Бірлік- адамдар арасындағы ынтымақтың,жарасымды татулықтың көрінісі,ел болудың белгісі. Сондай-ақ бірлік елдіктің, бейбітшіліктің басты кепілі. Берекені көздеген ел мерекелі тірлік жасаудан еш жалықпаған. «Береке бастауы-бірлік,ел іші тату тірлік» қағидасын ұстанған елдің болашағынан зор үміт күтуге болады.

Біздің еліміз бір шаңырақ астында қаншама этнос өкілдерін татулықта,ұйымшылдықта өмір сүруіне ықпал етіп келеді.Этносаралық келісім- бірлікті нық ұстап тұруға себепкер болады.Біздің елімізде әрбір этнос өкіліне деген қамқорлық шексіз.Қазақ елі өзгенің тегіне,нәсіліне,ұлтына тіліне қарамастан барлығына кең құшағын жаюға әзір. «Қиындық атаулыны жеңетін бір-ақ күш бар, ол-бірлік» демекші ел басына туған қиын күндерде еліміз басқа этнос өкілдеріне де жылуын көрсете білді.

Бүгінгі таңда Қазақстан халқы ынтымағы жарасқан, бірлігі берік ел екенін дәлелдеп отыр. Демек, бейбітшілікті аңсап,ынтымақтастыққа ұмтылып отырған әлем халықтарына үлгі бола аламыз.

Алдымызда әлі бағындырар асу көп. Біздің мұратқа жетуіміз еліміздегі бейбітшілікке, рухани тұтастығымызға,қоғамдық келісімді сақтауымызға байланысты. Ендеше облысымыздаға барша этнос өкілдеріне еліміздің алға жылжып,көркеюіне бірге үлес қосайық дегім келеді!

«Айнуры»  татар-башқұрт этномәдени бірлестігінің төрағасы Амир Халиков

Мемлекет басшысының айтуынша, 2023 жылдан бастап Президенттің, Парламент пен үкіметтің барлық негізгі саяси институты қайта іске қосылады және жаңартылады. Мәжіліс пен мәслихат сайлауының 2023 жылдың бірінші жартыжылдығында өтетіндігін Президент Жолдауында айтып, оның себебін де жіті түсіндіріп өткен болатын.

«Біз ашық бәсекелестік орныққан және бәріне тең мүмкіндік берілетін Әділетті Қазақстанды құрып жатырмыз. Ауқымды саяси өзгерістерді ашықтық, әділдік және өзара сенім арқылы жүзеге асыру аса маңызды. Жаңа сайлау науқанының мерзімдерін және оның ретін елге ашық жариялау шешім қабылдау кезіндегі ашықтық қағидатына сай келеді. Осы қадамның бәрі біздің «Күшті Президент – ықпалды Парламент – есеп беретін Үкімет» атты басты формуламызды біртіндеп нақты мән-мазмұнмен байыта түседі», – деді еді Қасым-Жомарт Тоқаев.

Бұл сайлау- мемлекеттік жүйені институционалдық жаңғыртуға арналған дәйекті саясат екендігін көрсетеді. Сонымен қатар еліміздегі әлеуметтік жағдайдың сапалы түрде өзгеруіне ықпал ететін шешімдерді жүзеге асыруға мүмкіндік береді.

Тарихымыздағы алғаш рет жаңа сайлау циклі туралы айтар болсақ, парламенттік сайлау өткізілгенге дейін алты ай бұрын белгілі болды.

Парламент пен мәслихаттардың саяси жаңаруы – Наурыз мерекесіне тұспа-тұс келіп тұр. Бұл еліміздің тұрақты және табысты дамуына бағытталған жаңа шешімдер қабылдауға жол ашады.

«Жамбыл облыстық өзбек этномәдени бірлестігі» қоғамдық бірлестігінің төрағасы

Бахром Муминов

Бүгін «Мемлекеттік органдар мен азаматтық қоғам диалогы – жаңа Қазақстан жағдайында халық бірлігін нығайтудың негізгі факторы» тақырыбында М.Х.Дулати атындағы Тараз өңірлік университетінде Жамбыл облысы ҚХА ғылыми-сараптамалық топтың кеңейтілген отырысы өтті.Негізгі мақсаты – Жамбыл облысының көпэтносты жағдайында қоғамдық келісім мен бірлікті нығайтуда азаматтық институттар мен мемлекеттік органдардың өзара іс-қимылының жаңа тетіктерін әзірлеудегі ғылыми көзқарастарды талқылау.

Жиынға Жамбыл облысы әкімінің орынбасары Үйсімбаев Еркін Құлымбайұлы және М.Х.Дулати атындағы Тараз өңірлік университетінің ректоры Байжуманов Мұхтар Қазбекұлы белсене қатысты. Іс-шараның модераторы- Жамбыл облысы ҚХА ғылыми-сараптамалық тобының жетекшісі,профессор Сарыбеков Махметғали Нұрғалиұлы. Қатысушылар құрамы этномәдени бірлестіктердің жетекшілерімен, Жамбыл облысы ҚХА Аналар кеңесінің өкілдерімен, ҚХА ардагерлерімен, Жамбыл облысының жоғарғы оқу орындарының өкілдерімен және ҚХА Журналистер клубының мүшелерімен толықты. Отырыс барысында «Әлеуметтік зерттеулер қоғам мен мемлекет арасындағы байланысты қамтамасыз ету құралы ретінде»тақырыбында баяндама оқылды. Сонымен қатар «Мектеп жасына дейінгі балаларды бірлік пен бірегейлікке тәрбиелеуде қазақ халқының ұлттық құндылықтарын пайдалану» жобасының қысқаша мазмұны таныстырылды.

Жиын соңында «НЕФРОС АЗИЯ» гемодиализ орталығының дәрігер-үйлестірушісі, Жамбыл облысы ҚХА ғылыми-сараптамалық тобының мүшесі, облыстық «Ахыска» түрік этномәдени бірлестігінің мүшесі Абдуллаев Дуниядар Мизамұлының «Амбулаториялық гемодиализдегі пациенттің жұмыс үстеліндегі кітабы» атты терең философиялық кітабының таныстырылымы мен тұсаукесері өтті.

«Қоғамдық келісім» КММ

Баспасөз қызметі орталығы

Жамбыл облысы ҚХА Халық шығармашылығы шеберлері клубының өкілдері Тараз қаласының аяқ киім өнеркәсібінің орталығы ретінде жандандырып, қолөнер саласының тың жақтарын дамытуда. Қазіргі уақытта көптеген сәнқой жандар киізден жасалған аяқ киімді жақсы көреді, өйткені олар оның тек жылы және ыңғайлы аяқ киім ғана емес, сонымен қатар әдемі де жайлы екенін және басқа аяқ киімдерге ұқсамайтын ерекшелігін де біледі. Өндірістің құпияларын біліп, оны өз қалауынша өрнек салып, этностильді пайдаланып түрлі қалыпта өзі қолдан жасауды үйренгісі келетіндер саны жетіп артылады.

Осы негізде, 2023 жылдың 12- қаңтарында ҚХА халық шығармашылығы шеберлері клубында аяқ киімді киіз басу арқылы дайындау шеберлік сағаттары өтті. Іс-шара Жамбыл облысының «Өшпес мұра» атты қолөнершілер қауымдастығы және «Жеке кәсіпкерлер және заңды тұлғалар» бірлестігімен бірлесіп өткізілді.

Естеріңізге сала кетейік, өткен жылдың желтоқсан айында осы ұйыммен ынтымақтастық туралы өзара меморандум жасалған болатын. Халық шығармашылығының шеберлік класының шеберлері Гүлжазира Құдайбергенова мен Сталина Хе шеберлік сағаттарынан құнды дәріс берді. Біздің өңірдің түрлі этномәдени бірлестіктерінен 15 қолөнерші киізден аяқ киім жасауды үйренуде. Қатысушылар осы үрдістің барлық кезеңдерін егжей-тегжейлі талдауға, тәжірибе алуға және киіз басып, одан аяқ киімді өз бетінше жасауға толық мүмкіндік алды.

«Қоғамдық келісім» КММ

Баспасөз қызметі орталығы

Жыл сайын елімізде 12-қаңтарда Қазақстан тарихына ірі мемлекет және саяси қайраткер, Қазақстан Компартиясы Орталық комитетінің бірінші хатшысы, Кеңес өкіметінің саяси комитетінің КОКП ОК Саяси Бюросының мүшесі, үш мәрте Социалистік Еңбек Ері және Қазақ КСР Ғылым Академиясының академигі ретінде енген Дінмұхамед Қонаевтың туған күні атап өтіледі. Атқарған лауазымдарында бұл кісі республикамыздың әлеуметтік-экономикалық дамуына үлкен үлес қосқан адам.

Осыған орай, бүгін, Тараз қаласында жылдағы дәстүр бойынша Дінмұхамед Ахметұлы Қонаев ескерткішіне гүл шоқтарын қою рәсімі өтті.

Іс-шараға мемлекеттік қызметкерлер, қоғам қайраткерлері және тағы басқалар қатысты. Көрнекті тұлғаға Құрмет көрсетуге келгендердің қатарында Облыс әкімдігінің Ішкі саясат басқармасы, «Қоғамдық келісім» мекемесі қызметкерлері, сондай-ақ, ҚХА мүшелері мен Жамбыл облысының этномәдени бірлестіктерінің өкілдері де болды.

«Қоғамдық келісім» КММ

Баспасөз қызметі орталығы