Медиация қақтығыстарды шешудің балама әдісі ретінде қазіргі қоғамның моральдық және мәдени құндылықтарымен объективті қажеттілігі болып табылады.

Осы институттың дамуы Қазақстан Республикасының құқықтық жүйесін жетілдіру және қоғамның құқықтық мәдениетін арттыру тұрғысынан маңызды бола түсуде. Өздеріңіз білетіндей, медиативтік практика гуманистік тәсілге негізделеді және медиация адам құқықтары мен бостандықтарын қорғау саласындағы басым бағыттардың бірі болып табылады. Адам құқықтары тұжырымдамасының негізінде екі негізгі құндылық жатыр: адамның қадір-қасиеті мен теңдігі.

Әйелдер мен ерлер арасындағы теңдік, әйелдерге қатысты кемсітушіліктің барлық түрлерін жою Біріккен Ұлттар Ұйымының Адам құқықтары мен құндылықтары тұрғысынан маңызды.

Гендерлік теңдік қоғамдағы бейбітшілік пен келісімді қамтамасыз етуде және тұрақты даму негізінде адам әлеуетін толыққанды іске асыруда шешуші рөл атқарады.

Берікбол Ұзақұлы- Жамбыл облысы бойынша адам құқықтары жөніндегі уәкілдің өкілі

Қоғамдық бірлік пен бірегейлік қазіргі қоғам дамуының қозғаушы күшіне айналды. Бұл материалдық және адами ресурстарды неғұрлым орынды пайдалануға, материалдық әл-ауқат пен мәдени деңгейді арттыру міндеттерін тезірек шешуге мүмкіндік береді.

Біз-Қазақстан халқы, өңірдің ҚХА медиация қызметі мемлекетіміздің этносаясатын адамдарға түсіндіру және этносаралық қатынастар саласындағы жанжалдарды тиімді шешу арқылы елдегі халықтың бірегейлігі мен бірлігін нығайтуға өз үлесін қосады деп сенеміз.

Бүгін біз бәріміз елімізде этносаралық келісімді сақтау және нығайту жөніндегі мемлекеттік саясатты іске асыруда ынтымақтастыққа және өзара тиімді нәтижеге қол жеткізуге ұмтылуымыз керек!

Дауылбаева Сәуле Раймалқызы – Жамбыл аудандық Гродеково орта мектебі директорының тәрбие ісі жөніндегі орынбасары, өңірлік ҚХА медиаторы.

Жамбыл облысының медиация кабинеті қызметінің бағыттарының бірі отбасылық дауларға ықпал етуші медиация болып табылады.

Біздің жұмысымыз отбасылық жанжалдардың алдын алу, оны болдырмау. Бүгінгі таңда отбасылық құндылықтарды сақтау үшін жастармен кездесулер, диалог алаңдары өзекті бола бастады. Онда жас отбасында туындайтын проблемалық мәселелер талқыланып, отбасылық өмірге дайындық және қарым-қатынас орнату бойынша құнды нұсқаулар беріледі.

Амирова Нұрлыгүл Сейсенбайқызы – Жамбыл ауданы ҚХА медиаторы, аудандық мәслихат депутаты.

2023 жылғы 31 шілде – 4 тамыз аралығында еліміздің барлық өңірлерінде Медиация күнін мерекелеу шеңберінде (5 тамыз) Медиация апталығын және «Қазақстан халқы Ассамблеясы медиация кабинеттерінің Ашық есік күні» республикалық акциясын өткізу көзделген.  Іс-шараның мақсаты – ҚХА-ның қоғамдық құрылымдарын және қызметi Қазақстан Республикасындағы қоғамдық келiсiм мен ұлттық бiрлiктi қамтамасыз етуге байланысты мүдделi уәкiлеттi тұлғаларды жанжалдардың деңгейiн төмендету және халық арасында толеранттылық пен этносаралық келiсiм мәдениетiн тәрбиелеу мәселелерiнде шоғырландыру.

Іс-шараға: өңірлердегі ҚР адам құқықтары жөніндегі уәкілдің өкілдері, кәсіподақтардың, сот және құқық қорғау органдарының, әділет органдарының, түрлі деңгейдегі депутаттардың, адвокатура мен нотариаттың өкілдері, ҚХА қоғамдық құрылымдарының мүшелері: Аналар, Ақсақалдар кеңесі, ҚХА кафедрасының мүшелері, «Ассамблея жастары» РҚБ, ҚХА медиаторлары мен еріктілері, сондай-ақ Қазақстан Республикасында қоғамдық келісім мен жалпыұлттық бірлікті қамтамасыз етуге мүдделі азаматтық қоғам өкілдері қатысады.

Медиация апталығы барысында халық арасында сауалнама жүргізіледі, ҚХА алаңдарында медиативтік кездесулер, әлеуметтік желілерде «Бірлік пен келісім – қоғамның әл-ауқатының кепілі» челленджі, «Қазақстан халқы Ассамблеясы медиация кабинеттерінің Ашық есік күні» республикалық акциясы өтеді.

Барлық өткізілген іс-шаралар БАҚ-та, әлеуметтік желілерде және т.б. кеңінен жарияланатын болады.

*** *** ***

Ақпараттық жұмыс және қоғаммен байланыс бөлімі

Байланыс телефоны: 7(7262) 54-10-37,

8 707 450 12 43, 8 771 420 08 56

Поштасы:kogamdyq_kelisim_press_slujba@mail.ru

2023 жылдың 28 шілдесінде ҚР Президентінің ҚХА-ның ХХХІІ сессиясында берген тапсырмасы аясында Қазақстан Республикасы Президенті Әкімшілігі Басшысының орынбасары А.Ғ. Балаеваның төрағалығымен өткен отырыс хаттамасының 10.5-тармағын орындау мақсатында Министрліктің Қолданбалы этносаяси зерттеулер институтының ұйымдастыруымен онлайн форматта этносаралық қатынастар саласындағы ақпараттық-профилактикалық жұмыс бойынша әдістемелік семинар өтті.

Семинар бағдарламасы бойынша бірқатар тақырыптарда баяндамалар оқылды.

Атап айтқанда, Қолданбалы этносаяси зерттеулер институтының Ксенофобия мәселелерін зерттеу орталығының директоры Д.Ғали «Көпэтносты қоғамдағы әлеуметтік шиеленіс потенциалын анықтау әдістемесі» тақырыбындағы баяндамасында өңірлерде орын алатын әлеуметтік шиеленіс потенциалын анықтау бойынша кеңестер беріп, этностар көп шоғырланатын аймақтарда кездесетін мәселелерге төтеп бере алу қабілеттілікті арттыру негізінде көптеген мысалдар келтірді. Әлеуметтік шиеленісті шешу барысында оның туу себептерін анықтап алу керектігін алға тартты.

Қолданбалы этносаяси зерттеулер институты Әдістемелік және білім беру бағдарламалары орталығының менеджері Ә.Әміров «Ақпараттық кеңістіктегі этносаралық қатынастарды реттеудің негіздері» тақырыбында баяндама оқып, тақырыпты жан-жақты ашып, қатысушыларға кеңінен түсініктеме берді. Қазіргі таңда ақпараттың басты көзі болып табылатын ғаламтор арқылы этносаралық қатынасты реттеу бойынша бірнеше бағыттармен таныстырды. Ақпараттық себептерке анықтама беріп, оның түрлерін жіктеп айтып берді. Этносаралық қатынасты реттеуде оң және теріс ақпараттық қоғамға ықпалы жайлы да айтып өтті.

Келесі кезекте «Қоғамдық келісім» РММ Республикалық Достық үйінің қызметін қамтамасыз ету басқармасының бас сарапшысы Г.Біләлова «Аудандық және ауылдық әкімдіктермен Қазақстан халқы Ассамблеясының кешенді жұмысы» тақырыбында атқарылып жатқан және атқарылатын жұмыстар мен жобалар туралы сөз қозғады. Бүгінгі күні ҚХА аясында түрлі бағытта жүзеге асырылып келе жатқан мемлекеттік тілді дәріптеу мақсатында «Үйде сөйле», «Ұлы даланың ұлтаралық тілі», «Мың бала» сынды жобалардың, әлеуметтік маңызы бар «Ел мұрасы», «Таза орта», «Қасиетті парыз», «Jastar media», «Social Assembly», «Бірлік тілі» жобаларының жұмысы жайлы да айтып өтті.

Сөз соңында ҚХА-ның жұмысының жандануына бірге үлес қосу керектігін айтты.

Сонымен бірге, «Қоғамдық келісім» РММ Ақпараттық жұмыс және жұртшылықпен байланыс басқармасының жетекші сарапшысы Н.Досмағанбетова «Қоғамдық келісімді нығайту саласын ақпараттық қамту ерекшеліктері» тақырыбында сөз қозғап, кеңінен ақпарат берді. Өз сөзінде қоғамдық келісімді нығайту бағытында ғаламтор ресурстары, ақпарат көздері, әлеуметтік желілер маңызды рөл атқаратындығын айта кетті.

Сондай-ақ өңірлердегі ҚХА төрағаларының әлеуметтік желілердегі парақшаларына мониторинг жасап, мысалдар көрсетті. Ақпарат көздері арқылы қоғамға әсер ету жолдарын да атап өтті.

Аталған тақырыптар аясында көптеген мәселелер қаралып, қатысушыларға әдістемелік құралдар ұсынылды.

Ақпараттық жұмыс және қоғаммен байланыс бөлімі