Ертеден қазақ пен қырғыздың төсекте басы, төскейде малы қосылған бауырлас халықтар. Егемен ел қатарына қосылғалы, қос ел экономикалық, әрі рухани жағынан өзара ынтымақтастық пен ортақ келісімде өмір сүріп келеді. Соның бір дәлелі, бүгін, қарашаның 7-і күні ұлттық келісім мен қоғамдық бірегейлікті одан әрі нығайту мақсатында Тараз қаласында «Қоғамдық келісім» мекемесінің демеулігімен және «Жамбыл облыстық «Манас Ата» қырғыз этномәдени бірлестігі» қоғамдық бірлестігінің ұйымдастыруымен қырғыз этносының мәдениеті мен өнері күні аталып өтті.

Шараға облыстық этномәдени бірлестіктердің белсенділері, жетекшілері мен жастары, қырғыз этносының өнер иелері және «Қоғамдық келісім» КММ басшылығы, баспасөз қызметі орталығы қатысты.

Іс-шара бірлестіктің ең жас өкілі Сағынбек Нұржігіттің қырғыз халқының салт-дәстүрі бойынша «Манас» эпосынан үзінді оқудан басталды. «Манас» жырын нақышына келтіріп жатқа оқып берген кішкентай Сағынбек жиылған жұртшылықты өзіне тәнті етті.

Сонымен бірге, «Манас Ата» қырғыз этномәдени бірлестігінің еңбегі сіңген өкілі Сағымбек Мырзабеков сөз сөйлеп, жалпыұлттық бірлікті нығайту бағытында жұмыс жүргізу – бірлестіктің негізгі мақсаты екенін жеткізді. Қырғыз халқының қазақ жеріне келуінен бастап, бүгінгі таңдағы тыныс-тіршілігінен сыр шертті. Қос халықтың арасындағы өнер мен ұлттық дәстүрлердегі, әдет-ғұрыптардағы ұқсастықтар, өзара бауырластықты сақтау туралы әңгімеледі.

Сондай-ақ, аталған қоғамдық бірлестіктің мүшесі Әділбек Акбалиев этностың атқарып жатқан жұмысы, әскерге шақырылу, жұмыссыздықтың алдын алу, «Ауыл – береке» базары аумағында қоныстанған және аталған сауда орнында жұмыс істейтін қырғыз этносы азаматтарының жай-күйі, миграциялық тіркелу сынды т.б. бірқатар мәселелерге тоқталып, ой-пікірлер ортаға салынды.

Мәдени шара барысында «Қоғамдық келісім» КММ басшысы Мүбәрак Қасымқызы Жинақбаева да қырғыз ағайындарды этнос күнімен құттықтап, жылы лебізін білдірді.

Сонымен қатар, жиында «Манас Ата» қырғыз этномәдени бірлестігі» қоғамдық бірлестігінің жетекшісі Абзалбек Ахметұлы Меңдібаев та: «Сонау ата-бабаларымыздан «қазақ-қырғыз бір туған» деген ынтымақ пен бірлікті арттыратын құнды сөз бар. Ия, қазақ пен қырғыздың өзара ұқсастықтары құндылығы жағынан өте көп. Биылғы жылы этномәдени бірлестік өз жұмысын қайта жандандыруға күш салуда. Алда талай мәселенің түйінін тарқатып, таным-таразысы жоғары істерді атқарамыз деп сенемін»-деді өз сөзінде.

Этнос күніне орай, Тараз топырағында өткен шараға жергілікті қырғыз халқының өнер иелерінің қатысуымен концерттік бағдарлама өткізілді. Баян аспабының сүйемелдеуімен Советбек Құлманбетовтың орындауында қырғыз халқының белгілі әндері шырқалды.

Жалпы қырғыз этносының этнос күніне арналған іс-шараның ойдағыдай деңгейде өтуіне бірлестік мүшелері Орынбасар Меңдібаев, Әділбек Акбалиев, Ералы Сейітов және этномәдени орталықтың Аналар кеңесінің мүшесі Амантұр Умбеталиевалар ерекше атсалысты.

Жиын соңы қырғыз халқының қонақтарға арнап жайған ақ дастарханынан дәм татылып, естелік суреттерге түсумен тәмамдалды.

«Қоғамдық келісім» КММ Баспасөз қызметі орталығы

Биылғы жылдың қараша айының 24 күні Қордай ауданы Қарасай батыр, Еңбек ауылдарының тұрғындарымен Жамбыл облысындағы этнос өкілдері тығыз орналасқан 32 елді мекен этнокартасы негізінде кездесу болып өтті.

Кездесу барысында «Қоғамдық келісім» КММ басшысы Мүбәрак Жинақбаева, Қордай аудандық Бірлескен қоғамдық келісім кеңесі төрағасы Мыктыбек Алтыбай ардагерлер, билер кеңесінің төрағалары, көп балалы батыр аналар, этнос өкілдерінің басшылары мен белсенділері, қандастар, жастар ресурстық орталығының өкілдерімен ауылдың хал-ахуалы туралы түрлі проблемаларды көтеріп, шешу жолын қарастырды. Саяси реформалардың, Жаңа Қазақстанның идеялары мен құндылықтарының маңызы, жалпыелдік «Бірлік даму үшін!» ұранымен этносаралық келісім түсіндірілді.

Бірлігі бекем, тірлігі көркем Қарасай батыр елді мекенінің тұрғындары жасап отырған іс, ауыл тұрғындарының ауызбіршілігі қалған көршілес ауылдарға айтарлықтай үлгі. Осы тұста сөзімізге дәйек болсын деп арнайы барған сапарымызда халықтың өз ауызынан жасалып жатқан игілікті істердің ақ қарасын анық естідік. Ауылда арнайы құрылған орта буын өкілдерінің азаматтары бар. Олар тұрғындардың барлық проблемаларын жіті аңғарып, шешу жолын қарастырады. Ауылдың керек-жарағын өздері ұйымдасып қамтамасыз етеді. Сондай-ақ, арнайы Жомарт түлек жобасы аясында елді мекеннің кем-кетігі реттеліп жатқан көрінеді. Ауыл азаматтары ел игілігі үшін жасалып жатқан бұл істерін әрі қарайда жалғап, халықтың алғысын арқаламақшы. Мұнда 12 ұлттың өкілі тұрады. Олара мемлекеттік тілді жетік меңгерген.

Этнокарта негізінде этносаралық жай-күйді зерделеу мақсатында өткен іс-шарада батыр аналардың, қыз-келіншектердің, жалпы әйел азаматтарының мәселелері де бей-жай қалмады. Бұл тақырып турасында «Қоғамдық келісім» КММ бөлім басшысы Аққу Қаратаева аналармен сырлы сұқбат жүргізіп, түйіткіл мәселелердің шешімін қарастырды. Бұдан өзге ерте некеге тұру және жүктілік, қыз балаларды әуелі білім алуға насихаттау мен тәрбиесіне баса назар аудару сынды т.б бірқатар мәселелердің ара жігі ажыратылды. Арасында кейбір аналардың проблемалары бойынша жеке қабылдау өткізіліп, кеңес берілді.

Іс-шара барысында «Қоғамдық келісім» КММ ҒСТ бас сарапшысы Ербол Қаншымбеков пен жастар ісі бойынша маман Рахат Ерханұлы ауыл жастарын жинап тимбилдинг өткізді. Онда округ жастарына қазақстандық қоғамдық келісім негіздерін, патриотизм, бірлік пен бірегейлікті түсіндіру жұмыстары жүргізілді.

Этнокарта негізінде этносаралық жай-күйді зерделеу жұмыстары арықарай Қордай ауданының басқа аулдарында жалғасатын болады.

«Қоғамдық келісім» КММ Баспасөз қызметі орталығы

Биылғы жылдың 23 қарашасында  Жамбыл облысындағы этнос өкілдері тығыз орналасқан 32 елді мекен этнокартасы негізінде «Қоғамдық келісім» КММ басшысы Мүбәрак Жинақбаева, Жуалы аудандық «Мехрибан» әзірбайжан этносының жетекшісі Эсмира Мамедова Жуалы ауданы Бауыржан Момышұлы ауылындағы аудандық мәдениет үйінде ауыл тұрғындарымен кездесу өткізді.

Ұлттар мен ұлыстар арасындағы ауызбіршіліктің жай-күйін саралау мақсат еткен іс-шараға ауыл ақсақалдары, ардагерлер, билер кеңесінің төрағалары, көп балалы батыр аналар, этнос өкілдерінің басшылары мен белсенділері, қандастар, жастар ресурстық орталығының өкілдеріқатысты.

Жиын барысында саяси реформалардың, Жаңа Қазақстаннның идеялары мен құндылықтарының маңызы, жалпыелдік «Бірлік даму үшін!» ұранымен этносаралық келісім түсіндіріліп, округ тұрғындарының түйіткілді мәселелерінің шешілу жолдары қарастырылды.

Кездесу барысында «Қоғамдық келісім» КММ ҒСТ бас сарапшысы Ербол Қаншымбеков пен жастар ісі бойынша маман Рахат Ерханұлы ауыл жастары арасында тимбилдинг өткізіп, округ жастарына қазақстандық қоғамдық келісім, бірлік пен бейбітшілік, ортақ Отанымыз Қазақстанның өсіп өркендеуі, жастардың бәсекеге қабілетті болып дамуының негіздерін түсіндірді.

Сондай-ақ, округтегі аналардың арасындағы алаңдатарлық жайлардың мәселесіне арнайы «Қоғамдық келісім» КММ бөлім басшысы Аққу Қаратаева үңілді. Ол этнос өкілдері арасындағы жағдайларды зерттеу шеңберінде көп балалы аналармен сұқбат жүргізіп, этностар жинақы тұратын елдімекендергі әр түрлі мәселелер бойынша кеңес беріліп, аналар тәрбиесі бойынша әңгіме өрбітті. Сұқбат барысында ерте некеге тұру, ерте жүктілік, қыз балаларды әуелі білім алуға насихаттау және т.б мәселелер көтерілді.

Жамбыл облысындағы этнос өкілдері тығыз орналасқан этнокарта негізіндегі сапар әрмен қарай Қордай ауданындағы ауылдардан жалғасын табатын болады.

«Қоғамдық келісім» КММ Баспасөз қызметі орталығы 

Үстіміздегі жылдың қараша айының 23 күні Жуалы ауданы Көлбастау, Талапты ауылдарының тұрғындарымен Жамбыл облысындағы этнос өкілдері тығыз орналасқан 32 елді мекен этнокартасы негізінде кездесу өтті.

Іс-шарада «Қоғамдық келісім» КММ басшысы Мүбәрак Жинақбаева, Жуалы аудандық   «Мехрибан» әзірбайжандар қауымдастығының төрайымы Эсмира Мамедовамен ауыл ақсақалдары, ардагерлер, билер кеңесінің төрағалары, көп балалы батыр аналар, этнос өкілдерінің басшылары мен белсенділері, қандастар, жастар ресурстық орталығының өкілдері кездесті.

Кездесудің басты мақсаты облыс аймағындағы  этнос өкілдері тығыз орналасқан  этнокарта негізінде этносаралық жай-күйді зерделеу болатын.

Мақсатқа сәйкес жиын барысында саяси реформалардың, Жаңа Қазақстаннның идеялары мен құндылықтарының маңызы, жалпыелдік «Бірлік даму үшін!» ұранымен этносаралық келісім түсіндіріліп, округ тұрғындарының түйіткілді мәселелері тыңдалды.

Сонымен қатар, іс-шара барысында  «Қоғамдық келісім» КММ ҒСТ бас сарапшысы Ербол Қаншымбеков пен жастар ісі бойынша маман Рахат Ерханұлы ауыл жастарын жинап тимбилдинг өткізді. Онда округ жастарына қазақстандық қоғамдық келісім негіздерін, патриотизм, бірлік пен бірегейлікті  түсіндіру жұмыстары жүргізілді.

Жиынның өзекті тұсының бірі округтегі этнос өкілдері арасындағы жағдайларды зерттеу шеңберінде көп балалы аналармен «Қоғамдық келісім» КММ бөлім басшысы Аққу Қаратаеваның сырлы сұқбаты еді. Батыр аналармен болған өзекті әңгіме барысында этностар жинақы тұратын елдімекендердегі әр түрлі мәселелер бойынша кеңес беріліп, аналар тәрбиесі турасында әлеуметтік мәселелер көтерілді. Бұдан өзге ерте некеге тұру, ерте жүктілік, қыз балаларды әуелі білім алуға насихаттау және т.б бірқатар мәселелердің ара жігі ажыратылды. Арасында кейбір аналардың шешімі қиын проблемалары бойынша жеке қабылдау өткізіліп, кеңес берілді.

«Қоғамдық келісім» КММ Баспасөз қызметі орталығы 

Ағымдағы жылдың 27-қазанында «Қоғамдық келісім» КММ «Мың бала» республикалық мәдени-ағартушылық жобасының облыстық кезеңінен іріктеу өтті.

Байқаудың басты мақсаты – мемлекеттік тілді меңгеруге ерекше қызығушылық танытқан өскелең ұрпақты, түрлі этностық топтардың жастарын ынталандыру шаралары арқылы қазақстандық бірегейлік пен бірлікті дамытуға жәрдемдесу.

Аталған іс-шараға Тараз қаласы мен аудандардағы мектеп мұғалімдері мен оқушылары (этнос өкілдері) және БАҚ өкілдері қатысты.

Аталмыш жоба мемлекеттік тілді үйрену арқылы жастарды патриоттыққа тәрбиелеу және балалардың қоғамдық белсенділігін арттыру, танымдық, сөйлеу қабілеттерін дамыту, тіл үйретудің жаңа форматтарын іздестіру, жастардың бойына кітап оқу мәдениетін, қазақ әдеби тілі мен поэзиясын меңгеруге қызығушылық дарыту, қазақстандық этностардың мемлекеттік тілді меңгерген жас өкілдерін анықтау, қолдау көрсету және ынталандыруға міндеттейді.

Мемлекеттік тілдің мерейін көтеруге бағытталған іс-шара тұжырымдамасы бойынша «Тіл мектебі» қазақ тілін оқытудың авторлық бағдарламалары, «Өнер алды – қызыл тіл» көркемсөз оқу мектебі, «Жарқыра, жас дарын!» ақындық байқауы, «Өнерлі өрге жүзер» музыкалық конкурсы жалпы 4 жоба бойынша байқаулар өткізді. Іс-шараға әр номинация бойынша оқушылар мен мұғалімдер – барлығы 40 үміткер қатысты.

Байқауда «Тіл мектебі» қазақ тілін оқытудың авторлық бағдарламалары номинациясы бойынша Тараз қаласы, №7 мектеп-гимназиясының мұғалімі – Манат Оралбаева І орын, Меркі ауданы, №44 жалпы орта білім беретін мектебінің мұғалімі – Айнұр Сүйімбаева ІІ орын, Қордай ауданы, №4 Балжан Бөлтірікова атындағы мектеп-лицейінің мұғалімі- Айнұр Тоқбаева ІІІ орынды иеленді.

«Өнер алды – қызыл тіл» көркемсөз оқу мектебі номинациясы бойынша Жуалы ауданы, №7 Т.Әкімов атындағы орта мектебінің оқушысы – Кристина Чакова І орын, Жамбыл ауданы, Бейсенбек Тайшапұлы атындағы орта мектебінің оқушысы – Руслана Чижикова және Байзақ ауданы, Ғ. Мұратбаев атындағы гимназияның оқушысы – Сона Бурханова, Талас ауданынан Рерих Дарья ІІ орын, Қордай ауданы, Д.Қонаев атындағы мектеп-гимназияның оқушылары – Райхан Қалыбаева, Абдумалик Турсунов және Жамбыл ауданы, Шайқорық орта мектебінің оқушысы- Зейнеп Фахулова ІІІ дәрежелі орынға тұрақтады.

Аталған номинация бойынша бақ сынасқан оқушылар өзге этнос өкілдері болса да мемлекеттік тілді жетік меңгергендіктерін көрсетіп, өздерін жыр шумақтармен таныстыруда да, шығармалардан үзінді оқуда да бір-бірінен қалысар емес.

Ал, «Жарқыра, жас дарын!» ақындық номинациясы бойынша І орынды Жамбыл ауданы, Айша бибі орта мектебінің оқушысы – Алина Айдаралы, Тараз қаласы, №34 орта мектебінің оқушысы – Гульмира Иминова ІІ орын, «Дарын» лицей-интернатының оқушылары – Руфина Бакирова және Назерке Эрнисбекқызы ІІІ орындарды иеленді.

Жоғарыдағы үш номинация бойынша бақ сынасқан үміткерлерге облыстық «Ақ жол» газетінің тілшісі Есет Досалы, қалалық білім бөлімінің әдіскері Гаухар Шеримова және «Жамбыл дарыны» аймақтық ғылыми-практикалық орталғының әдіскері Самал Ақбердиева қазылық етіп, шын жүйріктерді анықтады.

Жобаның бәсекесі қызу «Өнерлі өрге жүзер» музыкалық конкурсы бойынша Шу ауданы, Т.Әшімбаев атындағы орта мектебінің оқушылары Лунара және Динара Зайцевалар І орын, Жуалы ауданы, Ә.Бөкейханов атындағы №1 мектеп-гимназия оқушысы – Дарья Рудометова, Тараз қаласы, М.Мәметова атындағы №27 орта мектебінің оқушысы – Зульфия Юлдашева ІІ орын, Абай атындағы дарынды балаларға арналған мектеп-гимназиясының оқушысы – Гузаль Абдумуталибова және Шу ауданы, М.Х.Дулати атындағы орта мектебінің оқушысы – Гребюнук Роман ІІІ орындарды иеленді. Аталған номинация бойынша қатысушылардың өнері бір-бірінен асып тұр. Қазақтың ұлттық аспабы домбырада ойнау шеберліктер, ән айтудағы ерекшеліктері жиылған жұртшылықты тамсандырды. Аталған номинация барысында бақ сынасқан үміткерлерге мәдениет саласының үздігі, әнші, композитор Жандос Омаров, К.Әзірбаев атындағы облыстық филормонияның көркемдік жетекшісі Аида Смағұлова және «Мәдени көпшілік іс-шаралар» бөлімінің басшысы Біржан Уксикбаев қазылық етті.

Жоба жеңімпаздарына дипломдар мен бағалы сыйлықтар табыс етілді. Байқауға үміткер басқа да қатысушылар алғыс хаттар және ынталандыру сыйлықтарымен марапатталды.

Баспасөз қызметі орталығы