Челендж – Бахром Тохтасунұлы Муминов
25 қазан – Республика күнін мерекелеу қарсаңында ҚР АҚДМ және «Қоғамдық келісім» РММ, сондай-ақ, облыстық «Қоғамдық келісім» КММ-мен ұйымдастырылған «Біз үшін» пост-челленджін — Мен, Бахром Муминов жалғастырамын. Бұл челлендж арқылы Ханчжоуда өткен Азия ойындарында Қазақстан құрамасы күрестен алғашқы медальді жеңіп алған Тараз Мемлекеттік Педагогикалық институтының студенті, спортшы Бекәділ Шаймерденовпен жақын таныстырмақшымын.
Қазақстан үшін бұл Ханчжоудағы 28-ші медаль, оның 3-і алтын, 5-і күміс және 20-сы қола.
Сондай ақ, Бекәділ Шаймерденов «International Masters Bremen» атты жасөспірімдер арасындағы дзюдодан XXXI Халықаралық турнирде 73 келі салмақ дәрежесінде Әлем чемпионы атанған болатын.
Бекәділ үшін спорттың келешегі зор. Ол жастығына қарамай көптеген белесті бағындырып үлгерді. Алдағы уақытта да талай қарсыласын шаң қаптыратынына сенімдімін. Өйткені, ол өте еңбекқор және төзімді. Аталмыш қасиеттер спортта көп нәрсеге қол жеткізуге зор мүмкіндік береді.
Еліміз тәуелсіздік алған жылдан бастап Қазақстан жастары қай спорт түрінен болмасын байрақты бәсекелерде топ жарып, еліміздің абыройын асқақтатып жүр. Ел үмітін ақтайтын ерлеріміздің қатары көп болсын!!
Жамбыл облыстық Өзбектер этномәдени бірлестігінің және ҚР «Құраш» Федерациясының Президенті, Бахром Тохтасунұлы Муминов
