс қоғамы» қоғамдық бірлестігінің төрағасы Александр Гибнер  мерекенің мән-мағынасын түсіндіріп, оған атсалысқан барша жандарға алғыс айтты.

Пасха – бұл көктем мезгілі басталуын білдіретін дәстүрлі мереке. Неміс Пасхасыныӊ ерекше белгісі өмір мен жаӊа бастаудыӊ символын білдіретін боялған жұмыртқалар, мол өнімді білдіретін пасха қояны, әртүрлі пісірілген нан және тәттілер.

Мереке барысында ұлттық киім киген «Singende Herzen» вокалдық ансамбьлі неміс халық әндерін орындады. Этномәдени бірлестік жастары  музыкалық және вокалдық нөмірлер дайындап, көрерменге көтеріңкі көңіл-күй сыйлады.  Ал балалар жиылған көрерменге пасхалық көріністен театрландырылған  үзінділер ұсынды.

Жамбыл облысы әкімдігінің Ішкі саясат басқармасының

«Қоғамдық келісім» КММ

Баспасөз орталығы

 

Ассамблея – ынтымақтың үздік үлгісі

/in /by

Қазақстандағы этносаралық келісім мен бірлікке қызмет ететін институттың сессиясы жыл сайын өтіп тұрады. Дәстүрге айналған сессия Қазақстан халқы үшін аса маңызды диалогтық алаңға айналған. Биылғы жылғы сессияда қандай шешімдер қабылданып, қандай жобалар жүзеге асатынын білуге асықпыз.

Жалпы Қазақстан халқы Ассамблеясының мiндетi – халық бiрлiгiн нығайту, қазақстандық қоғамның негiзiн қалаушы құндылықтар бойынша қоғамдық келiсiмдi қолдау және дамыту, сондай-ақ, қоғамдағы экстремизм мен радикализмнiң көрiнiстерi мен адамның құқығына, бостандығына қысым жасауға бағытталған әрекеттерге қарсы тұруда мемлекеттiк органдарға жәрдемдесу болып табылады.

Бір сөзінде Елбасы Нұрсұлтан Назарбаев «Ассамблеяның тарихы – бұл біздің тұрақтылығымыздың тарихы» деген болатын. Бұл сөздің қаншалықты маңызды екені әркімге жіті түсінікті деп ойлаймын. Жеке өзімді Елбасының осынау сөзі ерекше қанаттандырады. Әрі облыстық ассамблеядағы жұмсымды шыңдау үшін жігерімді жанитындай.

Қазақстан халқы Ассамблеясының жиырма тоғызыншы сессиясы 28 сәуір күні Нұр-Сұлтан қаласында Назарбаев орталығында “Бірліктің, татулық пен келісімнің 30 жылы” күн тәртібімен шақырылды.  Алдағы сессияға артар үмітім көп.

Жалпы, этно-мәдени бірлестіктер бір болып көптеген игі істерге ұйытқы болып келеміз. Не істесек те еліміз, Отанымыз Қазақстанның бекем бірлігі мен көркем тірлігі үшін.  Біздің мақсатымыз бір, мүддеміз бір, келешегіміз де, еліміз де бір. Елбасының айтқан бағдары бойынша Қазақстан халқының бірлігі мен қоғамдық келісім үшін «бір жеңнен қол, бір жағадан бас шығарып» жұмыс істейміз. Шындығында ел еңсесі биік болып, оған титтей де болса үлес қосып жатсақ ол біз үшін зор мақтаныш.

Сондай-ақ, тағы бір өзекті мәселеге тоқталғым келіп отыр. Қазақ тілі – Қазақстан Рес­пуб­ли­касының Мемлекеттік тілі.  Біз түбіміз бөлек болғанымен Отанымыз бір. Бізді тар заманда бауырына басып, соңғы нанын бөліп берген қазақ халқының тілін өз тіліміздей толық меңгеріп кетпесек те күнделікті тұрмыс-тіршілікке қажетті деңгейде білуіміз керек деп білемін. Бұл Отан алдындағы әр азаматтың борышы. Бүгінде қазақ тілінде еркін сөйлеп, оның мәртебесін көтеріп, тұғырын нығайтып жүрген өзге этнос өкілдері аз емес. Жастары болсын, қаттары болсын өз шама шарқынша сөйлеп жүр. Дегенмен осы бір мәселеге ерекше мән берсек екен. Мен елімізге деген сүйіспеншілігімді оның әрбір құндылығын жетік меңгеріп, мәдениеті мен өркениетін, тілі мен ділін жетік меңгеру арқылы дәлелдегім келеді. Меніңше мұндай сезім әр қазақстандық азаматтың бойында тулап тұруы керек.

Ассамблея арқалаған жүктің арасында осы тіл мәселесі де бар. Мемлкеттік тілді дәріптеуде түрлі жобалар жүзеге асып, көптеген ұсыныстар қаралу үстінде. Бұдан өзге біріліктің бірегей институты  өз қызметінің арқасында Қазақстанда этностық немесе діни ерекшелігіне қарамастан әрбір азаматтың Конституциямен кепілдік берілген азаматтық құқықтары мен еркіндігі толығымен қолданылатын этносаралық және конфессияаралық келісімнің айрықша үлгісі қалыптасты. Қазақстанның көпэтностық бай кеңістігінде сенім, келісім мен өзара түсіністік үлгісі орнады. Аталмыш бірегей институт еліміздегі барлық этнос өкілдерін ортақ мақсатқа ұйыстыра отырып, республикадағы тұрақтылықты сақтау мен ел дамуының мақсатына айтулы үлес қосып келеді.

 

«Тараз қаласының өзбек этномәдени орталығы»

 қоғамдық бірлестігінің төрағасы

 Зайнутдинов Абдурахман

 

ХХІХ сессиядан күтер үмітім көп!

/in /by

Бүгінде әлемнің қасіретіне айналған пандемия біздің елденде  іргесін аулақ салмады. Алпауыт індеттің тырнағы жанымызға батып тұрғаны рас. Алайда, бірлік бар жерде алынбайтын қамал бар ма? Ақпыз, қара, сарымыз деместен бір үйдің баласындай басымызға төнген қауіптің бұлтын сейілтуге мықтап ат салысудамыз. Бұл тек біздің емес әлем халықтарының басын біріктіріп күресуге шақыратын вирусқа қарсы соғыс. Әрине, саусақ арасынан сырғынған құмдай көз ілестірмей барады. Індеттен әлем болып айықпасақта аузынан ажал бүркіген аждаһаның бетін қайтарғандаймыз. Бұл да берік бірліктің, ынтымақ пен тұрақтылықтың арқасы деп білеміз.

Биылғы жылы сәуір айында Мемлекет басшысы Қасым-Жомарт Тоқаев   Нұр-Сұлтан қаласында Назарбаев орталығында  өтетін «Бірліктің, татулық пен келісімнің 30 жылы» күн тәртібімен  29 сессиясына шақырды. Бұл, ел ынтымағын күзеткен бірегей институт  ширек ғасырдан астам уақыт бойы көп этносты Қазақстанның бірлігі мен келісімінің сенімді кепілі болып келеді.

Тәуелсіз Қазақстанның Тұңғыш Президенті – ҚХА төрағасы Нұрсұлтан Әбішұлы Назарбаев  Егемен мемлекет ретінде,  біртұтас азаматтық қауымдастық қатарында өмір сүруіміз ел ішіндегі қауіпті жағдайларды болдырмауға байланысты дегенді түсіндіре келе, Елбасы өз баяндамасында татулықтың басты символы Ассамблеяның, бейбітшілік пен келісімнің басты формуласын егжей-тегжейлі ашып берген болатын.

Сонымен қатар, өткен жылдан бері тек Жамбыл облысында ғана Мемлекет басшысы Қасым-Жомарт Тоқаевтың тапсырмасымен, аймақ басшысы Бердібек Сапарбаевтың жетекшілігімен жүзеге асып жатқан бірегей жоба бар. Ол Жамбыл жерінде болған соңғы қақтығыстардың алын алуға арналған «Бейбітшілік пен келісім» жобасы.

Өз жемісін беріп жоба аясында бүгінгі таңда, барлығы-1144 іс-шара ұйымдастырылды. Жобаға 30 мыңға жуық адам тартылды. 1919 азаматтың мәселесін шешуге көмек берілді. 709 азаматқа медициналық көмек көрсетіліп, 236 адамға атаулы әлеуметтік көмек тағайындалды.

Жоба 2021 жылы жеті ауданда 1 наурыздан басталатын болады. 1-3 наурыз Меркі, 4-6 наурыз Шу, 9-11 наурыз Байзақ, 11-13 наурыз Жамбыл, 15-17 наурыз Талас, 18-20 наурыз Сарысу және 25-27 наурыз аралығы Қордай аудандарында өткізілді.

Игі істің жұмыс тобы құрамына облыс аумағындағы барлық құқық қорғау және мемлекеттік органдар мен қатар басқармалардың мамандары енгізілді.

Келелі жобаның негізгі мақсаты облыс тұрғындарының әл-ауқатын арттыру, білім беру мен медициналық қызметтер сапасын жақсарту, діни білім деңгейін көтеру, азаматтарға арналған жылжымалы қабылдау өткізу, әлеуметтік мәселелерін шешу, үйме-үй жүру, бос жұмыс орындарының жәрмеңкелерін ұйымдастыру, халыққа несие беру бойынша кеңес беру, халықтың әлеуметтік осал топтарының мәселелерін шешу, заң аясында көмектесу, бизнесті қолдау және дамыту бойынша жүзеге асырылып жатқан жобалар мен мемлекеттік бағдарламалар туралы ақпараттандыру жұмыстарын жүргізу болатын.

Міне, Қазақстан халқы Ассамблеясының арқалап отырған жүгі аз емес. Әсілінде, ел тарихына ерекше үн қосар, халықтар достығының мызғымас  негізін қалыптастырып ымыраға келтіру, ынтымақ пен тұрақтылықты сақтау ассамблеяның айнымас сертіне айналған. Сондықтан да, әр сессияны асыға күтеміз және сеніміміз ақталады. биылғы жылғы сессияданда күтер үмітім көп.

Жамбыл облыстық «ВЫНХУА» дүнгендер

этномәдени бірлестігінің мүшесі,

 облыстық ҚХА Аналар кеңесінің өкілі

Нуралиева Динара Хаттамовна

Бейбітшілік пен ынтымақтастықтың ыстық ұясы

/in /by

2021 жылдың сәуірінде ел тарихында маңызды оқиға саналатын – Қазақстан халқы Ассамблеясының дәстүрлі XXIХ сессиясы өтеді. Бейбітшіліктің бірегей институты  ширек ғасырдан астам уақыт бойы көп этносты еліміздің бірлігі мен келісімінің сенімді кепілі болып келеді.

Тәуелсіз Қазақстанның Тұңғыш Президенті – ҚХА төрағасы Нұрсұлтан Әбішұлы Назарбаев  өткен жылғы XXVIIІ сессияда сөйлеген сөзінде: «Әлем ауыспалы болса да, тұрақты, іргелі құндылық – қоғам бірлігі мен ұлтаралық келісім болып қала береді. Өзгерістер мен жетістіктер дәуірі әлемді қауіпсіз ете алмағанын өкінішпен мойындау керек. Бүгінгі таңда шамамен ондаған мемлекеттер қақтығыс пен жанжалдар астында отыр. Олардың көпшілігінің себебі ішкі этносаралық және діни қайшылықтар,  бұл елемеуге болмайтын қайғылы жағдайлар..» – деген Елбасы, өз баяндамасында татулықтың басты символы Ассамблеяның әлеуметтік бірлік және қоғамды жаңғырту болып табылатын бейбітшілік пен келісімнің басты формуласын егжей-тегжейлі ашып берді.

Бейбітшілігіміз бен ынтымағымыз сынға түскен тағы бір кезең – бұл пандемия кезеңі. Біздің елімізді де дүние жүзіне кең тараған тәжді вирус айналып өтпеді. Талай халықтың қаймағына айналған тұлғалар мен қаншама қарапайым ел  індеттің салдарынан көз жұмды.  Аты шулы індетпен арпалысып, жасанды оттегі құрылғысымен жанын аман алып қалуға асыққандары қаншама. Дүбірі басылмаған алпауыт дерттің басы қайтқанымен қарқыны толқын толқын болып тығырыққа тіреуде. Қазір әлем елдері пандемиямен күрес үстінде. Бұл қиын кезеңнен өту де тек татулық пен бірлікке қатысты. Қандай жағдай болмасын, небір қилы заманда халықтың бірлігі арқылы ғана жеңіске жеткенбіз. Осы тұста ынтымағымыз ажырамаса екен, іргеміз сөгілмесе екен деген тілегімде бар!

Әрине елімізде орын алып жатқан кез-келген дүниеге халық болып үн қатамыз. Барлық іс ел Президентінің сындарлы саясаты негізінде жүзеге асатын болады. Алдымызда Қазақстан халқы Ассамблеясының дәстүрге айналған кезекті сессиясы келе жатыр. Бұл сессияға қатысушы әрбір Қазақстан азаматы өзін  зор  жауапкершілік күтіп тұрғанын  ұмытпағаны абзал. Өйткені, осы үлкен диалогтық алаңда білім деңгейі көрініп, пікір, тәжірибе алмасу, ел арасындағы түйіткілді мәселелердің шешілуі жолында тың идеялар ұсынылып, жүйелі жобалар жүзеге асады.  Өткеннің кемшіліктерінен дұрыс нәтиже шығарып, жетістіктерін пайдалана отырып, болашаққа нық қадам жасай келе, жаңа таным, жаңа көзқараспен алға ұмтылу – Қазақ елінде тұратын барлық этнос өкілдерінің өз атқарған істерінен күткен нәтижесі.

Ең бастысы, әрбір Сессия Ассамблея құрылымдарының Қазақстан бойынша өткен жылдағы атқарған жұмыстарының қорытындысын шығаруға мүмкіндік береді және соның негізінде келелі жоспарлар жобасы жасалады.

Біз барлығымыз дамудың күшті қарқынымен бірге жүретін қазіргі заманғы қазақстандық қоғамның қуатты трансформациясының куәсі болып табыламыз. Жаңа технологиялар адамзаттың дүниетанымын және адамдардың қоғамдағы қарым-қатынасын түбегейлі өзгертеді. Өткен жылы Қазақстан халқы Ассамблеясының құрылғанына 25 жыл толуымен бірге, еліміздегі елеулі оқиға- Конституциямыздың 25 жылдығын атап өттік. Бұл барлығымыз үшін маңызды даталар болып қалады. Қазақстан халқы өмірінің осы межесіне жеткенде нағыз бірлік пен патриотизмнің, өз жеріне және халқына, оның мәдениетіне, жалпы құндылықтарына, мақсаттары мен міндеттеріне деген сүйіспеншіліктің барына нақты көз жеткіздім. Қазақстан-экономикалық және саяси табысты, бейбітті және тұрақты мемлекет.

Мен біздің халқымыз бірлік пен келісімді сақтай отырып, уақыт сынына адал жауап беріп, жаңа биіктерге жете алатынына сенімдімін.

Кабиева Айгүл

«Әулие-Ата» қазақ мәдени орталығы»

 бірлестігі төрағасының орынбасары

Ассамблея – ұлттардың ұйытқысы

/in /by

Тәуел­сіз Қа­зақстанда этносаралық қаты­нас­тардың қазақстандық моделін қалып­тастыру – бұл тың көзқарас. Елдегі болып жатқан түрлі жағдайға қарамастан біз бірлікті сақтаймыз. Бұл үрдіс бұған дейін де еш үзілмеген. Дәл солай әрмен қарай жалғаса беретін болады. Осы тұста еш елде баламасы жоқ Қазақстан халқы Ассамблеясының атқарып отырған ісі ауқымды екенін   атап өту маңызды. Осы орайда «Біздің ортақ міндетіміз қоғам­дық келісім мен жалпыұлттық бірлікті сақтау – тәуелсіз Қазақстан­ның басты әрі даусыз табыстарының бірі. Біздің ынтымағымыз одан ары нығая берсін, ал жүрегі ортақ же­тістіктер үшін мақтаныш пен алғысқа толы болсын» деген еді Елбасы Нұрсұлтан Әбішұлы Назарбаев.

Қазаұқстан халқы Ассамблеяның басты әрі негізігі міндеті – халық бір­лігін, ынтымақтастығын нығай­ту, қазақстандық қоғамның негізін қалаушы құндылықтар бойынша қоғамдық келісімді қолдау және дамыту. Сондай-ақ, қоғамдағы адамның құқығына, бостандығына қысым жасауға бағытталған әре­кеттерге қарсы тұруда мемлекет­тік органдарға жәрдемдесу болатын. Бүгінгі таңда тұрақтылық пен бейбіт өмірдің діңіне айналған ассамблея өзіне артылған міндетті айрықша орындап келеді.

Қоғамның көпэтносты, мәдениет пен тілдердің көптүрлілігі біздің артық­шы­лығымызға айналып, елдің дамуына берік негіз болғаны рас. Олай болса бізді әлем елдері арасында артық етіп көрсетіп отырған Қазақстан халқы Ассамблеясы бүгінгі күні ширек ғасырдан астам уақытты артқа тастап отыр. Ынтымақ пен бірегейліктің салтанат құрған дәуірі әрмен қарай жалғаса беретініне бек сенімдімін. Мен осы елдің азаматы, күрділер қоғамдық бірлестігінің өкілі ретінде елдегі болып жатқан қуанышты жаңалыққа қуанып, ал, қиындығына өзімше кейіп отырамын. Бұл – осы елге сіңіп, бүгінде өз Отанымыз ретінде мойындағанымыздың дәлелі. Ата-бабамыздың бізге көрсетіп кеткен үлгісі осындай. Бізді бұл үрдісті, одан әрі жалғап өз ұрпағымыздың бойына сіңдірудеміз. Қазақстан халқының мамыражай күн кешіп, ел іргесі аман, тыныш, бейбіт заман болғаны біздің де тілегіміз.

Өз этносымыздың салт-дәстүрі, мәдениеті, өркениеті болмаса түрлі әдет-ғұрыптар секілді ұлттық құндылықтарымызды сақтауға, оларды болашақ ұрпақтарымызға жеткізуге немесе оларды ұмытылмастай дәріптеуге Қазақстанда ешқашан кедергі болған емес. Мұндай елдің неліктен қасиетті қастерлеп,мейрейін үстем етпеске. Керісінше, бізге осындай жағдай жасап, отырған кеңпейіл Қазаққа, ауадай қажет  ауызбіршілігімізді сақтап отырған Қазақстан халқы Ассамблеясына алғыстан өзге айтарымыз жоқ.

Біз күрді халқы нәубетті жылдары қазақ жерін паналадық. Демін ішіне тартып тұрған нәубетті жылдарда қазақ жері бізден өзге сан түрлі ұлттарды бауырына басты. Міне, содан бері қаншама уақыт өтті? Бізге Қазақстан құтты қоныс, жайлы мекенге айналды. Біз үшін Қазақстаннан өзге Отан жоқ. Қоғамда өз орнын тауып, тату-тәтті өмір сүріп отырған этно­с­тар­дың басын Ассамблея біріктіріп отыр.

Мемлекеттің тұтастығы қоғамдағы ұлттардың азаматтық ынтымақтастығының арқасында десек қателеспейміз. Бүгінгі күнде отансүйгіштік, мейі­рім­ділік, төзімділік, ауызбіршілік, намысшылдық, батырлық, адалдықты өсіп келе жатқан ұрпақтың санасына сіңіру — әрбір азаматтың парызы. Елбасы айтқан­дай, «Біздің бабаларымыз тірі болу үшін бір болған, біз ірі болу үшін бір болуымыз керек». Бұл дәстүр үзіл­ме­се, ғасырлар бойы көпэтносты мем­ле­кетіміздің тыныштығы тұрақты, қоғамдық тұтастығы мықты болмақ.

Айдаров Латиф Амзеевич  

Қазақстан Республикасы «Барбанг» күрділер ассоциациясының Жамбыл облысындағы республикалық филиалы» қоғамдық бірлестігінің төрағасы

 

 

Халықаралық театр күні

/in /by

Ағымдағы жылдың наурыз айында Тараз қаласының Достық үйі ғимаратында 27 наурыз – Халықаралық театр күніне орай «Жамбыл облысы неміс қоғамы» қоғамдық бірлестігінің ұйымдастыруымен «Қазақстандағы неміс театры» тақырыбында таныстырылым өтті.

Іс-шараның басты мақсаты – неміс этносының  салт-дәстүрі мен мәдениетін дәріптеу. Сондай-ақ отырысқа  неміс этномәдени бірлестігінің мүшелері мен жастар қанаты қатысты.

Этномәдени бірлестік төрағасы Александр Гибнер қатысушыларды Қазақстандағы неміс театрының тарихымен таныстырып, ерекше қызықты форматта викториналық ойын ұйымдастырды. Сауалдарға дұрыс жауап беріп суырылып шыққан 4 көрерменге құнды сыйлықтар табысталды.

Айта кетейік, Қазақстандағы бірінші неміс театры 1975 жылы Қаз КСР мәдениет министрлігінің №34 бұйрығымен ашылды. Араға бес жыл салып Мәскеудегі кіші театрдың жанында құрылған Щепкин атындағы жоғары училищенің 30 түлегі Теміртау қаласына келді. Олар аталған театрда көп уақыт жұмыс істеп, оның жан-жақты дамуына атсалысты.

Қазіргі таңда Республикалық Неміс Драма театры басынан өткен өзіндік қиыншылықтардан кейін неміс халқының мәдени мұрасын сақтауға және насихаттауға атсалысуда.Жыл сайын театр репертуары жаңартылып, оған өзге елдердің сазгерлері мен режиссерлері тартылады.

Қазіргі кезде неміс театры интернационалды тұрғыда қалыптасып, өз мәдени жұмыстарын жалғастыруда.

Жамбыл облысы әкімдігінің Ішкі саясат басқармасының

«Қоғамдық келісім» КММ

Баспасөз орталығы

 

Тараз қаласында Наурыз мерекесіне және ҚР Тәуелсіздігіне 30 жыл толуына орай, Жамбыл облысы ҚХА ұйымдастырған «Мейірімді жүрек» қайырымдылық акциясы өтті.

/in /by

Жамбыл облысы әкімдігінің ішкі саясат басқармасы «Қоғамдық келісім» КММ, облыстық ассамблеяның этномәдени бірлестік өкілдерінің ұйымдастыруымен өткен игі іске «Жаңғыру жолы» жастар қозғалысының белсенділері атсалысты. Жомарт жандар арқылы қаламыздағы 20 ардагер мен әлеуметтік жағдайы төмен 20 отбасыға азық түлік үлестірілді.

https://www.youtube.com/watch?v=QWrzPt9SmYU

Тараз қаласында «Мейірімді жүрек» қайырымдылық акциясы өтті

/in /by

Ағымдағы жылдың наурыз айында Тараз қаласында Наурыз мерекесіне және ҚР Тәуелсіздігіне 30 жыл толуына орай, Жамбыл облысы ҚХА ұйымдастырған «Мейірімді жүрек» қайырымдылық акциясы өтті.

Жамбыл облысы әкімдігінің ішкі саясат басқармасы «Қоғамдық келісім» КММ, облыстық ассамблеяның этномәдени бірлестік өкілдерінің ұйымдастыруымен өткен игі іске «Жаңғыру жолы» жастар қозғалысының белсенділері атсалысты.

Іс-шараның мақсаты – әлеуметтік осал топтағы отбасылар мен қарт кісілерге «Мейірімді жүрек» облыстық қайырымдылық акциясы аясында көмек көрсету. Сондай-ақ, өскелең ұрпақ арасында мейірімділік, қамқорлық сынды ізгі қасиеттерді насихаттау, әлеуметтік жағдайы төмен, аз қамтылған отбасынан шыққан балаларға көмек көрсету, достық, бірлікті нығайту болып табылады.

Айта кетейік, жомарт жандар қаламыздағы 20 ардагер мен әлеуметтік жағдайы төмен 20 отбасыға азық түлік үлестірді.

Жамбыл облысы әкімдігі

ІСБ «Қоғамдық келісім»КММ

Баспасөз орталығы

Таразда «Ырыс пен ынтымақтың мерекесі – әз Наурыз» кең көлемде аталып өтті

/in /by

Тарихи тамыры тереңге бойлаған әз-Наурыз ежелден ырыс пен ынтымақтың мерекесі болып келген. Тек адамзат қана емес, табиғаттың да жасарып, бой түзейтін шағы –Ұлыстың ұлы күнінің барлығымыз үшін  жолы да, жөні де бөлек.

Осыған орай, бүгін Тараз қаласының «Қазақ халқына мың алғыс» монументі орналасқан арбатында, Тәуелсіздігімізге 30 жыл толуы қарсаңында, өңірлік   Қазақстан халқы ассамблеясы мен облыс әкімдігінің ішкі саясат басқармасының «Қоғамдық келісім» коммуналдық мемлекеттік мекемесі ұйымдастыруымен, сондай-ақ, Жамбыл облысы әкімдігінің Тілдерді дамыту басқармасының қатысуымен  «Ырыс пен ынтымақтың мерекесі – әз Наурыз» атты іс-шара жылдағы дәстүрге сай жоғарғы деңгейде аталып өтті.

«Наурыз» күнін мерекелеудегі мақсат – түркі халықтарының салт-дәстүрін дәріптеу, елде қоғамдық келісім мен жалпыұлттық бірлікті қамтамасыз ету, өскелең ұрпақты бір-біріне деген құрмет пен толеранттылыққа, отансүйгіштікке тәрбиелеу.

Ұлыстың ұлы күні өткен іс-шараға облыстық ҚХА мүшелері, этномәдени бірлестік өкілдері, олардың шығармашылық топтары, жастар қанаты, Тілдерді дамыту басқармасының тіл мамандары, «Қоғамдық келісім» мекемесінің қызметкерлері, мектептен тыс жұмыс және балалар шығармашылық орталығының жастары және облыстық БАҚ өкілдері қатысты.

Мерекенің ең шарықтау шегі – сән-салтанаты жарасқан, қарасаң көзтартар  ұлттық киімдерін киген этномәдени бірлестіктері  шығармашылық топтарының  концерттік бағдарламасы болды. Ерекше әдемі, ашық түстерден ұлттық киімдер үлгісімен өнер көрсеткен этнос өкілдері жиналған жұртшылыққа ұмытылмас көтеріңкі көңіл-күй сыйлады.

Аллеяға қарсы бетте арнайы жабдықталып тігілген киіз үйден жұртшылық қазақтың ұлттық тағамдары мен наурыз көжелерінен  дәм татты. Сонымен бірге, жиынға келген жұрт назарына  киіз үй ішінде қазақ халқының ұлттық көрмесі де  ұйымдастырылды.

Бұдан өзге, мерекелік думанды көруге келген қала тұрғындарына  облыс әкімдігінің Тілдерді дамыту басқармасының Тілдер орталығы  ұйымдастыруымен мемлекеттік тілді жетік меңгеруге бағытталған викториналық сұрақтар қойылып, оң  жауап берген белсенді  қатысушыларға түрлі сыйлықтар табыс етілді.

Аталған іс-шара соңы Ішкі саясат басқармасының «Қоғамдық келісім»  мекемесі мен Тілдерді дамыту басқармасының басшылары – Парида Иманжанқызы мен Хадиша Тұрмағамбетқызы күні кеше ғана өзге этнос өкілдері арасында өткізілген «Қазақ тілі – ғажап тіл» фестивалінің жеңімпаздарын  марапаттауымен аяқталды. Ұлыстың ұлы күніне арналған  мерекелік шара жамбылдықтардың көңілінен шықты.

Наурыз мейрамы – қаланың өзге де аумақтарында ұйымдастырылды.

Жамбыл облысы әкімдігінің Ішкі саясат басқармасының

«Қоғамдық келісім» КММ

Баспасөз орталығы

 

 

 

 

 

 

Жамбыл облыстық ҚХА мүшелері мен этномәдени бірлестік жетекшілерінің 2021 жылдағы Наурыз мейрамына құттықтаулары

/in /by

Баршаңызға аян,  Жамбыл облысы үшін  былтырғы жылдар біз үшін оңай жыл болмады. Қордайда оқыстан болған тұрмыстық жағдайдан болған қақтығыстан қазақ пен дүнген үшін әлі де жүректе сызат бар. Жазмышқа озмыш жоқ.. Жамбыл жұртының басына қандай қиыншылық түссе де біз орыс, қазақ, өзбек деп ешқашан бөлінбегенбіз. Тәуелсіздіктің дөңгелек датасы – 30 жыл толуы алдында   халқымыздың мерейін өсіріп, бар болмысымызды айшықтайтын қасиетті – Наурыз мерекесі биыл елімізге, әрбір отбасына ерекше  бірлік пен қуаныш, құт-береке, бақыт пен молшылық әкеледі деп сенемін. Ұлыс оң болсын, ақ мол болсын!

Тарихи тамыры тереңге бойлаған әз-Наурыз ырыс пен ынтымақтың мерекесі болып келген. Тек адамзат қана емес, табиғаттың да жасарып, бой түзейтін шағы –Ұлыстың ұлы күнінің баршамыз үшін жолы да, жөні де бөлек. «Туған ай – тураған етпен тең» демекші әне-міне дегенше қар еріп, жылғалардан су ағып, табиғат жасарып, көктемнің саумал самалына ілесіп Наурыз да жетті. Амандық-саулық, ақ тілек, меймандостық, адалдық, молшылық, жалпы ұлтымызға тән тамаша салт-дәстүрімен паш етілетін мерекелі, берекелі күннің шаағаты жылдан-жылға  жалғасын таба берсін.

Еңсесі биік елімізде елдіктің іргесі сөгілмей,  бірліктің бесігі тербеле берсін. Мерекеден мерекеге басымыз аман, бауырымыз бүтін жетейік, барша қазақстандықтар!

 

Абдрахман  Зайнутдинов

Тараз қалалық өзбек этномәдени

бірлестігінің төрағасы

 

Биылғы жылы облысымызда  ҚХА және басшымыз Бердібек Мәшбекұлының бекітіп берген «Бейбітшілік пен келісім» жобасына аса назар адуарылып отыр. Осыған орай, Наурыз мейрамында, бірлік пен  бейбітшілікті және көктемгі жаңаруды паш ететін мерекеде, әрбір қазақстандық үшін қымбат және қоғамдағы бейбітшілік пен келісімді нығайтуда маңызды рөл атқаратын мейрамда  барша қазақстандықтарға тілерім – бақыт, шаттық, береке! Аналар кеңесінің жетекшісі Гульхумор Довлатова басқарған тәжік этномәдени бірлестігінің мүшелері тәжік халқының «сумаляк» тағамын біз, жылда сүйіспеншілікпен дайындаймыз. Тәжік этносы үшін бұл мейрам «сумаляк» тағамын дайындаумен ерекшеленеді. Ежелгі уақытта сумаляк көктемгі егіс басталғанға дейін дайындалатын салттық тағам ретінде ұсынылған. Ол ұнтақталған бидай дәндерінен дайындалады, одан соң ұн араластырылып, қазандықтағы мақта майында 20-24 сағат бойы қайнатылады. Бұл тағам адамдарға күш-жігер беріп, рухани да, тағам ретінде де азықты болуға зор пайдасын тигізеді дегенсенім  бар. Бұл енді халықтың байырғы заманнан келе жатқан сенім-ниеті, бұл да бір тәжік халқының салт-дәстүріне жатады. Сондай-ақ, аталмыш тағамға дайындау сәтінде кішкене тастар қосылады екен, олар қазанның түбіндегі тағамның түбін күйдіріп алу қаупінен сақтану үшін қолданылады. Сіз егер, осындай тасты тамақтану кезінде ыдысыңыздан тауып алсаңыз, онда жасырын тілек жасауыңыз керек және ол міндетті түрде орындалады деген сенім бар тәжік халқында. Осыған қоса, «Сумалякты» дайындау барысында аталмыш тағамды  қыз-келіншектер бір дауыста әндерін шырқай, билерін билей жүріп, бір-бірімен әзілдесе, көңілді жүріп пісіреді.  Салқындағаннан кейін «сумаляк» толы ыдыс дастарханға қойылып, тілек тіленіп ауыз тиіледі. Тағамның « ақ ниеті» – қыстан аман-есен шыққанға ризашылық  және елде молшылық пен берекенің орын алуы.

 

 

Довлятова Ольга Юсуповна,

Жамбыл облысы Тәжіктер этномәдени бірлестігінің

мүшесі, облыстық ҚХА Аналар кеңесінің өкілі  

 

Осынау Қазақ елінің Тәуелсіздігіне 30 жыл толу мерекесі қарсаңында баршаңызды еліміздің ең ұлы мейрамы, адам баласы  мен табиғат ана қайта жаңғырып, түлейтін – әз Наурыздың тууымен құттықтаймын!
Күллі  шығыс жұртына ортақ Ұлыстың ұлы күні  Наурыздың тарихы тым тереңде жатыр. Аспанда күн мен түннің теңесетін, ырысы мол мереке біздің жан – дүниемізді шуаққа бөлейді, ой – ниетімізді таза арнаға бұрады. Бұл кешірім мен мейірімнің, үміт пен сенімнің, ізгілік пен түсіністіктің мерекесі. Бұл күні біз өткен жылы жасаған жұмысымызға есеп беріп, келешекке жоспар құрамыз, тәуелсіз еліміздің өркендеп, өсуі жолында жаңа бастамаларға негіз қалаймыз. Наурызда айтылған барлық тілек қабыл болады деген де наным-сенім бар.
Қазіргі уақытта Наурыз жаңа сипатқа ие болды, ұлтына, діни сеніміне қарамастан Қазақстанды мекендейтін барлық ұлттар мен ұлыстардың ортақ мерекесінде баршаңызды түркі, орыс, неміс демей, халықтар арасындағы достықты бекітуге, бауырластық қарым – қатынастардың нығаюына, әр ұлттың салт – дәстүрінің қайта жаңғыруына осы мейрам үлкен үлес қосуларыңызды сұраймын.     Наурыз мейрамы туған күллі жұртшылыққа құт – береке әкелсін. Баршаңызға амандық, саулық, дастархандарыңызға молшылық тілеймін!

Ибрагим Зуфаров

«Ахыска» түрік этномәдени бірлестігі

 Ақсақалдар кеңесінің төрағасы

 

Каждый представитель  разного этноса  проживающий в Казахстане вносит  свою лепту в процветанию нашей Родины. Этносы которые были по воле судьбы,  переселены на эту благодатную землю никогда не забывали и не забудут те тяжелые дни, когда казахский народ принял и помогал в становлении и призвании каждого этноса.

После этого  теперь мы ежегодно с радостью  отмечаем этот праздник «Наурыз». Мы ежегодно в предверии дня «Наурыз байрамы» со своими членами ЭКО проводим  благотворительные акции, празднуем.  Проводим дни открытых дверей для молодежи разных этносов, учеников школ и студентом колледжа. Разъясняя значимость этого праздника «Наурыз».   Проживая на этой благодатной  нам земле все этносы чувствуют себя гражданином единого народа и равноправного  Казахстана.

Я как председатель ЭКО, как  член АНК, уверена в будущем моих детей и внуков. Я благодарна казахскому народу и разным этносам,  мы вместе строим будущее нашему молодому поколению. И у нас есть что передать им – это наше единство, так, как Казахстан – наш общий дом. С праздником Наурыз байрамы Вас, друзья!

 

 

Председатель Уйгурского этнокультурного

объединения имени М.Кашгари

Турдыева Мухабат Абдрахмановна

 

Праздник Наурыз в Казахстане — один из самых древних и почитаемых. Пробуждается от зимнего сна природа, солнце ласкает теплом и светом землю, появляется первая зелень, распускаются цветы. Люди радостно ждут это весеннее обновление мира. Оно дарит им надежду на новую счастливую жизнь, богатый урожай, достаток и благоденствие.

Праздник Наурыз не только обновляет землю, дает ей новую жизнь, раскрашивает мир яркими весенними красками, он еще обновляет человека.  В этот светлый день ваши сердца наполнятся радостью и любовью. Прошлый год для нас был не простым. Пускай уходят горести и обиды, сожаления и боль утрат. Откройте возможность душе цвести, радоваться и радовать мир вокруг нас. Мейрамдарыңызбен, Қазақ елі!

 

Узденова Леля Ахмадовна,

председатель карачаево-балкарского

 этнокультурного объединения «Архыз»

 Жамбылской области

Узденова Леля Ахмадовна

 

 

 

 

 

Page 97 of 149
1 … 95 96 97 98 99 … 149