Үстіміздегі жылдың 29-қаңтарында берген сұхбатында Президент Қасым-Жомарт Тоқаев өзекті тақырыптар бойынша барлық сұрақтарға тыңғылықты жауап берді. Президент қаңтардағы қайғылы оқиғалардың себептері мен салдары, алдағы саяси және әлеуметтік реформалар, Қазақстанның негізгі сыртқы саяси серіктестермен қарым-қатынасы туралы шынайы және батыл түрде тоқталып, елдегі бірлік, ынтымақтың қажеттілігін атап өтті. Сонымен бірге, қаңтардағы қайғылы жағдай туралы айта келе, Мемлекет басшысы қиын сәтте берілген келеңсіз тапсырмаларды пысықтап айтып шықты.

Сондай-ақ, Қасым-Жомарт Тоқаев басқа да сәтсіздіктерді айтуға сескенбеді. Мәселен,, ақпараттық «соғысқа» қатысты: – Сол кезеңде ақпараттық жарияланымдар жанында біз шарасыз болдық, онымен күресетіндей уақыт та, күш те тапшы болды.  Ол кезде  біз туралы кім  не айтатыны маңызды болған жоқ, – деді Қ.Тоқаев сұхбат барысында.

Сұхбат беру барысында елдің дамуы, халықтың әл-ауқаты үшін қажетті өзгерістер туралы сөз болды. Қасым-Жомарт Тоқаев сұхбатында трансформация қажет екенін атап өтті. Ол реформалар адамдарды өзгерту үшін жасалмайтыны, өзгерістердің тек қалыпты жүйеге ғана әсер ететінін айта кетті. Бұған қоса, жастарға көңіл бөлінді. Ел Президенті «біз қалаларда шоғырланбаған жастармен нақты жұмыс жүргізуіміз керек. «Jas Otan» қатарына жастар арасында сенімге ие, пайдалы қоғамдық қызметпен айналысуға дайын көшбасшыларды тарту керек», – деді. Осы ұсыныс бойынша  жастардың білімі, жұмысын саралауда  қай бағыттар басым екендігі туралы сөз болды.

Қазақ елін дүр сілкіндірген кешегі қаңтар оқиғасы бәрімізге оңай тиген жоқ, қабырғамыз қайысып-ақ отырды. Кешегі күн – бүгінгі тарих, тәуелсіздігімізге 30 жыл толғанда қиыншылыққа жолығып, біраз есеңгіреп қалдық. Ел басына күн туып, сақ сынып, сүйек сырқырататын тарихтың тулаған тұстары аз емес. Соның ішінде қазақ елінің басына нелер келіп, нелер кетпеді десеңізші?! Ұйып отырған осы бейбітшілігіміз бен бірлігімізге жетер не бар?! Қандай қиын заман туса да, қандай қуаныш болса да ел іргесі бүтін, бірлігіміз бекем болсын!

Искандиров Мұқаш Зулкарнаевич, Жамбыл облыстық  мәслихат депутаты, ҚХА мүшесі

Телеэфирде көрсетілген Президент Қасым-Жомарт Тоқаевтың сұхбаты уақытылы, эксклюзивті, серпінді, шынайы болды. Әр сөз жүрекке тез жетті. Мемлекет басшысы өткір және келеңсіз қойылған сұрақтарға да батыл түрде ашық жауап берді. Әр сөзінен нық сенімділік сезіліп тұрды. Бұл халык үшін маңызды және құнды, өйткені сенім Қазақстанның дұрыс дамуы үшін қажетті реформаларды жүзеге асыруда жақсы көмекші болып табылады. Сондай-ақ, сұхбатта өмірлік маңызы бар салалардағы, ішкі және сыртқы саясаттағы өзгерістер туралы да айтылды. Енді аркарай өмір көрсетеді, еліміздегі бұл өзгеріс-реформалар халық тұрмысын жақсы жаққа өзгертуге тиіс.

Сартиф Алиев, Жамбыл облысы бойынша “Барбанг” күрділер қауымдастығының төрағасы

Елбасымыздың қай кезде ел алдына шықпасын, әрбір сөзін ықыласпен күтемін. Оның әрбір сөзін тыңдай отырып, ерекше ой толғаймын. Жаңа жылдың басталуымен бәріміз жақсы жаққа өзгеріс, жаңа өмір күтеміз.  Осы жыл мен  қаңтар оқиғасы барша азаматтардың қорғаны, үміті де -Президентіміз Қасым Жомарт Кемелұлы екенін көрсетті.Оның айқын ұстанымы мен іс-әрекеті, оны дипломат және кәсіби саясаткер ретінде біздің көзімізде ғана емес, Батыстық көршілеріміздің алдында тағы да растады. Батыс елдерінің пікірлеріне тоқталмай, , ол тек бейбіт тұрғындардың қауіпсіздігін ойлады.

Елбасы әр сөзінде еліміздің болашағы – білім, ғылым, жаңа технология салаларында екенін баса айтады.Ұстаз ретінде мен өз жұмысымның жауапкершілігін түсініп,жұмысты күшейтіп,тәрбиеге көбірек назар аудару керек екенін тағы да біле түскендеймін.

Елбасының кадр біліктілігі туралы айтқан сөзін ерекше атап өткім келеді. Осы жерде Қасым Жомарт Кемелұлының «Кадрларды әлі де біліктілігіне, жұмыс қабілетіне қарай бағалау керек» деген сөзін мысалға  келтіргім келеді. Өзгеріс заманына келетін болсақ, әркім өз тағдырын өзі жасайды дегім келеді.Бірақ әрбір ісіміз өзімізге ғана емес, елімізге пайдалы болуға міндетті. Көзіміздің түсіне, дінімізге қарамастан біз бір халықпыз. Билік, халық деп те бөліну дұрыс емес, бәріміз бүтін бір елміз, Қазақ елі! Ел басына енді мұндай қиыншылық келмесін! Қиын-қыстау күндерде бір-бірімізге қорған бола білейік! Бейбітшілігіміз бен бірлігіміз мәңгі болсын!

Жамбыл облыстық “Вынхуа” дүнгендер этномәдени бірлестігінің мүшесі Динара Хатамқызы Нұралиева

Оның терең тарихы – Әулиеата жұртының, Қазақ елінің мақтанышы. Тараз егеменді елімізбен бірге дамып келеді. Жыл өткен сайын жаңа шағын аудандар, көрікті ғимараттар салынып, заманауи инфрақұрылым жүргізілуде. Жақын күндері «Гимнастика және үстел теннисі», «Анаға тағзым», «Облыстық онкологиялық» орталықтары халық игілігіне берілмек. «Үшбұлақ», «Қарасу» каналдарында тағы бір жағалау пайда болады. Естуімізше келесі жылы Мұз сарайының, Жеңіл атлетика манежінің, Бокс орталығының, 14-шағын ауданда 250 төсек орынды көпсалалы аурухананың құрылысы басталады екен. Көп жылдан бері қараусыз қалған «Зербұлақ» көлі аумағында үлкен демалыс орны ашылады деген жақсы жаңалық айтылып жүр. Мұның бәрі тараздықтардың жайлы тұрмысы үшін, келер ұрпағымыздың игілігі үшін жасалып жатқан жұмыстар, Тараз әкімдігінің де ерен еңбектері! Қала басшысы Ержан Жылқыбаевқа да айтар алғысымыз шексіз. Ержан азамат – нағыз игілікті істің адамы. Ендеше сүйікті қаламызға жанашырлықпен қарап, қамқорлық таныту – әрқайсымыздың перзенттік парызымыз. Жылдың басында елімізді дүр сілкіндірген қаhарлы «қаңтар оқиғасы» баршамызды есеңгіретіп тастағаны рас. Қандай қиыншылық болса да, ел басына қандай қараң күн туса да қазақстандықтар бірлігін жоғалтпауы керек! Жастар бұдан соң бұзақылықтан аулақ боп, қандай да бір аяқастынан пайда болатын арандатушылардың жетегіне ермей, еліміздің, қаламыздың, тұрып жатқан елді-мекендерімізге сыйластықпен қарайық. Қазақстан үшін ауыр жағдайда қаламызда қираған ғимараттарымыз қалпына келтіріліп, Тараздың бүгінгі келбетіне әрбір тұрғын өз үлесімізді қосалық!

Жамбыл облыстық Махмұт Қашқари атындағы

Ұйғыр этномәдени бірлестігінің төрайымы, ҚХА мүшесі,

 өңірлік ассамблея Аналар кеңесінің өкілі

 Мухаббат Абдырахманқызы Тұрдыева

Аудан әкімінің тапсырмасына сәйкес, ұлтаралық келісімді және ұлттар достығын нығайту мақсатында өзгеұлт өкілдері тығыз шоғырланған Жамбыл, Меркі және Ойтал ауылдық округтерінде аудан әкімдігінің ішкі саясат бөлімінің ұйымдастыруымен этномәдени бірлестіктерінің жетекшілері, ауыл ақсақалдары, ауыл имамы және құқық қорғау органдарымен бірлесе ауыл тұрғындарымен кездесулер өткізілді.

Кездесу барысында ой-пікірлер алмасып, достығымыздың берік екендігін көрсете білді. Елімізде соңғы болған жағдайға байланысты Президентіміздің Қазақстан халқына үндеуіне және берілген тапсырмаларына қолдау көрсету бойынша салихалы кездесу өткізілді.

Сонымен қатар, ауданымыздағы қалыптасқан ұлттар достығы, жастар арасындағы Отанға деген патриоттық іс-шаралар, дін және конфессиялар арасындағы түсіністікбағыттарындағы атқарылып жатқан жұмыстар мен атқарылатын жұмыстар туралы ұсыныстар айтылды.

Жамбыл облысы әкімдігінің

 ішкі саясат басқармасының

«Қоғамдық келісім» КММ

Баспасөз қызметі орталығы