Қоғамда билік пен халық арасында ашық диалог орнауы қажет. Бұл ел дамуының өзегі болмақ. Қазақстан Президенті Қасым-Жомарт Тоқаевтың биылғы Жолдауының түйіні осы: «Сындарлы қоғамдық диалог — Қазақстанның тұрақтылығымен өркендеуінің негізі» деп аталған құжатта Президент заман талабына сай мемлекет құру үшін алдымен азаматтардың барлық өтініш-тілегін жедел әрі тиімді қарастыратын «Халық үніне құлақ асатын мемлекет» тұжырымдамасын іске асыру қажеттігін алға тартты.

Бұл — «Күшті Президент — ықпалды Парламент — есеп беретін Үкімет» құрудың алғышарты. Саяси жүйенің бұл формуласын Қ.Тоқаев қазіргі геосаяси ахуалға бейімделген үйлесімді мемлекет құрудың және оның тұрақтылығының негізі деп атады. Ал заман талабына сай тиімді мемлекет құру үшін қоғамға бірнеше талап қойылды. Оның біріншісі — партия құрылысы үдерісін жалғастыру болса, екіншісі — халықпен тиімді кері байланыс орнату.

Ал қоғамдық диалог, ашықтық, адамдардың мұң-мұқтажына жедел назар аудару, ең алдымен, мемлекеттік органдардың міндеті екендігі айқын.

Президент Қасым-Жомарт Тоқаев 2 қыркүйекте Қазақстан халқына арнаған Жолдауында мемлекеттік органдар алдына маңызды міндеттер қойды. Соның бірі — тұрғындардың мұң-мұқтажына жедел назар аудару, тұрғындармен кері байланыс орнату. Яғни, халықтың қажеттілігіне уақытында шұғыл көңіл бөлу, ашықтық, диалогқа дайын болу мемлекеттік органдар қызметінің негізгі басымдығы болуы керектігін баса айтты. Бүгінде Президент Әкімшілігінде азаматтардың өтініштерін қарау сапасын қадағалайтын арнайы бөлім ашылды, бөлім арқылы кері байланыстың өңірлерде қалай жүріп жатқаны, қай бағытта жұмысты күшейту керектігі жөнінде үнемі ұсыныс беріліп отырылады.

Бұл –еліміз үшін өте үлкен бастама. Кеңестің мемлекет дамуына өзіндік үлес қосары сөзсіз. Диалог алаңы қазіргі қоғамға қажет. Ұлттық қоғамдық сенім кеңесін құру – үлкен шаруа. Бұл мемлекетке емес, халыққа қажет деп есептеймін. Кеңес арқылы билік пен халық арасында байланыс орнайды. Кеңес мүшелері өздеріне жүктелген жауапкершілікті түсінеді деп сенемін.

Ең бастысы, кеңесті Президент өзі басқарады, демек атқарылатын шаруалар 100 пайыз нәтижелі болмақ.

Марат ҚҰЛИБАЕВ,

облыстық «Ақжол» газетінің тілшісі,

ҚХА Журналистер клубының мүшесі,

ҚХА Ғылыми-сараптамалық тобының өкілі

Бүгін «Бірлік» облыстық жастар лагерінің екінші күні де сәтті өтті.

Бүгінгі күн таңғы сергітерлік жаттығудан бастау алды.

Таңғы астан соң жастар қауымы «Тіл-бірлік құралы» атты коучингке қатысты.

Алдымен үш топқа бөлініп берілген тақырыпқа сай(қазақ ертегіле) шағын көрініс көрсетті. Сондай-ақ қазақ тіліндегі сөздердің аударма

Күннің екінші жартысында бөлінілген топтар арасында «Этноквест» ойындары өтті.

Сонымен бірге, лагерь қатысушылары түрлі спорттық ойындарм мен жүзу жарысына да белсене атсалысты.

Ақпараттық жұмыс және қоғаммен байланыс бөлімі

2023 жылдың 23 шілдесінде Меркі ауданы «Тұран» демалыс орталығына өңірлік «Ассамблея жастары» қоғамдық бірлестігінің мүшелері үш күндік облыстық “Бірлік” жастар лагеріне жол тартты.

Іс-шараны аймақтық ҚХА-ның жыл бойы қарқынды еңбек пен танымды таланттарымен танылған жастары үшін «Қоғамдық келісім» КММ ұйымдастырды.

Жастар форумының ашылу салтанаты аталмыш бірлестіктің мүшелері мен жетекшісінің қатысуымен, және жастар шығармашылық ұжымының өнер көрсетуімен жоғары деңгейде өтті.

Жастардың көңілді әрі пайдалы өткізуі үшін ұйымдастырушылар тарапынан арнайы жоспар құрылды.

Жоспар бойынша лагерьдің бірінші күнінде бірлестіктің жастары үш топқа бөлініп, топтық ойындарға белсене қатысты.

Күннің екінші жартысында жастарға бүгінгі күнгі жас буындар арасындағы және қоғамдағы басты мәселелер мен тақырыптарға байланысты әлеуметтік ролик көрсетілді. Көрермен назарына ұсынылған роликтер талқыға түсіп, бірлестік мүшелері өзара талқылады.

Алдағы күндерге де қойылған жоспар бойынша қызықты іс-шаралар жалғасын табатын болады.

Ақпараттық жұмыс және қоғаммен байланыс бөлімі

Шекара әскерлері күзететін және қорғайтын ең қиын және жауапты бөлім- мемлекеттік шекара болып табылады. Шекарашылар өз елінің азаматтарының қауіпсіздігі мен өмірі үшін үлкен жауапкершілікке ие. Олар шекараны бұзу әрекеттерін тоқтатып, шұғыл қажет болған жағдайда бірінші болып жекпе-жекті қабылдайды және ең маңызды сәтте олардың кәсібилігі, батылдығы, үйлесімді әрекеттері бәрін шешеді.

ҚХА Аналар кеңесі жастарға патриоттық тәрбие беру, әскери қызметшілермен, мерзімді қызмет сарбаздарымен кездесу бойынша үлкен жұмыс жүргізуде.

Осыған орай, 2023 жылдың 19 шілдесінде Жамбыл облысы ҚХА Аналар кеңесінің төраға орынбасары Аракси Плетнева, облыстық Ардагерлер кеңесі жанындағы Аналар кеңесінің төрайымы Хадиша Оспанова, Ауғанстандағы соғыс ардагері Ермекбай Дүкенбаев үш заставада қызмет ететін шекара сарбаздарымен кездесті.

Кездесулер ашық диалог түрінде еркін форматта өтті.Қатысушылар отансүйгіштік, Отанды қорғау туралы әңгімелесті әңгіме қозғап,қызметтері туралы да өз пікірлерімен және әсерлерімен бөлісті. Шекарашыларға қонаққа келгендер Отан шекарасының қорғаушылары қалай өмір сүріп қызмет ететінін өз көздерімен көрді.

Ақпараттық жұмыс және қоғаммен байланыс бөлімі

2023 жылдың 18 шілдесінде «Қоғамдық келісім» КММ-де Облыс әкімі аппаратының басшысы, өңірлік ҚХА төрағасының орынбасары Мәди Мейірбекұлы Мәтен аймақтық ҚХА кеңесінің мүшелері мен этномәдени бірлестік жетекшілерімен кездесті.

Жиынның модераторы- ​ өңірлік ҚХА мүшесі және ҚХА төрағасының қоғамдық орынбасары – Ғұлам Умаров болды.

Ең алдымен қатысушылар М. Мәтеннің өмірбаянымен таныстырылды.

Бұдан соң, Жамбыл облысы әкімдігі ІСБ «Қоғамдық келісім» КММ басшысы Мүбәрак Қасымқызы Жинақбаева этномәдени бірлестік жетекшілерінің ақпараттық-түсіндіру және қоғамдық келісім жұмыстарындағы белсенділік туралы және Достық үйінің түйткілді мәселелері жайлы кеңінен айтып берді.

Іс-шара бейресми, еркін форматта өткізілді.

Кездесу барысында өңірлік ҚХА төрағасының қоғамдық орынбасарлары – Ғұлам Умаров пен Асқарбек Сейлханов, этномәдени бірлестіктердің төрағалары, Тараз қаласының Өзбек мәдени орталығы Абдрахман Зайнутдинов, Жамбыл облыстық «Шиват-цион» Еврейлер мәдени орталығының төрайымы Людмила Корнилина және «Қазақстан Татарлары мен Башқұрттары конгресі»  республикалық қоғамдық бірлестігінің Жамбыл облыстық филиалының төрайымы Фарида Нақыш сөз сөйледі.

Сонымен бірге, өңірлік «Әулие Ата» Қазақ мәдени орталығы» қоғамдық бірлестігінің төраға орынбасары Айгүл Кәбиқызы, өңірлік «Ассамблея жастары» қоғамдық бірлестігінің жетекші Хамида Тұрдыева бірлестіктердің жұмысы жайлы ақпарат беріп, пікір, ұсыныстарын білдірді.

Қатысушылар ҚХА мен этномәдени бірлестіктер жұмысының өзекті және перспективалы бағыттарын, жастармен жұмыс, мемлекеттік тілді үйрену, еріктілік туралы мәселелерді талқылады.

Кездесу барысында қатысушылар қойылған сұрақтарға мардымды жауаптар алды.

Ақпараттық жұмыс және қоғаммен байланыс бөлімі