АСТАНАДА ҒЫЛЫМИ-ПРАКТИКАЛЫҚ КОНФЕРЕНЦИЯ ӨТТІ

/in /by
Үстіміздегі жылдың 24 қаңтарында Астана қаласында «Қазақстандағы бірлік
пен ынтымақ саясаты: тәжірибесі мен болашағы” атты халықаралық ғылыми-
практикалық конференция өтті.
Қазақстан халқы Ассамблеясының 30 жылдығына орай елордада өткен
жиынға Сенат пен Мәжіліс депутаттары, Ұлттық құрылтай және Ғылыми
сарапшылық кеңес мүшелері, жетекші ғалымдар қатысты. Жиында
этносаралық қақтығыстарды болдырмау, ұлттар арасындағы достық пен
келісім жайында мәселелер талқыланды.
Ауқымды жиынға Жамбыл облыстық ақпарат және қоғамдық даму
басқармасы «Қоғамдық келісім» мекемесінің қызметкерлері онлайн түрде
қатысты.

ЖАС ҒАЛЫМДАР КЛУБЫ АШЫЛДЫ

/in /by
Жамбылда ҚХА жанындағы ғылыми-сараптамалық топтың Жас Ғалымдар
клубы ашылды. Осыған орай Ш.Мұртаза атындағы ХТУ ғимаратында топтың
кеңейтілген отырысы өтіп, оған топ мүшелері, аймақтағы этномәдени
бірлестіктердің өкілдері, студенттер және БАҚ қатысты.
Клубтың ресми ашылуына модераторлық еткен Ш.Мұртаза атындағы
Халықаралық Тараз университетінің ректоры, Жамбыл облысы ҚХА
ғылыми-сараптамалық тобының төрағасы, педагогика ғылымдарының
докторы, профессор – Сарыбеков Махметғали Нұрғалиұлы клубқа мүшелік
ететін жас ғалымдардың тізімімен жеке-жеке, жіті таныстырды.
Жас ғалымдар клубына арнайы бекітілген ереженің талаптарына сай деп
табылған М.Х.Дулати атындағы ТарӨУ, Ш.Мұртаза атындағы ХТУ және Әл
Фараби атындағы ҚазМУ докторанттары, магистранттары, оқытушылары
және 4 курс студенттері мен «Ассамблея жастары» ҚБ мүшелері ұсынылды.
Олар дауыс беру арқылы бекітіліп, жетекшілері тағайындалды.
Енді аймақтық Ассамблеяның Жас Ғалымдар клубына Ш.Мұртаза атындағы
ХТУ «Ғылыми жұмыстар және халықаралық байланыстар басқармасы»
басшысы, PhD докторы Әбутәлипов Мурат Мұхтарұлы және Жамбыл
облысы әкімдігінің ақпарат және қоғамдық даму басқармасының «Қоғамдық
келісім» КММ ғылыми-сараптамалық қолдау бөлімінің жетекші сарапшысы,
әлеуметтік ғылымдар магистрі Жалпанова Рианна Русланқызы жетекшілік
ететін болады.
Жиын соңы жас ғалымдардың әрқайсына тиесілі атқарар жұмыстарына зор
жауапкершілікпен қарап, клуб жұмысын жандандыру туралы ұсыныс,
тілектермен тәмамдалды.

БІРЛІК ПЕН БЕЛСЕНДІЛІК МАҢЫЗДЫ

/in /by
Ағымдағы жылдың 23 қаңтарында облыстық ақпарат және қоғамдық даму
басқармасының «Қоғамдық келісім» КММ және Тараз қаласы әкімдігінің
ішкі саясат бөлімі «Жастар ресурстық орталығы» мекемесінің
ұйымдастыруымен №64 орта мектепте «Болашағымыз – бірлікте!»
тақырыбында жасөспірімдермен кездесу өтті.
Жиынға облыстық «Қоғамдық келісім» мекемесінің Көрме залының
меңгерушісі Жазира Шілдебаева, Ғылыми-сараптамалық қолдау бөлімінің
бас сарапшысы Ербол Қаншымбеков пен Жастар ресурстық орталығының»
жастар бастамаларын қолдау секторының мамандары Алима Қалисаева,
Ернар Нарбеков және аталмыш мектеп оқушылары қатысты.
Қазақстан халқы Ассамблеясының 30 жылдығы аясында өткен басқосу
еліміздегі ынтымақ пен этносаралық татулықты одан әрі күшейте отырып,
өскелең ұрпаққа бірлік пен келісімді насихаттауды көздейді.
Кездесу барысында аймақтық Ассамблеяның тыныс-тіршілігі, атқаратын
қызметі төңірегінде «Қоғамдық келісім» мекемесінің қызметкерлері Ербол
Бектұрғанұлы және Жазира Мейрамбекқызы жастарға кеңінен айтып берді.
Өз кезегінде жастар да бірлік пен бірегейлік төңірегінде ойларын ортаға
салды.
Жиын соңында өңірлік «Қоғамдық келісім» мекемесі тарапынан №64 орта
мектепке облыстық ҚХА туралы естелік кітап табысталды.

МЕН ЖӘНЕ ҚОРШАҒАН ОРТА» ТАҚЫРЫБЫНДА ҚАЛАЛЫҚ СЕМИНАР ӨТТІ

/in /by
Өскелең ұрпақты ұлттық құндылықтармен сусындатып тәрбиелеуде өңірлік
Қазақстан халқы Ассамблеясы «Ассамблея бөбектері» және «Біртұтас
тәрбие» бағдарламасы аясында қалалық білім бөлімімен тығыз жұмыс
жасауда.
Айта кетсек, өткен жылдың мамыр айында облыстық «Қоғамдық келісім»
мекемесі мен қалалық білім бөлімі «Бір тұтас тәрбие» бағдарламасына сай
«100 кіші бағдарлама» аясында әдістемелік материалдарды әзірлеудің 2024-
2026 жылдарға арналған жоспарын әзірлеп, меморандумға қол қойған
болатын.
Аталған жобалармен қатар «Жасыл ел, жасыл балабақша» жобасын
ілгерілету мақсатында №15 бөбекжай-балабақшасы мен «Алпамыс» ЖШС
балабақшасы бірлесе «Мен және қоршаған орта» тақырыбында қалалық
семинар ұйымдастырды.
Шара мектепке дейінгі балаларды қоршаған әлемді танып, табиғатты аялауға
және экологиялық мәдениетті қалыптастыруға бағытталған.
Жиынға қалалық білім бөлімінің әдіскері Гульфайруз Естаева, 15 бөбекжай-
бақшасының меңгерушісі Амина Саттибаева, «Алпамыс» ЖШС бөбекжай-
бақшасының меңгерушісі Айнаш Сейтжапарова және қалалық білім бөліміне
қарасты балабақша әдіскерлері мен тәрбиешілері қатысты.
Сонымен қатар, шараға қатысқан «Қоғамдық келісім» мекемесінің Көрме
залының меңгерушісі Жазира Шілдебаева, ұлттық құндылықтарды негізге
ала отырып, ел бірлігін нығайтуға, әділетті қоғам құруға білімді, адал
ұрпақты тәрбиелеуде мұндай жарқын жобалардың берері мол екендігіне
кеңінен тоқталып, қос балабақша ұжымына ертегі кітаптарын тарту етті.
Жиын аясында «Ақылды балақай» ойын аймағы мен «Жасыл ел – жасыл
әлем» және «Гүлдер әлемі және гүлдің бал шырыны» жобаларының
таныстырылымы өтті. Сондай-ақ, аталмыш балабақша ұжымы мен
тәрбиеленушілерінің концерттік бағдарламалары көпшілік назарына
ұсынылды.

АТА КӨРГЕННІҢ АҚЫЛЫ АРТЫҚ

/in /by
Ағымдағы жылдың 21 қаңтары күні Достық үйінде облыстық Ардагерлер
және ҚХА Ақсақалдар кеңесінің мүшелері өңірлік «Ассамблея жастары» ҚБ
өкілдерімен кездесті.
«Өскелең ұрпаққа өнегелі тәрбие» жобасы аясында өткен басқосу жастарды
еңбекке құрмет көрсетіп, адалдық пен үнемшілдікке тәрбиелеу секілді
құндылықтарды қалыптастыруға бағытталған.
Жиынды аймақтық Ассамблея төрағасының қоғамдық орынбасары, ҚХА
Ақсақалдар кеңесінің төрағасы Асқарбек Сейілхан жүргізіп, жастарға Ұлттық
құрылтайдың үшінші отырысында көтерілген негізгі мәселелер бойынша
ақпарат беріп өтті. Атап айтсақ, өскелең ұрпақты патриотизм арқылы еліне
адал еңбек ететін азамат етіп тәрбиелеу, бес кеселмен күресе отырып,
салауатты сана қағидаттарын қалыптастыру мәселелері кеңінен қаузалды.
Кездесуге облыстық Ақсақалдар кеңесінің мәдени және жастар ісі жөніндегі
төрағасы Мұхаметжан Байшоманов, төраға орынбасары Исмайл
Хаджимуратов және төралқа өкілдері Гүлзада Әлмаханова, Күләш
Қосатбекова, Майлыбай Смағұлов және желтоқсан көтерілісінің қатысушысы
Ақсұлу Таңсықбаева, облыстық “Қоғамдық келісім” КММ Медиация
кабинетінің меңгерушісі Валентина Досыбиева қатысып, жастарды адалдық,
әділеттілік және патриотизм рухында тәрбиелеу мәселелеріне тоқталды.
Сонымен қатар, алқалы жиында «Тараз қалалық Өзбек этномәдени
орталығы» қоғамдық бірлестінің төрағасы, өңірлік ҚХА Ақсақалдар кеңесі
төрағасының орынбасары Абдурахман Зайнутдинов пен облыстық ҚХА
Ақсақалдар кеңесінің мүшесі Исмайл Хаджимуратов жастарды қоғамға
қауіпті бес кеселден қашық болуға шақырды.
Жас буынды ерекше әсерге бөлеген кеш соңында жастар атынан сөз алған
облыстық «Қоғамдық келісім» мекемесінің жетекші сарапшысы Рахат
Ерханұлы кеңес мүшелерімен жиі кездесіп, пікір алмасып тұрудың маңызын
атап өтті.

РОЖДЕСТВО — ОЛ МЕЙІРІМДІЛІК

/in /by

Католиктердің рождестволық мерекелерін 6 желтоқсан – әулие Николай қайтыс болған күнін атап өтуден бастайды екен. Католик әлемі өз наным-сенімдерінде әулие Николайды асқан мейірімділігі үшін құрметтеген.

Бүгінгі күн оны құрметтеп еске алу жамбылдық поляк этносы үшін жылдағы дәстүрге айналған. Бұл күні поляктар бір-біріне, әсіресе балаларға өзгеше мейірімділік, қамқорлық және қолдау көрсетеді. Осыған қатысты үстіміздегі жылдың 21 желтоқсанында Тараз қаласының «Үміт» дәмханасында Алматы қаласындағы Польша Республикасы консулдығының қаржылай қолдауымен Жамбыл облыстық «Полонез» тілі мен мәдениеті орталығы» Поляктар қоғамдық бірлестігі балаларға арналған мерекелік іс-шара өткізді.

Жаңа жылдық іс-шарада балалар поляк, қазақ, ағылшын және орыс тілдерінде өлеңдер оқып, ән шырқады. Сонымен бірге, балалар мен ересектерге арналған әулие Николай және Рождество мерекелері туралы викториналар өткізілді.

Бұған қоса, орталықтың мүшелері де балалармен қоса ән шырқап, би билеп, сондай-ақ, әр поляктық отбасы «Рождествоға»  қандай дайындықтары барымен бөлісті.

ӨМІРШЕҢДІГІН САҚТАҒАН ЕРТЕГІЛЕР ЕЛІНДЕ

/in /by

Бүгін 2024 жылдың 22 желтоқсанында «Қоғамдық келісім»  КММ, Достық үйі ғимаратында Жамбыл облыстық Немістер қоғамы жылдағы дәстүр бойынша көрермендердің назарына ағайынды Гримм ертегілері желісімен «Қасқыр мен жеті лақ Рождествоны қарсы алды» театрлық қойылымын ұсынды.

Бала кезімізден бәріне белгілі бұл ескі ертегілер қазіргі заманымызда да өз өміршеңдігін жойған жоқ, кейіпкерлері бәріне танымал.

Сахнада «Рождество» мерекесі қарсаңында ағайынды Гриммдер өз ертегілерінің әр кейіпкерлерін қатыстыру арқылы жылда түрлі жаңа оқиғалар ойлап табады.

Мәселен, үлкенге де, кішіге де белгілі кейіпкерлер — Қызыл телпек, жеті лақ, екі әйгілі жағымсыз кейіпкерлер — бұлаңдаған қу қызыл түлкі мен қорқынышты сұр қасқыр, т.б.

Қойылымға немістер қоғамының балалардан және ересектерден құралған шығармашылық ұжымдары —«Singende Herzen»,  «Sterne», «SH», «Juwel», «Эремурус» және т.б. қатысты.

Музыкамен көркем айшықталған мюзикл-спектакль ешкімді бей-жай қалдырмады. Неміс халқының әуендерімен сүйемелденген сахналық қойылым, ондағы талантты орындаушылардың актерлық шеберлігі және композициясы жоғары концерттік бағдарлама көрермендердің көңіл-күйін көтеріп, аудиторияға тамаша әсер сыйлады.

Жарқын қойылым соңында Жамбыл облыстық Немістер қоғамының төрағасы Александр Абрамович Гибнер мерекелік іс-шараға жиналған қауымға ізгі тілектерін айтып, келе жатқан Жаңа жылдық қысқы мерекелерімен құттықтады

«ДОСТЫҚ КЕРУЕНІ» ЖОБАСЫ ҚОРЫТЫНДЫЛАНДЫ

/in /by

Ағымдағы жылдың 20 желтоқсанында «Қоғамдық келісім» мекемесінде «Достық керуені» жобасы қорытындыланды.

Бүгінгі күнге дейін этностарды қоғамдық өмірге интеграциялау, этносаралық саладағы тәуекелдердің алдын алу, мәдени-спорттық байланыс орнату мақсатындағы «Достық керуені» жобасы этностар жиі орналасқан 5 ауданда және Тараз қаласында өтті.

Биыл Жамбыл облысының 85 жылдығына арналған «Достық керуені» жобасының көздегені әр аудандағы этностардың дәстүрі мен мәдениетін таныту, облыстық ассамблея құрылымдары мен аудандық құрылымдар арасында байланыс орнату және тәжірибе алмасу болатын.

Керуен жұмысында Ақсақалдар, Аналар кеңестерінің 12 отырысы өтсе, ұлттық ойындар спартакиадасына 15 команда, «Өнерім саған, Қазақстан!» фестивалінің іріктеу кезеңіне 30 үміткер қатысқан. Сонымен қатар, Ассамблея жастары «PRO ANК» тақырыбында 10 кездесу ұйымдастырылып, «Менің елім, Менің Қазақстаным!» тимбилдингіне 200 жас тартылған. Жоба негізінде «Бірлік – әралуандылықта» атты жас суретшілер мен қолөнершілер фестивалі, одан бөлек балаларға арналған алаңшалар ұйымдастырылып, облыстық филармонияның арнайы цирк өнерінің мамандары өнер көрсетті.

Жалпы «Достық керуені» жобасы аясында 38 шара өткізіліп, 5000 -ға жуық адам қамтылды.

Атаулы жобаның қорытынды жиыны аясында бірлік пен бірегейлікке, этносаралық келісім мен тұрақтылыққа, қоғамдық дамуға белсенді атсалысқан, жыл бойы жұмыла жұмыс істеген еңбектері үшін этномәдени бірлестіетердің барлығына дерлік арнайы алғыс хаттар мен бағалы сыйлықтар табыс етілді.

Жиын соңы мерекелік концерттік бағдарламамен түйінделді.

 

ЖАМБЫЛДЫҚ ҚХА ЖУРНАЛИСТЕР КЛУБЫНЫҢ КЕҢЕЙТІЛГЕН ОТЫРЫСЫ ӨТТІ

/in /by

Ағымдағы жылдың 19 желтоқсанында Достық үйінде «Қоғамдық келісім» КММ ұйымдастыруымен ақпараттық жұмыс және қоғаммен байланыс бөлімі Жамбыл облысы ҚХА Журналистер клубының отырысын өткізді.

Журналистердің кезекті отырысында модераторлық еткен «Қоғамдық келісім» КММ басшысының орынбасары Сәуле Құрманқұлова қатысушыларға жемісті жұмысы үшін алғысын білдіріп, алдағы жылы атқарылар істерге шолу жасады.

Жиын барысында қатысушыларда өз пікірлерімен бөлісіп, имидждік жұмысты жақсарту бойынша идеяларын ұсынды. Сондай-ақ, есепті кезеңде журналистер клубы мен ақпараттық жұмыс және қоғаммен байланыс бөлімі бірлік пен келісімді нығайтуға бағытталған белгілі ақпараттық жұмыстар жүргізіп, олардың нәтижелеріменде бөлісті. Жалпы бұқаралық ақпарат құралдарында, мультимедиялық порталдарда, әлеуметтік желілерде Жамбыл облысы ҚХА-ның, оның құрылымдық бөлімшелерінің, облыстық этномәдени бірлестіктердің қызметі туралы материалдар тұрақты түрде жарияланған. Бүгінде оның саны 7523 материалды құрап отыр.

Жиынның күн тәртібінде 2024 жылы жарыққа шыққан материалдардың есептік мониторингі, Республикалық ҚХА Журналистер клубынының отырысы туралы, Жамбыл облысы ҚХА Журналистер клубының төрағасын тағайындау секілді мәселелер көтерілді. Аталған мәселелер аясында ақпараттық жұмыс және қоғаммен байланыс бөлімінің жетекші сарапшылары Ольга Макарова, Назерке Оңғар,Толғанай Атабай және Элизат Қонысбай баяндама жасады. Онда биылғы жылы ғана жарыққа шыққан «Татулық – мәңгі тұмарым» подкасты, жылдық материалдар саны және гугл құжаттардың сақталу туралы айтылды. Ал, Республикалық ҚХА Журналистер клубынының отырысы төңірегінде сөз сөйлеген Дионисий Пляшешник Қонаев қаласында өткен клубтың отырысынан алған әсері және бөлісер тәжірибелерін ортаға салды.

Күн тәртібіндегі соңғы мәселе бойынша жиналған журналистер бірауыздан облыстық «Ақ жол» газетінің тілшісі Марат Құлибаевты клубтың төрағасы етіп сайлады.

Жиын соңы клуб мүшелеріне алғыс хаттар және шағын сыйлықтар табыс етумен аяқталды.

ӨНЕРІМІЗ САҒАН, ҚАЗАҚСТАН!

/in /by

Ағымдағы жылдың 20 желтоқсанында Достық үйінде «Қоғамдық келісім» КММ ұйымдастыруымен «Өнеріміз саған, Қазақстан!» атты этномәдени берлестіктер фестивалі өтті.

Салтанатты жиын «Қоғамдық келісім» КММ басшысы Мүбарак Жинақбаеваның құттықтау сөзімен басталды. Өткен жылы атқарылған ауқымды істерді ауыз толтыра айтқан мекеме басшысы алдағы жылдың жоспарымен бөлісіп, ел игілігі мен бірлігінің мызғымас беріктігі жолында атқарған әр іске береке тілеп, этнос өкілдеріне жаңа жыл қарсаңындағы ақжарма тілегін арнады.

Сондай-ақ, іс-шара барысында мемлекет басшысының «Әділетті мемлекет. Біртұтас ұлт. Берекелі қоғам» атты Қазақстан халқына жолдауын қоғамға кеңінен насихаттау мақсатында өткен «Қазақстан халқының бірлігі Достық» атты республикалық байқауына қатысып, қоғам дамуына қосқан айрықша еңбегі үшін «Қазақстан халқының бірлігі ДОСТЫҚ» төсбелгісімен «Радонеж» орыстар қауымдастығының төрағасы Владимир Сорокин, «Қазақстандық татар және башқұрт конгресі» РҚБ аймақтық төрағасы Фарида Нақыш, «Жамбыл облыстық Тәжік этномәдени бірлестігі» ҚБ төрағасы Макхам Орифов марапатталды.

Фестиваль барысында жыл бойы ҚХА шеңберінде жұмыла жұмыс істеп белсенділік танытқан, облыстық ҚХА мүшелері мен құрылымдары, этномәдени бірлестік басшылары мен өкілдері, ансамбльдер және өнерпаздар марапатталды.

Мерекелік жиында өңірдің белсенді өнерпаздары мен этнос өкілдері ән мен жырдан шашу шашты.

Марапат алып мадақталған қонақтар алғыс айтып, естелік суреттерге түсіп тарқасты.

Page 6 of 158
1 … 4 5 6 7 8 … 158