Бейбітшілік пен келісім салтанат құрған күн

Бүгін 1 мамыр – Қазақстан халқының бірлігі күні. Мереке елімізде 1996 жылдан бері тойланып келеді. 1995 жылдың 18 қазанында Тұңғыш Президент Нұрсұлтан Назарбаев 1 мамырды жаңаша атау туралы Жарғыға қол қойды. Ұлт-ұлыстың бірлігі мен ынтымағын ұлықтайтын бұл күн елдің түкпір-түкпірінде жыл сайын тойланады. Мерекелік шеру өтіп, бұқара сауық құрып, сан ұлттың достығы мен татулығы паш етіледі.

Жылдағы дәстүрге сай биылғы жылы да өңірлік Достық үйінің алаңында мерейлі мереке аталып өтті. Әттегенайы сол жыл айналып жеткен мерекенің өткен жылдардан өзгешелігі 1- мамыр күні Достық үйіне ағылатын жұрттың қарасы қалың болмады. Елдегі пандемиялық жағдайға байланысты шағын түрде ғана атылып өткен шараға аймақ басшысы арнайы келіп этномәдени бірлестік басшылары мен өкілдерін құттықтады. Бердібек Мәшбекұлы өз сөзінде күні кеше ғана сессияда Елбасымыздың ҚХА билігін толығымен ел Президенті Қасым-Жомарт Тоқаев тапсырғанын, сонымен қатар ҚХА алдына жаңа міндеттер мен тапсырмалар қойғанына тоқталды.

Мерекелік шараның негізгі мақсаты – Қазақстан этностарын топтастыру арқылы қазақстандық бірегейлікті қалыптастыру; рухани бірлік идеяларын қалыптастыру және тарату, халықтар достығы мен ұлтаралық келісімді нығайту және сақтау болып табылады.

Іс-шараға Жамбыл облысы әкімі Бердібек Сапарбаев, облыстық этномәдени бірлестік басшылары мен өкілдері, қолөнер шеберлері, ассамблея жастар және т.б қатысты.

Мереке бастауы қонақтарды радио-концертпен қарсы алудан басталып, ары қарай «Қоғамдық келісім» КММ «Ұзақ өмір сүру» орталығы және көрме залы қолөнер шеберлерінің келушілерге арналған арнайы көрмесін тамашалаумен жалғасты. Көрмеге облыстың әлемге танылып жүрген Айдархан Қалиевтың «Асыл-Дизайн» коллекциясынан бастап облыстың белгілі қолөнер шеберлерінің туындалары қойылып, төмен бағамен сатылды.

Мерекелік іс-шара соңы көрме алаңында Жамбыл облыстық «Барбанг» күрділер ассоциациясы қоғамдық бірлестігі өнерпаздарының даңғара және сырнай аспаптарымен әр халықтың әндерінен попурри орындалды.

Жамбыл облысы әкімдігінің Ішкі саясат басқармасының

«Қоғамдық келісім» КММ Баспасөз қызметі орталығы

Бүгін мемлекетіміз үшін аса маңызды ХХІХ ҚХА «Бірліктің, татулық пен келісімнің 30 жылы» атты сессиясы өтті. Әрине жылдағыдай ерекше зор үмітпен күттік. Себебі, қазақстандықтар үшін әр жыл сайын шақырылатын сессяның маңызы өте зор. Ел үшін, жер үшін маңызды шешеімдер қабылданады. Биылғы сессияда мені елең еткізген ең басты нәрсе Елбасымыз Нұрсұлтан Әбішұлы Назарбаевтың аса көрегенділікпен өзі мәңгілік басқаруға тиесілі Қазақстан халқы Ассамблеясының басқару күшін Мемлекет басшысы Қасым-Жомарт Кемелұлы Тоқаевқа табыстауы болды. Елбасының «Қазақстан халқы Ассамблеясы тірек ретінде іс басындағы Президенттің жанында тұруы тиіс және екінші жағынан Мемлекет басшысы да Ассамблеяға арқа сүйейді. Сондықтан мен Ассамблеяны басқару құқығымды Президент Қасым-Жомарт Тоқаевқа беру туралы шешім қабылдадым» – деуі, Нұрсұлтан Әбішұлына деген құрметімді одан әрі еселегендей.

#МеніңҚазақстаным

Идыбо Айша Люшировна

Жамбыл облыстық «Вынхуа» дүнгендер этномәдени бірлестігінің мүшесі, ҚХА Аналар кеңесінің өкілі

Жамбыл облысы Қазақстан халқы ассамблеясы Аналар кеңесінің ұйымдастыруымен «Ізгілік айы» қайырымдылық шаралар легі жалғасуда. Соның бірі бүгін Достық үйінде осал топтар, әлеуметтік жағдайы аз қамтылған, көп балалы 9 отбасыға арнап азық-түлік салынған ауызашар  қалталарын таратты. Қалталарда ауыз ашуға қажетті деген (күріш, құрма, май, шекер,ұн, шұжық және ірімшік) барлық заттар қамтылған.

Жамбыл облысы әкімдігі Ішкі саясат басқармасының

 “Қоғамдық келісім” КММ Баспасөз қызметі орталығы.

ҚР Президенті Қ-Ж.Тоқаевтың медиация институтын дамыту жөніндегі Жолдауын іске асыру мақсатында 2021 жылғы 16 сәуірде Байзақ ауданы Түймекент орта мектебінде Байзақ ауданы ҚХА Медиаторлар қауымдастығы мен білім бөлімінің ұйымдастыруымен “Мектеп медиациясы-уақыт талабы” атты облыстық семинар өтті. Семинарға әкімдік, ішкі істер, білім бөлімінің өкілдері, ауылдық қоғам қайраткерлері, педагогтар, мектептің ата-аналар комитеті және аудандық ҚХА медиаторлары қатысты. Онда білім беру саласындағы медиация институтын ілгерілету мақсатында жалпы білім беру мекемелерінде мектеп медиациясы қызметін (ММҚ) құру мәселелері талқыланды

Спикерлер өз сөздерінде Мектеп медиациясы жанжалды азайтуға жағдай жасайды және оқушыларға құрдастарымен ғана емес, ересектермен де қарым-қатынасты сауатты құруға көмектеседі деген пікірде болды.

Байзақ ауданы ҚХА Медиаторлар қауымдастығының төрайымы-Көшекбаева Ғайни Ақылбекқызы өз сөзінде түрлі мәдениетаралық және этносаралық қақтығыстар туындауы мүмкін көп ұлтты сыныптардағы ОММ рөліне назар аударды. Мектеп медиациясы әдісі мұндай даулардың алдын-алу әдісі ғана емес, сонымен бірге жанжалсыз ұлтаралық қарым-қатынас идеясын қалыптастырады, жасөспірімдерде олардағы мінез-құлықты тәрбиелейді. Мектеп медиациясы әдісі мұндай даулардың алдын-алу әдісі ғана емес, сонымен бірге жанжалсыз ұлтаралық қарым-қатынас идеясын қалыптастырады, жасөспірімдерде олардағы мінез-құлықты тәрбиелейді. “Біздің тату және көпұлтты республикамыздың көпжылдық тәжірибесінде бірлікте-біздің күшіміз деп айта аламын! Көші-қон процестерінің күшеюіне байланысты этносаралық жанжалды азайту үшін балаларымызды өз халқының дәстүрлерін құрметтеуге ғана емес, басқа ұлттардың салт-дәстүрлері мен мәдениетін құрметтеуге үйрету қажет! Мұнда қауіпсіз кеңістіктің индикаторы ретінде медиацияның маңызды рөлі бар!”Одан әрі ҚХА медиаторы қатысушыларды медиацияның әдістемелік негіздерімен және оның білім беру жүйесінде қолданылуымен таныстырды. Оқыту интерактивті тренинг форматында жүргізілді, онда Инновациялық технологиялар қолданылды: кейстер, бейнероликтер көрсетілген квесттер, іскерлік ойындар. Мектеп әдістемелік қызметінің кураторлары мектеп медиациясы бойынша әдістемелік ұсыныстар алды.

Осы семинар аясында мектептегі медиация кабинеті салтанатты түрде ашылды! Мектептегі медиация қызметі бұл дағдыларды тек мектеп алаңында ғана емес, сонымен қатар болашақтағы іс-әрекеттерді қолдана отырып, дау-дамай жағдайында өзін-өзі ұстаудың жаңа мәдениетін қалыптастырады деп сенеміз.

Жамбыл облысы әкімдігі

Ішкі саясат басқармасының

«Қоғамдық келісім» КММ

Баспасөз қызметі орталығы

Рамазан айында Жамбыл облысы «Ахыска» түрік этномәдени бірлестігі шаһардағы аз қамтылған және көпбалалы 40 отбасыға азық – түлікпен көмек көрсетті. Қиын сәтте өзгенің жүгін жеңілдетіп, пана болу адамгершілік қасиеттің асылы. Акция ұйымдастырушылары аз қамтылған отбасылар мен көмекке зәру жандарға қолда барымен бөлісті. Қайырымдылықтың жалпы соммасы  400 000 теңгені құраған. Он екі айдың сұлтаны болған қасиетті рамазанда жасаған амалдарыңыз бен ізгі ниеттеріңіз қабыл болғай!

Жамбыл облысы әкімдігінің ішкі

саясат басқармасының “Қоғамдық келісім”

КММ Баспасөз қызметі орталығы