Жамбыл облысының Қасқабұлақ ауылдық округінде облыстық “Барбанг” Республикалық күрділер қауымдастығы филиалының төрағасы Сартиф Алиев ауыл тұрғындарымен кездесті.

Кездесуде Мемлекет басшысы Қасым-Жомарт Тоқаевтың 2022 жылғы 01 қыркүйектегі “Әділетті мемлекет. Біртұтас ұлт.Берекелі қоғам” атты Қазақстан халқына Жолдауының негізінде ел игілігіне қатысты біршама мәселелер талқыланды. Этномәдени бірлестік басшысы С. Алиев Президент Жолдауына орай жергілікті тұрғындарға ақпараттық-түсіндіру жұмыстарын жүргізді. Сондай-ақ, жиынға Қасқабұлақ ауылдық округінің әкімі Жардис Усейнов те қатысты.

#Президентжолдауы

Баспасөз қызметі орталығы

Үстіміздегі жылдың 4-қазанында Таразда «Қоғамдық келісім» мекемесінде алғаш рет «Сенімен Болашақ» республикалық қоғамдық бірлестігі филиалының ұйымдастыруымен «Ұрпақ тәрбиесі – келешек қоғам тәрбиесі»  атты іс-шара өткізілді.

Қатысушылар арасында – «Ассамблея жастары» РҚБ филиалының мүшелері және Жамбыл облыстық ҚХА Аналар кеңесінің өкілдері,Абай атындағы Жамбыл гуманитарлық колледжінің студенттері, қала жастары бар. Сонымен бірге, мақсатты кездесудің құрметті қонақтары ретінде Әулие Ата өңіріне арнайы ат басын тіреген «Сенімен Болашақ»  республикалық қоғамдық бірлестігінің құрылтайшысы Нұркен Асанов және осы ұйымның төрағасы Жансая Исмағұлова, сондай-ақ, ерекше атап өтейік, филология ғылымдарының кандидаты, абайтанушы Омар Жәлелұлы да болды.

Іс-шара барысында колледж студенттері «Сарыарқа күйі» театрландырылған қойылымын көрермендерге талантты түрде көрсете білді.

Қатысушылар алдында іс-шараның сыйлы қонақтары Нұркен Асанов пен Омар Жәлелұлы сөз сөйледі. Жиынға қатысушылар аталмыш бірлестіктің қызметі туралы егжей-тегжейлі біліп, «Сенімен Болашақ»  республикалық қоғамдық бірлестігін 2021 жылдың тамыз айында құрылтайшы және кәсіпкер Нұркен Асановтың иелігімен құрылғандығынан хабардар болды. Бірлестіктің негізгі мақсаты – ата-аналардың бала тәрбиесінде ой-санасына әсер ету, олардың психологиялық-педагогикалық білімдері мен дағдыларын арттыру, жан-жақты қолдау көрсету.

Спикерлер қатысып отырған жастарды алға қойған мақсаттарына қол жеткізуге, өзін-өзі жетілдіруге, өзін жеке тұлға ретінде қалыптастыруға ынталандырды.

Ең басты салтанатты да маңызды сәт – Жамбыл облысы әкімдігінің ІІБ «Қоғамдық келісім» КММ, «Сенімен Болашақ» республикалық қоғамдық бірлестігі және өңіріміздің жастар ресурстық орталығы арасында өзара ынтымақтастық туралы меморандум жасасып, оған қол қою рәсімі болды. Меморандум өскелең ұрпақты дұрыс тәрбиелеуді қалыптастырып, оларға білім беруде адами капиталды дамытуға жәрдемдесетін болады деген сенімдеміз.

Іс-шара естелік-фотосессиямен аяқталды.

«Қоғамдық келісім» КММ Баспасөз қызметі орталығы

Зан айының басында қарияларға арналған мерекені атап өту жақсы дәстүрге айналды. Жас ұрпақ үшін олар еңбекқорлық пен табандылықтың, батылдық пен парасаттылықтың үлгісі болып қала бермек.

2022 жылғы 30 қыркүйекте Тараз қаласында «Қоғамдық келісім» КММ-нің ұйымдастыруымен Достық үйі ғимаратында Халықаралық қарттар күніне арналған мерекелік іс-шара өтті.

Мерекелік іс-шара мол дастарханымен, түрлі концерттік бағдарлама, сондай-ақ, жылы қауышу, тамаша көңіл-күйімен есте қалды. Дастарханға Жамбыл облысының этномәдени бірлестіктерінің қариялары, жасы үлкендері жиналды. Олардың барлығы – еліміздің өркендеуіне, бейбітшілік пен келісім саясатын қолдауға үлкен үлес қосқан жандар.

Жиынға қатысушыларды мейрамдарымен құттықтап, Жамбыл облысы әкімдігі ІІБ «Қоғамдық келісім» КММ басшысы Мүбарак Қасымқызы Жинақбаева, еврей қауымының ақсақалы Михаил Бунин, Аналар кеңесінің өкілдері және ұйғыр, өзбек, тәжік, қытай, поляк, еврей этномәдени бірлестіктерінің төрайымдары мен төрағалары жылы лебіздерін білдірді.

«Біз Қазақстанға барамыз», «Анама рахмет» және «Туған жер» әндерін талантты орындаумен «Поющие сердца» және «Juwell» вокалдық топтары, сондай-ақ, «Шабыт» триосы көрермендердің көзайымына айналды. Жеке вокалдық нөмірлермен Илья Филипов («Ягода малинка» әні), Вячеслав Лапшин («Отан Ана» әні), Ирада Ишанқұлова («Менің отбасым» әні), Камила Дүйсен («Сен мықтысың») және тағы басқалар өнерлерін ортаға салды. Жиылған жұртты «Бәйшешек» және «Қарлығаш» хореографиялық ансамбльдері қазақ және неміс билерін орындаумен қуантты. Сонымен қатар, №40-мектеп-гимназия оқушыларының орындауында поэтикалық композиция орындалды.

Мереке барысындағы ең әсерлі сәт сыйлықтар мен фотосессия болды.

«Қоғамдық келісім» КММ

Баспасөз қызметі орталығы

1-қазан Халықаралық қарттар күні қарсаңында Жамбыл облысы әкімдігі ІСБ «Қоғамдық келісім» КММ қаламыздағы  №2 әлеуметтік қызмет көрсету орталығының қарттарына арнап концерттік бағдарламасын ұсынды.

Қарттар күнін атап өтудегі басты мақсат – аз қамтамасыз етілген қарт адамдарға, жалғызбасты қарт зейнеткерлер мен қарт мүгедектерге ерекше көңіл бөлу, олардың қоғамдағы орнының тәрбиелік мәнін жастарға түсіндіру. Мерекелік кешке   «Қоғамдық келісім» КММ этномәдени бірлестік өкілдері қатысты. Концерттік бағдарламаға неміс этномәдени бірлестігінің «Поющиие сердца» және «Juwell» вокалдық ансамбльдері, «Шабыт» триосы сондай-ақ, Филипова Илья, Лапшин Вячеслав, Ишанкулова Ирада, Дүйсен Камила, Розанна Абишевалар әннен шашу шашса, «Бәйшешек», «Қарлығаш» би топтары түрлі этностардың билерін тарту етті. Аталған кешке №40 мектеп гимназияның бүлдіршіндері де өз үлестерін қосты.

Кеш соңында әлеуметтік қызмет көрсету орталығының әкімшілігі мерекелік кешті ұйымдастырушыларға алғыс хат табыс етіп, дәстүрлі кешті өткізушілерге өз ризашылықтарын білдірді.

Қамкөңіл қарттар кеш соңында өздерінің ыстық лебіздерін білдіріп, естелік суреттерге түсті.

Баспасөз қызметі орталығы

Халықтың аз қорғалған топтары әлеуметтік-экономикалық тұрақсыздық пен дағдарыс құбылыстарында қатты зардап шегеді. Бұл бірінші кезекте балалар үйі түлектеріне, көп балалы және толық емес отбасыларға, көшіп-қонушыларға қатысты. Жетім балаларға келетін болсақ, біздің елімізде олар толық мемлекеттік қамсыздандыруда. Мемлекет жастарды ұстауды, тәрбиелеу мен оқытуды толық қамтамасыз етеді. Дегенмен, олардың кәмелетке толмағандары өмірде болатын кейбір проблемаларды шешуге дайын емес.

Әлеуметтік бейімсіздік, тұрғын үйдің болмауы, тұрақты жұмыс, кәсіби дайындықтың жеткіліксіздігі… Оларды жеңе алмаған соң, олардың кейбіреулері қылмысқа қатысады, ал басқалары өз-өзіне қол жұмсайды. Халықтың осал топтарын қолдау үшін Жамбыл облысының «Мирэкл» балалар үйлері мен жетім балаларды әлеуметтік бейімдеу орталығы» ҚБ қоғамдық қабылдау бөлмесі жұмыс істейді. Сондай-ақ, Гүлсара Түктамышева және Рауф пен Тамара Сәбитовтар секілді ҚХА медиаторлары мәселені шешуге толыққанды атсалысады. Олар тұрғын үй, тұрғылықты жерді тіркеу, құжаттарды қалпына келтіру, сондай-ақ жеке, еңбек, отбасылық және басқа да дауларды шешуге байланысты мәселелерді қарастырады.

Қоғамдық қабылдау бөлмесінде өтініш білдіргендер міндетті түрде құқықтық кеңес, ал кейбір жағдайларда практикалық көмек алады. Мұндай мәселелерге консулдықтан азаматтықтың жоқтығы туралы анықтама, жеке басын куәландыратын құжаттарды алу, балаларды мектепке орналастыру мәселелері жатады. Қоғамдық қабылдау проблемалық мәселелерді мемлекеттік органдармен, ҮЕҰ-мен және тікелей байланыс орнатылған көршілес мемлекеттер: Қырғызстан, Өзбекстан және Тәжікстан консулдықтарымен ынтымақтастықта шешеді.

«Қоғамдық келісім» КММ Баспасөз орталығы