Қазақстан Республикасының Ғылым және білім министрлігі мен Жамбыл облысы әкімдігі Тілдерді дамыту басқармасының ұйымдастыруымен 2023 жылдың 31 наурызында Тараз қаласы «Қоғамдық келісім» КММ-де «Тіл –татулық тірегі» атты республикалық дөңгелек үстел өткізілді.

Дөңгелек үстелге ҚР Ғылым және жоғары білім, Ішкі істер министрліктерінің өкілдері,облыстардың, Астана, Алматы, Шымкент қалалары әкімдіктерінің тілдерді дамыту мәселесіне жауапты басшылары, Жамбыл облысының тіл жанашырлары, тілдерді оқыту орталықтарының директорлары мен оқытушылары, полиция департаменті,ішкі саясат, қоғамдық даму, білім, мәдениет басқармаларының басшылары, этнос өкілдері қатысты.

Алдымен іс-шараға қатысушылар «Тіл бірлігі» көрмесін тамашалап, «Ұлттық құндылық – ұлт қазынасы» бейнедәріс топтамасы, «Ғажайып киіз үй», «Сөйле» клубы, ҚХА жастарының «Бірлік тілі», «Тіл мектебі» жобаларымен, «Qazonline» мобильдік қосымшасымен танысты.

Алғашқы сөз ҚР Ғылым және жоғары білім министрлігі Тіл саясаты комитетінің төрағасы Ербол Ерденбекұлы Тлешовке берілді.

Келесі кезекте Жамбыл облысы әкімінің орынбасары Еркін Құлымбайұлы Үйсімбаев құттықтау сөз сөйледі.

Жиын барысында тілдік негізде кемсітушіліктің кез келген түрлеріне табанды қарсы тұрып,оның алдын алу және болдырмау,сондай-ақ мемлекеттік тілдің одан әрі дамуы мен практикалық қолданылуын ынталандыру мәселелері талқыланды.

Сондай-ақ, бірқатар сала қызметкерлері- Жамбыл облысы «Өрт сөндіру және авариялық-құтқару жұмыстары қызметі» мемлекеттік мекемесінің аға байланыс шебері,азаматтық қорғау аға сержанты Карина Карташова, Тараз қаласы №34 орта мектебінің директоры, Республикалық дүнгендер этномәдени бірлестігінің мүшесі Динара Нуралиева, «Банк Центр Кредит» акционерлік қоғамының менеджері, ҚР спорт шебері Виктория Хан, Жамбыл облысы полиция департаментінің аға инспекторы Диляфруз Кенжеханова, Жамбыл облысы Т.Рысқұлов ауданының Луговой ауылдық емханасының дәрігері Ольга Лушникова сөз сөйледі.

Сонымен бірге жиында тілдерді дамытуға қосқан үлестері үшін – Жамбыл облыстық «М.Қашқари атындағы Ұйғыр этномәдени бірлестігі» қоғамдық бірлестігінің төрайымы Мухабат Турдыева, Тараз қаласы №34 орта мектебінің директоры Динара Нуралиева, «Банк Центр Кредит» акционерлік қоғамының менеджері, ҚР спорт шебері Виктория Хан, Жамбыл облысы полиция департаментінің аға инспекторы Диляфруз Кенжеханова, азаматтық қорғау аға сержанты Карина Карташова алғыс хаттармен марапатталды.

Бұдан әрі іс-шара Жамбыл облыстық «Анаға тағзым» рухани тәрбие беру орталығында жалғасын тапты. Мұнда жұртшылыққа «Ситуациялық қазақ тілі» сабағының барысы, «Ана әлдиі», «Ана тілі» шешендік өнер мектебінің жұмыстары таныстырылды.

Сонымен қатар, қазақ, дүнген, өзбек, орыс, неміс, поляк түрік, тәжік этносының Аналар қауымы өз тілдерінде нақышына келтіріп, бесік жырларын орындап берді. Олардың қатарында:

1. Қазақ – Куненова Пайза Сайлаубекқызы;
2. Дүнген этносының өкілі – Азинаева Роза Шарипжанқызы;
3. Өзбек этносының өкілі – Худайбергенова Сабохати Дадабаевна;
4. Тәжік этносының өкілі – Давлатова Гульхумор;
5. Түрік этносының өкілі- Изъятова Роза Индоевна;
6. Орыс этносының өкілі – Оксана Дьяченко;
7. Неміс этносының өкілі-Осипова Татьяна Ивановна;
8. Поляк этносының өкілі –Харина Лариса болды.

Кең көлемде ұйымдастырылған республикалық «Тіл-татулық тірегі» атты дөңгелек үстел «Қызмет көрсетудегі мемлекеттік тілдің рөлі» тақырыбындағы форсайт-сессиясымен қорытындыланды.

Ақпараттық жұмыс және қоғаммен байланыс бөлімі

Тіл – күнделікті өмірде қарым-қатынас құралы ғана емес, халық мәдениеті, тарихы. Тіл үйрену арқылы адам өзгелердің мәдениетін, тарихын, салт-дәстүрі мен әдет-ғұрпын танып біледі. Қазіргі уақытта тілдерді үйрену өмірдің маңызды аспектісі болып табылады.

2023 жылдың 29 наурызында Тараз қаласындағы облыстық тілдерді оқыту орталығында «Мемлекеттік тілді және ана тілдерін дамыту» тақырыбында семинар-тренинг өтті. Оған өңірлік ҚХА және Жамбыл облысы этномәдени бірлестіктерінің өкілдері қатысты.

Атап айтсақ, олардың қатарында – Жамбыл облысы Тәжік этномәдени бірлестігінің төрағасы Махкам Орифов, Тараз қалалық «Өзбек орталығы» қоғамдық бірлестігінің төрағасы Абдрахман Зайнутдинов, Республикалық «Архыз» Қарашай-балқар қоғамдық бірлестігінің Жамбыл облыстық филиалының төрайымы Леля Узденова, Жамбыл облыстық «М.Қашқари атындағы Ұйғыр этномәдени бірлестігі» қоғамдық бірлестігінің төрайымы Мухабат Тұрдыева , Жамбыл облысының «Манас Ата» Қырғыз этномәдени бірлестігінің төрағасы Абзалбек Меңдібаев бар.

Іс-шараны Жамбыл облысы әкімдігінің тілдерді дамыту басқармасының тілдерді оқыту орталығы мен Жамбыл облысы әкімдігі ішкі саясат басқармасының «Қоғамдық келісім» КММ бірлесіп, мемлекеттік тілдің қолданыс аясын кеңейту, мемлекеттік тілдің дамуына қолдау көрсету мақсатында ұйымдастырды. Семинар-тренингте тілдерді меңгеруге, мемлекеттік және ана тілдерін меңгеруге ниет білдірген оқытушылар мен азаматтарға әдістемелік көмек көрсету туралы сөз қозғалды.

Қатысушылар мен баяндамашылар тілдерді дамытуға қатысты өзекті мәселелерді талқылады.

«Қоғамдық келісім» КММ

Ақпараттық жұмыс және қоғаммен байланыс бөлімі

Рамазан – айлардың сұлтаны, күнәлардың кешірілетін, мың айданда қайырлы Қадір түні бар шоқтығы биік ай.

Осындай берекелі Рамазан айына орай 2023 жылдың 26 наурызында Тараз қаласындағы «Үмид» дәмханасында Рустам Ташметов жетекшілік ететін «Volonter_Group_08_» қайырымдылық бірлестігі 300-ден астам қауымға үлкен ауызашар таратып, Наурыз мерекесін де атап өтті.

Іс- шараны ұйымдастырушылар келген меймандарды жылы жүзбен қарсы алды. Меймандардың қатарында Жамбыл облысының этномәдени бірлестіктерінің өкілдері, осы қайырымдылық бірлестігінің серіктестері болды.

Ауызашар сәт келгенде ораза ұстаушылар судан алғашқы жұтымдарын ішіп, тамақтануға кірісті. Шараға қатысушыларға мол дастарқан, дәмі тіл үйірер өзбек палауы, дәмді десерттер ұсынылды.

Ифтарға жиналғандарды қасиетті Рамазан айымен құттықтап, Тараз қаласы Өзбек мәдени орталығының төрағасы Абдурахман Зайнутдинов, ақын Наталья Гончарова ұйымдастырушыларға алғыстарын білдірді. Шара барысында Н.Гончарова қасиетті Рамазан айына арналған өлеңдерін оқыды.

Көпшілікке арнап берілген ауызашар жағымды эмоция мен рухани азық сыйлады.

“Қоғамдық келісім” КММ

Ақпараттық жұмыс және қоғаммен байланыс бөлімі

2023 жылғы 17 наурызда ҚХА медиаторларының Жамбыл политехникалық колледжінің студенттерімен консультативтік-әдістемелік кездесуі өтті. Мақсаты – жастар арасында құқықтық мәдениетті арттыру және қоғамдық тәртіп бұзушылықтарының алдын алу.

Кездесу аясында болашақ заңгерлер медиация негіздерімен және оның жанжалдарды шешуде қолданылуымен танысты.

ҚХА медиаторлары өз сөздерінде жастар арасында медиацияны енгізу қақтығыстарды, агрессия көріністерін, ондағы психологиялық және физикалық зорлық-зомбылықты азайтуға жағдай жасайтынын атап өтті. Валентина Досыбиева жастар арасындағы қақтығыстар құқық бұзушылыққа әкеліп соқтыратынын атап өтті және тәжірибеден мысалдар келтірді.(мүлікке қарсы, өмір мен денсаулыққа қарсы қылмыстар, есірткінің заңсыз айналымына байланысты іс-шаралар және т.б.).

«Жастар ортасында медиативтік практиканы қолдану жанжал жағдайларының санын азайтуға, психологиялық ахуалды жақсартуға, жастар арасында қоғамның толыққанды дамуы мен әлеуметтенуіне қолайлы жағдай жасауға мүмкіндік береді», – деп атап өтті ол.

Сондай-ақ, Ирина Федорова да:- “Өкінішке орай, көптеген оқу орындарында қақтығыстар туралы білімді ашатын пәндер жоқ, студенттерді олардағы ұтымды және сындарлы мінез-құлыққа дайындау жоқ, болашақ маман үшін, оның мансаптық өсуі үшін коммуникацияны сауатты жолға қою, сондай-ақ жанжалды жағдайларды бейбіт жолмен шеше білу қажет. Мұның бәрі болашақ маманның кәсіби құзыреттілігінің негіздеріне негізделген» – деп атап өткен еді.

Кездесу барысында қатысушылар медиаторларға қызықтырған сұрақтарын қойып, оларға толық жауаптар мен кеңестер алды.

Ақпараттық жұмыс және қоғаммен байланыс бөлімі

Бүгінгі күні Наурыз мемлекеттік мерекеге айналып, көпэтносты Қазақстанда тұратын барлық этностар үшін маңызды мейрамдардың біріне айналды.

2023 жылдың 20 наурызында Тараз қаласы Өзбек этномәдени орталығының ұйымдастыруымен «Бобур» мейрамханасында Наурыз мерекесіне арналған іс-шара өтті.

Мереке өтетін жерге жақындағанда халық аспаптарында музыканттардың орындауындағы өзбек әуені бірден естілді.

Шара қонақтары, оның ішінде Жамбыл облысы әкімдігінің «Қоғамдық келісім» КММ басшысы да өзбек этносының ұлттық киімдері мен тұрмыстық бұйымдарынан құралған шағын көрмені тамашалады. Сонымен қатар, көпшілік алдында халықтық салт-дәстүрлер көрсетіліп, рәсімдер өткізілді.

Наурыз мейрамына өзбек этносының өкілдері дәстүрлі мерекелік дастархан жайды. Мерекеге келгендер ақ дастарқаннан дәм татты.

«Қоғамдық келісім» КММ

Ақпараттық жұмыс және қоғаммен байланыс бөлім