Қазақстан халқы Ассамблеясы бүгінгі таңда қоғамдағы топтастырушы және біріктіруші күшке айналып отыр. Ол мемлекеттің ұттық саясатының өзекті міндеттерін шешуге белсенді түрде атсалысады. Саяси оқиғалар мен жағдайларға сараптама жасай отырып, қоғамдық келісіммен татулықты сақтауды қамтамасыз етудің жолдары бойынша игі істер атқаруда.

Бүгінгі қоғамдағы өзгерістер халқымыздың ауызбірлігін, белсенділігін, әр азаматтың жеке басының жауапкершілігін талап етуде. Қоғамдағы келісім мен бейбіт өмір, саяси тұрақтылық үшін жан аямай қызмет ету, өз Отанына, отбасына елімен жеріне деген сүйіспеншіліктен ғана туындайды. Қазақтың ұрпақ тәрбиесімен пен дәстүр сабақтастығы, өзге этнос өкілдеріне құрметі секілді қасиеттері әрқашан оң және жоғарғы бағаға ие.

Еліміздегі этносаралық және конфессияаралық татулық көптеген елдерге үлгі себебі, сенімімен көзқарасы әр алуан ұлттар мен ұлыстар бір мемлекетте береке-бірлікте өмір сүріп келеді. Елдің бірлігімен татулығы біздің ең құнды жәдігеріміз!

16-желтоқсан – Тәуелсіздік мерекесі құтты болсын, Қазақстан халқы!

Сулейманов Абдукарим Исаевич, ҚХА Ақсақалдар кеңесінің мүшесі, Облыстық «Барбанг» Күрділер этномәдени бірлестігінің өкілі

«GAUHARTAS» мейрамханасында (ресторатор М. Лештаева) Тараз қаласындағы Өзбекстан орталығы төрағасының орынбасары, осы еріктілер тобының төрағасы Р.Ташметов бастаған «Volonter_ group_ 08» қоғамдық ұйымының волонтерлері 2 жылдық мерейтойын атап өтті.

Мәртебелі меймандар қатарында кәсіпкерлер, мейрамханашылар, облыстық және қалалық мәслихат депутаттары, «Қоғамдық келісім» КММ басшылығы, қала мен ауданның қоғам белсенділері бар. Құттықтауды Тараз қаласы әкімінің орынбасары Дәуір Дәулетов жеткізді.

Келесі кезекте мерекелік іс-шараға қатысушыларға демалыс агенттігінің аниматорларының қатысуымен тамаша шоу-бағдарлама, шынайы қуыршақтар, шығармашылық қойылымдар, сиқыршылардың, «Балауса» циркінің әртістерінің, танымал музыканттардың және т.б.

Сондай-ақ «Enigma models» модельдік агенттігінің қатысуымен сән көрсетілімі өтті.

Іс-шараға серіктестер қатарында – «Desert», «Somin» кондитерлік өнімдері, сондай-ақ «Olympus pizza doner», «Tatami sushi taraz» тікелей өз қолдауын білдірді.

Шара барысында бірқатар еріктілерге сертификаттар мен алғыс хаттар табыс етілді.

Мереке қатысушыларға көптеген жағымды эмоциялар сыйлады.

«Ақпараттық жұмыс және қоғаммен байланыс» бөлімі

Жамбыл облысы әкімдігі ІСБ «Қоғамдық келісім» КММ өңірдің өзгеде басқармаларымен біріге отырып «Бейбітшілік пен келісім» жобасын іске асыру бойынша өз жұмысын бастады.

Жоба аясында этносаралық және конфессияаралық келісімді нығайту үшін өзге этнос өкілдері көп шоғырланған елді мекендердің тұрғындарымен кездесіп, жеке сұрақтары бойынша қабылдау өткізді.

Бүгін тұрғындарды тыңдау үшін жиылған топ қаладағы №6 және Шөлдала шағын ауданындағы №19,59 жалпы білім беретін орта мектептерде болды.

Өзге этнос өкілдерінің сұрағына жауап беріп, бірлік пен тұрақтылыққа негізделген кездесу жұмысы екі күнге созылатын болады.

«Ақпараттық жұмыс және қоғаммен байланыс» бөлімі

Қайырымдылық – адамның рухани қазынасы. Мұндай қасиет адам бойынан ерекше мейірімділік және таза ниетімен ерекшеленіп тұрады. Мұқтаж адамдардың қажеттіліктеріне немқұрайлы қарамай, оларға барынша көмек көрсетуге тырысады. Жамбыл жері қайырымдылықты қайырлы іс деп қарайтын жаны жомарт жандардың тұрағы. Сөзімізге дәйек болсын ағымдағы жылдың 5 желтоқсанында «Ақпараттандыру, байланыс және технологиялар» колледжінің студенттері мен «Қамқор» қайырымдылық  іс-шарасын жасады. Еріктілер күні мерекесі қарсаңында ұйымдастырылған аталмыш шараның   демеушісі колледж директоры  Қаражігітова Саният Есенқызы.

Атап айтқанда , аз қамтылған және көпбалалы отбасыларға қой сойып, 7 бөлік етіп, таратты.

Айта кетейік, аталмыш колледж білімгерлері «Ассамблея жастары»  РҚБ ІСБ белсенді жастарының мүшесі.

Бұл Жамбыл облысы ассамблеясының жасап жатқан игі істерінің соңы емес, қайырымдылық акциясы әлі де өз жалғасын табады.

«Ақпараттық жұмыс және қоғаммен» байланыс бөлімі

Бейнелеу өнерінің дарынды шебері, біздің жерлесіміз Мұхамет-Омар Паншаевтың жарқын шығармашылығы тағы да лайықты құрметке ие болды!

Биыл Қазақстан Суретшілер одағының құрылғанына 90 жыл толады. Осы атаулы датаның құрметіне еліміздің бейнелеу өнері корифейлері естелік наградалармен марапатталды.

«Қазақстан Республикасының Суретшілер одағына 90 жыл»  мерейтойлық медалімен марапатталғандардың қатарында дүнген этносының танымал өкілі, Қазақстан Суретшілер Одағының мүшесі, ҚР еңбек сіңірген өнер қайраткері Мұхамет-Омар Паншаев та марапатталды.

Құрметті Мұхамет-Омар Сализұлы!

ҚХА мүшелерінің, өңірлік этномәдени бірлестіктердің, Жамбыл облысы ҚХА құрылымдық бөлімшелерінің, «Қоғамдық келісім» КММ өкілдерінің атынан Сізді лайықты марапатыңызбен шын жүректен құттықтаймыз!

Сізге зор денсаулық, сарқылмас шабыт, табысты шығармашылық ізденіс тілейміз! Әрқашан сіздің картиналарыңыз көрермендер мен сыншылардың жүрегінен орын таба біліп, лайықты мақтауларға ие болсын!

Ақпараттық жұмыс және қоғаммен байланыс бөлімі