2022 жылдың 25 наурызында “Fabus” модельдік агенттігінің ұйымдастыруымен «Қоғамдық келісім» КММ-де «Тараз ханзадасы мен ханшайымы – 2022»  аймақтық сұлулық пен талант байқауының 12 маусымы өтті. Ассамблея тарапынан іс-шараны ҚР күрділердің «Барбанг»  қауымдастығының Жамбыл облысындағы филиалы қолдады және демеушілік көмек көрсетті. Жетекшісі – Сартиф Алиев.

Дарынды балалар сұлулықты, сымбаттылықты, стиль мен сәнді көрсету үшін бір сахнада кездесті. Тәж үшін 14 үміткер күресті. Подиумда 4 жастан 11 жасқа дейінгі қыздар да, ұлдар да дефиле көрсетті. Байқау бағдарламасы ұлттық костюммен шығудан басталды. Одан әрі презентация болып, қатысушылар өздерін таныстыру барысында таныстыруларын бейнероликтермен көрсетті. Ал ағайынды Самир мен Әмір Ахметжановтар тұпнұсқалы тұсаукесер дайындап, өнерлерін дуэтпен, яғни сықак-өлеңдермен орындады. Іс-шараның ең жарқын сәті – таланттар сайысына да кезек келіп, қатысушылар өздерінің шығармашылық нөмірлерін ұсынды. Сайып келгенде, Самир мен Әмір Ахметжановтардың орындауындағы керемет «Танго биі» , сондай-ақ, Қанат Кәусардың тамаша «лезгинкасы»  есте қалды. Бәрінен бұрын Әдия Алпыстың гимнастикалық нөмірі таң қалдырды. Байқау бағдарламасы балдық, мерекелік костюмдер мен көйлектер дефилесімен аяқталды, оның барысында қатысушылар керемет киім үлгілерін көрсетті. 10 балдық жүйе бойынша қатысушылардың өнерін қазылар алқасы бағалады. Оның құрамында – ҚР күрділердің «Барбанг»  қауымдастығы аймақтық ҚБ Жамбыл облысындағы филиалының төрағасы Сартиф Алиев, вокал және актерлік шеберлік бойынша кәсіби педагог, фортепиано және гитарада ойнау бойынша педагог Макадина Кошмамбетова, «Эдельвейс»  қазіргі заманғы би театрының директоры және бас хореограф Майя Воробьева, «Талантты жастар»  компаниясының продюсері Лескүл Жиенбетова, «Набоко»  сән үйінің бас дизайнері Ирина Набоко. Дефилеге шыққан әр қатысушы өз өнерін көрсеткен сайын каталогтарда ұпайлар белгіленіп отырды. Марапаттау рәсімі іс-шараның ең биік, шарықтау шегі болды. Қатысушылар мен ата-аналарға, қазылар алқасы мен көрермендерге алаңдаушылық тудырған нәтижелер де міне, жарияланды. Басты аталымдардың иегерлері – Кәусар Қанат («Тараздың кішкентай аруы»), Асан Нұрғали (Тараздың кішкентай мырзасы ), Самир Ахметжанов («Тараздың ханзадасы»), Адия Алпыс («Тараздың ханшайымы») болды. Облысымыздың кішкентай жеңімпаздары бұдан ары да республикалық және халықаралық байқауларда өздерін көрсетеді.

Жамбыл облысы әкімдігінің ІСБ “Қоғамдық келісім” КММ Баспасөз қызметі орталығы

Тарихи тамыры тереңге бойлаған әз-Наурыз ежелден ырыс пен ынтымақтың мерекесі болып келген. Тек адамзат қана емес, табиғаттың да жасарып, бой түзейтін шағы –Ұлыстың ұлы күнінің барлық қазақстандықтар үшін жолы да, жөні де бөлек. Наурыз мейрамы күн мен түннің теңескен күні тойланады. Бірлік, бейбітшілік пен көктемгі жаңаруды бейнелейтін мереке әрбір қазақстандықтың жаңа қазақстанды дамыту бағдарында кемел жол ашады және қоғамдағы бейбітшілікті, достық пен келісімді нығайтуда маңызды рөл атқарады. Осыған орай, бүгін, «Шахристан» этно-мәдени кешенінен басталған «Қош келдің, әз-Наурыз» мейрамы әдеттегідей жылдағы дәстүр бойынша облыс әкімінің қатысуымен көне тарихымыздан сыр шертер Тараз шаһарында ойдағыдай аталып өтті. Жиналған қауымды Жамбыл облысының әкімі Бердібек Сапарбаев құттықтады.

Іс-шараға облыстық ҚХА мүшелері мен  этномәдени бірлестік өкілдері, олардың жастар қанаты, РЖҚ филиалы «Ассамблея жастары» өкілдері, «Қоғамдық келісім» мекемесінің қызметкерлері, қала тұрғындары мен қонақтары және облыстық БАҚ өкілдері  қатысты.

Мереке қонақтары концертті тамашалап, «Наурыз-көш» керуенін қарсы алды. Балалар мен жастар алтыбақанға мініп, түрлі қызықты спорттық жарыстарға қатысты. «Шахристан» орталығында жағалай, дәстүрлі түрде қалалық және облыстық маңызы ұйымдардан қаз-қатар боп, сәнділігімен көз тартар аппақ киіз үйлер тігілді.

Сонымен қатар,  Жамбыл облысы ҚХА атынан ұсынылған, Жамбыл облысы әкімдігінің ІСБ «Қоғамдық келісім» КММ және Жамбыл облысы Автомотоспорт Федерациясының «Тараз Темір тұлпар» мотоклубымен бірлесіп тігілген «мото киіз үй Тараз»  қазақ киіз үйі де  «Көне Тараз» тарихи-мәдени кешеніндегі Достық үйінің алдынан орын алды.  Сан алуан ұлттық бұйымдармен жабдықталып тігілген киіз үйден жұртшылық қазақтың ұлттық тағамдары мен наурыз көжелерінен дәм татты. Сонымен бірге, жиынға келген жұрт назарына киіз үй ішінде қазақ халқының ұлттық көрмесі де ұйымдастырылды.

Мереке қонақтары Жамбыл облысы ҚХА Аналар кеңесінің мүшелері ұсынған ұлттық мерекелік тағамдардың экспозициясын да тамашалай алды. Біздің өңірдің этномәдени бірлестіктері – өзбек, қарашай-балқар, тәжік, әзірбайжан және т.б. Аналар кеңестерінің мүшелері өздерінің ұлттық тағамдарымен таныстырды. – Бүгін біз Наурызды тойлаймыз, – дейді «Низами» Әзірбайжан этномәдени орталығының Аналар кеңесінің төрайымы Гүлнара Мурадова. – Бұл жаңару мен жаңғыру мерекесі. Жер оянып, алғашқы көшеттерді бере бастайды, сондықтан біз, әдетте, осыған орай «Наурыз-самане» (жаңадан өсіп шыққан бидай) ұлттық тағамымызды дайындаймыз. Біз, сондай-ақ, осыған қоса, «долма», «баклава» тағамдарымызды да шет қалдырмай  дайындап ала келдік.

Әр этностың жайған дастархандарындағы барлық ұлттық тағамдардың дәмі тұрмақ, түрлерінің өзі көздің жауын алып тұрды.  Әсіресе, шатыр тігіп, қатар тұрған Тәжік этномәдени бірлестігі мен Өзбек, қарашай-балқар, әзірбайжан қауымдастықтарының дастархандарын айтсаңызшы?! Қазақтың киіз үйінің бейнесін сомдап жасап алып келген «Чак-чактары» мен «Наурыз құтты болсын» деп дайындап әкелген қарма нандары, ассамблея логотипін қойып жасап алып келген тәтті кондитерлік тағам өнімдері қандай десеңізші?! Неткен шеберлік?! Не деген бір-біріне құрметі адамзаттың?!

Бүгінгі іс-шараның ең шарықтау шегі деп мотобайкерлердің қатысуымен өткен Наурыз мейрамының ерекшелігін айта аламыз.  Әдетте түрлі заманауи қаталдау спорттық үлгіде киінген байкерлерді, темір тұлпарлары – спорттық мотоциклдерімен жол бойында өздеріне тән түрлі трюктерін көрсетіп жүргендіктерінен, оларға жеке фанаттар мен әуесқойлар болмаса, көп  жұртшылық дұрыс көзқараспен қарауы екіталай. Қауіпті спорт түрі деп санайды. «Наурыз» күнін мерекелеудегі басты мақсат – түркі халықтарының салт-дәстүрін құрмет тұту, елде қоғамдық келісім мен жалпыұлттық бірлікті қамтамасыз ету, өскелең ұрпақты бір-біріне деген құрмет пен отансүйгіштікке тәрбиелеу, этносаралық қатынастарды сақтау, қазақ халқының салт-дәстүрлерін дәріптеу болса, қосалқы мақсат – осы аталмыш мотобайкерлер жөнінде де дұрыс түсінік, олар «бейбітшілік пен патриотизмнің жаршылары»  деген заманауи логикалық көзқарас қалыптастыру еді. Наурыз мерекесін бірлесе мейрамдауға атсалысқан облысымыздың мейірімді, жанашыр ер-азаматтары – мотобайкерлерге алғысымыз шексіз!

Ұлыстың ұлы күніне арналған мерекелік шара жамбылдықтар мен қала қонақтарының көңілінен шықты деп есептейміз.

Қазақы Жаңа жылымыз – Наурыз мейрамы жаңару мен жаңғыру жолындағы Қазақстанымызға тыныштық пен құт-береке әкелсін!

Жамбыл облысы әкімдігінің ішкі саясат басқармасының «Қоғамдық келісім» КММ Баспасөз қызметі орталығы

Түркі халықтарының ортақ мерекесі Наурыз үстінде, үстіміздегі жылдың 21-наурызында  өңірлік ассамблеяның Тәжік этномәдени бірлестігінің Аналар кеңесінің төрайымы Гульхумор (Лола) Давлатова бастаған аналар кеңесі Наурыз мерекесін қаламыздың Құлжабаева көшесінде атап өтті.

Іс-шараға облыстық Тәжік этномәдени бірлестігінің өкілдері, өнерпаз жастары, облыстық ҚХА Аналар кеңесінің төрайымы Мухаббат Миражапова мен  «Қоғамдық келісім» КММ Баспасөз қызметі орталығының тілшілері қатысты. Осы тұста ерекше атап өтерлік жайт – Алматы қаласының Тәжіктер консулдықтарынан 4 адам қатысты және Аналар кеңесінен  6 адам қонақ боп келді.

Өз кезегінде, жиылған аз ғана қауымға Жамбыл облыстық Тәжік этномәдени бірлестігінің ұйымдастыруымен, тәжіктердің өздерінің салт-ғұрыптары бойынша  «С» әрпінен басталатын жеті тағам және «Ш» әрпінен басталатын жеті тағам қойылған кең дастархан жайылды, Мәселен, ол тағамдарға: сипанд, шәрбәт, самбур, шалғам, синжи, ширбинч, шируган, т.б. жатады.

Сондай-ақ, алыстан келген қонақтарға өңірлік тәжік халқының тарихы, мәдениеті, әдебиеті мен әдет-ғұрпы, салт-дәстүрінен сыр шертетін кішігірім көрме ұйымдастырылды. Сәндік-қолданбалы өнер көрмесінде Тәжікстанның түрлі аймақтарынан келген тәжік этносының ұлттық киімдері, кестеленген дастархан жапқыштары, шимен тоқылған қамқа кілемдері, ұлттық жәдігерлері, қыз-келіншектерге арналған зергерлік бұйымдары, жібек жіппен тігілген көрпе-жастықтары, сонымен бірге, ұлттық аспаптары да жұртшылықтың назарын өздеріне аудармай қоймады.

Жиналған қауымға ең бірінші болып қазақ халқының ұлттық тағамдары ұсынылды.   Ұлттық брендімізге айналған құрт, ірімшік, бауырсақ, талқан, сүзбе, жент, қатық сияқты қасиетті 7 тағам тәжік дастарханының төрінен орын алды. Сонымен қатар, түркі халықтарының жаңа жылының басты нышаны болып табылатын сумаляк» тағамынан дәм таттырылды.

Сонымен бірге, аналардың бас қосуының  ең қызықты сәті – білмегендерге, бірнеше түркі тектес халықтарға – өзбек, тәжік, т.б. ортақ   «сумаляктың» дайындалу  рәсімі мен тағамның кішігірім тарихымен Лола Давлатова таныстыра кетті: – Наурыз мейрамы – барша түркі халықтары үшін, оған қоса, Қазақстанда тұратын түркі этнос өкілдері үшін де басты мереке. Тәжік этносы үшін бұл мейрам «сумаляк» тағамын дайындаумен ерекшеленеді. Ежелгі уақытта сумаляк көктемгі егіс басталғанға дейін дайындалатын салттық тағам ретінде ұсынылған. Ол ұнтақталған бидай дәндерінен дайындалады, одан соң ұн араластырылып, қазандықтағы мақта майында 20-24 сағат бойы қайнатылады. Бұл тағам адамдарға күш-жігер беріп, рухани азықты болуға зор пайдасын тигізеді деген наным бар. Бұл енді халықтың байырғы заманнан келе жатқан сенім-ниеті, бұл да бір тәжік халқының салт-дәстүріне жатады. Атап өтейік, Тәжік этномәдени бірлестігі облыста этносаралық қарым-қатынасты нығайтуға, халықтар достығын дамытуға бағытталған барлық іс-шараларға өз деңгейінде қатысатындықтан, бұл бас қосу – халықтардың достығы мен бірлігін бекітіп, серіктестікті кеңейте түсері анық. Бүгінгі іс-шараға бір адамдай атсалысып, алыстан ат арытып келген Елшіні күтіп алған тәжік бауырластарға рахметімді айтамын. Наурыз баршамызға құт-береке әкелсін! – деп өз сөзін аяқтады.

Сондай-ақ, осы тұста айта кетейік, аталмыш тағамға дайындау сәтінде кішкене тастар қосылады екен, олар қазанның түбіндегі тағамның түбін күйдіріп алу қаупінен сақтану үшін қолданылады. Сіз егер, осындай тасты тамақтану кезінде ыдысыңыздан тауып алсаңыз, онда жасырын тілек жасауыңыз керек және ол міндетті түрде орындалады деген сенім бар тәжік халқында. Осыған қоса, «Сумалякты» дайындау барысында аталмыш асты қыз-келіншектер бір дауыста әндерін шырқай, билерін билей жүріп, бір-бірімен әзілдесе, көңілді жүріп пісіру керек деп саналады. Салқындағаннан кейін «сумаляк» толы ыдыс дастарханға қойылады. Тағамның  «ұраны» – қыстан аман-есен шығуға тәубе, шүкірлік ету және  астықтың мол болуына тілектестік.

Жамбыл облысы әкімдігі ІСБ «Қоғамдық келісім»КММ Баспасөз қызметі  орталығы

Қазақстанда тұратын түрлі этностың әрбір өкілі Жаңа Қазақстанымызды дамыту, көтеру жолында Отанымыздың гүлденуіне өз үлесін қосуды бастап кетті. Тағдырдың тәлкегімен қазақ халқы әрбір этностың қалыптасуына көмек көрсетсе, ал әр этнос өкілдері  қазақ бауырына басқан қайырлы күндерді ешқашан ұмытпаған. Осындай ауызбіршілігі бар елдің болашағы көркем, мейрамы бір. Біз жыл сайын «Наурыз» мерекесін қуанышпен атап өтеміз. «Наурыз мейрамы» қарсаңында ҚХА мүшелері мен этномәдени бірлестік  өкілдері әлеуметтік жағдайлары төмен отбасыларына, облыс, қала тұрғындарына қайырымдылық акцияларын өткізіп, соңынан мерекелейміз.

Осы берекелі жерде өмір сүріп жатқан барлық этностар өздерін біртұтас халықтың және тең құқықты Қазақстанның азаматы ретінде сезінеді. Мен «Вынхуа» дүнгендер қауымдастығының төрайымы ретінде Қазақстан- Отанымызда тұрып жатқан балаларымыз бен немерелеріміздің  болашағына алаңдамаймын.  Қазақстан – біздің ортақ үйіміз! Наурыз мерекелеріңіз құтты болсын, қазақстандықтар мен жамбылдықтар!

Жамбыл облыстық «Вынхуа»  дүнгендер этномәдени бірлестігінің төрайымы Айша Люшировна Идыбо

Сіздерді табиғаттың жаңаруы мен гүлденуін бейнелейтін Наурыз мейрамымен шын жүректен құттықтаймын. Бұл таңғажайып мереке адамдарды жақындастырады және Біз үшін бұл мейрам бірлік пен достықтың бүкілхалықтық салтанатына айналды.  Сіздерге зор денсаулық, сәттілік, бақыт, махаббат, молшылық, құрмет пен түсіністік, тамаша көңіл-күй тілеймін!

Біздің ортақ үйіміз – Қазақстан Республикасына бейбітшілік пен бірлік тілеймін!

Жамбыл облысы әкімдігінің ІСБ «Қоғамдық келісім» КММ басшысы Парида Мамедова