Медиация – Қазақстан халқы Ассамблеясы қызметінің басым бағыттарының бірі. Жамбыл облысы әкімдігінің ІСБ «Қоғамдық келісім» КММ Медиация кабинеті Тараптар қақтығысының деңгейін төмендету мәселесі бойынша Қазақстан Республикасында қоғамдық келісім мен жалпыұлттық бірлікті қамтамасыз етумен байланысты қызметі ҚХА Қоғамдық құрылымдарын және мүдделі уәкілетті тұлғаларды шоғырландыру бойынша жұмыс жүргізуде.

2022 жылдың 5 тамызында Тараз қаласының Достық үйінде өткен “Қазақстан халқы Ассамблеясы Медиация кабинетінің Ашық есік күні” республикалық акциясына судьялар, ішкі істер, әділет және адвокатура органдарының қызметкерлері, кәсіби және кәсіби емес медиаторлар, этномәдени бірлестіктердің, Ақсақалдар кеңесінің, Қоғамдық келісім, Аналар кеңестерінің өкілдері, Жамбыл облысының ҚХА және  өңірлік Ардагерлер кеңесі жанындағы билер және БАҚ тілшілері белсенді қатысты.

Алғы сөзімен Жамбыл облысы әкімдігінің ІСБ «Қоғамдық келісім» КММ басшысы Парида Мамедова сөз сөйледі: – Медиаторлар  – саяси этникалық ортада ешқандай сөгіс  пен жанжалға жол бермейтін, керісінше дау-дамайды болдырмау және әділетті түрде шешетін,  ең бастысы – адамдардың мәселелерін қабылдай алатын келіссөз жүргізе алушылар. Этникалық қақтығыстарды тоқтату өте қиын екенін бәріміз білеміз. Міне, осы құбылыстың алдын алу үшін біз сіздермен біргеміз, медиатор жолдастар! Сондықтан, үнемі бірге жұмыс істеуге дайынбыз.

Одан әрі Жамбыл облыстық сотының қылмыстық істер жөніндегі судьясы Ләззат Рамазанова “Қылмыстық сот ісін жүргізудегі заңнаманы жетілдіру”  тақырыбында баяндама жасады. Ол жазаланушыны мерзімінен бұрын шартты түрде босату туралы заңнаманы жетілдіруге және оны қолдану тәжірибесінде медиацияны қолдануға тоқталды. Оның сөз сөйлеуі слайд көрсетілімімен сүйемелденді.

Жамбыл облыстық сотының судьясы Ғалым Күлекеев те елімізде жүргізіліп жатқан әкімшілік Әділет жұмысы, реформалар туралы былай деді: –ҚР-да жүргізіліп жатқан әкімшілік реформаның мақсаты – мемлекеттік басқарудың тиімділігін арттыру ғана емес, қазіргі уақытта биліктің әлеуметтік сұраныстарды барабар және уақтылы шешу қабілеті маңызды.

Жамбыл облысының кәмелетке толмағандардың істері жөніндегі мамандандырылған ауданаралық сотының судьясы Тахмина Сұлтанова өз сөзінде “Отбасылық даулардағы Медиация” тақырыбын ашып, келісім жасау кезіндегі бұзушылықтарға егжей-тегжейлі тоқталды. Сондай-ақ, спикер ювеналды сот пен ҚХА құрылымдары арасындағы нәтижелі ынтымақтастықты атап өтіп, қылмыс жасаған жасөспірімдерді оңалтуға этномәдени бірлестіктер тартылғанын атап өтті.

Жамбыл облысы ардагерлер Кеңесі жанындағы билер кеңесінің төрағасы Есіркепов Оңласын Қарабайұлы жанжалдарды шешуге белсенді қатысып, медиаторлармен бірге халық арасында дауларды бейбіт жолмен шешудің мүмкіндіктері мен жағымды жақтарын белсенді насихаттап жүрген билердің жұмысы туралы айтып берді.

Іс-шараның модераторы, Жамбыл облысы әкімдігінің ІСБ “Қоғамдық келісім” КММ Медиация кабинетінің меңгерушісі Валентина Досыбиева қатысушыларды Медиация кабинетінің қызметімен таныстырды. Спикер этномедиацияның өзектілігіне баса назар аударып, бұл ретте алғашқы қадамдар жасалғанын атап өтті: – “Этносаралық жанжалдар және олардың алдын алу”, “Дағдарыстық және қақтығыстық жағдайларға әрекет ету алгоритмі” семинар-тренингтері өткізілді, оған мемлекеттік қызметшілер, күш құрылымдарының, білім беру саласының өкілдері қатысты. Алған базалық білім этносаралық қатынастарды үйлестіруге бағытталады және жанжалдар туындаған жағдайда оларды шешу үшін пайдаланылатын болады деп үміттенеміз. Валентина Досыбиева қатысушыларды Медиация институтын дамыту бойынша жұмыстың жаңа әдістері бойынша ұсыныстар жобасымен таныстырды.

Іс-шара медиаторлар өз тәжірибесінде кездесетін проблемалық мәселелерді айтқан диалог алаңымен аяқталды. Барлық қызықтырған сұрақтарға судьялар мен құқық қорғау органдарының өкілдері толық, құзыретті жауаптар мен кеңестер берді.

Жамбыл облысы әкімдігінің ІСБ

«Қоғамдық келісім» КММ

Баспасөз қызметі орталығы

Жақында “Елу жылда – ел жаңа” ҚБ Жұмыспен қамту мәселесін шешу үшін Тараз қаласы бойынша жұмыспен қамту орталығымен бос жұмыс орындары жәрмеңкесі өткізілді, оның жұмысына қалалық Өзбек мәдени орталығының төрағасы Абдырахман Зайнутдинов белсенді қатысты.

Іс-шара барысында № 55 орта мектебінде өткен іс-шараға мүмкіндігі шектеулі жандар мен қандастар келді. Бос орындар жәрмеңкесі-жұмыссыздардың жұмыс берушілермен тікелей кездесуге, қойылатын талаптарды, еңбек жағдайларын білуге және жұмысқа жолдама алуға мүмкіндік береді. Бұл жолы бос жұмыс орындарын 16 жұмыс беруші ұсынды. Мектептерде, дүкендерде, жанармай құю бекеттерінде және т.б. жұмыс істеу үшін қызметкерлер қажет болды.

Абдырахман Зайнутдиновтың айтуынша, Бос орындар жәрмеңкесінің қорытындысы бойынша 30-дан астам үміткер жолдама алды. 1 орынға 2-3 жолдама берілді және бір ізденуші қолына 3-4 жолдама алды. Бұл жұмыссыз жан үшін оның жұмысқа орналасу мүмкіндігін арттырды және жұмыс беруші үшін құзыретті қызметкерлер  табылып жатады. Сонымен қатар, іс-шараға келгендердің заңгерлік кеңес алу мүмкіндіктері қалыптасты.

Жамбыл облысы әкімдігінің ІСБ “Қоғамдық келісім”  КММ Баспасөз қызметі орталығы

Жаңа  Қазақстанды құрушы халық. Ия, әрқайсысымыз өзімізге осындай жауапкершілік жүктегенде ғана Президент реформалары сәтті жүзеге асады. Бұл тұрғыда  Мемлекет басшысының әркім өзінен бастау керек екеніне назар аударғаны бекер емес. Президент: Біз бұл өзгерістерді жұртқа жақсы көріну үшін жасамаймыз. Қағаз бетінде ғана жүзеге асырылған, бірақ шындыққа еш жанаспайтын жалған табыстарға масаттанып отыратын заман келмеске кетті.»-, деді.

Жаңару мен жаңғыру жолында Қазақстан биік белестерге жететіні анық. Бұл тұрғыда президент нақты іске көшкені белгілі. Жарқын болашаққа нық қадаммен жұмыс жасауға әрбіріміз үлес қосуға міндеттіміз. Президент бастамалары халық пен билік арасындағы сенімді арттырады.

Бұл жерде басты мәселе – елдің тәуелсіздігі мен аумақтық тұтастығын, бірлігін сақтау.

Сартив Алиев, Жамбыл облыстық «Барбанг»  күрділер қауымдастығының төрағасы

Біз бейбітшілік пен келісімнің салтанат құрған құтты мекеннің халқымыз. Ел тарихында талай нәубеттер, талай зұлматтар өтті. Сонда да Тәуелсіз ел атанып, оны көздің қарашығындай сақтап келеміз. Алдағы уақыттада бұл игі дәстүр жалғасын табады деп сенемін. Ең бастысы ел іргесі сөгілмесін деп тілейік. Ынтымақ бар жерде ырыс пен береке ұялайтыны рас.

Жақында президентіміз өз жолдауын жолдады. Бұл халықтың көптен күткені еді. Олда ақырын аяңдап жақындап келеді. Жалпы жолдау – стратегиялық құжат болып табылады. Аталған жолдаудағы міндеттерді жүзеге асыру мемлекетіміздің көкжиегін кеңейтеді, болашағын нұрлы етеді. Ел дамуы үшін жасалынып жатқан нақты жұмыстар бүгінде жұртшылықтың көңілінен шығуда. Мемлекет басшысының бастамаларын толық қолдай отырып, бұл жолдау бүкіл халық үшін қуатты жұмылдырушы бастама болатынына сенімдімін. Бүгінгі жолдаудың міндеттерін іске асыру Қазақстан дамуындағы ауқымды серпіліс үшін мүмкіндік болады деп ойлаймын.Заң   Жолдауда өзгерісті өзімізден бастауымыз керек, әрбір адам жаңғыруы керек және негізгі байлығымыз – еліміздің тәуелсіздігін қорғап, әлемдік ынтымақтастық алдында батыл, заңды реформалар жасауымыз қажет екені айтылды. Өз кезегімізде талантты, еңбекқор, бақытты өмір сүретін мемлекет болуын қалайтынымыз – Мемлекет басшысымен бірге ұштасып жатқан осы бір құндылықтарды алып жүретін сіз бен бізге деген үміт. Біз мемлекетімізбен бірге өркендеуіміз керек. Қазақстанның тұғыры биік болуы тиіс.

 Жалел Аббосов, Жамбыл облысы ҚХА төрағасының қоғамдық орынбасары

Қазақстан халқы Ассамблеясы Төрағасының орынбасары – Қазақстан Республикасы Президенті Әкімшілігінің Қазақстан халқы Ассамблеясы хатшылығының меңгерушісі М. Әзілхановтың Қазақстан халқы Ассамблеясы  қоғамдық келісім кеңестерінің орны мен рөлін концептуалды түрде анықтау жөніндегі тапсырмасын орындау мақсатында, ағымдағы жылдың шілде айында ҚХА қоғамдық келісім кеңестерінің қазіргі институционалдық жағдайына сараптама жүргізу үшін ҚР Ақпарат және қоғамдық даму министрлігі «Қоғамдық келісім» РММ қызметкері Олжас Қазбекұлы Шариязданов Жамбыл облысына жұмыс сапармен келді.

Іссапар аясында облысымыздағы этнос өкілдері тығыз шоғырланған Жамбыл, Байзақ, Меркі аудандарындағы Қоғамдық келісім кеңесінің төрағалары және белсенді мүшелерімен кездесті.

Кездесулер барысында қазіргі таңда Қоғамдық келісім кеңестерінің атқарып жатқан жұмыстарымен танысып, кеңестердің тиімділігін арттыру мақсатында ұсыныстар мен пікірлер тыңдалды. Облыстық Қоғамдық келісім кеңесінің жұмысына зерделеу жұмыстары жүргізілді.

Жамбыл облысы әкімдігінің ІСБ «Қоғамдық келісім» КММ баспасөз орталығы