Таразда Алексей Маслаковтың шығармашылық кеші өтті

/in /by

Үстіміздегі  жылдың 20 қарашасында Тараз қаласының  “Қоғамдық келісім” коммуналдық мемлекеттік мекемесінде  орыс автор-орындаушысы Алексей Маслаковтың шығармашылық кеші өтті. Ұйымдастырушы “Радонеж” Орыс қауымдастығы» қоғамдық бірлестігі болды.

Іс-шара Жамбыл облысы Қазақстан халқы ассамблеясы мен Жамбыл облыстық орыс драма театрының қолдауымен өтті.

Өнер адамының өз әндері орындалумен қатар, Болат Окуджава, Евгений Евтушенко, Владимир Высоцкий, Александра Гармаш және т.б. шығармалары орындалып, көрермендер жүрегіне жол тапты.

Кеш барысында жиылған жұрт іс-шара себепшісі, автор-орындаушы Алексей Маслаковтың шығармашылығы жөнінде өзіне сауалдар қойып,  өзі туралы айтып беруді өтінді. Бірнеше әдемі әндер жинағының авторы Алексей өзінің Тараз қаласында туылып, Ресейдің Симферополь қаласында музыкалық училищеге түсіп, кейіннен 1994 жылы біржола Ресейге көшкендігі жөнінде де әңгімелеп, көрермендерге биографиясынан мағлұмат берді.

Іс-шара соңында “Радонеж” Орыс қауымдастығы ” қоғамдық бірлестігінің төрағасы Владимир Сорокин Алексей Маслаковқа алғыс хат табыс етті.

 

Жамбыл облысы әкімдігінің ІСБ “Қоғамдық келісім”

 КММ Баспасөз қызметі орталығының

баспасөз хатшысы Бибігүл Шахзада

№12-бөбекжай-бақшасы  бүлдіршіндері “Достық үйіне саяхат жасады”

/in /by
Биыл, қараша айында Тараз қаласының “Қоғамдық келісім” коммуналдық мемлекеттік мекемесіне Қазақстан Республикасының тәуелсіздігіне 30 жыл толуы қарсаңында Жамбыл облысы әкімдігінің білім басқармасы Тараз қаласының білім бөлімінің “№12-бөбекжай-бақшасы  мемлекеттік коммуналдық қазыналық кәсіпорнының
“Туған жерім туған елім” атты танымдық экскурсиясы өтті.
     Іс-шараның мақсаты –
балалардың туған ел, туған жерге деген сүйіспеншілігін арттыру, этностар, ассамблея, достық үйі, достық, татулық жөнінде дүниетанымын ояту, тіл байлығын дамыту, қоршаған орта және ондағы оларға беймәлім дүниелер мен құбылыстарға білімін ашу.
 Аталмыш бала-бақша басшысы Балтабаева Марфуға Рахматуллаевна жетекшілігімен кішкентай бүлдіршіндеріміз бен тәрбиеші, әдіскерлер дәл осы мақсат-міндетпен Достық үйіне саяхат жасаган еді.
       Әр ұлттың ұлттық киімін киіп, арнайы дайындықпен келген өңірлік ассамблеяның ең сыйлы кішкентай қонақтары күмбезді Достық үйінің әр қабатымен танысып, көрме суреттерін тамашалады. Абай атамыз өзінің 19-қара сөзінде “Адам ата-анадан туғанда есті болмайды: естіп, көріп, ұстап, татып ескерсе, “анау немене, мынау немене?” деп дүниедегі жақсы, жаманды таниды-дағы, сондайдан білгені, көргені көп болған адам білімді болады” дегені бар. Осылай демекші, бүлдіршіндер әр сурет-картиналарды, ұлттық аспаптар мен әр ұлттың нақышына келтіріліп жасалған сувенирлік заттарын қолымен ұстап көріп, өзара таңыркасып жатты. Баланың жан-жақты дамуы оның қоршаған ортамен белсенді қарым-қатынасы негізнде қалыптасады. Бұл тұрғыда «Сезіну –танып білу –жүзеге асыру»-осы үш бағытта жұмыс ұйымдастырылу керек.
     Баланың танымдық дамуы ойын барысында, табиғи нысандар мен мен құбылыстарға бақылау жасау, заттарды қарап зерттеу, бақылау нәтижелерін айта білу және басқа да әрекеттер барысында жүзеге асады. Мектепке дейінгі балалық шақ кезеңінде баланың танымдық дамуы эмоционалдық қарым – қатынастар арқылы қалыптасып, саналарында тез сақталады екен. Осыған орай,
биылғы караша айында Ел Президенті Қ. К. Тоқаевтың қатысуымен өткен ҚХА Кеңесінде “Балапан” телеарнасының жұмыс жүйесіне түрлі танымдық, тәрбиелік мәні бар ұлттық, этностық аннимациялар арқылы балаларға арналған сан-қырлы телебағдарламаларды ұйымдастыру көзделіп отырғаны біршама ата-аналарды қуантқан болатын. Қай арнаны ашсаң да, шетелдік мультфильмдердің көрсетілуі басым екені рас. Сондықтан да, аталмыш телеарнаға жаңашылдық кіргізу жөніндегі телеарна басшысы Сандуғаш Кенжебаеваның анимациялық өндірісті дамытуға қатысты Президентке жоспар- ұсынысы өте орынды деп саналды. Осы тұста айта кетейік, ҚХА Аналар кеңесімен бірлесе жұмыс істеу арқылы ұлттық арналар жаңадан құрақ жайып өсіп келе жатқан сәбилеріміздің “Достық үйі”, “ассамблея”, “этностар” деген ұғымдарды кішкентайынан санасына сіңдіріп, таңқалушылықпен карамай, қалыпты түсінік ретінде қабылдауға тәрбиелету жөнінде де сөз болған.
 Міне, бұл үрдіс осы №12-бөбекжай-бақшасы бүлдіршіндерінің қаламыздың Достық ғимаратына алғашқы қадамдарымен басталды десек те болады. Бала-бақша, одан мектеп қабырғасында да жалғастырылса деген ой жүзеге асуда. Бұған осыған дейін екі қалалық, бір ауылдық үш мектеп бастауыш сынып оқушылары мен оқытушыларының өз қалауларымен қызығушылық танытып, ассамблеяға саяхат жасауы дәлел.
 Сондай-ақ, бала-бақша балалары экскурсия барысында әр ұлттың әрқайсысы туралы біраз мағлұмат алды. Мұнда жиналған әр этностың өмірі мен рухани құрамын бейнелейтін экспонаттармен де танысты.
    Бүгінде Достық үйінің есігі бейбітшілік, достық, ұлтаралық келісім, Қазақстан халқының ұлттық бірлігі ұғымдарын бағалайтындардың барлығына ашық.
Жамбыл облысы әкімдігінің ішкі саясат басқармасының “Қоғамдық келісім” КММ Баспасөз қызметі орталығы басшысы Бибігүл Шахзада

Бүгін үстіміздегі жылдың 16 қарашасында Полиция департаментінде Жамбыл облысының полиция бастығы Жанат Сүлейменов облыстық ҚХА және үкіметтік емес ұйымдардың өкілдерімен кездесті.

/in /by

Іс-шара Қазақстанның Х – Азаматтық форумы қарсаңында өтті. Қатысушылар арасында ҚХА Аналар кеңесінің төрағасы Нәзипа Шанаи, Жамбыл облысы әкімдігінің Ішкі саясат басқармасының басшысы Алмас Садубаев, облыс әкімдігінің ІСБ “Қоғамдық келісім” КММ басшысы Парида Мамедова, ҚХА мүшелері, этномәдени бірлестіктердің төрағалары мен өкілдері, құқық қорғау органдарының қызметкерлері болды. ҚХА Аналар кеңесінің төрағасы Нәзипа Шанаи өз сөзінде қазіргі қоғамдағы негізгі және тәрбиелік мәселелерге көп тоқталды. Бұған қоса, алдағы міндеттер мен жобалар туралы да өз ойлары мен ұсыныстарын ортаға салды. Н.Шанаи этномәдени бірлестіктердің, ҚХА Аналар кеңесі мен құқық қорғау органдарының ынтымақтастығының маңыздылығын атап өтті. Іс-шараға қатысушылар құқық қорғау органдарының жұмысы, жұмыс жылдарында не істелгені, полицияның күнделікті тыныс-тіршілігі туралы құлағдар болды. Сондай-ақ, кездесу барысында Жамбыл облысы Полиция департаментінің алғыс хаттарымен марапаттау рәсімі өтті. Бұдан соң, іс-шараға қатысушылар үшін экскурсия ұйымдастырылып, олар департаменттегі жедел басқару орталығының жұмысын көрді. Полиция департаментінің мұражайына экскурсияға барды. Мұражай экспонаттарының ішінде – мұрағаттық құжаттар, фото және бейнематериалдар, техникалық және т.б. құралдар тамашаланды. Олардың барлығы құқық қорғау органдарының қалыптасу кезеңінен бастап бүгінгі күнге дейінгі кәсіби қызметін көрсетеді. Кездесу жемісті өтті. Іс-шара барысында қатысушылар көптеген қызықты мәліметтермен танысып, тиісті сұрақтарға орынды жауаптар алды.

Жамбыл облысы әкімдігінің ІСБ “Қоғамдық келісім” КММ баспасөз орталығы

Таразда Қазақстан халқы Ассамблеясы Аналар кеңесінің кеңейтілген отырысы өтті

/in /by
Үстіміздегі жылдың 17- қарашасында “Қоғамдық келісім” коммуналдық мемлекеттік мекемесінде Қазақстан халқы Ассамблеясы Аналар кеңесінің “Ел боламын десең, бесігіңді түзе!” тақырыбында кеңейтілген отырысы өтті. Аталмыш іс-шара ҚР Тәуелсіздігінің 30 жылдығына арналған “Анаға тағзым” республикалық форумы аясында өткізілді. Жиын модераторы Тараз аймақтық университеті “Мәдениет және өнер” кафедрасының меңгерушісі, М.Х. Дулати, “Әулие Ата” Қазақ мәдени орталығы” қоғамдық бірлестігі төрағасының орынбасары Айгүл Қабиева болды. Сондай-ақ, шараға ҚР Премьер – Министрінің кеңесшісі, ҚХА Аналар кеңесінің төрағасы Нәзипа Шанаи, Жамбыл облысы әкімдігінің ІСБ “Қоғамдық келісім” КММ басшысы Парида Мамедова, Жамбыл облыстық ҚХА Аналар кеңесінің төрайымы Мухаббат Миражапова, ҚХА Аналар кеңесінің мүшелері, этномәдени бірлестіктердің өкілдері, көпбалалы аналар қатысты. ҚР Премьер – Министрінің кеңесшісі, ҚХА Аналар кеңесінің төрағасы Нәзипа Шанаи жиында сөз сөйледі. Ол жұмыстың негізгі бағыттарына, жобаларға, акцияларға назар аударды. Олардың арасында “Әкеге хат” және “Қазақ clab” заманауи ертегілерінің байқауы, “Кешкі шай” акциясы, Рухани және тұлғалық өсу бойынша семинарлар және т.б. бар. Шара барысында қатысушылар тарапынан белсенді түрде сұрақтар қойылып, олардың бірде-біреуі жауапсыз қалған жоқ. Бұдан соң қатысушылар ҚР Тәуелсіздігінің 30 жылдығына арналған кітап экспозициясымен және Ж.Жабаев, М. Мақатаев, К. Ахметова және жергілікті жазушы – әйелдердің шығармашылығымен танысты. Осыған қоса, қатысушыларға арнайы ұлттық тағамдар бойынша шеберлік кластары өткізілді.
Жамбыл облысы әкімдігінің ІСБ “Қоғамдық келісім” КММ Баспасөз қызметі орталығы

Сындарлы диалог

/in /by

Үстіміздегі жылдың 12 қарашасында “Қоғамдық келісім” КММ-де үкіметтік емес ұйымдар мен этномәдени бірлестіктердің Жамбыл облысы жергілікті полиция қызметі басқармасының басшысы Рахымберді Әшкеевпен кездесуі өтті. Іс-шара Қазақстанның X- Азаматтық форумы қарсаңында және “еститін мемлекет”мемлекеттік бағдарламасын іске асыру мақсатында өтті.

Кездесу барысында Жамбыл облыстық Қазақстан халқы ассамблеясы төрағасының орынбасары Латиф Айдаров, Жамбыл облысы ІСБ “Қоғамдық келісім” КММ басшысы Парида Мамедова, Жамбыл облысы ҚХА Аналар кеңесінің төрайымы Мухаббат Миражапова сөз сөйледі.

Кездесуге қатысушылар учаскелік полицейлердің жұмысына, есірткі жарнамасымен заңсыз граффитимен күреске, сондай-ақ жол қозғалысына қатысты өзекті сұрақтар қойды.  Барлық сұрақтарға қажетті жауаптар алынды.

Жамбыл облысы әкімдігінің ІСБ “Қоғамдық келісім” КММ Баспасөз қызметі орталығы

1 желтоқсан – ҚР Тұңғыш Президенті күні.

/in /by

Айтулы күннің шығу тарихына шолу жасасақ, 2011 жылдың 10 желтоқсаны күні ҚР Парламенті Сенаты депутаттарының бастамасымен «Қазақстан Республикасындағы мерекелер туралы» ҚР Заңына толықтыру енгізу туралы» ҚР Заңы қабылданған болатын. Заң 1 желтоқсанда аталып өтілетін – Қазақстан Республикасының Тұңғыш Президенті Күнін белгіледі.

Еліміздің Тәуелсіздік алған тұсында біз үшін жаңа дәуір дәл осы 1 желтоқсан күнінен басталды.  Өйткені, ата-бабамыздың ғасырлар бойы асыл арманы болып келген егемен Қазақстанды құру жөніндегі тарихи аманаты 1991 жылғы 1 желтоқсанда орындалып, дәл сол күні Нұрсұлтан Әбішұлы Назарбаев Тәуелсіз Қазақ елінің Тұңғыш Президенті болып сайланған болатын. Міне, содан бері 30 жыл ішінде Елбасының басшысының еліміздегі кең ауқымды экономикалық, саяси және әлеуметтік реформаларды жүзеге асырудағы ерен еңбегі, Қазақ елінің әлемге танымал мемлекет болып танылуына сіңірген ұшан-теңіз үлесі шексіз.

Бірақ, Тұңқыш Президент  Н.Назарбаевтың еңбегін айрықша атап өтетін үлкен белес бар. Оның біріншісі – еліміздің алғашқы абсолютті егемен мемлекеттік актісі – Семей полигонын жабу туралы Жарлыққа қол қойылуы. Екінші – 1991 жылдың 1 желтоқсанында халқымыздың бүкіл тарихында алғаш рет өткен жалпыға ортақ Қазақстан Президенті сайлауы. Үшінші белес – «Қазақстан Республикасының Мемлекеттік тәуелсіздігі туралы» Конституциялық заңның қабылдануы.

Бүгінде еліміз дамудың даңғылына түсе отырып, Алда алар асуларымыз одан да көп. Әлемнің дамыған елдерінің қатарынан ойып тұрып орын алуғаұмтылудамыз. Бұл белестің де, одан да зор асулардың да бағындырылатындығы сөзсіз.

Кабиева Айгүл Кабиқызы –М.Х.Дулати атындағы Тараз мемлекеттік университетінің «Мәдениет және өнер» кафедрасының меңгерушісі, Жамбыл облыстық ҚХА мүшесі, «Әулие-Ата» атындағы қазақ мәдени орталығы төрағасының орынбасары

Ауылым – алтын бесігім

/in /by
Құдды бір қазақтың ұлан-асыр тойында жүргендей сезінді
        Ел Тәуелсіздігінің 30 жылдығына орай ауылдық округтерде өткізіліп жатқан «Ауылым – алтын бесігім» атты өнер фестивалі бейсенбі күні қала маңындағы өзге ұлт өкілдері көп шоғырланған Жалпақтөбе ауылында жоғары деңгейде ұйымдастырылды.
         Екі елді мекеннің тұрғындары бейбітшілік пен келісімде, өзара достық қарым-қатынаста тату-тәтті өмір сүріп келеді. Бірлігі бекем, ынтымағы жарасқан ауылдарда ешкім ешкімді жатырқамайды, бөліп жармайды. Барлығының сөзі бір, тілегі бір, ол – ортақ шаңырағымыз Қазақстан, дамудың даңғыл жолына түскен киелі мекеніміз өсіп-өркендей берсін деген. Бәрі де тәуелсіздігіміздің тұғырлы болуына, этносаралық қарым-қатынастың нығайа түсуіне, елге қызмет етуге, өңірдің әлеуметтік-экономикалық дамуына, жергілікті халықтың бірлік пен ынтымақта күн кешуіне мүдделі. Бұл біздің жеке ой-пікіріміз емес. Сол елді мекендерде құрметті де беделді Төребек Үсіпбеков, Абдухалил Маюфи сынды ақсақалдардың айтулы шараның ашылуында айтқан салмақты да жүрекжарды сөзі.
       Ауылдардағы мекеме-ұйым қызметкерлерінің фестивальға жақсы дайындалғаны көзге көрініп тұрды.
       Заманауи нақышта безендірілген сахна, кіреберістегі қолөнер бұйымдарының көрмесі, ұлттық тағамдар қойылған ақ дастархан, өнерімен тәнті еткен өнерпаздардың киім үлгісі, сахнада өзін-өзі ұстауы, бәрі-бәрі құдды бір қазақтың ұлан-асыр тойында жүргендей әсер қалдырды.
        Өнерпаздар патриоттық сарындағы әуезді әнімен, қазақ, сондай-ақ түрлі ұлттың биімен, қазақтың ұлттық салт-дәстүрлерін, әдеп-ғұрыптарын көрініс арқылы дәріптеуімен қарасы қалың болған жергілікті жұртшылықтың қошеметіне бөленді. Олардың «Қазақстан жасасын!», «Тәуелсіздік жасасын!» деп ұрандатқаны көңілге қонымды, құлаққа жағымды естілді. Бұл – қазақ халқына деген шынайы сүйіспеншіліктің және үлкен құрметтің белгісі.
       Фестивальда өнерлі жастар, жасөспірімдер, балдырғандар бой көрсетті. Олар сахна төрінде жекелей де, хормен де ән салып, флэшмоб билеп, шараның қызықты өтуіне біркісідей атсалысты.
       Ауылдардағы мерекелік шараға аудан әкімінің орынбасары Олжас Баққараев пен аудандық ардагерлер кеңесінің төрағасы Бақыт Сырлыбаев бастаған бір топ басшылар арнайы келіп қатысып, мәдениет ошағына жиналған көпшілікпен бірге концерттік бағдарламаны тамашалап қайтты.
Жамбыл облысы әкімдігінің ішкі саясат басқармасының “Қоғамдық келісім” КММ Баспасөз қызметі орталығы

1 желтоқсан – ҚР Тұңғыш Президенті күні.

/in /by
 Айтулы күннің шығу тарихына шолу жасасақ, 2011 жылдың 10 желтоқсаны күні ҚР Парламенті Сенаты депутаттарының бастамасымен «Қазақстан Республикасындағы мерекелер туралы» ҚР Заңына толықтыру енгізу туралы» ҚР Заңы қабылданған болатын. Заң 1 желтоқсанда аталып өтілетін – Қазақстан Республикасының Тұңғыш Президенті Күнін белгіледі.
     Еліміздің Тәуелсіздік алған тұсында біз үшін жаңа дәуір дәл осы 1 желтоқсан күнінен басталды.  Өйткені, ата-бабамыздың ғасырлар бойы асыл арманы болып келген егемен Қазақстанды құру жөніндегі тарихи аманаты 1991 жылғы 1 желтоқсанда орындалып, дәл сол күні Нұрсұлтан Әбішұлы Назарбаев Тәуелсіз Қазақ елінің Тұңғыш Президенті болып сайланған болатын. Міне, содан бері 30 жыл ішінде Елбасының басшысының еліміздегі кең ауқымды экономикалық, саяси және әлеуметтік реформаларды жүзеге асырудағы ерен еңбегі, Қазақ елінің әлемге танымал мемлекет болып танылуына сіңірген ұшан-теңіз үлесі шексіз.
       Бірақ, Тұңқыш Президент  Н.Назарбаевтың еңбегін айрықша атап өтетін үлкен белес бар. Оның біріншісі – еліміздің алғашқы абсолютті егемен мемлекеттік актісі – Семей полигонын жабу туралы Жарлыққа қол қойылуы. Екінші – 1991 жылдың 1 желтоқсанында халқымыздың бүкіл тарихында алғаш рет өткен жалпыға ортақ Қазақстан Президенті сайлауы. Үшінші белес – «Қазақстан Республикасының Мемлекеттік тәуелсіздігі туралы» Конституциялық заңның қабылдануы.
       Бүгінде еліміз дамудың даңғылына түсе отырып, Алда алар асуларымыз одан да көп. Әлемнің дамыған елдерінің қатарынан ойып тұрып орын алуғаұмтылудамыз. Бұл белестің де, одан да зор асулардың да бағындырылатындығы сөзсіз.

Үстіміздегі жылдың қараша айында Жамбыл облысы әкімдігінің ІСБ “Қоғамдық келісім” КММ Қазақстан халқы Ассамблеясы Кеңесінің кеңейтілген отырысын талқылау бойынша ҚХА медиаторларының “Бітімгер – Тараз” медиация

/in /by
Үстіміздегі жылдың қараша айында Жамбыл облысы әкімдігінің ІСБ “Қоғамдық келісім” КММ Қазақстан халқы Ассамблеясы Кеңесінің кеңейтілген отырысын талқылау бойынша ҚХА медиаторларының “Бітімгер – Тараз” медиация және құқық орталығының кәсіби медиаторларымен кездесуі өтті, онда Қазақстан халқы Ассамблеясының түрлі қызметіне қатысты маңызды мәселелер талқыланды.
Кездесуде өңірдегі медиаторлар кеңесінің төрағасы Лариса Владимировна Сафонова өңірдегі ҚХА медиация институтын ілгерілету қажеттілігі туралы айтып, облыс бойынша бірлесе күш жұмылдыра отырып, кез келген тұрмыстық жанжалдың этносаралық жанжалға көшуінің теріс бейімділігін еңсеру бойынша жүйелі алдын алу шараларын әзірлеуге шақырды.
–Бүгінде біз ынтымақтастыққа және өзара тиімді нәтижеге қол жеткізуге ұмтылуымыз керек. Жұмыстың жаңа форматын ұйымдастырып, қоғамдық келісім мен жалпыұлттық бірлік саласындағы шиеленістердің алдын алудың медиативтік-қалпына келтіру тәсілдері мен тетіктерін енгізу қажет. Аталған жанжалды шешу үшін ақсақалдар кеңесі, қоғамдық келісім, аналар өкілдері қосылатын болады. Біз қауіпсіз әлеуметтік ортаны қалыптастыру үшін алдын алу жұмыстарын бірлесіп жүргізетін боламыз”, – деді Лариса Сафонова.
Байзақ ауданы ҚХА медиаторы Ғани Көшекбаева медиаторлардың қатысуымен осындай жағдайлар қарастырылғанын атап өтіп, өз ауданында осындай дауларды шешу тәжірибесімен бөлісті.
Кездесу соңында “Бітімгер – Тараз” медиация және құқық орталығының төрайымы Федорова Ирина кәсіби медиаторлардың қауіпсіз әлеуметтік ортаны сақтауға бағытталған ынтымақтастық пен бірлескен қызметке дайындығын білдірді.
Жамбыл облысы әкімдігінің ІСБ “Қоғамдық келісім” КММ баспасөз орталығы

Тәуелсіздік – мемлекеттің басты байлығы

/in /by

Тәуелсіздік – мемлекеттің басты байлығы. Әр мемлекет, әр түрлі жолмен тәуелсіздікке қол жеткізеді. Ал Қазақстан үшін 1986 Жылғы Желтоқсан оқиғалары халықтың егемендікке, өзін-өзі билеуге ұмтылысының бастамасы болды. 1991 жылы 16 желтоқсанда ҚР Жоғарғы Кеңесі “ҚР Мемлекеттік тәуелсіздігі туралы” Конституциялық заң қабылдады. Биыл тәй-тәй басқан егемен еліміздің құрылғанына 30 жыл толып отыр. Қазақстан тәуелсіздік жылдарында халықаралық аренада өркендеген елдердің қатарына кірді.

Тәуелсіздіктің алғашқы жылдары Елбасының басты назарында болған жәйт – ел татулығы. “Ер татулығы – ел татулығы” демекші, Қазақстан Республикасы әлемде татулығы мен ұлтаралық бірлігі жарасқан ел ретінде танылған. Елімізде түрлі ұлт өкілдерінің татулық діңгегі ажыраған емес.

Біз жас ұрпақ осындай кең байтақ жеріміздің көгінде тек қана бейбіт құсы қалықтап ұшып, мемлекетіміз одан әрі көркейе беруін қолдаймыз. Себебі, бейбітшілік бар жерде, бақыт орнап, тыныштық болады.  Бұл бір жағынан Елбасымыздың көреген саясатының арқасында деп білеміз.

Әрбір азамат туған өлкесін, елін, жерін, салт-дәстүрін, тарихын құрметтейтін, сүйетін, мақтан тұтатын, Ұлтжанды азамат болу керек. Ол үшін өткенін біліп, бағалау керек. Өзі туған қасиетті Отанын оттан да ыстық бағалау, сүю керек деп ойлаймын. Барлық әлемде тыныштық орнап, бейбіт заманның ғұмыры баянды болғай! Себебі барлығымыз да бейбіт заманда өмір сүруге лайықпыз деп есептеймін. Сондықтан “Ынтымақ түбі — игілік” дегендей ынтымағы жарасқан ел болайық!

 

Жамбыл облысы ҚХА «Жаңғыру жолы» жастар қозғалысының белсендісі – Искакова Руфина

Page 84 of 149
1 … 82 83 84 85 86 … 149