2023 жылдың 9 қараша күні Меркі ауданы Жаңатоған ауылында аналар кеңесі Мақсұт Жылысбаев атындағы №14 жалпы орта білім беретін мектебінде «Ұмыт қалған қолөнер» тақырыбында іс-шара өткізді.

Іс-шараның алғашқы алғы сөзін аудан аналар кеңесінің төрайымы Қайнаркүл анамыз ашып, сол округ аналар кеңесінің төрайымы Базарбаева Жаңыл өз мүшелерімен, ауылдың қолөнер сүйер аналарымен ши тоқуды, сырмақ тігуді, киіз басуды, кілем тоқуды көрсетті.

Жиынға әр округтің аналар кеңесінің төрайымдары қатысты. Аудан аналар кеңесінің төрайымының орынбасары Роза Байбосынова іс-шараның өту барысына тоқталып, ұйымдастырушыларға алғысын білдіріп, ардагерлер мен ауыл округі әкімінің алғыс хаттары мен сыйлықтарын тапсырды.

Сонымен қатар ұлттар арасындағы ынтымақтастықты сақтау мақсатында сол ауылда тұратын әзірбайжан халқының «Қыз ұзату» дәстүрі өткізілді. Өз қолөнер бұйымдарын, тағамдарын тарту етті. Ұлттық биін, әнін, ойынын көрсетті. Қызды айттыру, оның қолына қына жағу, жеңгелерінің сыйлық тартулары, алтын тағулары, құрбандыққа малды шалуы, шамды айналып жүруі, қызды шығарып салуы,құрбыларының билері қоштасуы, қызыл белбеумен қыздың белін байлауы сияқты дәстүрлерін көрсетті. Мектеп оқушыларының ата-аналары қатысты. Ауыл әкімі ұйымдастырушыларға алғысын білдіріп,орамал жауып, рахметін жеткізді.

«Ақпараттық жұмыс және қоғаммен байланыс» бөлімі

Биылғы жылдың 7 қарашасында Тараз қаласы, Самал мөлтек ауданында

Қазақстан халқы ассамблеясының «Үйде сөйле» аулалық клубының ашылу салтанаты өтті.

Жиынға мөлтек ауданнның тұрғындары, өңірлік ҚХА «Ассамблея жастары» РҚБ өңірлік ұйымы мүшелері, этномәдени бірлестіктердің мүшелері мен жастары, ЖОО студенттері, еріктілер, қала тұрғындары қатысты.

Мақсаты – аула клубтары мен тұрғын үй кешендерінің коворкинг-аймақтарының қызметі шеңберінде сөйлесу клубтарын құру арқылы мемлекеттік тілді үйренуге жәрдемдесу.

Ашылу салтанатының алғы сөзі Жамбыл облысы әкімдігінің ішкі саясат басқарамасының «Қоғамдық келісім» КММ басшысы – Жинақбаева Мубарак Қасымқызы және Өңірілік «Ассамблея жастары» қоғамдық бірлестігінің жетекшісі -Турдыева Хамида Кахарджановнаға берілді.

Атап айтқанда, үйде сөйле жобасы – аула клубтары мен тұрғын үй кешендерінің коворкинг-аймақтарының қызметі шеңберінде сөйлесу клубтарын құру арқылы мемлекеттік тілді үйренуге ат салысуға арналған бірден бір жоба.

Ассамблеяның жас жарқын жұлдызы Айхан Фаизовтың орындауында «Мен қазақпын» әні шырқалды. Сондай ақ, заманауи гуманитарлық-техникалық колледжінің директоры Фарида Нақышқызы өз тілек лебізін білдіріп, самал мөлтек ауданының тұрғыны қарт әжеміз жастарға өз батасын берді.

Сонымен қатар «Ассамблея жастары» қоғамдық бірлестігінің орындауында «Құдаша» композициясы мен Ассамблея жастарынан құралған жігіттердің «лезгинка» биі баршаға қуаныш пен шаттық сыйлай білді.

Жүздеріне шаттық,жүректеріне мейірім, көңілдеріне қуаныш орнатқан іс-шарадан жиналған қауым ерекше әсер алып, барша ұйымдастырушыларға алғыстарын жеткізді.

Іс шара соңы Қалижан Саркеевтің орындауындағы «Самға Қазақ» әнімен қорытындыланып, тәттілер және ыстық бауырсақ таратылды.

Айта кетейік, жоба қазақ тілін оқыту мен оның қолдану аясын кеңейтуге, қазақ тілін этносаралық қарым-қатынас тілі ретінде дамытуға бағытталған. Бүгінгі таңда 4 өңірде (Астана қ., Алматы қ., СҚО,) аулалық клубтары ашылып, жұмыс жасайтын болады.

«Ақпараттық жұмыс және қоғаммен байланыс» бөлімі

Ғылым саласындағы жетістіктері мен адал еңбегі үшін Жамбыл облысы ҚХА ҰЭТ белсенді мүшесі, Тараз өңірлік университетінің профессоры. М.Х. Дулати, саяси қуғын-сүргін құрбандарын ақтау жөніндегі облыстық комиссияның мүшесі Сейдахан Бақторазов «Ғылымды дамытуға сіңірген еңбегі үшін» төсбелгісімен марапатталды.

Сондай ақ, саяси қуғын-сүргін құрбандарын толық ақтау жөніндегі мемлекеттік комиссияның жұмысына белсенді қатысқаны, іздестіру және алғашқы жинақты шығаруға материалдар дайындағаны үшін С.Бақторазов Алғыс хатпен марапатталды.

ҚХА, этномәдени бірлестіктер, облыстық ҚХА құрылымдары, облыстық «Қоғамдық келісім» мекемесі басшылығы мен ұжымы атынан С.Бақторазовты лайықты марапатымен шын жүректен құттықтаймыз!

Алдағы күндеріңізге де сәттілік, сарқылмас күш-қуат, шығармашылық табыстар тілейміз!

Денсаулығыңыз мықты, жүзіңіз жарқын, ғұмырыңыз ұзақ та баянды болсын!

«Ақпараттық жұмыс және қоғаммен байланыс» бөлімі

Қазақстан халқы Ассамблеясының 2022 – 2026 жылдарға арналған дамыту тұжырымдамасын іске асыру жөніндегі іс-қимыл жоспарының 10-тармағын орындау мақсатында, 2023 жылдың 31- қазанында  «Қоғамдық келісім» мекемесінің ұйымдастыруымен Достық үйі ғимаратында «Мәміле» қазақ тілі пікірталас клубы жобасының кезекті отырысы өтті.

Аталмыш жиынға құрамында колледж және  этнос жастарынан құралған клуб мүшелері қатысты.

Мәміледе қазақ халқының тарихи және мәдени мұрасын, салт-дәстүрлерін, менталитетін және өмірлік құндылықтар жүйесін зерделеу арқылы мемлекеттік тілді үйрену көзделген.

Мәміле клубының бүгінгі тақырыбы отбасы құндылақтарына негізделді.

Осы орайда өңірімізде қазақ халқынын құндылықтарын  кеңінен насихаттап жүрген белгілі зиялы қоғам белсендісі,  «Шерхан Мұртаза атындағы баспасөз үйі» мекемесі басшының орынбасары  Ринат Нұрақбаев «Тәрбие бастауы – Отбасы» тақырыбында өзекті мәселелерді қозғап, келелі  кеңестерімен  бөлісіп, жастарға үлкен ой салды.

Отбасының тәрбиелік қызметі ана және әке болуда, балалармен қатым-қатынаста, оларды тәрбиелеу жайлы ерекше айтып,  тәрбиелі отбасылық құндылықтарға құрмет, мемлекеттік тілге деген құрмет басты қағида болу керек екендігін айқын түрде жеткізді.

Сондай ақ, М.Х.Дулати атындағы Тараз өңірлік университетінің жастар ісі жөніндегі төрағасы  Арнат Ұлтанбаев жастар арасындағы проблемалық мәселелерді талдай отырып, жастарды қаржылық сауаттылық мәселесін, лудомания, аптекалық есірткіге тәуелділік сияқты келеңсіз ағымдардан аулақ жүруге шақырды.

-Патриот болу ерлік жасау емес, бағдарлы білім алу, отанға қажетті мамандықты игеру, қоғамның бір мүшесі болып қалану, еліміздің ұлтжанды азаматының бейнесін қалыптастыру, – деді Арнат Бегдалыұлы.

Айта кету керек, әр кездесуге қатысушыларға көмектесуге ниет білдірген қазақ тілді еріктілер, мәдениеттанушы, тарихшы, тілдің кәсіби оқытушылары, креативті және жарқын спикерлер тартылады.

«Ақпараттық жұмыс және қоғаммен байланыс» бөлімі