АСТАНАДА ҚХА МЕДИАЦИЯ КЕҢЕСІНІҢ КЕҢЕЙТІЛГЕН ОТЫРЫСЫ ӨТТІ

/in /by

5 тамыз – елімізде медиация күні. Ағымдағы жылы «Медиация туралы» заңның қабылданғанына 13 жыл толып отыр. Осыған орай, күні кеше Астана қаласында өткен республикалық ҚХА медиация кеңесінің кеңейтілген отырысында бітімгерлік институтының атқаратын қызметі, қоғамдық келісімді сақтау және нығайту мәселелері төңірегінде тереңірек айтылды.

ҚР Мәдениет және ақпарат министрлігінің қолдауымен өткен шараға ҚХА Төрағасының орынбасары, ҚР Президенті Әкімшілігі ҚХА Хатшылығының меңгерушісі Марат Әзілханов ҚР Парламенті Сенатының депутаттары, ҚР Президенті Әкімшілігінің ҚХА Хатшылығының өкілдері, ҚР Мәдениет және ақпарат министрлігі Этносаралық қатынастарды дамыту комитетінің басшылығы, Білім және ғылым, Ішкі істер министрліктерінің, Бас прокуратура, ҚР Ұлттық қауіпсіздік комитетінің, ҚР Адам құқықтары жөніндегі өкілдері, сондай-ақ республикалық және өңірлік медиация кеңестерінің мүшелері мен БАҚ өкілдері қатысты.

ҚХА-ның «Елдесу және татуласу» жобасы шеңберінде ұйымдастырылған алқа отырысына облыстық ақпарат және қоғамдық даму басқармасы «Қоғамдық келісім» мекемесіінң басшысы Мубарак Жинақбаева, «Медиация» кабинетінің меңгерушісі Валентина Досыбиева да қатысып қайтты.

Алғы сөзінде Марат Әзілханов Мемлекет басшысының ҚХА-ның ХХХІІІ сессиясында берген тапсырмасына сәйкес Алматы, Түркістан және Жамбыл облыстарында этномедиация саласындағы мамандардың тәжірибесі барлық өңірлердегі Ассамблеяның бүкіл ұйымдастырушылық шеңбері бойынша кеңейгенін атап өтті.

Кеңес отырысы барысында ҚХА Республикалық медиация кеңесінің төрағасы, Ұлттық құрылтай мүшесі Шерзод Пулатов ҚХА Медиация кеңесі қызметінің перспективалары мен жаңа бағыттарымен таныстырса, ҚХА Төрағасының орынбасары Лугмар Буларов Қордай ауданындағы жанжалды шешудің тиімді шаралары туралы пікірімен бөлісті.

 

 

 

 

АЗАҚ ТІЛІН ОҚЫТУ БОЙЫНША КУРСТАР ӨТТІ

/in /by

ҚР Мәдениет және ақпарат министрлігінің қолдауымен Азаматтық бастамаларды қолдау орталығының жобасы аясында Жамбыл облыстық «Жаңа-Ру» жастар коалициясының қауымдастығы» заңды тұлғалар бірлестігі «Тілдік және этникалық белгілері бойынша ар-намыс пен қадір-қасиетті қорлаудың кез келген нысандарына жол бермеу» атты жобаны жүзеге асыруда.

Жобаның мақсаты түрлі этнос өкілдері тығыз шоғырланған қала, ауылдарда кемсітушіліктің кез-келген нысандарына жол бермеу, халықтың құқықтық сауаттылығын арттыруға бағытталған.

Аталған жоба аясында ағымдағы жылғы 30-31 шілде аралығында Zoom платформасында этнос өкілдеріне арналған 8 сағаттық қазақ тілін оқыту бойынша курстар өтті. Осыған орай біздің өңірден 20 этнос өкілі қатысты.

Сондай-ақ, қатысушыларға курсқа қатысқандығы туралы сертификаттар табысталды.

ZOOM ПЛАТФОРМАСЫНДА КЕЗДЕСУ ӨТТІ

/in /by

Мемлекет басшысы Қасым-Жомарт Тоқаев Қазақстан халқы Ассамблеясының «Бірлік. Жасампаздық. Өрлеу» атты ХХХІІІ сессиясында қоғам дамуына өзіндік үлесін қосып жүрген белсенді жастар қатарының артқандығын алға тартқан болатын.

Осы орайда, ҚР Мәдениет және ақпарат министрлігінің ұйықты болуымен «Zoom» платформасында «Ассамблея жастары» республикалық қоғамдық бірлестігі мен өңірлік «Қоғамдық келісім» мекемелерінің жұмысы турасында онлайн кездесу өткізілді.

Жиынды республикалық «Қоғамдық келісім» мемлекеттік мекемесінің директоры Элина Масагутова жүргізді. Аталған кездесуге облыстық ақпарат және қоғамдық даму басқармасы «Қоғамдық келісім» мекемесінің қызметкерлері және «Ассамблея жастары» РҚБ төраға орынбасары, бірлестіктің өңірдегі жетекшісі Хамида Турдыева да қатысты.

Онлайн режимде өткен басқосуда «Ассамблея жастары» республикалық қоғамдық бірлестігінің төрағасы Тимур Жұмырбаев жастарды қоғамдағы бірлік пен келісімді нығайту жөніндегі қызметке тарту жайы, ҚХА бастамалары мен жастар жобаларын қолдау тапсырмасын іске асыру мәселелері барысында ой қозғады.

АНАЛАР ДОЙБЫДАН ДОДАҒА ТҮСТІ

/in /by

Бұқаралық спортты дамыту әрі халықты салауатты өмір салтына бағыттау – еліміздегі күн тәртібіндегі маңызды мәселенің бірі.

Әсіресе, тұрмыс тіршілігінен қолы босамайтын аналардың спортпен шұғылдануы да айрықша маңызға ие. Осыған орай, ҚХА-ның “Салауатты сана” жобасын жүзеге асыру мақсатында Меркі аудандық Аналар кеңесінің өкілдері арасында дойбы сайысы ұйымдастырылды. «Аналар асыл жандар» атауымен өткен спорт жарысына ауданға қарасты 14 округтен 20 ойыншы қатысып, бақ сынады.

Айта кетейік, дойбы додасына Ә.Өмірзақова, Б.Молдраймова, Ә.Аманбаева, Р.Досумбекова, М.Увалиева, Р. Анафияева, Ы. Рай, О.Макашева, Р.Байбосынова секілді кеңес төрайымдары да белсене атсалысты.

Интеллектуалдық жарыс нәтижесіне сай А.Жазықбаева жеңіске жетсе, С.Отарбекова екінші орынға ие болды. Ал М.Тортаева үздік үштікті түйіндеді.

Сондай-ақ, «Көрермен көзайымы» аталымы бойынша Г.Беркімбаева және « Жеңіске деген құштарлығы үшін» Ә. Өмірбекова арнайы жүлдеге иелік етті.

Дзюдодан Қазақстан командасының белді мүшесі Елдос Сметов Париж Олимпиадасының чемпионы атанғанына баршамыз куәміз.

/in /by

Дзюдодан Қазақстан командасының белді мүшесі Елдос Сметов Париж Олимпиадасының чемпионы атанғанына баршамыз куәміз.

Отандасымыз осылайша ел қоржынына алғашқы алтын медальді сыйлады.

Жеңісті күндеріміз көп болсын! Жарайсың Елдос! Қазақ елінің даңқын шығарған жеңісті жолдарың тарихта алтын әріппен жазылып қалды.

Сенің талмас күш-жігерің мен асқан шеберлігіңді,адал азаматтық биігіңді,шынайы перзенттік сезіміңді, талантты өнеріңді жоғары бағалаймыз!

Өркендей бер,жүрегі ел деп соққан Елдос батыр!

Жаса, Қазақ елі!

 

Абзалбек Меңдібаев, Жамбыл облыстық «Манас Ата» Қырғыз этномәдени бірлестігінің төрағасы

Париж-2024: Жеңісті күндеріміз көп болсын!

/in /by

Париж Олимпиадасының алғашқы күндерінде-ақ ел қоржынына 3 жүлде түсті. Айтулы аламанда қазақстандық спортшылар Ислам Сатпаев пен Александр Ле жұбы нысана көздеуден қола медальге ие болса, жерлесіміз, жамбылдық дзюдошы Елдос Сметов алтыннан алқа тағынып, татами шебері Ғұсман Қырғызбаев қола медальді қанжығалады. Баршаңызды осынау айтулы нәтижемен шын жүректен құттықтаймын! Ел намысын қорғауға аттанған спортшыларымыз алдағы уақытта да жанкүйер қауымды қуантады деп сенемін. Бұл жетістік еліміздегі спорт түрлерінің қарқынды дамып келе жатқандығының жарқын көрінісі.

#TeamKazakhstan

#kazakhstanolympics

 

Абдурахман ЗАЙНУТДИНОВ, Тараз қалалық Өзбек этномәдени орталығының төрағасы

БАЙЗАҚТА ЖАҢА ЖОБА ТАНЫСТЫРЫЛДЫ

/in /by

Байзақ ауданында ҚХА төраға орынбасары Лугмар Буларовтың жетекшілігімен «Біртұтас қоғам: келісім және сенім» арнайы жобасы аясында мемлекеттік, денсаулық сақтау мекемелерінің қызметкерлерімен және мемлекеттік қызмет көрсететін, жұмыспен қамту орталықтарының қызметкерлерімен кездесулер және семинар-тренингтер өткізу жалғасуда.

Мемлекет пен қоғамның сенім мәдениетін, жалпыұлттық құндылықтарды, этносаралық қатынастар саласындағы мемлекеттік саясатты ілгерілетудің, қоғамдағы бірлік пен келісімді нығайтудың маңыздылығын алға тартқан іс-шараның иедологиясы Әділдік пен Жауапкершілік жалпыұлттық құндылығына негізделген. Жамбыл жерінде қарқында жүріп жатқан жобаның жиынына ҚР Президенті Әкімшілігінің ҚХА сектор меңгерушісі Қайрат Баймульдинов, Е.А. Бөкетов атындағы ҚарМУ заң факультетінің аға оқытушысы Р.Тоқатов, Байзақ ауданының прокуроры А.Мулкеманов, өңірлік ҚХА төрағасының қоғамдық орынбасары Ғұлам Умаров, Республикалық Дүнгендер этномәдени бірлестігінің төрағасы Зайнуддин Махусеев, Тараз қаласындағы Өзбек орталығының төрағасы Абдурахман Зайнутдинов, «Қоғамдық келiсiм» КММ басшысының орынбасары Сәуле Құрманқұлова және аудандық этномәдени бірлестіктердің жетекшілері қатысты.

Іс-шаралар барысында Қайрат Баймульдинов жобаның құрылу тарихына тоқталды. «Бұл жоба ХХІІ сессияның қорытындысы бойынша 2 айға әзірленді. Біз топ құрдық, жаттықтырушылар таптық. Қазір аймақтарға шығып, бейресми форматта түсіндіріп жатырмыз», – деді жоба кураторы өз сөзінде.

Сондай-ақ, өңірлік ҚХА төрағасының қоғамдық орынбасары Ғұлам Мұхтарұлы жоба таныстырылымы жиынында «Өздеріңізге белгілі ағымдағы жылдың наурыз айында Қазақстан Президенті Қасым-Жомарт Тоқаевтың төрағалығымен Қазақстан халқы Ассамблеясының «Бірлік. Жасампаздық. Өрлеу» атты ХХХІІІ сессиясы өткен болатын. Сессия шешімдеріне сәйкес 13 арнайы жоба жүзеге асыру көзделген. Міне бүгінде осы тапсырма нәтижесіне сай, Қазақстан халқы Ассамблеясы төрағасының орынбасары Лугмар Харкиевичтің жетекшілігімен «Біртұтас қоғам: Келісім және сенім» атты жобасын жүзеге асыру алғаш болып киелі Әулиеата жерінен бастау алды»-деді.

Ғұлам Мұхтарұлы бұдан өзге алдағы жылы бірлік пен келісімнің бірегей институтына айналған ҚХА-на 30 жылдығын да тілге тиек етті. Әулиеатадан бастау алған ауқымды жоба еліміздің барлық аймағында жүзеге асады деп жоспарлануда.

 

ҰМЫТ БОЛҒАН ҰЛТТЫҚ ӨНЕРДІ ҚАЙТА ЖАҢҒЫРТУҒА БАҒЫТТАЛДЫ

/in /by

Қазақ тарихындағы ең алғашқы сәулеттік құрылыстың бірі – киіз үй екені даусыз. Ал құнын жоғалтпаған қазақтың киіз үй жабдықтарының да түрі мен атқаратын рөлі ерек.

Ұмыт болған ұлттық бұйымды қайта жаңғырту мақсатында өңірлік ҚХА жанындағы қолөнер шеберлері Достық үйінде шеберлік сыныбын өткізді. Бұл жолы қолөнер шеберлері ертеде кез-келген шаңырақтан табылатын шашақ бауды жасап үйренді. Әсемдік үшін шаңыраққа ілінетін шашақ баудың қыр-сырын қатысушыларға «Qoloner-Taraz» қолөнершілер қоғамдық бірлестігінің өкілі Аманкүл Джантаева көрсетіп, түсіндірді.

«Шашақ бау өмір жасыңыз ұзақ болсын деген ниетпен үзілмеген жіптен жасалынады. Біз оған жолымыз оң болсын, аспанымыз ашық, өркеніміз өсе берсін деп түрлі түстерді таңдап алдық. Бірлігіміз ажырамасын деген тілекпен олардың әрқайсысының басын буып, біріктіреміз. Сол жерге ата-бабамыздан мұраға қалған бақыт түйінін түйеміз» – дейді Аманкүл Джантаева.

Шебердің айтуынша, шашақ бау жасауға көп уақыт кете қоймайды. Ең бастысы, оған ден қойып, шыдамдылық танытсаңыз болғаны. Өз қолыңыздан шыққан мұндай бұйымды достарыңызға, туған-туысқандарыңызға сыйлық ретінде ұсына аласыз.

 

«Ақпараттық жұмыс және қоғаммен байланыс» бөлімі

ҰМЫТ БОЛҒАН ҰЛТТЫҚ ӨНЕРДІ ҚАЙТА ЖАҢҒЫРТУҒА БАҒЫТТАЛДЫ

/in /by

Қазақ тарихындағы ең алғашқы сәулеттік құрылыстың бірі – киіз үй екені даусыз. Ал құнын жоғалтпаған қазақтың киіз үй жабдықтарының да түрі мен атқаратын рөлі ерек.

Ұмыт болған ұлттық бұйымды қайта жаңғырту мақсатында өңірлік ҚХА жанындағы қолөнер шеберлері Достық үйінде шеберлік сыныбын өткізді. Бұл жолы қолөнер шеберлері ертеде кез-келген шаңырақтан табылатын шашақ бауды жасап үйренді. Әсемдік үшін шаңыраққа ілінетін шашақ баудың қыр-сырын қатысушыларға «Qoloner-Taraz» қолөнершілер қоғамдық бірлестігінің өкілі Аманкүл Джантаева көрсетіп, түсіндірді.

«Шашақ бау өмір жасыңыз ұзақ болсын деген ниетпен үзілмеген жіптен жасалынады. Біз оған жолымыз оң болсын, аспанымыз ашық, өркеніміз өсе берсін деп түрлі түстерді таңдап алдық. Бірлігіміз ажырамасын деген тілекпен олардың әрқайсысының басын буып, біріктіреміз. Сол жерге ата-бабамыздан мұраға қалған бақыт түйінін түйеміз» – дейді Аманкүл Джантаева.

Шебердің айтуынша, шашақ бау жасауға көп уақыт кете қоймайды. Ең бастысы, оған ден қойып, шыдамдылық танытсаңыз болғаны. Өз қолыңыздан шыққан мұндай бұйымды достарыңызға, туған-туысқандарыңызға сыйлық ретінде ұсына аласыз.

 

«Ақпараттық жұмыс және қоғаммен байланыс» бөлімі

 

ЖОБА ЕЛ ИГІЛІГІ ҮШІН ЖҮЗЕГЕ АСЫРЫЛУДА

/in /by

Қазақстан халқы Ассамблеясының «Біртұтас қоғам: келісім және сенім» атты арнайы жобасы киелі Әулиеата өңірінде сәтті жүзеге асуда.

Апта басынан аймақтағы бірқатар аудандарда ҚХАТөрағасының орынбасары Лугмар Буларов аталмыш жоба төңірегінде кездесу ұйымдастырып, семинар-тренинг өткізуде.

Жемісті жобаның жалғасы Тұрар Рысқұлов ауданында да көрініс тапты.

Этномәдени орталықтарды қоғамдағы сенім мәдениетін дамытуға тартуды мақсат еткен жоба жиынына ҚР Президенті Әкімшілігінің ҚХА сектор меңгерушісі Қайрат Баймульдинов,  Е.А. Бөкетов атындағы ҚарМУ заң факультетінің  аға оқытушысы Р.Тоқатов,  Т.Рысқұлов ауданының прокуроры  Б.Қалыбаев, «Днепро» Украин мәдени орталығы» қоғамдық бірлестігінің төрағасы Федор Клименко, Республикалық Дүнгендер этномәдени бірлестігінің төрағасы Зайнуддин Махусеев, «Қоғамдық келiсiм» КММ басшысының орынбасары Сәуле Құрманқұлова қатысты.

Басқосу барысында қатысушыларға  Жамбыл өңірінде жүзеге асырылып жатқан аталмыш жоба таныстырылды. Жоба жайлы сөз алған ҚХА Төрағасының орынбасары Лугмар Харкиевич  мемлекет пен қоғам арасындағы сенім мәдениетін, ұлттық құндылықтарды, ұлтаралық қатынастар саласындағы мемлекеттік саясатты, қоғамдағы бірлік пен келісімді нығайтудың маңыздылығы туралы мәлімдеді.

Денсаулық сақтау, мемлекеттік қызмет көрсететін мекемелердің, жұмыспен қамту орталықтарының қызметкерлеріне арналған семинар-тренингтер мен кездесулерде Әділдік пен Жауапкершілік жалпыұлттық құндылығына негізделген жобаның идеологиясына тоқталып, сындарлы диалогтар,  ұысыныстар мен пікірлер айтылды.

Айта кетейік, ауқымды жоба Жамбыл облысында пилоттық режимде іске асырылуда.

Жиын соңында аудан прокуроры Б.Қалыбаев жобаның Жамбыл жері үшін берері мол екендігін айтып, жоба жетекшілеріне алғыстарын білдірді.

Page 11 of 149
1 … 9 10 11 12 13 … 149