2024 жылдың 28 қаңтар күні Тараз қаласында «Қоғамдық келісім» КММ-де «Жамбыл облысы Немістер қоғамы» қоғамдық бірлестігінің жыл сайынғы облыстық есеп беру жиналысы өтті.

Ұйымның өткен жылғы қызметінің қорытындысын шығаруға Жамбыл облысының этномәдени бірлестіктері мен Немістер қоғамдық бірлестігінің өкілдері қатысты.

Айта кету керек, Немістер қоғамының облысымыздағы жұмысы – білім, тіл, әлеуметтік, этномәдени, жастармен жұмыс сияқты бірқатар бағыттарды қамту.

Конференцияда бақылау-тексеру комиссиясының 2023 жылға арналған қызметі туралы есебі тыңдалды.

«Ақпараттық жұмыс және қоғаммен байланыс» бөлімі

Орта Азия халықтарының киім кию, тігу, өрнектерінде сан ғасырлы тарих бар. Киімінен мәдениеті, дәстүрі, талғамы мен тәрбиесі ерекше көрініп тұратын халықтың бірі – Өзбек этносы.

Бүгін, «Анаға тағзым» орталығында «Қолөнер-мол өнер» атты облыстық ҚХА Аналар кеңесі жобасы аясында қалалық Өзбек этномәдени бірлестігінің Аналар кеңесі «Бойтұмар» шеберлер клубының тігіншілеріне арнап шеберлік сыныбын өткізді. Іс-шара барысында Сабохат Худайбергенова бастаған аналар кеңесінің шебер өкілдері келіндер, ерлер, күнделікті киетін және той киімдерінің тігілу техникасын көрсетті. Этностық ерекшелікті айшықтайтын ою-өрнектерімен таныстырды. Өзбек аналары киімнің пішілу жолдары, заманауи тігін тігу ерекшеліктері туралы тігіншілерге толыққанды ақпарат берді.

Өзбектердің дәстүрлі киімдері негізінен көйлек, шапан, орамал және этикадан тұрады. Ал, олардың заманауи хит-сарпасы (ұлттық шапандары) қазіргі таңда заманауи үлгіде, әсіресе еуропалық киімдердің ағынымен сипатталады.

Жиын барысында сөз сөйлеген «Анаға тағзым» орталығының басшысы, облыстық ҚХА Аналар кеңесінің басшысы Эльмира Мырза-Ғали әр ай сайын түрлі этномәдени бірлестік аналарының шеберлік сыныбы дәстүрлі түрде өз жалғасын табатынын атап өтті.

Тігін тігіп, ою ойған қыз-келіншектер әсем әуен, әсерлі әңгіме айтып, шеберлік сыныбының шырайын келтірді. Аналар айтқан ақыл мен келісті кеңестер, терең тәжірибелер «Бойтұмарлық» тігіншілердің қабілетін тыңайтты.

«Ақпараттық жұмыс және қоғаммен байланыс» бөлімі

2023 жылғы 20 қаңтарда Тараз қаласының Мәдениет үйінде Жамбыл облыстық «Радонеж» орыс қауымдастығы әдемі де әуезді әдеби-лирикалық «Орыс романсы» іс-шарасын өткізді.

Шара Рождество мейрамынан кейін орын алатын дәстүрлі шомылдыру рәсімінің мерекелік кеші ретінде өтті.

Іс-шараның басында көрермендерге романстың қызықты тарихы таныстырылды. Бұдан соң көрермендер аталған бірлестіктің шығармашылық тобы өнерін тамашалап, жоғары поэтикалық сөз бен сиқырлы әуен әлеміне еніп кетті.

Бұл полиэтникалық аудитория әр түрлі этностың басын біріктірген жарқын да көңілді, әрі әсерлі концерт болды.

Кеште орыс халқының данышпан ақындары мен композиторларының сөзі мен музыкасына жазылған шынайы және жарқын сезімдерге толы лирикалық романстары шырқалды.

Концерттік бағдарламада әдемі және өміршең орыс романсы жанры ғана емес, орындаушылардың өз көрерменіне өз музыка мерекесін сыйлаған 12 шығарма ұсынылды.

Мәселен, Борис Пастернактың, Иван Тургеневтің, Белла Ахмадуллинаның, Роберт Рождественскийдің романстарын Оксана Дьяченко, Надежда Карпенко, Любовь Шахова және Лилия Новичкова, Рустам Гаппасовтвң және басқалардың орындауындағы композициялар жиналған жұртты ерекше таң қалдырды.

Көпшілігімізге танымал «Свеча горела на столе», «Утро туманное», «А на последок я скажу…» әндері осынау кеште талайлардың жүрегіне жол тапты.

«Ақпараттық жұмыс және қоғаммен байланыс»  бөлімі

Бүгін, ағымдағы жылдың 15-қаңтарында «AMANAT» партиясының ғимаратында қоғамдық келісім мен жалпыұлттық бірлікті нығайту бағытында мемлекеттік саясатты іске асыру шеңберінде, республикалық жоба аясында «ҚР медиацияны дамыту» тақырыбында конференция өтті.

Іс-шараға медиация ісін дамыту бойынша «Халықаралық келіссөздер академиясы» қауымдастығы ЗТБ төрағасы, сертификатталған тренер-медиатор Қалмұхамбетов Сабыржан Қайыржанұлы, «Бизнестегі медиация сот істерін жеңілдету» тақырыбында Төраға кеңесшісі, халықаралық жобвларды басқару қауымдастығының мүшесі, IPMA «Level A» жоғары басқару деңгейінде сертификатталған Нұрлыбеков Азамат Қылышұлы жанжалдарды шешу, медиацияны кәсіби және кәсіби емес түрде жүргізу, сот медиациясын терең қарастыру және медиацияны ілгерілету сияқты т.б. мәселелер тұрғысында тұшымды ой-пікірлерімен, пайдалы кеңес және іске аларлық қонымды тәжірибелерімен бөлісті.

Жиынға Жамбыл облыстық кәсіби, кәсіби емес медиаторлар, «Қоғамдық келісім» КММ қызметкерлері және қалалық, аудандық Ардагерлер, Ақсақалдар кеңесінің белсенді мүшелері қатысты.

Алқалы отырыста Медиацияны насихаттау, медиаторларды оқыту және тиісті даярлау, медиаторлар мәртебесін көтеру, өзара іс-қимылдың бірыңғай алаңын құру, тәжірибе алмасу мәселелері көтерілді.

Қатысушылар өз пікірлерімен белсенді түрде бөлісіп, медиацияның дамуына ықпал ету бойынша өз ұсыныстарын енгізді.

«Ақпараттық жұмыс және қоғаммен байланыс» бөлімі